សណ្ឋាគារជប៉ុនបញ្ឈប់បុគ្គលិកមនុស្ស​យន្ត​ជាង ១០០​គ្រឿង

សណ្ឋាគារបញ្ឈប់បុគ្គលិកមនុស្ស​យន្ត​ជាង ១០០​គ្រឿង ដោយ​សារ​តែ​គ្មាន​ប្រយោជន៍។

រូបភាព AP

មនុស្ស​យន្ត​តូច​មួយ​នេះ​មាន​ភារៈកិច្ច​ឆ្លើយ​តប​​សំ​ណួរ​របស់​អតិថិជនអំ​ពី​ពេល​វេលា​ អាកាស​ធាតុបច្ចុប្បន្ន​ បើក និង​បិទ​ភ្លើង​។

សណ្ឋាគារ Henn na បើក​សម្ភោធសណ្ឋាគារ​មនុស្ស​យន្តនៅ Nagasaki ប្រទេស​ជប៉ុន​នៅក្នុង​​ឆ្នាំ ២០១៥ និង​ត្រូវ​បាន​ខាង​កំ​ណត់​ត្រា Guinness ពិភព​លោក​ទទួល​ស្គាល់ថាជាសណ្ឋាគារ​ដំ​បូង​នៅ​លើ​ពិភព​លោក​ដែល​ “ជួល” មនុស្ស​យន្ត​ធ្វើ​ជា​បុគ្គលិក​ក្នុង​ឆ្នាំ ២០១៦។

Henn na ក្រោយ​មក​បើក​បន្ថែម​សណ្ឋាគារ​មនុស្ស​យន្ត​ជាច្រើនផ្សេង​ទៀត​។ ភាគ​ច្រើន​បុគ្គលិក​មនុស្ស​យន្ត​មាន​រូប​រាង​ដូច​ជាមនុស្ស​​ ប៉ុន្តែ​ក៏​មាន​មួយ​ចំ​នួន​ដូច​ដាយ​ណូ​ស័រ សត្វ​ឆ្កែ -ល-។

ទោះ​យ៉ាងណាបន្ទាប់​ពី​ទទួល​ការ​រិះ​គន់​របស់​ភ្ញៀវ​​ និង​បុគ្គលិក​សណ្ឋាគារ​ផ្ទាល់ Henn na បាន​បញ្ឈប់​ជាង​ពាក់​កណ្តាលក្នុង​ចំ​ណោម​មនុស្ស​យន្ត​ ២៤៣ នេះ​។

តាម​ The Wall Street Journal (WSJ) ដោយ​សារ​តែ​មិន​បាន​ជួយ​កាត់​បន្ថយ​ការ​ងារ​នៅ​ក្នុង​សណ្ឋាគារ មនុស្ស​យន្ត​មួយ​ចំ​នួន​បែរ​ជាបន្ថែម​ការ​ងារ​សម្រាប់​បុគ្គលិក​ជាមនុស្ស​ ធ្វើ​អោយ​ពួក​គេ​កាន់​តែ​ហត់​នឿយ។

“ឥឡូវ​ពួក​យើង​មាន​អារម្មណ៍​ថា​ធូរ​ស្រាល​ជាង​មុនពេល​ដែល​មិន​ត្រូវបានភ្ញៀវ​ហៅ​ទៅ​ដោះ​ស្រាយ​បញ្ហា​ជាមួយនឹង​មនុស្ស​យន្ត​” បុគ្គលិក​ម្នាក់​ដែល​បាន​ធ្វើ​ការ​នៅ​សណ្ឋាគារ​រយៈពេល​​ ៣​ឆ្នាំ និយាយ​ប្រាប់​ WSJ។

មនុស្ស​យន្ត​ជំនួយ​មាន​ឈ្មោះ “Churi” ស្ថិត​ក្នុង​ចំ​ណោម​មនុស្ស​យន្ត​ដំ​បូង​ដែល​ត្រូវ​គេ​បញ្ឈប់​ការងារ បន្ទាប់​ពី​សណ្ឋាគារ​ឃើញ​ថា​វា​មិន​អាចឆ្លើយ​តប​នឹង​សំ​ណួរ​មួយ​ចំ​នួន​ដូច​ជា​កាល​វិភាគជើង​ហោះ​ហើរ​ និង​កន្លែង​កំ​សាន្ត​ជិត​នោះ។

មនុស្ស​យន្ត​មួយ​ផ្សេង​ទៀត​ត្រូវ​បាន​គេ​ត្អួញ​ត្អែរថាបាន​ដាស់​ភ្ញៀវ​អោយ​ភ្ញាក់ជា​ច្រើន​ដង​នៅ​ក្នុង​បន្ទប់ដោយ​សារ​តែ​គាត់​ដេក​ស្រមុក។

មនុស្ស​យន្ត​នៅ​កន្លែង​ទទួល​ភ្ញៀវ​ Henn na នៅ​ខាង​កើត​ Tokyo បែរជា “ស្ងាត់​ឆឹង” ពេល​ដែល​ភ្ញៀវ​ដើរ​ចូល រហូត​ដល់​ពេល​ការ​យល់​ឃើញ​របស់​វា​មាន​ការ​ប្រែ​ប្រួល​ទើប​វាស្រែក​ថា “សូម​ស្វាគមន៍​​ភ្ញៀវ​ទាំង​អស់”។

Hideo Sawada – អ្នក​គ្រប់​គ្រង​សណ្ឋាគារ Henn na ធ្លាប់​និយាយ​ជាមួយ​នឹង AP ថានេះ​​គឺជាការខិតខំប្រឹងប្រែងដ៏ម៉ឺង​ម៉ាត់ ដើម្បី​អនុវត្ត​បច្ចេក​វិទ្យា​ និង​បង្កើន​គុណ​ភាពបម្រើ​ភ្ញៀវ​ ហើយដើម្បី​កាត់​បន្ថយ​ការ​ចំ​ណាយ​លើ​ពលកម្ម​។

មនុស្ស​យន្ត​ដាយ​ណូ​ស័រ​ស្វាគមន៍នៅ​សាខា​ផ្សេង​ទៀតនៃ​សណ្ឋាគារ​ Henn na – រូបភាព GETTY

មនុស្ស​យន្ត​កន្លែង​ទទួល​ភ្ញៀវ​មាន​ជំ​នួយ​ពីមនុស្ស​យន្ត​តូច​ពីរ​ផ្សេង​ទៀត​សង​ខាង​ – រូបភាព AP

មនុស្ស​យន្ត Tapia ជួយ​ភ្ញៀវ​បើក​បទ​ចម្រៀង​ ប្តូរ​បុស្ត៍ទូរទស្សន៍ – រូបភាព AP

មនុស្ស​យន្ត​ដឹក​ជញ្ជូន​ឥ​វ៉ាន់របស់​ភ្ញៀវក្នុង​សណ្ឋាការ​ – រូបភាព AP

ប្រភព https://tuoitre.vn/

មើលបន្ថែម: