រូបភាពអ្នកបង្កើត Mitsubishi និងមេរៀនអាជីវកម្ម
តើអ្នកធ្លាប់ឮពីឈ្មោះអាជីវកម្មដ៍អស្ចារ្យទាំងបី ឬក្នុងភាសាជប៉ុន គឺ Sandaizaibatsu (ភាសាជប៉ុន) ឬនៅ?
សូមមើលទៅ logo ខាងក្រោមអ្នកនឹងអាចទាយបានថាជាអ្វី?
រូបភាព : http://ja.wikipedia.org/wiki/ភាសាជប៉ុន
នេះគឺជា “ផ្កាយ” ផ្នែកទាំងបីនៃសាជីវកម្ម Mitsubishi។
ឈ្មោះមានដូចជា Mitsubishi, Mitsui ឬ Sumimoto ដែលអ្នកធ្លាប់បានឮសុទ្ធតែស្ថិតនៅ “អ្នកមាន” នេះ។
ហើយអ្នកដែលឈរពីក្រោយប្រវត្តិសាស្រ្តបានបង្កើតឡើង
និងការអភិវឌ្ឍរបស់ Mitsubishi ត្រូវនិយាយពីអ្នកដែលបង្កើតគឺ លោក Iwasaki Yataro (ភាសាជប៉ុន) ។
រូបភាព : http://gunosy.com/articles/aEK80?s=s
Iwasaki Yataro (1835-1885) បានបង្កើត Mitsubishi ឆ្នាំ ១៨៧០ នេះគឺជាក្រុមហ៊ុនដឹកជញ្ជូនមួយ។
កើតនៅក្នុងគ្រួសារ Samurai ឋានទាបហើយតែងតែត្រូវខាង Samurai ឋានខ្ពស់មើលងាយរួមទាំងកសិករទាំងមូលក៍មើលងាយ។ រហូតដល់ត្រកូលក៍មិនមាន។
* កំណត់សម្គាល់៖ កាលពីសម័យនោះឋានដែលទាបដូចជា កសិករ ទាសករ … មិនអាចមានត្រកូល។
មិនអាចទ្រាំបាននឹងភាពអយុត្តិធម៌នៅក្នុងសង្គមសម័យនោះ Iwasaki ជាយុវជនដែលមិនមានចំណេះដឹងក្នុងផ្នែកអាជីវកម្មបែរជា ក្លាយទៅជាអ្នកមាន និងជាផ្លូវការបានទិញត្រកូលអោយខ្លួនឯង។
ជីវិតរបស់ Iwasaki គឺឆ្លងកាត់ការលំបាកច្រើន តាំងពីពេលដែលរៀនសូត្ររហូតដល់ពេលចាប់ផ្តើមអាជីវកម្ម។ លទ្ធផលគឺ ១៥ឆ្នាំក្រោយពីបង្កើត Mitsubishi គឺជាអាជីវកម្មដំបូង របស់គាត់ទទួលបានជោគជ័យជាច្រើនហើយកាន់តែមានភាពអភិវឌ្ឍរួមទាំងផ្នែកដឹកជញ្ជូនតាមកបា៉ល់នៅសមុទ្រនារយៈពេលទើបចាប់ផ្តើម។
កាលពីតូចផ្ទះរបស់ Iwasaki ពិតជាក្រណាស់ ហើយថែមទាំងត្រូវទទួលការមើលងាយ។ ហេតុនេះគាត់ខិតខំ រៀនសូត្រ និងជឿថាការរៀនសូត្រនឹងជួយគាត់អោយរួចផុតពីសភាព បែបនេះ។ គាត់ត្រូវបានណែនាំអោយរៀនជាមួយលោកគ្រូដែលពូកែ ដែលក្រោយមកលោកគ្រូដែលបង្រៀនគាត់ក៍មានកេរ្តិ៍ឈ្មោះក្នុងការបង្រៀនផងដែរ។
ប៉ុន្តែឪពុករបស់គាត់សំណាងមិនល្អបែរជាជាប់ទាក់ទងជាមួយការវាយគ្នា ដោយសារតែឪពុក Iwasaki ក៍ត្រូវចាប់ខ្លួននៅក្នុងគុក។ ហើយចាប់ពីពេលនោះមកជីវិតរបស់គាត់មានការផ្លាស់ប្តូរជាច្រើន។
នៅក្នុងកន្លែងឃុំឃាំងគាត់ត្រូវបានឃុំខ្លូនជាមួយវិស្វករព្រៃឈើ។ ម្នាក់នេះបានបង្រៀនគាត់អោយចេះគណនា ចាប់ផ្តើមជាមួយនឹង ការគណនាមូលដ្ឋានរហូតដល់ការគណនាប្រាក់ចំណេញនៅក្នុងអាជីវកម្ម។ ហេតុនេះហើយ Iwasaki ចាប់ផ្តើមមានចំណាប់អារម្មណ៍ចង់ ក្លាយទៅជាអ្នកមាន។
បន្ទាប់ពីចេញពីគុកគាត់ចាប់ផ្តើមគិតពីទិសដៅដែលអាចធ្វើអាជីវកម្មបាន។ តាំងពីការញ៉ាំ រហូតដល់ដែកថែប និងរួមទាំងអាវុធ… គ្រប់យ៉ាងសុទ្ធតែទាក់ទងទៅនឹង…ដឹកជញ្ជូន។
គាត់បានសូម Tosahan អោយខ្ចីទូក ៣ ហើយចាប់ផ្តើម ដំណើរការ Tokyo – Osaka -Kobe – Kochi។ ភាពជោគជ័យទទួល បានលើសពីការរំពឹងទុក Iwasaki ចាប់ផ្តើមទិញវិញទូក ២ និងបង្កើតក្រុមហ៊ុនរបស់ខ្លួន។
ប៉ុន្មានឆ្នាំក្រោយមកប្រទេសជប៉ុនចាប់ផ្តើមមានសង្រ្គាម។ ការដឹកជញ្ជូនខាងផ្លូវទឹកកាន់តែដើរតួនាទីសំខាន់។ ដោយមិនស្ទាក់ស្ទើរ គាត់បានទិញទូកធំចំនួន ១០។ ការសម្រេចចិត្ត ត្រឹមត្រូវបានធ្វើអោយ Mitsubishi ទទួលបានជោគជ័យយ៉ាងខ្លាំង។
រូបភាព : http://gunosy.com/articles/aEK80?s=s
ដើម្បីអរគុណការចូលរួមរបស់ក្រុមហ៊ុនដឹកជញ្ជូនខាងផ្លូវសមុទ្រអោយកងទ័ព រដ្ឋាភិបាលសម្រេចចិត្តផ្តល់រង្វាន់អោយក្រុមហ៊ុន ១៨ទូកប្រភេទធំ។
ភាពជោគជ័យខាងលើគ្រប់យ៉ាងមិនមែនមកពីចៃដន្យ ឬសំណាងដែលមាន។ គ្រប់យា៉ងគឺពឹងលើ Iwasaki ខិតខំប្រឹងប្រែងគិតដើម្បីផ្សាភ្ជាប់គ្រប់យ៉ាង និងមិនភ្លេចប្រើប្រាស់ ទំនាក់ទំនង។
គឺដោយសារតែវិស្វករព្រៃឈើដែលគាត់ចៃដន្យបានជួបនោះ ជាមនុស្សដែលមិនមើលងាយប៉ុន្តែបានយកចិត្តទុកដាក់ក្នុងការបង្រៀនគាត់ចំណេះដឹងហើយអាចនិយាយថាជាអ្នកមានគុណរបស់ក្រុមហ៊ុន Mitsubishi ឬទេ?
“ការខំប្រឹងរៀនសូត្រ ស្គាល់ជាមួយមនុស្សដែលពូកែ និងរៀនអំពីមូលដ្ឋាននៃអាជីវកម្មនាំមុខគេនៅលើពិភពលោក”។ នេះគឺជារបៀបដើម្បី Iwasaki ទទួលបានជោគជ័យដូចថ្ងៃនេះ។
រហូតមកដល់ថ្ងៃនេះ Mitsubishi នៅតែស្ថិតក្នុង Top ដំបូងនៃផ្លាកសញ្ញាដែលជោគជ័យមិនត្រឹមតែនៅប្រទេសជប៉ុន ថែមទាំងនៅទូទាំងពិភពលោក។
វាយលុកទៅលើផ្នែកជាច្រើនដូចជា ធនាគារ អចលនទ្រព្យ ឡាន ឡានដឹកទំនិញ ជណ្តើរប្រអប់ ខ្មៅដៃ… តើអ្នកស្គាល់ Mitsubishi តាមរយៈរបស់ប្រើប្រាស់ណានៅក្នុងផ្ទះ?
ក្រៅពីនេះផ្នែកប្រេង ធ្យូងថ្ម ឳសថ ឬក្រដាសក៍មានការរីក ចម្រើនខ្លាំងក្លានៅប្រទេសជប៉ុនដែរ។
អ្វីទាំងអស់នោះបង្ហាញពីសារៈសំខាន់របស់ Mitsubishi នៅក្នុងជីវភាពជនជាតិជប៉ុន។ ហើយមនុស្សដែលបានដាក់គ្រឹះរឹង មាំនោះគឺ Iwasaki Yataro។
ហើយចុះអ្នកវិញ អ្នកកំពុងតែមានគំនិតបង្ហើតមុខរបរ ឳកាសប្រាកដជាមកដល់សម្រាប់អ្នកក្នុងថ្ងៃណាមួយ។ ដូចជា Iwasaki Yataro បាននិយាយ៖
“ភាពជឿជាក់នាំអោយទទួលបានជោគជ័យ មិនមានក្តីស្រមៃគឺជាឬសគល់នៃបរាជ័យ”។
Kengo Abe