ការងារដែលងាយស្រួលប៉ុន្តែប្រាក់ខែខ្ពស់នៅប្រទេសជប៉ុន ដែលមនុស្សជាច្រើនមិនដឹង

ថ្ងៃអង្គារ 10/07/2018 | 10:46 ព្រឹក

ប្រទេសជប៉ុនគឺជាប្រទេសដែលមានសេដ្ឋកិច្ចរីកចម្រើនឈាន មុខគេនៅក្នុងពិភពលោក ការឆ្នៃប្រឌិតពិសេសនៅកន្លែងនេះតែងតែ ធ្វើអោយមានភាពភ្ញាក់ផ្អើល និងគួរអោយចាប់អារម្មណ៍សម្រាប់ជនបរទេស។

ក្រៅពីនេះរាល់គំនិតអាជីវកម្មតែមួយដែលគ្មានពីរនៅក្នុងពិភពលោករបស់ប្រទេសជប៉ុន (ប្រទេសដែលមាននាមជាព្រះអាទិត្យរះ) ក៏ពិសេស និងចម្លែកដែរ ដល់ថ្នាក់មានការងារខ្លះពេលដែលអ្នកបាន ឮគឺមានភាពភ្ញាក់ផ្អើរ និងមិនជឿថាវាជាការពិតឡើយ។

សូមរួមជាមួយនិងពួកយើងដើម្បីស្វែងយល់ពីការងារដែលចម្លែកប៉ុន្តែមានភាពចាប់អារម្មណ៍នេះ។

១. ចំណីអាហារសម្រាប់ឆ្កែ

ឆ្កែគឺជាសត្វដែលមានភាពស្មោះត្រង់ ទើបត្រូវបានមនុស្សជាច្រើនក្នុងគ្រប់ប្រទេសស្រលាញ់ចូលចិត្ត ហេតុនេះហើយនៅប្រទេសជប៉ុនមានការងារម្យ៉ាងគឹសាកល្បងអាហារសម្រាប់ឆ្កែដើម្បីជៀសវាង នូវអាហារដែលគ្មានរស់ជាតិ និងមិនមានគុណភាពគ្រប់គ្រាន់។

ការងារនេះតម្រូវអោយអ្នកសាកល្បងនូវមុខម្ហូបជាច្រើន ដើម្បី ដឹងពីរស់ជាតិ ក៏ដូចជាគុណភាពនៃប្រភេទនីមួយៗ ហើយចាប់ផ្តើមសរសេររបាយការណ៍ និងបង្ហាញពីវិធីដែលធ្វើអោយអភិវឌ្ឍនៃប្រភេទម្ហូបណាដែលសាកសមជាងគេសម្រាប់ឆ្កែនៅប្រទេសជប៉ុន។

ប្រាក់ខែជាមធ្យមរបស់មនុស្សម្នាក់ដែលធ្វើការងារនេះប្រហែលជា ១០.០០០ ដល់ ២០.០០០ យេន/ថ្ងៃ ។

២. អ្នកជំនាញខាងក្លិន

ស្តាប់ទៅហាក់ដូចជាងាយស្រួលណាស់ប៉ុន្តែមិនមែនជាការងារ ដែលនរណាក៏អាចចូលរួមបាននោះទេ មានតែមនុស្សដែលមានអារម្មណ៍ដឹងមុនបានល្អទើបអាចបំពេញភារកិច្ចបាន។

បច្ចុប្បន្ននៅប្រទេសជប៉ុនមានប្រហែល ៥.០០០នាក់កំពុងធ្វើការងារពិសេសនេះ ភារកិច្ចរបស់ពួកគេគឺរកចេញនូវប្រភពក្លិនស្អុយ និងការពារវា ដើម្បីការពារមនុស្សនិងបរិស្ថានជុំវិញ។

ចំណូលនៃការងារនេះប្រហែលជា ២.៥ ដល់ ៥លានយេន/ឆ្នាំ ។

៣. ដំណោះស្រាយការបន្ទោរបង់សម្រាប់ជនពិការ

សេវាកម្មដោះស្រាយបន្ទោរបង់ ឬអាចហៅម្យ៉ាងទៀតថា “White hands” គឺជាគេហទំព័រផ្លូវការរបស់អង្គការមិនស្វែងរកប្រាក់ចំណេញ កំពុងតែធ្វើការជាមួយនិងគោលបំណងដោះស្រាយបញ្ហាសម្រាប់ជនពិការ និងការងារដែលទាក់ទងផ្លូវភេទនៅប្រទេសជប៉ុន។ ក្នុងចំណោមការងារថែមម៉ោងដែលមានប្រាក់ខែគឺក្លាយទៅជាបុគ្គលិកថែទាំនិងផ្តល់សេវា “ជួយបញ្ចេញទឹកកាម” និងធ្វើជាអ្នកបង្ហាញម៉ូតអាក្រាតសម្រាប់រូបគំនូររបស់ជនពិការ។

៤. អ្នកជំនាញខាងលស្បែកជើង

ដើម្បីក្លាយជាបុគ្គលិកដែលមានជំនាញវិជ្ជាជីវៈនៅក្នុងផ្នែកនេះវាតម្រូវឱ្យអ្នកមានភ្នែកវាងវៃដើម្បីធ្វើការវាយតម្លៃ ផ្តល់មតិ គំនិតអំពីស្បែកជើងបន្ទាប់មកជ្រើសរើសនូវស្បែកជើងដែលសាកសមទៅតាមក្រុមនៃអតិថិជន។

នៅប្រទេសជប៉ុនអ្នកជំនាញវិជ្ជាជីវៈខាងលស្បែកជើងក៏ត្រូវបានបែងចែកយ៉ាងច្បាស់លាស់ទៅតាមថ្នាក់ខុសគ្នាពីអ្នកទើបចាប់ផ្តើម មូលដ្ឋានបរិញាប័ត្រ និងអនុបណ្ឌិតទៅតាមបទពិសោធន៍ និងកម្រិតជំនាញ។

ចំណូលជាមធ្យមជារៀងរាល់ឆ្នាំប្រហែល ៤ ទៅ១០ លានយេន/ឆ្នាំ ។

៥. មើលប៉េងប៉ោងហោះហើរ

នេះគឺជាការងារធ្វើបន្ថែមម៉ោងដែលងាយស្រួលបំផុត អ្នកគ្រាន់តែគ្រប់គ្រងប៉េងប៉ោងហោះកុំអោយហោះទៅបាត់ដូចទៅនឹងការលេងបង្ហោះខ្លែងរបស់ក្មេងដែរ។ ការងារដែលពិសេសនេះតែងត្រូវបាននិស្សិត សិស្សនៅប្រទេសជប៉ុនជ្រើសរើសធ្វើ។

៦. ការដឹកជញ្ជូនទំនិញអន្ដរជាតិដល់ដៃ

ពិតជាចម្លែកណាស់មែនទេ? ការងារនេះសាកសមជាមួយនឹងអ្នកណាដែលចូលចិត្តដើរកំសាន្តដោយ “ឥតគិតថ្លៃ” ប៉ុន្តែមានប្រាក់កម្រៃ។

មានប្រភេទទំនិញជាច្រើនជាពិសេសដូចជាសំបុត្រ ឯកសារ សម្ងាត់ សំបុត្រដែលសំខាន់។ និងត្រូវបានបុគ្គលិកដឹកជញ្ជូនពិសេសនេះបញ្ជូនដល់ដៃទៅអ្នកដែលទទួលនៅគ្រប់ទីកន្លែងនៅលើពិភពលោក។

ចំណូលរបស់បុគ្គលិកនេះប្រហែល ១៥ដល់២០ពាន់យេន/ថ្ងៃ ។

អ្នកឃើញថាក្នុងចំណោមការងារខាងក្រោម តើមានការងារណា ដែលសាកសមទៅនិងខ្លួនអ្នកផ្ទាល់ដែរឬទេ?