សាក​ល្បង​ការពត់​ស្លាប​ព្រា​ដោយ​មិន​ចាំ​បាច់​ប្រើ​កម្លាំង​នៅ​ជប៉ុន

សាកល្បងការ​ពត់ស្លាបព្រាដោយមិនចាំបាច់ប្រើកម្លាំងនៅជប៉ុន។

ខ្ញុំគិតថា អ្នកទាំងអស់គ្នាប្រាកដ​ជា​ធ្លាប់​ឃើញ​នៅ​កន្លែង​ណា​មួយ ប្រហែល​​ជា​​នៅ​​លើ​​ទូរទស្សន៍ ឬ​វីដេអូខ្លីលើ YouTube ។ ដែលនិយាយពីស្លាបព្រារឹងអាចនឹងត្រូវ​បាន​ពត់​កោង​​ដោយ​​មិន​​ចាំ​​បាច់​ប្រើ​កម្លាំង​ច្រើន​ពេក​ឡើយ។

ប្រសិនបើអ្នកចង់ដឹងពី​អាថ៌កំបាំង​នេះ ដើម្បីបង្ហាញនៅចំពោះមុខមិត្តភក្តិរបស់ខ្លួន ខ្ញុំគិតថា អ្នកទាំងអស់គ្នាអាចទៅលេងកន្លែងនេះបាន នៅខេត្ត Kumamoto ប្រទេសជប៉ុន។

មានសណ្ឋាគារមួយឈ្មោះថា “Aso Plaza” នៅខេត្ត Kumamoto ប្រទេសជជប៉ុន។ នៅជាប់សណ្ឋា​គារ​​នេះមានហាងកាហ្វេមួយមានឈ្មោះថា “ Zen” ។ ប្រហែលជានៅទីនេះ សូម្បីតែមនុស្សធម្មតា​មិន​មាន​សមត្ថភាព​ពិសេស​អ្វី​ក៏​អាច​ពត់​កោង​ស្លាប​ព្រា​ដែក​រឹង​បាន​ដែរ។

ដើម្បី​ធ្វើ​រឿង​នេះ​បាន ជាដំបូងអ្នកដែលចង់សាកល្បងត្រូវទិញស្លាបព្រាមួយមានតម្លៃ ១.២០០ យ៉េន​នៅ​ទី​នេះ។ ថ្វីត្បិត​តែ មាន​កំណត់​ចំណាំ​ភ្ជាប់​មក​ជា​មួយ ប៉ុន្តែ​តម្លៃ​នេះ​រាង​ថ្លៃ​បន្តិច។

ចំណាយប្រាក់មិនតិចទេសម្រាប់ទិញ ប្រសិនបើមិនអាចពត់កោងបាន អ្នកទិញប្រាកដជាខឹងខ្លាំង​ណាស់។

យ៉ាងណាមិញ ប្រហែល​ជា​​កន្លែង​​នេះ​​មាន​ទាក់​ទង​នឹង​រឿង​ពត់​ស្លាប​ព្រា ហើយក៏ជាកត្តាចាំបាច់នៅពេលដែលនិយាយ​ពី​រឿង​ពត់​កោង​ស្លាប​ព្រាផងដែរ​។

មានច្រកមួយមើលទៅគួរឲ្យសង្ស័យណាស់នៅជាប់ហាងកាហ្វេនេះ។

នៅពេលដែលក្រឡេកមើលដំបូង ច្រកនេះមើលទៅគួរឲ្យសង្ស័យណាស់។ ដើរឆ្លងកាត់ច្រកនេះជាតំបន់​ដែល​ប្រមូល​ផ្តុំ​ទៅ​ដោយ​ថាមពល ជា​កន្លែង​ដែល​យើង​អាច​ពត់​ស្លាប​ព្រា​បាន​យ៉ាង​ងាយ។

ខ្ញុំសូមចែករំលែកបន្ថែមដែលថា ស្លាបព្រានៅទីនេះដូចនឹង​ស្លាបព្រាធម្មតា​ដែល​យើង​ប្រើ មិនទន់​នោះ​ទេ ហើយ​​ក៏​មិន​មាន​ការ​រចនា​ពិសេស​អ្វី​ដែរ។

ពេលដើរឆ្លងកាត់ច្រកទ្វារ អ្នកនឹងឃើញផ្ទាំងថ្មពីរដែលមើលទៅអាថ៌កំបាំង។

គេនិយាយថា យើងអាចពត់ស្លាបព្រាដោយដាក់វាចូលហោប៉ៅខោ ឬ​អាវ​ដែល​ខ្លួន​កំពុង​ស្លៀក បន្ទាប់​មក​យក​ដៃ​ទៅ​ប៉ះ​ផ្ទាំង​ថ្ម ហើយ​បួង​សួង។

សម្រាប់ព័ត៌មានលម្អិតត្រូវបានសរសេរក្នុងកំណត់ចំណាំដែលភ្ជាប់មក​ជាមួយនឹងស្លាបព្រា ហើយការដែល​បង្ហើប​អាថ៌កំបាំង​ក្នុង​កំណត់​ចំណាំ​ប្រាប់​អ្នក​ដទៃ​ត្រូវ​​បាន​​ហាម​​ឃាត់។

បន្ទាប់ពីបានធ្វើតាមគ្រប់ជំហានទាំងនេះ គឺ​ដល់​ពេល​ដែល​ត្រូវ​សាក​ល្បង​ពត់​ស្លាប​ព្រាដោយមិនចាំ​បាច់​ប្រើ​កម្លាំង​ច្រើនហើយ​។

លទ្ធផលស្លាបព្រារឹងពិតជាត្រូវបានពត់កោងមែន។

យ៉ាងណាមិញ មិនមែនពត់កោងនោះទេ នៅពេលដែលក្រឡេកមើលរូបភាព យើងអាចមើលឃើញ​ថា ស្លាប​ព្រា​នេះ​ដូច​ជា​ត្រូវ​ពត់​​បង្វិល​​មួយ​​ជុំ។

យើងអាចប្រើកម្លាំងដៃដើម្បីពត់ស្លាបព្រាកោង ប៉ុន្តែបើចង់ពត់បង្វិលមួយជុំបែបនេះ ខ្ញុំគិតថាមិនអាចទៅរួចទេ។ ប៉ុន្តែ​ជាក់​ស្តែង​នៅ​ទី​នេះ សូម្បី​តែ​ស្ត្រី​ដែល​មាន​កម្លាំង​ខ្សោយ​ក៏​អាច​ធ្វើរឿងនេះ​បាន​ដែរ។

ដើម្បីពន្យល់ពីមូលហេតុ ហេតុអ្វី​បាន​ជា​ស្លាបព្រា​ដែក​រឹងបែរជាអាចពត់កោងយ៉ាងងាយ រឿងនេះ​ជា​បាតុភូត​​ដែល​​វិទ្យា​សាស្ត្រ​​មិន​អាច​​ពន្យល់​​បាន​។

តំបន់នេះស្ថិតនៅក្រោមជើងភ្នំ Aso ដែលល្បីថាមានតំបន់ និងថ្មជាច្រើនមានថាមពលអាថ៌កំបាំង។

តើអាចនឹងមានវត្តមាននៃកម្លាំងពិសេសណាមួយដែលរហូតមកដល់សព្វថ្ងៃ​វិទ្យាសាស្ត្រ​មិន​ទាន់​រក​ឃើញ​ដែរ​ទេ?

អត្រាពត់កោងជោគជ័យ​មិន​ទាន់​អាច​ធ្វើ​បច្ចុប្បន្ន​ភាព​ជាក់លាក់​នៅ​ឡើយទេ ប៉ុន្តែប្រសិន​បើ​សាក​ល្បង​ស្វែង​រក​តាម​អុីនធឺណេត នឹង​ឃើញ​ថា​មាន​លទ្ធផល​បញ្ជាក់​ថា​ជោគ​ជ័យ​ច្រើន។​

មិនដឹងថា បន្ទាប់ពីបានអានអត្តបទដែលខ្ញុំទើបតែចែករំលែក តើអ្នកទាំងអស់គ្នាជឿលើរឿងនេះដែរទេ? ទោះជាយ៉ាងណា ប្រសិនបើអ្នកចាប់អារម្មណ៍ អ្នកអាចសាកល្បងដោយផ្ទាល់នៅពេលដែលមានឳកាសទៅលេងជប៉ុន ហើយសូមកុំភ្លេចចែករំលែកប្រាប់យើងខ្ញុំពីលទ្ធផលពិសោធរបស់ប្រិយ​មិត្ត​​ទាំង​​អស់​​គ្នា​។

និយាយអញ្ជឹង យើងខ្ញុំសូមចែករំលែកព័ត៌មានទាក់ទងនឹងសណ្ឋាគារ ដូច្នេះអ្នកទាំងអស់គ្នាអាចស្វែង​រក​បាន​យ៉ាង​ងាយ​ពេល​ធ្វើ​ដំណើរ​កម្សាន្ត​ទៅ​លេង​ជប៉ុន។

Aso Plaza Hotel

1287 Uchimaki, ទីក្រុង Aso, ខេត្ត Kumamoto

លេចទូរស័ព្ទ 096-732-3930

ខ្លឹមសារអត្តបទគ្មានគោលបំណងផ្សាយ​ពាណិជ្ជកម្ម​នោះទេ។

Abe Kengo