បទពិសោធនៃការជិះរទេះភ្លើងហោះដែលមានល្បឿនលឿននៅជប៉ុន

ថ្ងៃព្រហស្បតិ៍ 10/07/2025 | 17:35 ល្ងាច

បទពិសោធនៃការជិះរទេះភ្លើងហោះដែលមានល្បឿនលឿននៅជប៉ុន។

មានល្បែងកម្សាន្តភ័យរន្ធត់ជាច្រើនដែលត្រូវបានដំឡើងនៅសួនកម្សាន្ត ក្នុងចំណោមនោះមិនអាចមិនរំលឹកដល់ល្បែងកម្សាន្តជិះរទេះភ្លើងហោះនោះទេ (ក្នុងភាសាអង់គ្លេសហៅថា Roller Coaster) ។

សម្រាប់មនុស្សមួយចំនួន ល្បែងកម្សាន្តភ័យរន្ធត់ទាំងនេះធ្វើឲ្យពួកគេមានអារម្មណ៍រំភើបយ៉ាងខ្លាំង ហើយថែមទាំងអាចញៀនទៀតផង។ យ៉ាងណាមិញ នៅជប៉ុនរទេះភ្លើងហោះមានកម្រិតខ្ពស់។

តើអ្នកទាំងអស់គ្នាមានភាពជឿជាក់គ្រប់គ្រាន់ និងចង់សាកល្បងភាពក្លាហានរបស់ខ្លួនតាមរយៈបទពិសោធនៃការជិះរទេះភ្លើងហោះអំឡុងពេលធ្វើដំណើរកម្សាន្តទៅលេងជប៉ុននាពេលខាងមុខដែរទេ? ដោយផ្ទាល់ ខ្ញុំមិនអាចទ្រាំបានទេ ដូច្នេះសុំមិនលេងល្បែងនេះឡើយ។ ទោះជាយ៉ាងណា ក្នុងខ្លឹមសារអត្តបទថ្ងៃនេះ ខ្ញុំសូមណែនាំដល់ប្រិយមិត្តទាំងអស់គ្នានូវល្បែងជិះរទេះភ្លើងហោះមួយចំនួននៅប្រទេសជប៉ុន។ ចូរយើងតាមដានទាំងអស់គ្នា។

Nagashima Spa Land (ខេត្ត Mie) Steel Dragon 2000

រទេះភ្លើងហោះដ៏គួរឲ្យរន្ធត់នេះត្រូវបានកំណត់ត្រាពិភពលោក Guinness ទទួលស្គាល់ថា ជាប់ចំណាត់ថ្នាក់លេខមួយនៅលើពិភពលោកត្រង់ចំណុចដូចជាល្បឿន កម្ពស់ ប្រវែង និងផ្លូវរទេះភ្លើងចោតពេលធ្លាក់ចុះ។

ផ្លូវរទេះភ្លើងហោះមានកម្ពស់ ៩៧ ម៉ែត្រ ប៉ុន្តែប្រហែលជាខ្ញុំគួរតែប្រើពាក្យ “ធ្លាក់ចុះយ៉ាងលឿន” ទើបអាចពណ៌នាឲ្យកាន់តែច្បាស់អំពីអារម្មណ៍របស់អ្នកដែលកំពុងអង្គុយនៅលើរទេះភ្លើងហោះ។

ជាមួយនឹងល្បឿនលឿនបំផុតគឺ ១៥៣ គីឡូម៉ែត្រក្នុងមួយម៉ោង។

Fuji-Q Highland (ខេត្ត Yamanashi) Takabisha

ដោយដឹងថានេះជារទេះភ្លើងហោះដែលមានផ្លូវចោតនាំមុខគេ។

ផ្លូវរទេះភ្លើងហោះមានជម្រាលខាងក្រោមផ្អៀង ៩០ ដឺក្រេ និងផ្នែកខាងលើផ្អៀង ១២១ ដឺក្រេ។

អ្នកដែលគិតឃើញ និងរចនាផ្លូវរទេះភ្លើងហោះនេះប្រាកដជាមិនមែនជា “មនុស្សធម្មតា” ឡើយ។

Himeji Central Park (ខេត្ត Hyogo) Venus GP

រទេះភ្លើងហោះនេះធ្វើដំណើរឆ្លងកាត់ផ្លូវដែលមានរាងរង្វង់កោងធំ ខណៈដែលទប់នឹងកម្លាំងដល់ទៅ ៥,២ G។

ដោយបានដាក់ឲ្យដំណើរការនៅឆ្នាំ ២០២២ រទេះភ្លើងហោះនេះអាចធ្វើឲ្យអ្នកអង្គុយដឹងពីកម្លាំង G យ៉ាងច្បាស់បំផុត។

ការបង្កើនល្បឿនភ្លាមៗដាក់សម្ពាធលើរាងកាយ ប៉ុន្តែនៅលើរទេះភ្លើងហោះនេះ សម្ពាធនឹងកើនឡើងកាន់តែខ្លាំងជាង ៥,២ ដង។ និយាយយ៉ាងសាមញ្ញទៅឧទាហរណ៍ដូចជា មនុស្សម្នាក់មានទម្ងន់ ៥០ គីឡូក្រាម រាងកាយនឹងមានអារម្មណ៍ថាត្រូវសង្កត់ដោយទម្ងន់ ២៦០ គីឡូក្រាម។

អាចនិយាយបានថា យើងអាចសរសើរពីភាពក្លាហានរបស់អ្នកដែលបានយកឈ្នះល្បែងកម្សាន្តនេះ។

ប្រហែលជាការជិះរទេះភ្លើងហោះទាំងនេះជាបទពិសោធដែលគួរឲ្យភ័យខ្លាចបំផុត។ យ៉ាងណាមិញ អ្នកទាំងអស់គ្នាអាចជឿទុកចិត្តបានថា នៅជប៉ុនរទេះភ្លើងហោះទាំងអស់សុទ្ធតែត្រូវបានគិតគូយ៉ាងយកចិត្តទុកដាក់ ដើម្បីធានាសុវត្ថិភាពដល់អ្នកជិះ។

យ៉ាងណាមិញ ខ្ញុំនៅតែមិនអាចលេងល្បែងកម្សាន្តនេះបានទេ ព្រោះខ្ញុំប្រាកដថា ខ្លួននឹងអួត ឬប្រហែលជាសន្លប់។

ដោយសារតែមិនមានចំណង់ចំណូលចិត្តដូចគ្នា ដូច្នេះខ្ញុំមិនអាចយល់ពីអារម្មណ៍របស់អ្នកដែលចូលចិត្តលេងល្បែងកម្សាន្តភ័យរន្ធត់ឡើយ។ ជាក់ស្តែង ខ្ញុំមិនយល់ទេ ហេតុអ្វីបានជាគ្រប់គ្នាត្រូវចំណាយប្រាក់ដើម្បីទទួលបានអារម្មណ៍ភ័យខ្លាច ប៉ុន្តែប្រហែលជាអ្នកដែលចូលចិត្តលេងល្បែងកម្សាន្តនេះមិនអាចទប់អារម្មណ៍មិនលេងបានទេ រហូតដល់ថ្នាក់មានមនុស្សជាច្រើនទៅលេងជប៉ុនគ្រាន់តែដើម្បីទទួលបានបទពិសោធជិះរទេះភ្លើងហោះ។

ហើយប្រហែលជាបើប្រៀបទៅនឹងបុរស មនុស្សស្រីបែរជាមានភាពក្លាហាន និងចូលចិត្តល្បែងកម្សាន្តនេះជាង។

ខ្ញុំស្គាល់មនុស្សម្នាក់ដែលពិតជាចូលចិត្តលេងល្បែងកម្សាន្តនេះខ្លាំងណាស់ ដូច្នេះហើយ ខ្ញុំបានសាកសួរពីមូលហេតុ ហេតុអ្វីបានជានាងចូលចិត្តល្បែងកម្សាន្តនេះ ហើយចម្លើយដែលខ្ញុំទទួលបានគឺ៖