បុរស​ចំនួន ៣២ នាក់ និង​ស្រ្តី​ម្នាក់​នៅ​លើ​កោះ​ដាច់​ស្រយាល តើ​មាន​រឿង​អ្វី​កើត​ឡើង?

បុរស​ចំនួន ៣២ នាក់ និង​ស្រ្តី​ម្នាក់​នៅ​លើ​កោះ​ដាច់​ស្រយាល តើ​មាន​រឿង​អ្វី​កើត​ឡើង?

ក្នុងបរិយាកាសដែលមានកំណត់ តើនឹងមានរឿងអ្វីកើតឡើងនៅពេលដែលសមាមាត្ររវាងបុរស និងស្រ្តីភាពខុសគ្នាយ៉ាងខ្លាំង? 

ស្តាប់ទៅដូចជារឿងប្រឌិត ប៉ុន្តែនេះជារឿងដែលមានពិត។

រឿងនិយាយពីបុរសចំនួន ៣២ នាក់ និងស្រ្តីម្នាក់នៅលើកោះដាច់ស្រយាល។

រឿងទាំងមូលដែលបាននិយាយសុទ្ធតែមានពិត។

រឿងហេតុកើតឡើងនៅ Anatahan – ដែលជាកោះតូចមួយនៅភាគខាងលិចមហាសមុទ្រប៉ាស៊ីហ្វិក។

ក្នុង​អំឡុង​ពេល​ប្រយុទ្ធ​យ៉ាង​ខ្លាំង​ជាមួយនឹងអាមេរិក ប្រជាជនជប៉ុនមួយចំនួនត្រូវបានគេទុកចោលនៅលើកោះនេះ។

Kikuichiro និង Kazuko (ដែលគេចាត់ទុកជាប្តីប្រពន្ធ) ដើមឡើយរស់នៅលើកោះនេះ និងប្រកបមុខរបរធ្វើជាអ្នក​ដើរ​ប្រមូល​ធន​ធាន។ ទោះជាយ៉ាងណា នៅថ្ងៃមួយ នៅពេលដែលកងទ័ពអាកាសអាមេរិកបានបាញ់ប្រហារនាវាចម្បាំង​របស់​ជប៉ុន​ចំនួន ៣ គ្រឿងនៅសមុទ្រ Anatahan ។ នាវា​ចម្បាំង​បាន​លិច កង​ទ័ព​ជើង​ទឹក​ចំនួន ៣១ នាក់បាន​ហែល​ចូល​ច្រាំង ពួក​គេ​សុទ្ធ​តែ​ជា​បុរស​វ័យ​ក្មេង។

ពួកគេទាំងអស់គ្នាសុទ្ធតែត្រូវជាប់នៅលើកោះអំឡុងពេលដែលមានចលាចលក្រោយសង្គ្រាម ដោយមិនមានជម្រើស​ផ្សេង ពួក​គេ​បាន​ចាប់​ផ្តើម​ដាំដំឡូង​សម្រាប់​ធ្វើ​ជា​ប្រភព​អាហារ។

បន្ទាប់មក ពួកគេចាប់ផ្តើមដណ្តើម Kazuko ដែលជាស្ត្រីតែម្នាក់នៅលើកោះ ហើយរឿងហេតុដែលមិននឹកស្មានបាន​កើត​ឡើង។

កាំភ្លើងបានផ្លាស់ប្តូរសណ្តាប់ធ្នាប់នៅលើកោះ

សណ្តាប់ធ្នាប់នៅលើកោះបានផ្លាស់ប្តូរយ៉ាងខ្លាំង នៅពេលដែលអ្នកនៅលើកោះបានរកឃើញកាំភ្លើងខ្លីពីរដើមក្នុងបំណែក​យន្ត​ហោះ​យោធា​អាមេរិក​ដែល​ត្រូវ​បាញ់​ទម្លាក់។

ជាការពិតណាស់ មានភាពខុសគ្នារវាងអ្នកដែលមានកាំភ្លើង និងអ្នកដែលគ្មានកាំភ្លើង។

ជាដំបូង លោក Kikuichiro ដែលជាប្តីរបស់ Kazuko បានស្លាប់យ៉ាងអាថ៌កំបាំង។

ដោយប្រឈមនឹងស្ថានភាពរស់នៅដ៏លំបាក Kazuko មិនអាចរស់នៅម្នាក់ឯងនៅលើកោះនោះទេ នាងបានជ្រើស​យក​បុរស​ម្នាក់ក្នុងចំណោមបុរសចំនួន ៣១ នាក់ដែលនៅសល់ធ្វើជាប្តីថ្មីរបស់ខ្លួន ហើយរស់នៅជាមួយបុរសម្នាក់នោះ ប៉ុន្តែ​មិន​​យូរ​​ប៉ុន្មាន​បុរស​​ម្នាក់​​នោះ​ក៏​​បាត់​​បង់​​ជីវិត​​ដែរ។

នាងបន្តជ្រើសយកអ្នកថ្មីសម្រាប់ជំនួសកន្លែងនោះ ហើយម្នាក់នោះក៏ស្លាប់ដូចគ្នា។

រឿងនេះបានកើតឡើងម្តងហើយម្តងទៀត បុរសដែលក្លាយជាប្តីរបស់នាងបានស្លាប់ម្តងម្នាក់ៗ រហូតដល់ប្រាំពីរឆ្នាំក្រោយមក នៅពេលដែលអ្នកនៅលើកោះត្រូវបានជួយសង្គ្រោះ បុរសដែលនៅរស់មានចំនួន ២០ នាក់។

ដូច្នេះបុរសចំនួន ១២ នាក់បាន​បាត់បង់​ជីវិត​។

ស្រ្តីដែលទាក់ទាញបុរស?

ហាក់បីដូចជា Kazuko មិនស្លៀកសម្លៀកបំពាក់នោះទេ ស្រ្តីម្នាក់នេះគ្រាន់តែស្លៀកសំពត់ប៉ឹងដែលធ្វើពីស្លឹកឈើប៉ុណ្ណោះ ហើយ​មិន​ស្លៀក​អ្វី​ទាំង​អស់​នៅ​​ផ្នែក​​ខាង​​លើ។

ដូច្នេះចំណុចនេះធ្វើឲ្យបុរសវ័យក្មេងទាំងនោះទ្រាំមិនបានក៏ជារឿងធម្មតាដែរ។

គួបផ្សំនឹងស្ថានភាពជាប់នៅលើកោះ មិនអាចត្រឡប់ទៅប្រទេសជប៉ុនវិញ មិនដឹងថានៅពេលណាសេចក្តីស្លាប់នឹង​មក​រក​ខ្លួន​នោះ​ទេ ដូច្នេះ​ជៀស​មិន​ផុត​រឿង​បុរស​ទាំង​នោះ​បាត់​បង់​ស្មារតី ហើយ​ប្រព្រឹត្ត​ទង្វើ​ឆ្កួតៗ​នោះ​ទេ។

ពិតជាពិបាកណាស់ សម្រាប់ស្រ្តីម្នាក់ដែលត្រូវរស់នៅទីនេះម្នាក់ឯង។

សកម្មភាពរបស់ Kazuko គ្មានអ្វីចម្លែកនោះទេ ព្រោះនាងកំពុងរស់នៅក្នុងស្ថានភាពដែលនាងមិនអាចរស់បានប្រសិន​បើ​គ្មាន​ជំនួយ​ពី​បរុស។

នៅទីបំផុត ដោយដឹងថាជីវិតរបស់ខ្លួនកំពុងស្ថិតក្រោមស្ថានភាពគ្រោះថ្នាក់ Kazuko បានរត់ចេញពីកោះម្នាក់​ឯង ហើយ​ត្រូវ​បាន​ជួយ​សង្គ្រោះ​ដោយ​នាវា​កង​ទ័ព​ជើង​ទឹក​របស់​អាមេរិក។

បន្ទាប់ពីបានឮរឿងរបស់ Kazuko រៀបរាប់ឡើងវិញ យោធាអាមេរិកបានទៅដល់កោះនោះ ដោយ​បាន​ជួយ​អ្នក​នៅ​រស់​រាន​មាន​ជីវិត​ត្រឡប់​ទៅ​ប្រទេស​ជប៉ុន​វិញ។

រឿងដ៏ចម្លែកនេះត្រូវបានចុះផ្សាយយ៉ាង​ទូលំទូលាយនៅលើប្រព័ន្ធ​ផ្សព្វផ្សាយ ហើយ​ថែម​ទាំង​ត្រូវ​បាន​​ផលិត​ជា​ភាព​យន្ត​​ផង​ដែរ។

ប្រិយមិត្តអ្នកអានដែលជាបុរសៗ ប្រសិនបើអ្នកធ្លាក់ក្រោមស្ថានភាពដូច្នេះ តើអ្នកនឹងធ្វើយ៉ាងណា?

ចំណែកឯប្រិយមិត្តអ្នកអានដែលជាស្រ្តី ប្រសិនបើអ្នកសំណាងអាក្រក់ស្ថិតក្នុងស្ថានភាពបែបនេះ តើអ្នកនឹងធ្វើយ៉ាង​ណា​ដើម្បី​រក្សា​ជីវិត​របស់​ខ្លួន​ក្រោម​ស្ថាន​ភាព​ដ៏​​អាក្រក់​​ដូច​នេះ?

Abe Kengo