តើប្រាក់រង្វាន់​ដែល​សាមូរ៉ៃ​ទទួល​បាន​ច្រើន​ដែរ​ទេ? ទាំង​ដែល​ពួក​គេ​ត្រូវ​​ប្រថុយ​នឹង​ជីវិត?

តើប្រាក់រង្វាន់ដែលសាមូរ៉ៃទទួលបានច្រើនដែរទេ? ទាំងដែលពួកគេត្រូវ​ប្រថុយនឹងជីវិត?

សាមូរ៉ៃជាបុគ្គលដែលបានប្រថុយជីវិតដើម្បីការពារប្រទេសជាតិ។ ផ្ទុយ​ទៅ​វិញ ប្រាក់​រង្វាន់​ដែល​ពួក​គេ​ទទួល​បានមិន​ច្រើន​នោះ​ទេ។

ក្នុងខ្លឹមសារអត្តបទថ្ងៃនេះ យើងនឹងស្វែងយល់អំពីប្រធានបទនេះទាំងអស់គ្នា។

សាមូរ៉ៃអាជីព និងសាមូរ៉ៃបណ្តោះអាសន្ន

ជប៉ុនកាលពីអតីតកាលត្រូវបានបង្កើតឡើងដោយប្រទេសតូចៗ ដែលស្មើនឹងខេត្តនាពេលសព្វថ្ងៃ ប្រទេសធំមួយក្នុង​ចំណោម​នោះបាន​បង្រួប​បង្រួម​ប្រទេស​ទាំង​អស់​ចូល​គ្នា ហើយបង្កើតបានជាប្រទេសជប៉ុនសព្វថ្ងៃនេះ។

ដូច្នេះហើយ ក្នុងអំឡុងពេលនោះ រវាងប្រទេស និងប្រទេសកើតមានការប្រយុទ្ធក៏ជារឿងធម្មតាដែរ។

ក្រៅពីសាមូរ៉ៃដែលមានជំនាញ ថែមទាំងមានកសិករដែលជាប្រជាជនធម្មតាចូលរួមសមរភូមិប្រៀប​ដូច​ជា​ការ​ងារក្រៅ​ម៉ោង។

ហើយពួកគេត្រូវបានគេហៅថា សាមូរ៉ៃបណ្តោះអាសន្ន ឬ​អាចនិយាយបានថា ជាសាមូរ៉ៃដែលគ្មានជំនាញ។

ចំពោះសាមូរ៉ៃបណ្តោះអាសន្នទាំងនេះ ការងារចម្បងរបស់​ពួក​គេ​គឺ​ធ្វើ​កសិកម្ម ដូច្នេះ​ក្នុង​អំឡុងពេលដែលវិស័យកសិកម្ម​​មមាញឹក សង្គ្រាម​កម្រ​នឹង​កើត​ឡើង​ណាស់។ 

ជាមូលដ្ឋានប្រាក់រង្វាន់ដែលសាមូរ៉ៃអាជីពមួយរូបទទួលបានគឺ “អង្ករ” 

បរិមាណអង្ករដែលសាមូរ៉ៃអាជីពទទួលបានពីស្តេចក្រាញ់របស់ខ្លួនគឺជាប្រាក់កម្រៃរបស់ពួកគេ។

ពួកគេអាចយកអង្ករទាំងនោះទៅលក់ ហើយទិញរបស់របរផ្សេងទៀតសម្រាប់ផ្គត់ផ្គង់ជីវភាព។

សាមូរ៉ៃដែលមានឋានៈទាបបំផុតទទួលបានប្រាក់​ចំណូល​ប្រចាំ​ឆ្នាំ​ប្រហែល ៣០០,០០០ យ៉េន (បើ​គិត​តាម​តម្លៃប្រាក់​បច្ចុប្បន្ន) ។

នេះជាកម្រិត​ប្រាក់​ចំណូល​ទាប ត្រឹមតែ ១/៩ នៃ​កម្រិត​ប្រាក់​ចំណូលជាមធ្យម​ប្រចាំឆ្នាំ​នៅ​ជប៉ុន​សព្វ​ថ្ងៃ​ប៉ុណ្ណោះ ដែល​បច្ចុប្បន្ន​ស្មើ​នឹង​ប្រាក់​​ឈ្នួល​​ការ​ងារ​ក្រៅ​​ម៉ោង ហើយ​ហាក់​បី​ដូច​ជា​ពួក​គេ​ត្រូវ​រស់​នៅ​ក្នុង​ភាព​ខ្វះ​ខាត។

ផ្ទុយទៅវិញ ចំពោះវណ្ណៈខ្ពស់បែរជាមានអ្នកខ្លះទទួលបានប្រាក់ចំណូលដល់ទៅ ១ ពាន់​លាន​យ៉េន​ក្នុង​មួយ​ឆ្នាំ។

នេះជាកម្រិតប្រាក់ចំណូលយ៉ាងខ្ពស់ ប៉ុន្តែក៏មិនប្រាកដថាដូច្នេះនោះដែរ។

ព្រោះតែអ្នកដែលស្ថិតក្នុងវណ្ណៈនេះតែងតែមានអ្នកបម្រើច្រើន ក៏ដូចជាអ្នកក្រោមបង្គាប់ ដូច្នេះហើយ បន្ទាប់​ពី​បើក​​ប្រាក់​ឈ្នួល​ដល់​អ្នកដែលនៅក្រោមបង្គាប់របស់ខ្លួន ប្រាក់ដែលនៅសល់​ហាក់​បី​ដូច​ជា​មិនច្រើនដូចយើងគិតនោះ​ទេ។

បង្កើនប្រាក់ចំណូលសម្រាប់សាមូរ៉ៃ

ដោយសារអង្ករជាប្រភពចំណូលដ៏សំខាន់ ដូច្នេះសាមូរ៉ៃបានផ្តួចផ្តើមគំនិតបង្កើតគម្រោងខុសៗគ្នាជាច្រើន ដើម្បីបង្កើន​ការ​ផលិត​ស្រូវ។

ជាពិសេសគឺការកសាងប្រព័ន្ធធារាសាស្ត្រនៅតាម​ទន្លេ​​ដែល​​​កើតមានទឹកជំនន់ច្រើន និងការដាំដុះដីកសិកម្មថ្មី។

ក្រៅពីនេះ ថែមទាំងមានផលិតផលពិសេសជាច្រើនដែលត្រូវបានផលិតឡើងដោយសាមូរ៉ៃ។

ទន្ទឹមនឹងនេះ ក៏មានរឿងតំណាលជាច្រើននិយាយថា ពន្ធត្រូវបានកំណត់​ដោយ​មធ្យោបាយ​ផ្សេង​គ្នា ដើម្បីប្រមូលប្រាក់​ជំនួស​ឲ្យ​អង្ករ ប៉ុន្តែ​​ដោយ​​សារ​តែ​ប្រមូល​ពន្ធ​ខ្ពស់​​ពេក បាន​បង្កឲ្យ​មាន​ទឹក​ជំនន់​កើត​ឡើង។

ឈ្មួញជាបុគ្គលដែលកាន់តែមាន

នៅសម័យកាលសាមូរ៉ៃ ប្រព័ន្ធវណ្ណៈសង្គមត្រូវបានគេហៅថា Shinokosho ។

ក្នុងសម័យនោះ វណ្ណៈសង្គមត្រូវបានបែងចែកពីខ្ពស់ដល់ទាបដូចខាងក្រោម៖

សាមូរ៉ៃ → កសិករ → កម្មករឧស្សាហកម្ម → ឈ្មួញ។

យ៉ាងណាមិញ ដោយសារសន្តិភាពយូរអង្វែង ឈ្មួញជាអ្នកដែលរកបានប្រាក់ច្រើនបំផុត។

ហាក់បីដូចជាមានសាមូរ៉ៃជាច្រើន បើទោះបីជាពួកគេមានវណ្ណៈខ្ពស់ក៏ដោយ ប៉ុន្តែត្រូវឱនលំទោនចំពោះវណ្ណៈឈ្មួញដែល​ទាប​ជាង​ខ្លួន​បី​ថ្នាក់​ដើម្បី​ខ្ចី​ប្រាក់ ឬ​រក​ប្រាក់​តាម​រយៈ​ការ​ការ​ពារ​ឈ្មួញ។

ហាក់បីដូចជាសាមូរ៉ៃមិនមានជីវិតសុខស្រួលដូចដែលយើងតែងតែគិតនោះទេ។

ទោះជាយ៉ាងណា ប្រសិន​បើ​កើត​នៅ​សម័យ​នោះ តើ​អ្នក​ទាំង​អស់​គ្នា​ចង់​ក្លាយ​ជា​សាមូរ៉ៃ​មួយ​រូប​ដែរ​ទេ?

Abe Kengo