ប្រាសាទ Sanjusangendo មានរូបបដិដៃមួយពាន់ចំនួន ១០០១ អង្គ

ប្រាសាទ Sanjusangendo មានរូបបដិមាដៃមួយពាន់ចំនួន ១០០១ អង្គ។

ក្នុងព្រះពុទ្ធសាសនាជប៉ុនមានព្រះពោធិសត្វដៃមួយពាន់មួយអង្គ ដែលមានព្រះនាមថា Senju Kannon ។

ប្រាសាទមួយដែលមានឈ្មោះថា Sanjusangendo មាន​ទីតាំង​នៅ​ទីក្រុង Kyoto ជា​កន្លែង​ដែល​មានរូប​បដិមា​​ព្រះ​ពោធិ​សត្វ Senju Kannon​ចំនួន ១០០១ អង្គ។

ព្រះ​ពុទ្ធ​បដិមា​នីមួយៗ​មានដៃចំនួនមួយ​ពាន់ ហើយប្រសិន​បើ​មាន​ព្រះ​ពុទ្ធបដិមានចំនួន ១០០១ អង្គ ដូច្នេះប្រាកដ​ជាមានដៃយ៉ាងច្រើន មែនទេអ្នកទាំងអស់គ្នា?

ជាក់ស្តែង ភាគច្រើនព្រះពុទ្ធបដិមាផ្សេងទៀតមានចំនួន ៤២ ដៃ ចំនួនមានភាពខុសគ្នា យ៉ាងណាមិញ ព្រះពុទ្ធបដិមា​ដៃ​មួយ​ពាន់​នៅ​តែ​មាន ហើយ​ប្រហែល​នេះ​ជា​ប្រាសាទ​ដែលមានដៃព្រះ​ពុទ្ធ​ច្រើន​ជាង​គេ​នៅ​លើ​ពិភព​លោក។

ចូរយើងស្វែងយល់លម្អិតអំពីប្រាសាទ Sanjusangendo ទាំងអស់គ្នា។

ជាដំបូងយើងនឹងនិយាយពីកម្ពស់របស់ប្រាសាទ ពិតជាគួរឲ្យចាប់អារម្មណ៍ណាស់ប្រាសាទមានកម្ពស់ដល់ទៅ ១២០ ម៉ែត្រ។

បើប្រៀបធៀបទៅនឹងរថភ្លើង Shinkansen (រថភ្លើងល្បឿនលឿននៅប្រទេសជប៉ុន) កម្ពស់​ប្រាសាទ​ស្មើ​នឹង​ចំនួន ៤,៨ ទូរ​រថភ្លើង។

ព្រោះតែលក្ខណៈពិសេសនេះហើយ​ដែល​ធ្វើ​ឲ្យច្រកចេញ​មើលទៅល្វីងល្វើយ ដែលធ្វើឲ្យប្រាសាទកាន់តែមានភាពអាថ៌កំបាំង​។

ក្រៅ​ពី​នេះ ស្ថាបត្យកម្ម​​ប្រាសាទ​ទាំង​មូលត្រូវបានធ្វើពីឈើ។

ស្ថាបត្យកម្មនេះត្រូវបានសាងសង់ឡើងលើកដំបូងក្នុងឆ្នាំ ១១៦៤ ក្រោយមក គួរ​ឲ្យ​ស្តាយ​ត្រូវភ្លើងបំផ្លាញ និង​​ត្រូវ​​បាន​​សាង​​សង់​​ឡើង​វិញ​​នៅ​​ឆ្នាំ ១២៦៦ ។

ជាមួយនឹងកម្ពស់បែបនេះ ស្ថាបត្យកម្មត្រូវបានសាងសង់ឡើងដោយមិនមានជញ្ជាំងនោះទេ ដែលបានធ្វើឲ្យស្ថាបត្យកម្ម​​នេះ​ក្លាយ​ជា​បច្ចេក​ទេស​សំណង់​ដ៏អស្ចារ្យ។

ម្យ៉ាងវិញទៀត ស្ថាបត្យកម្មប្រាសាទមិនបានប្រើដែកគោលនោះទេ។

មនុស្សមួយចំនួននិយាយថា ពួកគេមានអារម្មណ៍ថាមានប្រភពថាមពលដ៏ខ្លាំងក្លានៅក្នុងប្រាសាទ ជាកន្លែងដែល​ធ្លាប់​ប្រឈម​នឹង​រញ្ជួយដី​ធំៗ​ជា​ច្រើន​នា​ពេល​កន្លង​មក។

ហើយអ្វីដែលគួរឲ្យចាប់អារម្មណ៍បំផុតនោះគឺរូបបដិមាព្រះពោធិសត្វ Senju Kannon ចំនួន ១០០១ អង្គ។

ដើមឡើយ រូបបដិមាមានចំនួន ១២៤ អង្គប៉ុណ្ណោះ ប៉ុន្តែឥឡូវនេះចំនួនច្រើនជាងមុន រូបបដិមាព្រះពោធិសត្វ Senju Kannon នៅចំកណ្តាល និងរូបបដិមាក្នុង​ម្ខាងមានចំនួន ៥០០ អង្គ​​។ ពិត​ជា​គួរ​ឲ្យ​ចាប់​អារម្មណ៍​ណាស់។

Senju Kannon គឺជា​ព្រះពោធិសត្វ​មួយ​អង្គ​ដែលមាន​ក្នុង​រឿង​ព្រះពុទ្ធ​សាសនា ហើយ​គេបាននិយាយថា ទ្រង់បានប្រើ​ដៃ​មួយ​ពាន់ និង​ភ្នែក​មួយ​ពាន់​ដើម្បី​​សង្គ្រោះ​​សត្វ​លោក។

រូបបដិមាចំនួន ១០០១ អង្គនេះត្រូវបានធ្វើឡើងដោយដៃ ដូច្នេះទម្រង់មុខមានភាពខុសគ្នា។

គេនិយាយថា ប្រសិនបើអ្នកគោរពនៅចំពោះមុខរូបបដិមា Senju Kannon ដែលមានទម្រង់មុខស្រដៀងនឹងខ្លួនអ្នក នោះ​បំណង​ប្រាថ្នា​របស់​អ្នក​នឹង​ក្លាយ​ជា​ការពិត។

Kyoto គឺជាទីក្រុងមួយដែលមានកន្លែងទាក់ទាញជាច្រើន យ៉ាងណាមិញ តើអ្នកទាំងអស់គ្នាគិតយ៉ាងណាដែរ ប្រសិន​​បើ​​អ្នក​​ចំណាយ​ខ្លះ​ដើម្បី​ទៅ​កាន់​ប្រាសាទ Sanjusangendo ដ៏អាថ៌កំបាំង ស្វែងរករូបបដិមា Senju Kannon ដែល​​មាន​​ទម្រង់​​មុខ​ដូច​ខ្លួន ឬ​​ចំណាយ​​ពេល​​សម្រាប់​ធ្វើ​សមាធិ និង​ក្រឡេក​មក​មើល​ខ្លួន​ឯង។

Abe Kengo