ស៊ូស៊ីដ៏ពិសេសប្លែក – ស៊ូស៊ីនៅជប៉ុនបានឈានដល់កម្រិតមួយថ្មី

ស៊ូស៊ីដ៏ពិសេសប្លែក – ស៊ូស៊ីនៅជប៉ុនបានឈានដល់កម្រិតមួយថ្មី។

ដូចដែលអ្នកបានដឹងហើយថា ស៊ូស៊ីគឺជាមុខម្ហូបដ៏ទាក់ទាញសម្រាប់អ្នកដែលអាចបរិភោគត្រីឆៅ។

លក្ខណៈពិសេសនៅ​ពេល​ដែល​ទទួល​ទាន​ស៊ូស៊ី​ត្រង់​ថា​បន្ទះ​​ត្រី​ស្រស់​ត្រជាក់​ខាង​លើ ហើយ​យើង​អាច​ភ្លក់​ស៊ូស៊ី​ជា​ច្រើនប្រភេទ​ខុសៗ​​គ្នា។

ក្រៅពីនេះ នៅ​ប្រទេស​ជប៉ុន​យើង​ថែម​ទាំងមានប្រភេទ​ស៊ូស៊ីពិសេសផងដែរ។ នៅ​ថ្ងៃ​នេះ យើង​នឹង​ក្រឡេក​មកមើល​​ប្រភេទ​ស៊ូសុីនីមួយៗ ហើយ​មើល​ថា​តើ​ប្រិយ​មិត្ត​ចង់​ភ្លក់​ប្រភេទ​ស៊ូសុី​ទាំង​នេះ​ដែរ​ទេ?

Sushi Hamburger

ឆ្អឹងជំនីជ្រូក

សាច់ហេមឆៅ

ស៊ូស៊ីបង្គាជាមួយផ្លែបឺរ

ស៊ូស៊ីពោត និង Mayonnaise

សាច់កំភួនគោ (សាច់គោប្រៃ)

ទាំងនេះជាប្រភេទស៊ូសុីដែលមានតម្លៃថោក ហើយភាគច្រើនមានលក់នៅហាងលក់ស៊ូស៊ីតុបង្វល់ក្នុងតម្លៃ ១០០ យ៉េនក្នុងមួយចានមាន ២ ចំណែក។

ក្នុងនាមជាអ្នកដែលធ្លាប់ធ្វើការនៅក្នុងហាងត្រី ខ្ញុំពិតជាភ្ញាក់ផ្អើលណាស់នៅពេលដែលឃើញប្រភេទស៊ូសុីទាំងនេះ ប៉ុន្តែ​ប្រហែល​ជា​ឆ្ងាញ់​បើ​សិន​ជា​យើង​បាន​ភ្លក់។

ហើយក៏ពិសេសណាស់ដែរ ចំពោះការខិតខំប្រឹងប្រែងធ្វើចំណែកស៊ូសុីតម្លៃ ១០០ យ៉េនទាំងនេះ។

បន្ទាប់​មក ចូរយើងក្រឡេកមកមើល​ប្រភេទ​ស៊ូស៊ី​ដែល​មានលំដាប់ខ្ពស់ជាងនេះ។

ប្រភេទស៊ូសុីបន្លែសម្រាប់អ្នកហូបបួស។

រូបភាពដែលអ្នកទាំងអស់គ្នាកំពុងមើលឃើញជាប្រភេទស៊ូស៊ីដែលធ្វើពីបន្លែ។

ដើម្បី​ធ្វើ​ត្រីធូណាបួស គេស្ងោរ​ម្ទេសផ្លោកក្រហម និងបង្កើតរសជាតិដោយប្រើទឹកសុីអុីវ។

មឹកបួសធ្វើចេញពីដំឡូងជ្វា។

កាំប្រមាសមុទ្រធ្វើ​ពី​ល្ពៅ​ស្ងោរ និង​ការ៉ុត​ធ្វើពី​ត្រី​សាលម៉ុន​បួស។

ដោយប្រើវិធីសាស្រ្តនេះ សូម្បីតែអ្នកដែល​មិន​ចូល​ចិត្ត​ត្រី​ក៏​អាច​បរិភោគ​ស៊ូស៊ី​បាន​ដែរ។ ជា​ប្រភេទ​ស៊ូសុី​បន្លែ​ដែលអ្នក​​ទាំង​​អស់​​គ្នា​​កម្រ​​នឹង​​មើល​​ឃើញ​​នៅ​​បរទេស។

សូម្បីតែនៅក្នុងប្រទេសជប៉ុនក៏ដោយ ស៊ូស៊ីបួសប្រភេទនេះមិនមាននៅហាងស៊ូស៊ីធម្មតានោះទេ ប៉ុន្តែ​មាន​លក់​តែនៅ​ភោជនីយ​ដ្ឋាន​ដែល​មាន​ឯកទេស​ខាង​ស៊ូស៊ី​ប៉ុណ្ណោះ។

ប្រសិនបើអ្នកជាអ្នកដែលចូលចិត្តស៊ូសុី ប៉ុន្តែបែរជាមិនចូលចិត្តត្រី ឬចង់ភ្លក់ប្រភេទស៊ូសុីដែលពិសេសប្លែក សូមអញ្ជើញ​ទៅ​កាន់​ប្រទេស​ជប៉ុន ហើយ​ភ្លក់​ស៊ូសុី​ទាំង​នេះ។

Abe Kengo