គួរឲ្យខ្លាចជាងប៉ូលីសទៅទៀត ការគំរាមកំហែងរបស់បុគ្គលមួយចំនួនដែលធ្វើសកម្មភាពសម្ងាត់លើបណ្តាញសង្គម
គួរឲ្យខ្លាចជាងប៉ូលីសទៅទៀត ការគំរាមកំហែងរបស់បុគ្គលមួយចំនួនដែលធ្វើសកម្មភាពសម្ងាត់លើបណ្តាញសង្គម។
ជាទូទៅហេតុការណ៍នៅលើបណ្តាញសង្គមជប៉ុនតែងតែផ្តើមចេញពីប្រភពឈ្មោះពិត អាយុ អាស័យដ្ឋានផ្ទះ។ល។ របស់អ្នកប្រើប្រាស់ដែលបានបែកធ្លាយព័ត៌មានតាមរយៈរូបថតដែលពួកគេបង្ហោះដោយចៃដន្យ។
តើសមត្ថភាពស៊ើបអង្កេតបែបនេះពូកែជាងប៉ូលីសទៅទៀតមែនទេ? ទាំងនេះជាអ្វីដែលខ្ញុំគិត។
ចំណុចនេះជាបញ្ហាទូទៅដែលបង្ហាញពីអត្តចរិកតាមដានហួសហេតុរបស់ប្រជាជនជប៉ុន ចូរយើងក្រឡេកមកមើលដំណើរការ និងរឿងរ៉ាវតាមរយៈអត្តបទខាងក្រោម។
នារី Idol ត្រូវបានប្រទះឃើញថាមានមិត្តប្រុសតាមរយៈរូបថត
ប្រសិនបើអ្នកទាំងពីរថតរូបជាមួយគ្នាដោយបើកចំហរមិនលាក់បាំងអ្វីទាំងអស់ប្រៀបដូចជារឿងធម្មតាគ្មានអ្វីត្រូវនិយាយនោះទេ។ ប៉ុន្តែមានករណីជាច្រើន វត្តមានរបស់បុរសមិនត្រូវបានបង្ហាញជាសាធារណៈតាមរយៈរូបថតនោះទេ បែរជាត្រូវអ្នកប្រើបណ្តាញសង្គមប្រទះឃើញទៅវិញ។
ពិតជាងាយនឹងមើលឃើញរូបភាពរបស់បុរសនោះតាមរយៈការឆ្លុះបញ្ចាំងតាមវ៉ែនតាខ្លាំងណាស់ ឬប្រសិនបើពិនិត្យមើលឲ្យបានច្បាស់ យើងអាចមើលឃើញពួកគេតាមរយៈកែវទឹក ឬនៅពេលដែលសម្លឹងមើលជិតភ្នែករបស់អ្នកនៅចំពោះមុខ។
ការពង្រីករូបថតត្រូវបានបង្ហោះនៅលើបណ្តាញសង្គម ទោះបីជាការពង្រីករូបថតមិនច្បាស់ក៏ដោយ ប៉ុន្តែហាក់បីដូចជាពួកគេមានវិធីបង្កើនគុណភាពរូបថត ហើយរកឃើញតម្រុយ។
បុគ្គលទាំងនេះពិតជាទំនេរខ្លាំងណាស់!
ហើយបើទោះបីជាតារាស្រីរូបនោះខំប្រឹងពន្យល់ថា រូបភាពបុរសដែលឃើញតាមរយៈការឆ្លុះបញ្ចាំងគឺជាបងប្រុសរបស់ខ្លួនក៏គ្មាននរណាជឿនោះដែរ។
អាសយដ្ឋានអាចត្រូវបានរកឃើញតាមរយៈរូបថតដែលមានទេសភាពនៅពីក្រោយ
ស្គាល់ទីតាំងតាមរយៈអគារដែលបង្ហាញនៅពីក្រោយរូបភាពគ្រាន់តែជារឿងធម្មតាប៉ុណ្ណោះ មិនត្រឹមតែប៉ុណ្ណឹង គេថែមទាំងអាចរកឃើញតំបន់នោះដោយគ្រាន់តែសម្លឹងមើលបង្អួចកញ្ចក់ ឬរូបភាពឆ្លុះបញ្ចាំងនៅលើអេក្រង់ទូរទស្សន៍ដែលកំពុងបិទក្នុងរូបថតផងដែរ។
ពួកគេហាក់បីដូចជាអាចគណនាទីតាំងដែលឆ្លុះបញ្ចាំង ហើយកំណត់បានថារូបថតនៅជាន់ទីប៉ុន្មានក្នុងអគារ។
ពួកគេអាចកំណត់ទីតាំងផ្ទះតាមរយៈការលាក់ខ្លួននៅជុំវិញអគារដែលជាគោលដៅ ហើយតាមដាននៅពេលដែលគោលដៅចាកចេញ ឬត្រឡប់មកផ្ទះវិញ។
តាមរយៈវិធីសាស្រ្តនេះ មនុស្សមួយចំនួនបានប្រទះឃើញថា រូបថតដែលតារាស្រីបង្ហោះនោះ មិនមែនថតនៅផ្ទះនោះទេ ហើយក៏អាចរកឃើញដែលថា តារាស្រីរូបនោះមានមិត្តប្រុសហើយ។
កំណត់ខ្សែរថភ្លើងតាមរយៈសំឡេង
ត្រឹមចំណុចប៉ុណ្ណឹងក៏បានបង្ហាញឲ្យយើងឃើញពីការតាមដានហួសហេតុរបស់មនុស្សទាំងនេះ ប៉ុន្តែមិនត្រឹមតែប៉ុណ្ណឹង ពួកគេថែមទាំងបង្ហាញពីសកម្មភាពលើសនឹងទៅទៀត។
កំណត់ទីតាំងតាមរយៈសំឡេងបរិយាកាសដែលបង្ហោះក្នុងវីដេអូ ឧទាហរណ៍ដូចជាសំឡេងរថភ្លើង។
ខ្ញុំផ្ទាល់មិនយល់ពីរឿងនេះនោះទេ ប៉ុន្តែហាក់បីដូចជាអាចដឹងថា នោះជារថភ្លើងមួយណាតាមរយៈការស្តាប់សំឡេង ថែមទាំងដឹងពីល្បឿនផងដែរ។
ប្រហែលជាអាចកំណត់ទីកន្លែងក្នុងកម្រិតណាមួយតាមរយៈរថភ្លើង ល្បឿន និងការធ្វើដំណើរឆ្លងកាត់របស់រថភ្លើង។
ម្យ៉ាងវិញទៀត នៅពេលដែលនរណាម្នាក់និយាយកុហកអំពីប្រវត្តិ ឬឆ្នាំកំណើតរបស់ខ្លួន គ្រប់គ្នានៅតែអាចរកឃើញរូបថតកាលពីក្មេងរបស់ពួកគេ ហើយការផ្លាស់ប្តូររូបរាងខាងក្រៅតាមរយៈការវះកាត់កែសម្ផស្សក៏នឹងត្រូវលាតត្រដាងផងដែរ។
ដើម្បីធ្វើបានដូច្នេះ ពួកគេក៏ត្រូវតែមានជំនាញ និងបច្ចេកទេសផងដែរ ប៉ុន្តែចំណុចដែលត្រូវនិយាយត្រង់ថា អ្នកដែលធ្វើរឿងទាំងនេះ មិនមែនជាប៉ូលីស ឬអ្នកស៊ើបអង្កេតនោះទេ។ ពួកគេក៏មិនរកបានប្រាក់តាមរយៈរឿងនេះដែរ។
ខ្ញុំជឿថា ខ្ញុំមិនមែនជាមនុស្សតែម្នាក់ទេដែលគិតថា យល់ល្អគួរតែប្រើសមត្ថភាពទាំងនោះតាមវិធីដែលមានអត្តន័យជាងនេះ។
ប្រសិនបើរស់នៅប្រទេសជប៉ុន ចូរយើងទាំងអស់គ្នាប្រុងប្រយ័ត្ននៅពេលដែលប្រើប្រាស់បណ្តាញសង្គម។
Abe Kengo
-
បុគ្គលដែលពិបាកនឹងឡើងដំណែងនៅក្នុងក្រុមហ៊ុនជប៉ុន -
អស្ចារ្យ…លោកឪពុកសម័យថ្មីបង្រៀនកូនអោយយល់ពីតម្លៃ និងវិធីសាស្រ្តរកប្រាក់ -
ហេតុការណ៍ Streamer ស្រីត្រូវចាក់សម្លាប់ តើនរណាជាអ្នកខុស? -
ប្រៀបធៀបចំណុចជាសង្សា និងដៃគូរជីវិតរបស់បុរសជប៉ុន -
បន្ទាប់ពីសោកនាដកម្មប្រពន្ធកូនត្រូវសម្លាប់បុរសម្នាក់បន្តរស់នៅក្នុងផ្ទះនោះ -
វត្ថុដែលនាំមកនូវភាពចង្រៃមិនអាចយកទៅផ្ទះទេ
-
កម្មវិធីទូរទស្សន៍ជប៉ុនដែលប្លែកបំផុតថតតែសកម្មភាពនារីរត់ឡើងទួល -
ហេតុអ្វីបានជាស្ត្រីជប៉ុនក៏យល់ស្របថាស្រ្តីគួរតែឈប់ពីការងារនៅផ្ទះបន្ទាប់ពីរៀបអាពាហ៍ពិពាហ៍ -
បន្ទាប់ពីជប៉ុនប្រកាសបិទកន្លែងមួយចំនួនបញ្ហាជាច្រើនត្រូវលាតត្រដាង -
ភាពខុសគ្នារវាងអាជីពក្នុងក្តីស្រមៃដែលឪពុកម្តាយជប៉ុន និងកុមាររំពឹងទុក -
កម្មវិធីបង្រៀនមុខវិជ្ជាប្រវត្តិសាស្រ្តក្នុងទម្រង់តួអង្គមានរូបរាងជាឆ្មា -
ហេតុអ្វីបានជាជនជាតិជប៉ុនសម័យបុរាណធ្វើរូបចម្លាក់ Tanuki មានប្រដាប់ភេទធំ?