ហេតុ​ការណ៍ Streamer ស្រីត្រូវចាក់សម្លាប់ តើ​នរណា​ជា​អ្នក​ខុស?

ហេតុ​ការណ៍ Streamer ស្រីត្រូវចាក់សម្លាប់ តើនរណាជាអ្នកខុស?

កាលពីថ្ងៃទី ១៣ ខែមីនា នៅទីក្រុងតូក្យូមាននារីម្នាក់ឈ្មោះថា Mogami Ai បានទទួលមរណភាពដោយសារត្រូវចាក់​ដោយ​កាំបិត ខណៈ​ពេល​ដែល​កំពុង​ផ្សាយ​ផ្ទាល់​នៅ​លើ​បណ្តាញ​សង្គម។ 

ដោយសារតែបានកើតឡើងក្នុងអំឡុងពេលផ្សាយផ្ទាល់ ដូច្នេះ​ហើយ ទើប​ហេតុ​ការណ៍​ទាំង​មូល​ត្រូវ​បាន​ផ្សាយ​ជាសាធារណៈ។

ក្នុងចិត្តរបស់ខ្ញុំពិតជាច្របូកច្របល់ណាស់ នៅពេលដែលគិតពីមូលហេតុដែលនារី​​ម្នាក់​នេះ​ត្រូវ​ចាក់សម្លាប់ ហើយ​ឆ្ងល់​ថាតើនរណាជាអ្នកខុសក្នុងរឿងនេះ។

តើអ្នកទាំងអស់គ្នាយល់យ៉ាងណាចំពោះរឿងនេះ?

ប្រាក់ដែលខ្ចីមិនបានសងវិញ

Mogami Ai គឺជានារីម្នាក់ដែលបានទទួលមរណភាពដោយសារករណីចាក់សម្លាប់ នាងជា Single Mom ម្នាក់តាំង​ពី​អាយុ ១៨ ឆ្នាំ។

នាងរកប្រាក់តាមរយៈការផ្សាយបន្តផ្ទាល់នៅលើបណ្តាញសង្គម។

Takano គឺជាជនសង្ស័យដែលបានសម្លាប់ Mogami Ai ហើយក៏ជាអ្នកដែលមានស្នេហាចំពោះនាងផងដែរ។

Mogami Ai សុំខ្ចីប្រាក់ពី Takano ជាមួយនឹងចំនួនទឹកប្រាក់រាប់​ម៉ឺន​យ៉េន​ក្នុង​ម្តង។ ដោយ​ចំនួន​ទឹក​ប្រាក់​សរុប​គឺ ២,៥៤ លាន​យ៉េន។

នៅពេលដែល Mogami Ai ជួបការលំបាក Sato តែងតែជួយដល់នាង ទាំងដែលខ្លួនគាត់ផ្ទាល់ក៏កំពុងស្ថិតក្នុងស្ថាន​ភាព​លំបាក​ក៏​ដោយ។

ជនសង្ស័យ Takano មិនមានសុភមង្គលក្នុងជីវិតនោះទេ ហើយហាក់បីដូចជាមានការលំបាកជាច្រើន ទោះបីជាយ៉ាង​នេះ​ក្តី គាត់​នៅ​តែ​បន្ត​ចំណាយ​ប្រាក់​ដោយ​សង្ឃឹម​ថា​អាច​ជួយ​ដល់ Mogami Ai ។

ហើយ​​ប្រហែល​​ជា​លោកត្រូវខ្ចីប្រាក់គេ និងធ្លាក់ក្នុងស្ថានភាពជំពាក់បំណុលដើម្បីយកប្រាក់ទៅឲ្យ Mogami Ai ។

ប៉ុន្តែចំនួនទឹកប្រាក់ដែល Mogami Ai សងគាត់ត្រឹម ៣០.០០០ យ៉េនប៉ុណ្ណោះ។

Mogami Ai ចាប់ផ្តើមរស់នៅបែបហ៊ឺហា

នាងបានយកកូនរបស់ខ្លួនទៅផ្ញើ ហើយ​ចាប់​ផ្តើម​ជីវិត​ថ្មី​ជាមួយ​នឹងមិត្ត​ប្រុស​ថ្មី។

ដោយអួតពីជីវភាពនៅក្នុងអគារល្វែងលំដាប់ខ្ពស់ ដំណើរកម្សាន្តទៅលេងនៅក្រៅប្រទេស និងទទួលទានអាហារដ៏ប្រណិត​ជា​មួយ​មិត្ត​ប្រុស​តាម​រយៈ​ការ​ផ្សាយ​នៅ​លើ​បណ្តាញ​សង្គម។

ទាំងដែលមិនព្រមសងប្រាក់ទៅឲ្យ Takano ទាល់តែសោះ។

អ្នកទាំងអស់គ្នាសាកស្រមៃគិតមើលថា Takano នឹង​គិត​យ៉ាង​ណា​នៅ​ពេល​ដែលគាត់មើល​ឃើញ​ការ​ផ្សាយ​ផ្ទាល់ទាំង​នេះ។

“កន្លងមកខ្លួនត្រូវគេបោក” ឬ “មិនអាចអត់ទោសបានទេ” ជា​គំនិត​ដែល​លេច​ឡើង​ក្នុង​ខួល​ក្បាល​របស់​គាត់ ខ្ញុំគិត​ដូច្នេះ។ 

ហេតុការណ៍​នេះ​បាន​ធ្វើ​ឲ្យ​មានមតិយោបល់ផ្ទុយគ្នាជាច្រើននៅលើ​បណ្ដាញ​សង្គម។

សម្លាប់​មនុស្ស​គឺ​ជា​ទង្វើ​ដែល​ខុស​ឆ្គង ប៉ុន្តែ​​នាង​​បែរ​​ជា​​កំពុង​​ធ្វើ​​រឿង​​ជា​ច្រើន​ដែល​ធ្វើ​ឲ្យ​មនុស្ស​ម្នាក់នោះ​​ចង់សម្លាប់​​នាង។

ចំណុចនេះមិនមែន​ជា​លេស​សម្រាប់ការពារសកម្មភាពសម្លាប់មនុស្សនោះទេ ប៉ុន្តែនោះជាមូលហេតុយ៉ាងច្បាស់ដែល​ធ្វើ​ឲ្យ​យើង​ដឹង​ថា ហេតុ​អ្វី​​បាន​​ជា​​នាង​ត្រូវ​គេ​សម្លាប់។

ជាការពិតណាស់ ការសម្លាប់មនុស្សគឺខុសទាំងស្រុង។ យ៉ាងណាមិញ ខ្ញុំគិតថា ទង្វើបោកបញ្ឆោតអ្នកដ៏ទៃដើម្បីយកប្រាក់របស់គេ និងមិនព្រមសងប្រាក់​គេ​វិញ រស់​នៅ​បែប​ហ៊ឺហា ហើយ​ថែម​ទាំង​បង្ហាញ​នៅ​លើ​បណ្តាញ​សង្គម​ក៏​មិនធម្មតា​នោះ​ដែរ។

ការដែលធ្វើបែបនេះដូចជាកំពុងចំអកដល់ Takano ដោយ​គិត​ថា ​គាត់​មិន​ហ៊ាន​សម្លាប់ខ្លួន។

ខ្ញុំ​គិត​ថា នាងពិតជាបានមើលស្រាលមនុស្សដែលត្រូវបង្ខំឲ្យដើរផ្លូវទាល់។

ចំពោះករណីនេះ ពិតជាពិបាកបែងចែកខុសត្រូវណាស់ តើអ្នកទាំងអស់គ្នាគិតយ៉ាងណាដែរ?

Abe Kengo