តើបង្កប់អត្តន័យយ៉ាងណា? បទបញ្ជាផ្ទៃក្នុងដ៏​អាថ៌កំបាំង​មួយ​ចំនួន​នៅ​​សាលាជប៉ុន

តើបង្កប់អត្តន័យយ៉ាងណា? បទបញ្ជាផ្ទៃក្នុងដ៏អាថ៌កំបាំងមួយចំនួននៅសាលាជប៉ុន។

សាលារៀននៅក្នុងប្រទេសជប៉ុន ជាពិសេសអនុវិទ្យាល័យ និងវិទ្យាល័យមានបទបញ្ជាផ្ទៃក្នុងជាច្រើនដែលត្រូវបានកំណត់។

ដើម្បីជួយឲ្យសិស្សានុសិស្សយកចិត្តទុកដាក់ចំពោះការរៀនសូត្រ សាលារៀនជាច្រើនបានតម្រូវឲ្យសិស្សស្លៀកពាក់​ឯក​សណ្ឋាន ការលាបពណ៌សក់ អ៊ុត​សក់ និង​ផាត់​មុខ​ត្រូវ​បាន​ហាម​ឃាត់ មិន​ត្រឹម​តែ​ប៉ុណ្ណឹង នៅ​មាន​បទ​ប្បញ្ញត្តិអាថ៌កំបាំង​​ផ្សេង​​ទៀត។

នៅថ្ងៃនេះ JAPO នឹង​ណែនាំបទប្បញ្ញត្តិមួយ​ចំនួនដែលអាចនឹងធ្វើឲ្យអ្នកទាំងអស់គ្នាអស់សំណើចតាមរយៈអត្តបទ​ខាង​ក្រោម។

ការសម្អាតគួរតែធ្វើដោយស្ងៀមស្ងាត់

ប្រិយមិត្តអ្នកអាននៅបរទេសប្រាកដជាយល់ថាប្លែក ប៉ុន្តែនៅតាមសាលាជប៉ុន ការសម្អាតបរិវេណសាលាគឺជាតួនាទី​របស់​សិស្ស។

ការសម្អាតត្រូវអនុវត្តជារៀងរាល់ថ្ងៃ យ៉ាងណាមិញ សាលារៀនមួយចំនួនបានកំណត់បទប្បញ្ញត្តិថា ការជូតសម្អាតត្រូវ​តែ​ធ្វើ​ឡើង​ដោយ​ស្ងៀម​ស្ងាត់ ហើយ​មិន​អាច​និយាយ​​​នោះ​​ទេ។

ភាគច្រើនគ្រប់គ្នាមិនចង់ធ្វើតាមបែបនេះឡើយ ដូច្នេះទើបពួកគេបានបញ្ចេញមតិ​ត្អូញត្អែរ។ 

ប្រហែលជាភាគីសាលាចង់បញ្ឈប់ការតវ៉ាទាំងនេះ ប៉ុន្តែតើភាគីសាលាហួសហេតុពេកទេ នៅពេលដែលស្នើឲ្យការសម្អាត និង​របៀប​ណែ​នាំ​ត្រូវ​ធ្វើ​ឡើង​ដោយ​ស្ងៀម​ស្ងាត់ ពោល​គឺ​ប្រើ​តែ​កាយ​វិការ​ប៉ុណ្ណោះ។

និយាយតាមត្រង់ទៅ ខ្ញុំ​ពិត​ជា​អស់សំណើចនៅពេលដែលស្រមៃគិតដល់ទិដ្ឋភាព​នេះ​។

មិនអាចដើរលើផ្ទាំងទឹកកកនៅតាមផ្លូវទៅកាន់សាលា ឬពីសាលាមកផ្ទះវិញនោះទេ

នៅរដូវរងាតំបន់សមុទ្រភាគខាងជើង Hokkaido នឹងមានផ្ទាំងទឹកកកធំៗ ដែលរសាត់ចេញទៅសមុទ្រហៅថាផ្ទាំង​ទឹក​កក​អណ្តែត។

ផ្ទាំងទឹកកកទាំងនេះមានទំហំធំល្មមអាចផ្ទុកទម្ងន់របស់មនុស្សបាន។ ធ្លាប់មានជនភៀសខ្លួន​មួយចំនួនដែល​មក​ពី​​ប្រទេស​​រុស្ស៊ី​ចង់​​ទៅ​កាន់​ជប៉ុន​ដោយ​​ជិះ​​ម៉ូតូ​​លើ​ផ្ទាំងទឹក​កក​អណ្តែត​បែប​នេះ។

កុំដើរនៅលើផ្ទាំងទឹកកកទាំងនេះដើម្បីជៀសវាងស្ថានភាពគ្រោះថ្នាក់ យ៉ាងណាមិញ គ្រោះថ្នាក់ទាំងនេះមិនត្រឹមតែអាច​កើត​ឡើងនៅតាមផ្លូវទៅសាលា ឬពីសាលាមកផ្ទះវិញប៉ុណ្ណោះទេ មែនទេអ្នកទាំងគ្នា?

រាយការណ៍អំពីរឿងដែលមានសង្សារ

សាលារៀនជាច្រើនហាមឃាត់សិស្សមិនឲ្យមានស្នេហា ដើម្បីផ្តោតទៅលើការសិក្សា ប៉ុន្តែកម្រមានណាស់សាលារៀនតម្រូវឲ្យសិស្សត្រូវរាយការណ៍អំពីរឿងនេះ។

ដូច្នេះហើយ តើគ្រូបង្រៀនដែល​ទទួល​បាន​សេចក្តីជូន​ដំណឹង​នេះនឹងធ្វើយ៉ាងណា?

ពួកគេគ្រាន់តែអាចនិយាយថា “អបអរសាទរ” ប៉ុណ្ណោះ

ថែមទាំងមានបទប្បញ្ញត្តិមួយផ្សេងទៀតដែលទាក់ទងនឹងបញ្ហានេះ “បុគ្គលដែលអ្នកស្រលាញ់ត្រូវតែជាមិត្តរួមសាលា​ទើប​បាន” ។

ដោយផ្ទាល់ខ្ញុំយល់ថា មានសង្សារនៅសាលាមួយផ្សេងទៀតក៏មិនអីដែរ តើមានអ្វីខុសគ្នាទៅ?

ប្រសិនបើបំពានបទប្បញ្ញត្តិដែល​ទាក់ទងនឹងសម្លៀកបំពាក់ ត្រូវ​ប្រគល់​កំណត់​ហេតុ​ទៅ​ឲ្យ​នាយករង​ក្នុង​រយៈ​ពេល ៦ ខែ

សិស្សមួយចំនួនបានកែឯកសណ្ឋាន​របស់ខ្លួន សូម្បីតែសាលា​ដែល​ខ្ញុំ​ធ្លាប់​រៀនកាលពីមុនក៏ដូចគ្នាដែរ លោកគ្រូអ្នកគ្រូ​បាន​ខឹង​សម្បារ។ យ៉ាង​ណា​មិញ ពិតជាពិបាកនឹងបញ្ឈប់រឿងទាំងនេះណាស់។

នាយករងគឺជាគ្រូបង្រៀនដែលមានតំណែងធំទី ២ នៅក្នុងសាលា។

បើនិយាយពីការប្រគលកំណត់ហេតុប្រចាំថ្ងៃ គឺជាដំណាក់កាលដែលមនុស្សម្នាក់សរសេរកំណត់ហេតុប្រចាំថ្ងៃ ហើយប្រគល់​ទៅឲ្យម្នាក់ទៀត បន្ទាប់មកទទួលបានមតិកែលម្អ ហើយធ្វើបែបនេះជាបន្តបន្ទាប់តាមរយៈការសរសេរ និងឆ្លើយ​តប​ក្នុង​កំណត់​ហេតុ​ប្រចាំថ្ងៃ ចំណុច​នេះ​ស្មុគ​ស្មាញ​ណាស់។

សូម្បីតែសិស្សដែលមិនគោរពតាមបទប្បញ្ញត្តិ ក៏ប្រហែលជាមិនចង់បំពានបទប្បញ្ញត្តិឯកសណ្ឋាន ហើយទទួលទណ្ឌកម្ម​នេះ​នោះ​​ដែរ។

គ្រូបង្រៀនដែលគិតឃើញវិធីសាស្រ្តនេះប្រៀបដូចជាបុគ្គលដែលមានទេពកោសល្យមួយរូបមែនទេ?

ប្រសិនបើអ្នកគិតថា បទប្បញ្ញត្តិចម្លែកសម្រាប់សិស្សានុសិស្សទាំងនេះមានតែនៅជប៉ុន តាមពិតទៅ ចំណុចទាំងនេះ​ក៏​បាន​ចែង​នៅ​ប្រទេស​មួយ​ចំនួន​លើ​ពិភព​លោក​ផង​ដែរ។ និយាយអញ្ចឹង ក្នុងអត្តបទថ្ងៃនេះ ខ្ញុំនឹងណែនាំដោយ​សង្ខេប។

នៅប្រទេសបារាំង
“មិនអាចប្រើទឹកជ្រលក់ប៉េងប៉ោះពេលបរិភោគនោះទេ។ អាចប្រើទឹកជ្រលក់ប៉េងប៉ោះនៅពេលដែលហូបជាមួយដំឡូងបារាំងបំពង” ។
ប្រហែលជាបទប្បញ្ញត្តិនេះដោយសារតែទឹកជ្រលក់ប៉េងប៉ោះមានរសជាតិដិតខ្លាំង ដែលអាចធ្វើឲ្យជីវ្ហាវិញ្ញាណរបស់ក្មេងវិវឌ្ឍន៍​ខុស​ធម្មតា។
ជាប្រទេសដែលយល់ច្បាស់ពីម្ហូបអាហារ។

នៅប្រទេសអូស្ត្រាលី
“កុំមើល Kangaroo ហួសហេតុពេក”
ក្រៅពីប្រទេសនេះ ចំណុចនេះជាបទប្បញ្ញត្តិដែលមិនចាំបាច់។

ចក្រភពអង់គ្លេស
“កុំដាក់ពិន្ទុដោយប្រើទឹកថ្នាំពណ៌ក្រហម”
នេះជាបទប្បញ្ញត្តិពិសេសសម្រាប់គ្រូបង្រៀនជាជាងសិស្ស ប្រហែលជានៅទីនេះពណ៌ក្រហមតំណាងឲ្យភាពអវិជ្ជមាន ចំណែក​ឯពណ៌​បៃតង​ត្រូវ​បាន​លើក​ទឹក​ចិត្ត​ឲ្យ​ប្រើ។

កាលពីនៅរៀន តើអ្នកទាំងអស់គ្នាធ្លាប់ឆ្លងកាត់បទប្បញ្ញត្តិពិសេសណាមួយដែរទេ?

JAPO រីករាយនឹងទទួលយកមតិយោបល់របស់អ្នកទាំងអស់គ្នាតាមរយៈ Comment ខាងក្រោម។

Abe Kengo