តើ YAMAHA ជា​ប្រភេទ​ក្រុម​ហ៊ុន​អ្វី? ចំណុច​ដែល​យើង​ទាំង​អស់​គ្នា​មិន​ទាន់​ដឹង

តើ YAMAHA ជាប្រភេទក្រុមហ៊ុនអ្វី? ចំណុចដែលយើងទាំងអស់គ្នាមិនទាន់ដឹង។

នៅប្រទេសកម្ពុជាពេលដែលរំលឹកដល់ឈ្មោះ YAMAHA គ្រប់គ្នាប្រាកដជាគិតភ្លាមដល់ក្រុមហ៊ុនម៉ូតូ។

ហើយម៉ូតូដែលខ្ញុំកំពុងជិះក៏ជាម៉ាក YAMAHA ដែរ ប៉ុន្តែតាមពិតទៅនេះមិនមែនជាក្រុមហ៊ុនផលិតម៉ូតូនោះទេ។

តើនេះជាឈ្មោះក្រុមហ៊ុនផលិតឧបករណ៍ភ្លេងមែនទេ? ចំណុចនេះក៏មិនត្រូវទាំងស្រុងដែរ។

ក្នុង​អត្ថបទ​ថ្ងៃ​នេះ យើងនឹងស្វែងយល់ទាំងអស់គ្នាថា YAMAHA ជាក្រុមហ៊ុនដែលហាក់បីដូចជាកម្រ​មាន​នៅជប៉ុន​គឺ​​ជា​ក្រុម​ហ៊ុន​អ្វី?

ដំបូងឡើយ YAMAHA គឺជាក្រុមហ៊ុនជំនាញខាងជួសជុលឧបករណ៍ភ្លេច organ នាំចូល។ 

ដោយចាប់ផ្តើមពីជំហានដំបូងនេះ ពួកគេបានផ្តួចផ្តើមផលិតឧបករណ៍តន្ត្រីក្នុងក្រុមហ៊ុនរបស់ខ្លួន ហើយដំណើរការ​លក់​ឧបករណ៍​តន្រ្តី​ចាប់​ពី​ពេល​នេះ​ទៅ។

ខ្ញុំគិតថា ចំណុចនេះស្ថិតក្នុងការគិតរបស់អ្នកទាំងអស់គ្នា។

ក្នុងចំណោមឧបករណ៍តន្ត្រីដែលខ្ញុំបានលើកឡើងមានដូចជាព្យាណូ​អេឡិច​ត្រូនិក ប៉ុន្តែ​ឧបករណ៍​ប្រភេទ​នេះត្រូវដំឡើង​​ឧបករណ៍​​អេឡិច​ត្រូនិក។

នេះ​ជា​មូល​ហេតុ​ដែល​ពួក​គេ​ផលិត​គ្រឿង​អេឡិចត្រូនិក​ដែល​ពាក់ព័ន្ធផងដែរ។

ដោយផ្អែកលើភាពជោគជ័យដំបូងក្នុងការផលិតគ្រឿងអេឡិចត្រូនិច ពួកគេបានបន្តសាកល្បងផលិតកុំព្យូទ័រ ហើយ​ក៏ទទួលបានជោគជ័យជាមួយនឹងផលិតផលដែលមានឈ្មោះថា Rooter ដែល​អាច​ប្រើ​បាន​តាម​រយៈ​ការ​ភ្ជាប់​អុីនធឺណេត។

នាពេលបច្ចុប្បន្ននេះ ពួកគេបានបញ្ឈប់ការផលិតកុំព្យូទ័រ ប៉ុន្តែ Rooter ធ្លាប់ជាផលិតដែលល្បីឈ្មោះ និងត្រូវបានរំលឹក​ដល់​នៅ​ក្នុង​ប្រទេស​ដែល​អភិវឌ្ឍ​បច្ចេក​វិទ្យា​នេះ។

ក្រៅពីនេះ ឧបករណ៍តន្ត្រីនៅតែត្រូវបានផលិតដំណាលគ្នា ដូច្នេះហើយ នៅពេលខ្លះពួកគេបង្ហាញខ្លួនក្នុងនាមជាអ្នកឧបត្ថម្ភ​សម្រាប់​កម្មវិធី​ប្រកួត​តន្រ្តី ស្វែងរកទេពកោសល្យវ័យក្មេង ហើយកម្មវិធីទាំងនេះ​ក៏ក្លាយជាព្រឹត្តិការណ៍ល្បី​ផង​ដែរ។

ពួកគេថែមទាំងដំណើរការមជ្ឈមណ្ឌលបណ្តុះបណ្តាលតន្ត្រី ខ្ញុំគិតថា ប្រិយមិត្តអ្នកអានប្រាដកជាដឹងចំណុចនេះ។

លទ្ធផលដែលបានមកពីការផលិតឧបករណ៍ឈើ និងតាមរយៈដំណើរការផលិត organ និង​ព្យាណូ ពួកគេ​បាន​ពង្រីក​​អាជីវកម្ម​​លក់​គ្រឿង​​សង្ហារិម។

ដោយសារតែពួកគេអាចផលិតគ្រឿងសង្ហារិម ពួកគេត្រូវបានយោធាជប៉ុនស្នើឲ្យផលិតស្លាបកង្ហារឈើសម្រាប់យន្ត​ហោះ​ចម្បាំង​អំឡុង​ពេល​សង្រ្គាម ហើយ​ចាប់​តាំង​ពី​ពេល​នោះ​ការ​ផលិត​បាន​ចាប់​ផ្តើម។

គ្រឿងម៉ាសុីនដែលពួកគេផលិតត្រូវបានដាក់បង្ហាញ ហើយ​ដោយ​សារ​តែ​អាថ៌កំបាំង​ទាំង​នោះ ក្រោយសង្គ្រាម ពួក​គេ​​បាន​​​ចាប់​​ផ្តើម​​ផលិត​​ម៉ូតូ បង្កើត​បាន​ជាកេរ្តិ៍ឈ្មោះ YAMAHA ដែលល្បីលើពិភពលោកដូចសព្វថ្ងៃនេះ

ម្យ៉ាងវិញទៀត ខ្ញុំសូមចែករំលែកផងដែលថា ដំបូងឡើយ TOYOTA ក៏បំពាក់ដោយប្រភេទម៉ាស៊ីនដែលផលិតដោយ YAMAHA ផង​ដែរ។

នាយកក្រុមហ៊ុនជាមនុស្សដែលចូលចិត្តបាញ់ធ្នូ ដូច្នេះលោកបានចាប់ផ្តើមផលិតឧបករណ៍បាញ់ធ្នូ ហើយប្រើប្រាស់សម្ភារៈ​ទាំងនោះ​សម្រាប់ផលិតទូក។ ក្រោយមក ​ម៉ាស៊ីន​កប៉ាល់​របស់លោកបានខូច ដូច្នេះទើបលោកឆ្ពោះទៅរកការផលិត​ម៉ាស៊ីន​​សម្រាប់​​កប៉ាល់​។

ដោយផ្អែកលើសម្ភារៈដែលនៅសល់ លោកបានសាងសង់អាងហែលទឹក និងស្លាយទឹក។

មិនច្បាស់ពីប្រភពមកពីអ្វីនោះទេ ប៉ុន្តែក្រោយមកពួកគេបានផលិតម៉ាស៊ីនចម្រោះទឹក ហើយចាប់ផ្តើមអាជីវកម្មជីវសាស្រ្ត​ដោយ​ផ្អែក​លើ​បច្ចេក​វិទ្យា​នេះ។

ជាមួយនឹងអាជីវកម្មចម្រុះបែបនេះ ពិតជាពិបាកនឹងកំណត់ឈ្មោះណាស់នៅពេលដែលរំលឹកដល់​​ YAMAHA ។

ទោះជាយ៉ាងណា ជាមួយនឹងការពង្រីកខ្លួនចូលវិស័យខុសៗគ្នា ដូច្នេះហើយ YAMAHA ត្រូវ​បាន​ចាត់​ទុកជាសាជីវកម្ម​ដែល​​អាច​​ទប់​​ទល់​​នឹង​​វិបត្តិ​​សេដ្ឋកិច្ច។

ស្មារតីរបស់ YAMAHA គឺប្រែក្លាយគ្រប់យ៉ាងដែលអ្នកស្រលាញ់ទៅជាការងារ។

គ្រប់យ៉ាងសុទ្ធតែទទួលបានប្រាក់ចំណេញ ហើយបានអភិវឌ្ឍទៅជាក្រុមហ៊ុនផលិតម៉ូតូ និងឧបករណ៍តន្ត្រីឈានមុខ​គេ​នៅ​លើ​ពិភព​លោក។

នេះជាឧទាហរណ៍ដែលនិយាយពីភាពជោគជ័យដោយមិនផ្តោតលើវិស័យតែមួយ។

ប្រសិនបើយើងទាំងអស់គ្នាអនុវត្តគំនិតនេះក្នុងជីវិតប្រចាំថ្ងៃរបស់ខ្លួន តើយើងអាចសម្រេចបានជោគជ័យដូចពួក​គេ​ដែរ​ទេ?

ដោយផ្ទាល់ ខ្ញុំកំពុងទន្ទឹងរង់ចាំមើលជំហានបន្ត YAMAHA នឹងធ្វើអ្វីបន្ទាប់ទៀត។

Abe Kengo