អត្ថបទពិសេសសម្រាប់អ្នកដែលមានបំណងចាប់ផ្តើមអាជីវកម្ម រឿងនិយាយពីក្រុមហ៊ុនផលិតរថយន្តជប៉ុនផ្តើមចេញពីអាជីវកម្មខ្នាតតូច

អត្ថបទពិសេសសម្រាប់អ្នក​ដែល​មាន​បំណង​ចាប់​ផ្តើម​អាជីវកម្ម រឿងនិយាយពីក្រុមហ៊ុនផលិត​រថយន្ត​ជប៉ុន​ផ្តើមចេញ​ពី​អាជីវកម្ម​ខ្នាត​តូច។

ក្នុងចំណោមក្រុមហ៊ុនរថយន្តជប៉ុន តើអ្នកទាំងអស់គ្នាស្គាល់ម៉ាក​​រថយន្ត​ណាខ្លះ?

ប្រហែលជាអ្នកទាំងអស់គ្នាស្គាល់ TOYOTA, HONDA, Nissan, Suzuki, Mitsubishi, Mazda ទាំងនេះគឺជាម៉ាករថយន្ត​ដែល​ល្បី​ឈ្មោះ ប៉ុន្តែនៅមានម៉ាករថយន្តមួយទៀតមានឈ្មោះថា Mitsuoka គឺជាម៉ាករថយន្តដែលជាប់ចំណាត់​ថ្នាក់​លេខ ១០ បើ​គិត​តាម​លំដាប់​លំដោយ​ពេល​វេលាផលិតនៅជប៉ុន។

នេះជាក្រុមហ៊ុនខ្នាតតូច ហើយចាប់ផ្តើមដំណើរការយឺត ដែលជាក្រុមហ៊ុន​ផលិត​រថយន្ត​ទី ១០ នៅ​ប្រទេស​ជប៉ុន។

តើ Mitsuoka បានធ្វើអ្វីខ្លះខាងវិស័យដែលហាក់បីដូចជាពិបាកសម្រាប់អាជីវកម្មខ្នាតតូច?

បន្ទាប់ពីបានអានចំណុចទាំងនេះ ប្រហែលជាអ្នកទាំងអស់គ្នានឹងចាប់ផ្តើមចាប់អារម្មណ៍ចំពោះអាជីវកម្ម​ផង​ដែរ។ 

ដំបូងក្រុមហ៊ុនត្រូវបានបង្កើតឡើងប្រៀបដូចជាក្រុមហ៊ុនផលិតរថយន្តតាមតម្រូវការរបស់អតិថិជន

Mitsuoka ត្រូវបានបង្កើតឡើងក្នុងឆ្នាំ ១៩៦៨ ។

ដោយចាប់ផ្តើមដំបូងគឺជាហាងជួសជុលរថយន្តតូចមួយនៅខេត្ត Toyama បន្ទាប់មកពួកគេបានកែតម្រូវទម្រង់​ទីផ្សារ ហើយ​រីក​ចម្រើន​ក្លាយ​ជា​ក្រុម​ហ៊ុន​ផលិត​រថយន្ត​តាម​តម្រូវ​ការ។

ក្រៅពីការជួសជុល Mitsuoka ថែមទាំងបានស្រាវជ្រាវពីរបៀបផលិតរថយន្តដែលពិសេសប្លែកជាងមុន ហើយបាន​ឈាន​ជើង​ចូល​វិស័យ​កែ​ច្នៃ​រថយន្ត។

ទោះជាយ៉ាងណា បើតាមច្បាប់ ពួកគេគ្រាន់តែទទួលបានការអនុញ្ញាតចំពោះសកម្មភាពផ្លាស់ប្តូរ កែតម្រូវយានយន្ត​ប៉ុណ្ណោះ ដោយ​មិន​រាប់​បញ្ចូល​វិស័យ​ផលិត​នោះ​ទេ។

តើពួកគេបានធ្វើអ្វីទើបត្រូវបានទទួលស្គាល់ថាជាក្រុមហ៊ុនផលិត​រថយន្ត?

ដោយទទួលបានការយល់ស្របពីរដ្ឋាភិបាលជប៉ុនចំពោះការរចនាម៉ូដ ពួកគេអាចលក់រថយន្តដែលមានការរចនាដើម​របស់​ខ្លួន ប៉ុន្តែ​ចំណុច​នេះ​ពិបាក​ណាស់។

ស្តង់ដារមួយចំនួនដែលចាំបាច់ត្រូវបញ្ជាក់គឺ៖

• តេស្តការប៉ះទង្គិច
• ត្រួតពិនិត្យការបំភាយឧស្ម័ន
• ប្រព័ន្ធមានមុខងារផលិតទ្រង់ទ្រាយធំ

ទាំងនេះជាលក្ខខណ្ឌដែលក្រុមហ៊ុនខ្នាតតូចពិបាកនឹងឆ្លើយតបបាន។

នៅពេលដែល TOYOTA និង HONDA ចាប់ផ្តើមផលិតរថយន្ត បទប្បញ្ញត្តិមិនតឹងរ៉ឹងពេកនោះទេ ប៉ុន្តែចំណុចទាំង​​នេះ​កាន់​តែ​តឹង​រ៉ឹង​ពី​មួយ​ឆ្នាំ​ទៅ​មួយ​ឆ្នាំ ដោយធ្វើឲ្យក្រុមហ៊ុនតាមពីក្រោយមិនអាចចូលរួមវិស័យនេះបាន។

ចាប់ផ្តើមជាមួយនឹងអ្វីដែលស្ថិតក្នុងសមត្ថភាព

ដោយមិនអាចឆ្លងកាត់ការត្រួតពិនិត្យខាងលើ Mitsuoka បានដាក់គោលដៅផលិតរថយន្តដែលមិនចាំបាច់ត្រូវមាន​ការ​អនុញ្ញាត​ប្រភេទ។

យោងទៅតាមបទប្បញ្ញត្តិរបស់ជប៉ុន រថយន្តក្រោម ៥០ សេសេ ត្រូវបានចាត់ទុកជាប្រភេទរថយន្តធុនតូច ដោយមិន​ចាំ​បាច់​មាន​ការ​បញ្ជាក់​ពី​ប្រភេទ​នោះ​ទេ ដូច្នេះជំហានដំបូងពួកគេចាប់ផ្តើមផលិតរថយន្ត ៥០ សេសេ​ទាំងនេះ។

បើប្រៀបធៀបនឹងម៉ូតូយើង​អាច​មើល​ឃើញ​យ៉ាង​ច្បាស់​ថា​ ចំណុះស៊ីឡាំង​របស់​យានជំនិះ​នេះ​តូចជាង។

នៅឆ្នាំ ១៩៨៧ ពួកគេបានផលិតយានជំនិះកង់បី ដែលបំពាក់ដោយម៉ាស៊ីន ៥០ សេសេ ហើយប្រកាសប្រាប់ពិភព​លោក​ដោយ​ប្រើ​ឈ្មោះ​ថា Mitsuoka ច្បាប់​ដើម។

នេះជាផលិតផលកម្រិតខ្ពស់របស់ក្រុមហ៊ុន។

ចាប់តាំងពីពេលនោះពេលរំលឹកដល់ឈ្មោះ Mitsuoka គ្រប់គ្នានឹងគិតភ្លាមដល់យានជំនិះដែលពិសេសប្លែក។ ទោះ​បី​ជា​ការ​យល់​ឃើញ​ចំពោះ​ចំណុច​នេះ​កាន់​តែ​ច្រើន​ឡើង ប៉ុន្តែ​ការ​ផលិត​រថយន្ត​ធម្មតា​​នៅ​តែ​ត្រូវ​បាន​អនុញ្ញាត។

ច្បាប់ត្រូវបានផ្លាស់ប្តូរ

បន្ទាប់ពីជោគជ័យក្នុងការផលិតរថយន្តកង់បី ពួកគេបានចាប់ផ្តើមផលិតរថយន្ត ប៉ុន្តែមិនទទួលបានការអនុញ្ញាត​ទាក់​ទង​នឹង​ប្រភេទ​រថយន្ត​នោះ​ទេ។ ចំណុច​នេះ​ដោយ​សារ​ការ​ខ្វះ​ខាត​ថវិកាសម្រាប់ធ្វើ​ការ​វាយ​តម្លៃ​ស្តង់​ដារ។

ទោះជាយ៉ាងណា ដោយពឹងទៅលើការតស៊ូរបស់ខ្លួនចំពោះឧស្សាហកម្មផលិតរថយន្ត ស្តង់ដារថ្មីបានអនុញ្ញាតចំពោះការរចនាម៉ូដសាមញ្ញសម្រាប់ក្រុមហ៊ុនផលិតខ្នាតតូចដែលត្រូវបានកំណត់ដោយរដ្ឋាភិបាល។

ចំណុចនេះមិនធ្លាប់មានពីមុនមកទេ ដោយផ្អែកទៅលើការតស៊ូរបស់ Mitsuoka បានបង្កើតការផ្លាស់ប្តូរ និង​បទ​ប្បញ្ញត្តិ​ថ្មី។

លទ្ធផល Mitsuoka បានក្លាយជាក្រុមហ៊ុនផលិតរថយន្តទី ១០ នៅប្រទេសជប៉ុន ដោយផលិតរថយន្តជាច្រើនប្រភេទ។

ចូរយើងប្រឡេកមើលការរចនាម៉ូដរថយន្តដែលពិសេសប្លែកខាងក្រោម។

ប្រសិនបើការតស៊ូអាចបន្តទៅមុខ ប្រហែលជាអាចផ្លាស់ប្តូរច្បាប់។

នេះ​ជា​លទ្ធផលនៃការឆ្ពោះទៅមុខដោយភាពរឹងមាំ ដោយមិនរត់គេចបញ្ហា។

ហើយសព្វថ្ងៃនេះ កេរ្តិ៍ឈ្មោះរបស់ Mitsuoka មានមនុស្សជាច្រើនស្គាល់ សូម្បីតែទីផ្សារនៅក្រៅប្រទេស។

នៅពេលដែលឃើញពីការខិតខំប្រឹងប្រែង និងជោគជ័យរបស់ Mitsuoka តើអ្នកទាំងអស់គ្នាមានបំណងចង់ចាប់ផ្តើម​អាជីវកម្ម​របស់​ខ្លួន​ដែរ​ទេ?

ដោយមានការចូលរួមពីមនុស្សជាច្រើន គំនិតជាច្រើនត្រូវបានរកឃើញ ដូច្នេះអាចរួមចំណែកដល់ការបង្កើតផលិត​ផល​ថ្មី និងពិសេសប្លែកជាច្រើន។

សង្ឃឹមថាយើងទាំងអស់គ្នានឹងមិនបោះបង់គោលដៅរបស់ខ្លួន។ ទេវតាមិនចោលមនុស្សដែលមានចិត្តនោះទេ ការ​​ខិត​​ខំប្រឹង​​ប្រែង​នៅ​ថ្ងៃ​នេះ​នឹង​ទទួល​បាន​ការ​តប​ស្នង​នៅ​ថ្ងៃ​ណា​មួយ។

Abe Kengo