ទម្រង់មុខបុរសត្រូវបាន​បែង​ចែក​​តាម​ប្រភេទ​​គ្រឿង​ទេស តើ​​មុខ​របស់​អ្នក​ស្ថិត​​ក្នុង​ប្រភេទ​មួយ​ណា?

ទម្រង់មុខបុរសត្រូវបានបែងចែកតាមប្រភេទគ្រឿងទេស តើមុខរបស់អ្នកស្ថិតក្នុងប្រភេទមួយណា?

មនុស្សយើងម្នាក់ៗមានការយល់ឃើញចំពោះសម្រស់ខុសគ្នា ដូច្នេះហើយ យើងក៏នឹងមានលក្ខណៈវិនិច្ឆ័យដោយ​ឡែក​នៅ​ពេល​ដែល​និយាយ​ពី​បុរស ឬ​ជា​ពិសេស​ប្រុស​សង្ហា។

ក្នុងអត្ថបទនេះ ខ្ញុំនឹងនិយាយដោយសង្ខេបពីវិធីសាស្រ្តបែងចែកប្រុសសង្ហារបស់ជប៉ុន ជារបៀបបែងចែកទៅ​តាម​គ្រឿង​ទេស។

តើអ្នកទាំងអស់គ្នាចូលចិត្តប្រភេទទម្រង់មុខបែបណា?

ទម្រង់មុខអំបិល

និយាយ​ឲ្យ​សាមញ្ញ​ទៅ​នេះជាទម្រង់មុខរបស់អ្នកដែលមានស្បែកស ច្រមុះ​ខ្ពស់​ស្រួច ជាមួយនឹងទម្រង់មុខសមសួន។ ដែលនាំមកនូវអារម្មណ៍ឡូយ និងអាថ៌កំបាំង។

ដោយសារតែមូលហេតុនេះ នៅពេលដែលជួបគ្នាលើកដំបូង អ្នកនឹងគិតថា នេះជាមនុស្សដែលពិបាកចូលទៅជិត ប៉ុន្តែ​នៅពេលដែលបុរសម្នាក់នោះញញឹម ប្រាកដជាបានឆក់យកបេះដូងរបស់មនុស្សស្រីជាច្រើននាក់។

ឧទាហរណ៍តារាជប៉ុនដែលល្បីឈ្មោះ ហើយមានទម្រង់មុខអំបិលគឺ Sakaguchi Kentaro ឬ Hoshino Gen ជាដើម។

អ្នកទាំងអស់គ្នាអាចរកមើលនៅលើអុីនធឺណេតបាន។

ទម្រង់មុខទឹកស៊ីអុីវ

ទឹកស៊ីអុីវគឺជាគ្រឿងទេសដែលតំណាងឲ្យជប៉ុន ដូច្នេះទម្រង់មុខដែលត្រូវបានគេចាត់ទុកដូចជាទឹកសុីអុីវក៏ជាលក្ខណៈ​ពិសេស​របស់​ជប៉ុន​ផង​ដែរ។

ទម្រង់មុខតូច រាក់ និងបបូរមាត់ស្តើង ដូច្នេះហើយ នេះជាទម្រង់មុខដែលគេចាត់ទុកថាសមនឹងស្លៀក Kimono ។

បុគ្គលមួយចំនួនដែលតំណាងឲ្យទម្រង់មុខនេះមានដូចជា Mukai Osamu ឬ Sasaki Kuranosuke ។

ទម្រង់មុខទឹកជ្រលក់

នេះជាប្រភេទទម្រង់មុខដែលមើលទៅមិនដូចជនជាតិជប៉ុនប៉ុន្មានទេ។

ទម្រង់មុខស្រដៀងនឹងជនជាតិ​លោកខាងលិច ជាមួយនឹងទម្រង់មុខច្បាស់ ច្រមុះ និង​មាត់​ធំ។

បុរសដែលមានទម្រង់មុខនេះភាគច្រើនមានភាពទាក់ទាញខ្លាំង ជាមន្តស្នេហ៍ដែលមនុស្សស្រីពិបាកនឹងទប់អារម្មណ៍​បាន។

យ៉ាងណាមិញ ដោយសារតែខ្ញុំជាមនុស្សប្រុស ដូច្នេះពិបាកនឹងយល់ ហើយពន្យល់លម្អិតណាស់។

ទម្រង់មុខបែបទឹកជ្រលក់មួយចំនួនមានដូចជា Abe Hiroshi និង Nagase Tomoya ។

ទម្រង់មុខទឹកប៉េងប៉ោះ

មិនខាប់ដូចជាទឹកជ្រលក់ ហើយក៏មិនរាវដូចទឹកស៊ីអុីវនោះដែរ។ អាចនិយាយបានថា នេះជាទម្រង់មុខដែលនៅចន្លោះ​រវាង​ទម្រង់​ទាំង​ពីរ​ខាង​លើ។

ប្រសិនបើអ្នកទាំងអស់គ្នាចូលចិត្តទម្រង់មុខកាត់តាមបរទេសសមល្មមបែបនេះ សូមជ្រើសយកទម្រង់មុខទឹក​ប៉េង​ប៉ោះ។

ឧទាហរណ៍មានដូចជា Saito Takumi ឬ Kaname Jun ។

ទម្រង់មុខស្ករ

ជាប្រភេទទម្រង់មុខដែល​បន្សល់​ទុក​នូវ​អារម្មណ៍​ផ្អែមល្ហែម​ដូច​ជា​ឈ្មោះ​របស់​គ្រឿងទេស។ ជាមួយនឹងកែវភ្នែកមូល និងទម្រង់​មុខ baby ជា​ទម្រង់​មុខ​មូល​គួរ​ឲ្យ​ស្រលាញ់។

ឧទាហរណ៍មានដូចជា Koike Teppei, Kamiki Ryunosuke ។

ទម្រង់មុខទឹកខ្មេះ

មូលហេតុដែលហៅបែបនេះមិនមែនព្រោះតែមានក្លិន​ជូរ​នោះទេ។

ទម្រង់មុខនេះមើលទៅស្រស់សុភាពជាងបើប្រៀបនឹងទម្រង់មុខទឹកស៊ីអុីវ។ ស្បែកមុខស និងមានភ្នែកតូច។ ចំណុច​ផ្សេង​ទៀត​ដែល​នៅ​លើ​ផ្ទៃ​មុខ​ក៏​តូច​ដែរ។

មុខបែបនេះនាំមកនូវអារម្មណ៍អាថ៌កំបាំងជាងបើប្រៀបនឹងទម្រង់មុខអំបិល ដូច្នេះហើយ ទើបទម្រង់មុខនេះទទួល​បាន​ការ​ស្រលាញ់​ចូល​ចិត្ត​ច្រើន​ពី​មនុស្ស​ស្រី។

ឧទាហរណ៍មានដូចជា Fujiwara Motoo, Moriyama Mirai ។

ទម្រង់មុខ Mayonnaise

ចំណុចនេះប្រៀបដូចជាការលាយបញ្ចូលគ្នារវាងទម្រង់មុខ baby និង​ភាព​ទាក់​ទាញ​របស់​មនុស្ស​ពេញវ័យ។

ជាមូលដ្ឋាននេះជាទម្រង់មុខរបស់មនុស្សពេញវ័យ ប៉ុន្តែនៅពេលដែលពួកគេញញឹមនឹងបង្ហាញពីអារម្មណ៍ដូចជាកូន​ក្មេង ហើយ​មនុស្ស​មួយ​ចំនួន​ថែម​ទាំង​យល់​ថា លក្ខណៈ​ពិសេស​បែប​នេះ​គួរ​ឲ្យ​ទាក់​ទាញ​ណាស់។

អ្នកទាំងអស់គ្នាអាចមើលទម្រង់មុខរបស់ Okada Shosei ឬ Inagaki Goro បាន។

ម្យ៉ាងវិញទៀត ខ្ញុំក៏ចង់ចែករំលែកដែលថា ទម្រង់មុខដែលស្រ្តីជប៉ុនចូលចិត្តជាងគេត្រូវបានចាត់ចំណាត់ថ្នាក់ដូចខាង​ក្រោម។

១. ទម្រង់មុខអំបិល

២. ទម្រង់មុខទឹកសុីអុីវ

៣. ទម្រង់មុខទឹកជ្រលក់

៤. ទម្រង់មុខស្ករ

៥. ទម្រង់មុខ Mayonnaise

ប្រហែលជាដូច្នេះ​ហើយ។

ខ្ញុំស្រាប់តែយល់ថា មុខរបស់ខ្ញុំជាប្រភេទទម្រង់មុខស្ករ ឬអាចជា mayonnaise ។

គួរឲ្យស្តាយ បើតាមលំដាប់លំដោយខាងលើ ប្រហែលនេះជាប្រភេទទម្រង់មុខទាំងពីរដែលមិនសូវមានភាពទាក់​ទាញ​នារី។

ណ្ហើយចុះ យ៉ាងណាខ្ញុំក៏មិនសង្ហា ហើយក៏មិននៅក្មេងដែរ ដូច្នេះប្រហែលជាមិនអាចក្លាយជាបុគ្គលដែលមានអ្នកតាម​ក៏​ជា​រឿង​ធម្មតា​ទៅ​ហើយ។ គួរ​ឲ្យ​ស្តាយ​ណាស់។

Abe Kengo