ពិតជាអស្ចារ្យណាស់​រឿង​គំនូរ​ជីវចល​ជប៉ុន​ត្រូវ​បាន​ជ្រើស​រើស និង​​ក្លាយ​​​ជា​រឿង Anime អន្តរ​ជាតិ

ពិតជាអស្ចារ្យណាស់រឿងគំនូរជីវចលជប៉ុនត្រូវបានជ្រើសរើស និង​ក្លាយ​​ជារឿង Anime អន្តរជាតិ។

ប្រសិនបើអ្នកទាំងអស់គ្នាចូលចិត្តរឿងគំនូរជីវចលជប៉ុន តើអ្នកធ្លាប់មើលរឿង Anime MACROSS នេះដែរទេ?

ក្នុងរឿងគំនូរជីវចលមានឈុតឆាកប្រយុទ្ធដ៏គួរឲ្យចាប់អារម្មណ៍ដូចជាយន្តហោះចម្បាំងប្រែកាយទៅជាមនុស្សយន្ត ឬ​ចំនួន​កាំ​ជ្រួច​បាញ់​យ៉ាង​ច្រើន​ទាក់​ទាញ​ទស្សនីយ​ភាព ហើយភាគបន្តក៏ត្រូវបានផលិតបន្ទាប់ពីចេញផ្សាយលើកដំបូង​នៅ​ឆ្នាំ ១៩៨២ ផងដែរ។

យ៉ាងណាមិញ តើអ្នកទាំងអស់គ្នាដឹងទេថារឿងគំនូរជីវចលនេះផ្តើមចេញពីគម្រោងដែលគ្មានសង្ឃឹមអ្វីឡើយ។

ការផលិតរឿងនៅកន្លែងមួយផ្សេង

ក្នុងអត្តបទថ្ងៃនេះ យើងនឹងបង្ហាញពី​អាថ៌កំបាំងដែលមនុស្សមិនច្រើនទេបានដឹងទាក់ទងនឹងដំណើរការផលិតរឿង​គំនូរ​ជីវចល​នេះ។

បង្កើតផែនការស្របគ្នានៅពេលដែលត្រូវបានស្នើឲ្យដាក់ចេញអត្តបទ​ព្រាង​ចំនួន ២ 

មិនដូចជារឿងគំនូរជីវចលជប៉ុនដែលផលិតដំបូងឡើយ ភាគច្រើនបុគ្គលិកកើត​នៅ​សម័យ​កាល​ដែល​បាន​មើលរឿងគំនូរជីវចល និងរឿងប្រឌិតបែបវិទ្យាសាស្ត្រច្រើន ដោយមិនដូចរឿងកាលពីមុននោះទេ។

អ្វីដែលពួកគេចង់បានគឺ ផលិតរឿង Anime ​បែប​វិទ្យាសាស្ត្រ​ជាក់ស្តែង។ គោលដៅរបស់ MACROSS គឺជារឿង Anime មនុស្សយន្តជាក់ស្តែង ដែលរួមមានឈុតឆាកយន្តហោះចម្បាំងប្រែកាយជាមនុស្សយន្ត ពួកគេបែរជាទទួលបានសំណើបន្ថែមអត្តបទព្រាង ១ ច្បាប់ទៀតពីភាគីអតិថិជន។

ដើម្បីអនុវត្តគម្រោងដែលពួកគេចង់ដំណើរការ ពួកគេបានប្រគល់អត្តបទព្រាងដែលហាក់បីដូច​ជា​គ្មាន​នរណាចង់​ទទួល​យក​នោះ​ទេ។

គំនិតដ៏គួរឲ្យចាប់អារម្មណ៍មួយត្រូវបានស្នើឡើង ដោយលាយបញ្ចូលចំណុចដែលកំពុងពេញនិយមនាពេលនោះមានដូចជា៖

• មនុស្សយន្ត Anime (ស្រដៀងនឹង Gundam)
• នារី idol
• សេ្នហា

ការ​រួម​បញ្ចូល​ចំណុចទាំង ៣ ក្នុងរឿងតែមួយហាក់ដូចជាច្រើនពេក ហើយសាច់រឿងគ្រាន់តែត្រូវបានគិតឃើញឲ្យស្របគ្នាប៉ុណ្ណោះ។

អតិថិជនដែលបានមើលអត្តបទព្រាងទាំង ២ ច្បាប់បានសម្រេចចិត្តថា៖

“អត្តបទព្រាងនេះមើលទៅល្អ សូមផលិតរឿងនេះ”

ហើយពួកគេបានរើសយកអត្តបទព្រាងចុងក្រោយ។

ក្រុមផលិតមាន​ការ​ភ្ញាក់​ផ្អើល​ចំពោះ​ជម្រើស​ដែល​មិន​នឹក​ស្មាន​ដល់​របស់​អតិថិជន។

ទោះជាយ៉ាងណា មិនអាចធ្វើអ្វីបានចំពោះការសម្រេចចិត្តនេះឡើយ ដូច្នេះហើយ ទើបពួកគេសរសេររឿងដែលរួមបញ្ចូលចំណុច​​ទាំង ៣ ចូល​គ្នា។

ហើយបន្ទាប់មករឿងត្រូវបានចាក់ផ្សាយ។

ត្រង់ចំណុចនេះ ខ្ញុំក៏សូមចែករំលែកសាច់រឿងបន្តិចដែរ។

នៅថ្ងៃមួយ មានវត្ថុដ៏ធំមួយបានហោះចេញពីលំហ។

នោះជាយានអវកាសដែលមានប្រវែងសរុប ១២០០ ម៉ែត្រ ក្នុងមួយរំពេច មនុស្សជាតិបានធ្លាក់ក្នុងស្ថានភាពប្រយុទ្ធ​សង្រ្គាម​ជា​មួយ​មនុស្ស​ក្រៅ​ភព។

មនុស្ស​បង្កើត​ទីក្រុង​មួយ​នៅ​ក្នុង​យាន​អវកាស​យក្ស ហើយ​បន្ត​ប្រយុទ្ធ​នៅពេលដែលធ្វើ​ដំណើរ​ឆ្លង​កាត់​លំហ។

ពួកគេប្រយុទ្ធនៅក្នុងម៉ាស៊ីនដែលអាចប្រែកាយពីយន្តហោះចម្បាំងទៅជាមនុស្សយន្ត ទន្ទឹមនឹងនោះ ក្នុងទីក្រុងដែល​នៅខាង​​ក្នុង​​យាន​អវកាស មាន​នារី​ម្នាក់​បាន​ក្លាយ​ជា idol ។

តួ​ឯក​ប្រុស​ក្នុង​រឿង​នេះ​មិនចាប់អារម្មណ៍នឹងនារី idol ម្នាក់នោះឡើយ ប៉ុន្តែបែរជាដាក់ចិត្តស្រលាញ់ថ្នាក់លើរបស់ខ្លួន។

ដំណើររឿងបន្តមកទៀតគឺ នៅពេលដែលមនុស្សក្រៅភពស្តាប់ឮ​ចម្រៀង​របស់​នារី idol រូបនោះមានការភ្ញាក់ផ្អើល​យ៉ាង​ខ្លាំង។

តួអង្គឯកទាំងអស់បានឆ្លៀតយកឱកាសនេះដើម្បីសម្រុកចូលប្រយុទ្ធ ដោយប្រើយុទ្ធសាស្ត្រប្រើប្រាស់កន្លែងរបស់សត្រូវ។

ដោយផ្អែកលើគំនិតរួមបញ្ចូលចំណុចដែលមិនពាក់ព័ន្ធទាំងនេះចូលគ្នា ហើយបញ្ចប់រឿងរ៉ាវយ៉ាងល្អបំផុត។

MACROSS គឺជារឿងដែលកើតចេញពីការសម្រេចចិត្តដ៏គួរឲ្យភ្ញាក់ផ្អើលរបស់អតិថិជន។

ប្រសិនបើបានទស្សនារឿងបន្ទាប់ពីដឹងសាច់រឿងនៅពីក្រោយ អ្នកនឹងយល់ច្បាស់ពីសិល្បៈក្នុងរឿង ដូច្នេះបើសិនជា​អ្នក​ចាប់​អារម្មណ៍ អ្នក​ទាំង​អស់​គ្នា​អាច​រក​មើល​បាន។

ចំពោះចំណុចស្នេហាយើងមិនចាំបាច់និយាយនោះទេ ប៉ុន្តែសម្រាប់តួអង្គឯក idol ខ្ញុំគិតថា ពួកគេបានបង្ខំចិត្តដាក់បញ្ចូល​ក្នុង​រឿង យ៉ាង​ណា​មិញ មនុស្សយន្តដែលប្រែកាយទាំងនោះមើលទៅឡូយណាស់។

នេះក៏ជារឿងមួយក្នុងចំណោមរឿងដែលខ្ញុំចូលចិត្តផងដែរ។

Abe Kengo