បច្ចេកវិទ្យា​ហុងស៊ុយ​ដ៏​ធំបំផុតលើពិភពលោក តើនេះជាមូលហេតុដែលធ្វើឲ្យទីក្រុង​តូក្យូ​មានភាពរីកចម្រើនមែនទេ?

បច្ចេកវិទ្យា​ហុងស៊ុយ​ដ៏​ធំបំផុតលើពិភពលោក តើនេះជាមូលហេតុដែលធ្វើឲ្យទីក្រុង​តូក្យូ​មានភាពរីកចម្រើនមែន​ទេ?

ប្រហែលជាប្រិយមិត្តអ្នកអានទាំងអស់គ្នាធ្លាប់ដឹងរឿងខ្លះៗដែលនិយាយពីហុងស៊ុយ។

នៅប្រទេសជប៉ុនសព្វថ្ងៃនេះ គ្មាននរណាយកចិត្តទុកដាក់ចំពោះបញ្ហានេះនោះទេ ប៉ុន្តែប្រហែលជានៅពេលដែល​សាង​សង់​ទីក្រុង​តូក្យូ ចំណុច​នេះ​ត្រូវ​បាន​ពិចារណា​យ៉ាង​ច្បាស់។

ប្រហែលជាដោយសារតែហុងស៊ុយទើបតូក្យូបានក្លាយជាទីក្រុងមួយក្នុងចំណោមទីក្រុងធំនៅលើពិភពលោក។

ចូរយើងក្រឡេកមើលបច្ចេកវិទ្យា​ហុងស៊ុយដែលគេប្រើសម្រាប់សាងសង់ទីក្រុងតូក្យូ​ដ៏​រុងរឿង​នា​ពេលបច្ចុប្បន្ន​នេះ។

ហុងស៊ុយជប៉ុនផ្តោតសំខាន់លើទន្លេ

ហុងស៊ុយ​ត្រូវ​បាន​នាំ​ចូល​ជប៉ុន​ដោយ​មូល​ដ្ឋាន​វប្បធម៌​ចិន ដូច្នេះហើយ ការបង្រៀនហុងស៊ុយដែលទាក់ទងនឹង​ហុង​ស៊ុយ​ចិន​ទទួល​បាន​ការ​យក​ចិត្ត​ទុក​ដាក់​ណាស់។

ក្នុងនោះវត្តមានរបស់ទន្លេគឺជាបញ្ហាដែលសំខាន់។

បើតាមហុងស៊ុយ លំហូរខ្យល់មានសារៈសំខាន់ខ្លាំងណាស់ ប៉ុន្តែគេនិយាយថា ប្រសិនបើជិះនៅលើខ្យល់ ចំហាយនឹងចេញ តែ​បើ​ជួប​ទឹក ចំហាយ​នឹង​នៅ​ដដែល។

គេជ្រើសយកទីក្រុងតូក្យូព្រោះយល់ថានេះជាតំបន់ដែលល្អ ដោយមានទន្លេព័ទ្ធជុំវិញតំបន់បង្កើតបានជារង្វង់មូល។

ប្រាសាទ Edo ដែលសព្វថ្ងៃគឺជាព្រះបរមរាជវាំងនៃទីក្រុងតូក្យូ ត្រូវបានសាងសង់នៅកណ្តាលទីក្រុង ហើយចរន្តទឹកដែល​​ត្រូវ​​បាន​​សាង​សង់​ឡើង​​នៅ​​ជុំវិញ ដើម្បី​​ឲ្យ​​មើល​​ទៅ​​ដូច​​ជា​​រូប​​នាគ។

សព្វថ្ងៃនេះ លែងជាទន្លេទៀតហើយ ​រថភ្លើង​ទើបជាចំណុចដែលសំខាន់

បច្ចុប្បន្ននេះ មានខ្សែរថភ្លើងមួយចំនួនហៅថា Yamanote Line ដែលរត់ជារង្វង់មូលនៅកណ្តាលទីក្រុងតូក្យូ។

សូម្បីតែផ្លូវហាយវេក៏ត្រូវបានរចនាឡើងជារាងរង្វង់មូលផងដែរ។

សម័យកាលផ្លាស់ប្តូរ រថភ្លើង និងរថយន្តគឺជាមធ្យោបាយដឹកជញ្ជូនវត្ថុដែលមានថាមពលដូចជាមនុស្ស របស់របរ ឬ​ប្រាក់។

ប្រហែលជាតាមរយៈការបង្កើតរង្វង់មូលដោយលំហូរថាមពលបានជួយបង្កើនកម្លាំងហុងស៊ុយ។

ពួកវាត្រូវបានរចនាឡើងប្រៀបដូចជាជញ្ជាំងដ៏រឹងមាំបំផុត ហើយទីក្រុងសំខាន់ៗរបស់តូក្យូត្រូវបានរចនាឲ្យស្ថិតនៅ​ក្នុង​រង្វង់​មូល Yamanote Line ។

ហាក់បីដូចជាមិនមានឧទាហរណ៍ច្រើននិយាយពីទីក្រុងផ្សេងគិតដល់រឿងហុងស៊ុយលើមាត្រដ្ឋានធំទូលាយបែបនេះ​ឡើយ។

ទីតាំងដែលត្រូវបានចាត់ទុកដូចជាមានថាមពលអាថ៌កំបាំង

ប្រសិនបើទីក្រុងទាំងមូលត្រូវបានរៀបចំតាមហុងស៊ុយនោះនឹងមានទីតាំងខ្លះមានកម្លាំងថាមពល។

ចូរយើងក្រឡេកមើលទីតាំងមួយចំនួនខាងក្រោម។

Kokyo – ព្រះបរមរាជវាំង

ព្រះបរមរាជវាំង ជាកន្លែងដែលព្រះចៅអធិរាជគង់ប្រថាប់ ដែលស្ថិតនៅកណ្តាលទីក្រុងតូក្យូ។

ក្នុង​សម័យ​កាលសាមូរ៉ៃ នៅកន្លែងនេះធ្លាប់ត្រូវបានគេហៅថាប្រាសាទ Edo ដែលជាមជ្ឈមណ្ឌលនៃទីក្រុងតូក្យូ។

ជាការពិតណាស់ មិនថាកាលពីមុន ឬបច្ចុប្បន្ន​នេះនោះទេ នៅទីនេះត្រូវបានរចនាឡើងសម្រាប់ប្រមូលផ្តុំកម្លាំងថាមពល។

នៅទីនេះមានកន្លែងមួយផ្នែកបើកសម្រាប់សាធារណៈជន ដូច្នេះអ្នកទាំងអស់គ្នាអាចចូលទស្សនាបាន។

Meiji Jingu – ប្រាសាទទីសក្ការៈអធិរាជ Meiji

ប្រាសាទ Meiji ជាទីសក្ការបូជាដែលមានតំបន់ព្រៃឈើធំទូលាយ ដោយស្ថិតនៅជិតទីក្រុង Shibuya ។

ជាកន្លែងមួយដែលត្រូវបានគេចាត់ទុកថា ​ល្អ​សម្រាប់​​ការ​​ពង្រឹង​សំណាង​ដែល​ទាក់ទងនឹងទំនាក់ទំនង​រវាង​បុគ្គល និងបុគ្គល។

ជាពិសេសថែមទាំងមានអណ្ដូងដ៏ល្បីឈ្មោះគឺ Kiyomasa ។

យ៉ាងណាមិញ គេនិយាយថា ខ្យល់ងងឹតអាចនឹងប្រមូលផ្តុំនៅទីនេះពេលល្ងាច ឬនៅថ្ងៃដែលមានភ្លៀង ដូច្នេះសូមកុំចូល​ទៅ​ជិត​អណ្តូង Kiyomasa អំឡុង​ពេល​នេះ។

ប្រាសាទ Myojin

នៅកន្លែងមួយស្ថិតនៅជិត Akihabara មានប្រាសាទទីសក្ការៈ Myojin ។

ជាកន្លែងដែលល្បីថាភ្ជាប់ចំណងគូស្នេហ៍ ដូច្នេះប្រហែលនេះជាកន្លែងដែលល្អប្រសិនបើយើងអាចទៅជាមួយនឹងមនុស្ស​ជា​ទី​ស្រលាញ់។

កាលពីមុន ទីនេះជាប្រាសាទទីសក្ការៈ Taira no Masakado ដែលជាវិញ្ញាណសងសឹកស្ថិតនៅទីក្រុងតូក្យូ។

នៅជប៉ុនមានចំណុចដ៏គួរឲ្យចាប់អារម្មណ៍មួយត្រង់ថា ព្រលឹងខ្មោចសងសឹក​បែរជាអាចក្លាយជាទេវតាដែលគេគោរព​បូជា។

Yushima Tenjin

Yushima Tenjin ស្ថិតនៅសង្កាត់ Bunkyo ទីក្រុងតូក្យូ។

ទេវតារៀនសូត្រ Sugawara no Michizane ដែលត្រូវបានគេគោរពបូជានៅទីនេះ។

កាលពីមុនបុគ្គលម្នាក់នេះធ្លាប់ជាព្រលឹងខ្មោចសងសឹក។

ប្រាសាទ Tokyo Daijingu

ប្រាសាទទីសក្ការនេះស្ថិតនៅជិតព្រះបរមរាជវាំង សង្កាត់ Chiyoda ។

បើតាមអ្នកស្រុក Tokyo Daijingu គឺជាប្រាសាទដែលសក្តិសិទ្ធិបំផុតចំពោះរឿងស្នហា។ មនុស្សជាច្រើន ជាពិសេសស្ត្រីតែងតែមកប្រាសាទ Daijingu នេះសម្រាប់បួងសួង។ ទោះជាយ៉ាងណា អ្នកទាំងអស់គ្នាអាចមកកាន់ទីនេះជា​មួយ​មនុស្ស​ជា​ទី​ស្រលាញ់ ដើម្បី​បួង​សួង​សុំ​ឲ្យ​ស្នហា​មាន​ភាព​យូរ​អង្វែង មិន​បែក​បាក់​គ្នា។

វត្តប្រាសាទ Sensoji

នេះជាប្រាសាទធំមួយស្ថិតនៅ Asakusa ។

ទីតាំង Asakusa និងឈ្មោះប្រាសាទមានរបៀបសរសេរអក្សរ Han ដូចគ្នា ប៉ុន្តែ​ប្រាសាទ​អាថ៌កំបាំង​នេះ​ត្រូវ​បាន​គេ​ហៅ​ថា Senso ។

វត្តប្រាសាទនេះគោរពបូជាទេវតានាគ។

គេនិយាយថា ទេវតានាគនឹងបង្កើនថាមពលនៅពេលដែលប៉ះនឹងទឹក ដូច្នេះប្រសិនបើទៅកាន់វត្តប្រាសាទ Sensoji សូម​កុំ​ភ្លេច​លាង​ដៃ​ឲ្យ​បាន​ស្អាត​មុន​ពេល​បួង​សួង​ដើម្បី​ទទួល​បាន​កម្លាំង​ថាមពល។

Abe Kengo