Samurai Lady តើភាពទាក់ទាញរបស់មនុស្ស​ស្រី Yamato Nadeshiko មួយរូបជាអ្វី?

Samurai Lady តើភាពទាក់ទាញរបស់មនុស្ស​ស្រី Yamato Nadeshiko មួយរូបជាអ្វី?

ជាទូទៅបុរសម្នាក់ៗតែងតែមានគំរូមនុស្សស្រីដែលខ្លួនចូលចិត្ត។

អ្នកខ្លះចូលចិត្តមនុស្សស្រីដែលខ្ពស់ ហើយក៏មានអ្នកខ្លះចូលចិត្តមនុស្សស្រីរាងទាប គួរឲ្យស្រលាញ់ផងដែរ។

មនុស្សមួយចំនួនចូលចិត្តលក្ខណៈគួរឲ្យស្រលាញ់ អ្នកខ្លះចូលចិត្តភាពស្រស់ស្អាត។ តើមនុស្សស្រីប្រភេទណាដែលសុភាពបុរសចូលចិត្ត?

សម្រាប់ខ្ញុំ បុរសដែលនិយាយពីគំរូមនុស្សស្រីដែលពួកគេចូលចិត្តដោយផ្អែកលើរូបសម្បត្តិខាងក្រៅប្រៀបដូចជាមនុស្សគ្មានបទពិសោធម្នាក់។

នៅថ្ងៃនេះ ខ្ញុំសូមណែនាំអំពី Yamato Nadeshiko ជាគំរូមនុស្សស្រីដែលមានភាពទាក់ទាញនៅប្រទេសជប៉ុន។

ខ្ញុំក៏សង្ឃឹមថា ក្រោយពេលអានអត្តបទនេះគំរូមនុស្សស្រី Yamato Nadeshiko នឹងក្លាយជាគោលដៅដែលមិត្តនារីចង់​យក​តម្រាប់​តាម។

Yamato Nadeshiko ជាពាក្យដែលប្រើសម្រាប់សំដៅលើស្រ្តីជប៉ុនដែលស្រស់ស្អាត ប៉ុន្តែដើមឡើយមិនសំដៅលើភាពស្រស់ស្អាតខាងក្រៅនោះទេ។ នៅបណ្តាប្រទេសផ្សេងទៀត Yamato Nadeshiko ថែមទាំងត្រូវបានគេហៅថា Samurai Lady ។

ដូច្នេះហើយ តើគំរូមនុស្សស្រីដែលមានភាពទាក់ទាញនៅជប៉ុនជាមនុស្សបែបណា?

នៅសម័យសព្វថ្ងៃនេះ មនុស្សស្រីដែលគេហៅថា Yamato Nadeshiko ជាមនុស្សស្រីបែបណា?

ដំបូងឡើយ តើ Yamato Nadeshiko ជាអ្វី?

នេះជាពាក្យដែលប្រើសម្រាប់សំដៅលើមនុស្សស្រីស្រស់ស្អាត ល្អ សុភាពរាបសា ប៉ុន្តែបង្កប់កម្លាំងក្នុងបេះដូង។ 

នៅជប៉ុនសព្វថ្ងៃនេះ បុរសជាអ្នកចេញក្រៅធ្វើការ តួនាទីរបស់ស្រ្តីគឺមើលថែទាំគ្រួសារ។

មិនមែនមានន័យថា ឲ្យតម្លៃបុរស ហើយមើលងាយស្រ្តីនោះទេ ប៉ុន្តែប្រសិនបើបុរសបំពេញការងារខាងក្រៅ នោះ​ស្រ្តី​​ត្រូវ​មើល​ថែ​គ្រួសារ។

បុរសធ្វើការខាងក្រៅ រីឯស្រ្តីនៅផ្ទះមើលថែគ្រួសារ ហើយនៅពេលដែលនៅផ្ទះស្រ្តីនឹងរឹងមាំជាងបុរស នេះជាគំរូមនុស្ស​ស្រី​ដ៏ទាក់​ទាញ​ដែល​បុរសៗ​ឲ្យ​តម្លៃ។

នៅពេលដែលបុរសត្រឡប់មកផ្ទះបន្ទាប់ពីបំពេញការងារយ៉ាងនឿយហត់ខាងក្រៅ ពេលខ្លះទទួលបានការយកចិត្តទុកដាក់ ពេលខ្លះទៀតក៏ស្តាប់លឺពាក្យសម្តីគំរោះគំរើយរបស់ប្រពន្ធ ហើយរាប់សម្តីទាំងនោះដូចជាការលើកទឹកចិត្ត។

គិតដល់ចំណុចនេះ ប្រហែលជាគួរឲ្យអស់សំណើចបន្តិចដោយសារតែមើលទៅបុរសទាំងនោះមាន​មោទនភាពយ៉ាងខ្លាំងនៅខាងក្រៅ។ 

ត្រង់ចំណុចនេះមិនមែននិយាយថា ចំណុចមួយណាល្អ មួយណាអាក្រក់នោះទេ ប៉ុន្តែនិយាយពីសារៈសំខាន់របស់ស្ត្រីក្នុង​គ្រួសារ។

តើសម័យសព្វថ្ងៃត្រូវការមនុស្សស្រី Yamato Nadeshiko បែបណា?

សម័យកាលដែលស្រ្តីចេញទៅក្រៅសង្គមធ្វើការ លែង​មាន​ភាព​ខុស​គ្នា​រវាង​បុរស និង​ស្ត្រី​ទៀត​ហើយ។

អំឡុងពេលនេះ ប្រហែលមនុស្សជាច្រើនគិតថា ចំណុចដែលមនុស្សស្រី Yamato Nadeshiko ត្រូវតែមានក៏កំពុងផ្លាស់ប្តូរដែរ ប៉ុន្តែ​ជា​មូល​ដ្ឋាន​មិន​មានការផ្លាស់ប្តូរអ្វីឡើយ។

នៅតែជាគំរូមនុស្សស្រីដែលទន់ភ្លន់ គួរឲ្យស្រលាញ់ និង​មាន​ឆន្ទៈ​រឹង​មាំ​។ ប្រសិនបើនិយាយតាមទស្សនៈគ្រិស្ត​សាសនា ប្រហែល​នេះ​ជារូបភាពស្រដៀងនឹងមាតាម៉ារា។

និយាយចេញពាក្យទាំងនេះក្នុងនាមជាបុរសម្នាក់ហាក់ដូចជាមិនសម ប៉ុន្តែខ្ញុំគិតថា បុរសជាមនុស្សដែលមានអំនួត និងលើកតម្កើងខ្លួនឯង ប៉ុន្តែក្នុងចិត្តបែរជាមានបេះដូងទន់ខ្សោយ។

ប្រសិនបើនៅកន្លែងធ្វើការមានស្រ្តីម្នាក់លើកទឹកចិត្តបុរសទាំងនោះដោយភាពទន់ភ្លន់ ហើយពេលខ្លះតឹងរឹងបន្តិចនាងប្រៀបដូចជាមនុស្សស្រី Yamato Nadeshiko នាសម័យសព្វថ្ងៃនេះ។

មនុស្សប្រុសក៏មានក្តីស្រមៃរបស់ខ្លួនផងដែរ។

Yamato Nadeshiko ជាមនុស្សស្រីដែលអាចសម្រេចគោលដៅជាមួយនឹងអ្នក។

ប៉ុន្តែនៅពេលដែលបុរសនោះមានគោលដៅអាត្មានិយម តែងតែចាត់ទុកខ្លួនឯងសំខាន់ មនុស្ស​ស្រី Yamato Nadeshiko នឹង​អស់​ស្រលាញ់ ហើយ​បោះ​បង់​ចោល​បុរស​ម្នាក់​នោះ។

ខ្ញុំជឿថា ភាពចាស់ទុំរបស់មនុស្សម្នាក់​មិន​មែន​ដោយ​សារ​តែ​យើង​មើល​ទៅ​បែប​ណា​នោះ​ទេ ប៉ុន្តែក្លាយជាបុរស ឬស្ត្រីដែលមានភាព​ទាក់​ទាញ​ពិត​ប្រាកដ។

សង្ឃឹមថា បុរសៗទាំងអស់នឹងក្លាយជាសាមូរ៉ៃមួយរូប ដូច្នេះទើបសក្តិសមនឹងមនុស្សស្រី Yamato Nadeshiko​​ មួយរូប។

សុភាពនារីទាំងឡាយ សូមធ្វើជាមនុស្សស្រី Yamato Nadeshiko ហើយជួយដល់បុរសដ៏គួរឲ្យអាណិតទាំងនោះ (ក្នុងនោះរួម​ទាំង​ខ្ញុំ) ។

Abe Kengo