ការទស្សន៍ទាយជោគវាសនា និងបុគ្គលិកលក្ខណៈរបស់មនុស្សម្នាក់តាមរយៈលេខវិទ្យា
ការទស្សន៍ទាយជោគវាសនា និងបុគ្គលិកលក្ខណៈរបស់មនុស្សម្នាក់តាមរយៈលេខវិទ្យា។
លេខវិទ្យាក្នុងភាសាអង់គ្លេសហៅថា Numerology – ត្រូវបានចាត់ទុកជាទម្រង់មួយដែលមានអត្រាទាយឈុតខ្ពស់បើតាមការទស្សន៍ទាយពីអនាគត។
សព្វថ្ងៃនេះ ទម្រង់នៃការទស្សន៍ទាយមួយចំនួននៅតែត្រូវបានរក្សាបន្ត ហើយត្រូវបានចាត់ទុកដូចជាដំបូន្មានក្នុងគោលបំណងឆ្ពោះទៅរកអនាគតល្អជាងមុន។
ក្នុងលេខវិទ្យា លេខនីមួយៗដែលចាប់ពីលេខ ១ ដល់លេខ ៩ សុទ្ធតែមានអត្តន័យខុសគ្នា ហើយអ្នកដែលមានទេពកោសល្យ និងហោរាសាស្រ្តតែងតែព្យាយាមបកស្រាយអត្តន័យលេខទាំងនោះពីសម័យមួយទៅសម័យមួយ។
លេខវិទ្យានីមួយៗអាចបង្ហាញពីអាថ៌កំបាំងជាច្រើន ដូចជាបុគ្គលិកលក្ខណៈពីកំណើត ទេពកោសល្យ ឬជោគវាសនារបស់មនុស្សម្នាក់ ទន្ទឹមនឹងនោះ ក៏អាចបង្ហាញពីទំនាក់ទំនងរវាងមនុស្ស បរិស្ថាន និងបាតុភូតសង្គមដែលកើតឡើងនៅជុំវិញ។
ក្នុងអត្តបទនេះ យើងចង់ចែករំលែកដល់អ្នកទាំងអស់គ្នាមួយផ្នែកតូចនៃអាថ៌កំបាំងរបស់លេខវិទ្យា ចូរយើងស្វែងយល់អំពី Personal Year Number (លេខឆ្នាំបុគ្គល) តើលេខទាំងនោះបង្កប់អត្តន័យដូចម្តេច?
ជាដំបូងចូរយើងស្វែងយល់អំពី Personal Year Number ។
Personal Number (លេខបុគ្គល) គឺជាលេខគោលដែលផ្លាស់ប្តូរជារៀងរាល់ឆ្នាំ។
ចំពោះការគណនាក្នុងលេខវិទ្យា វដ្តរង្វង់មួយស្មើនឹង ៩ ឆ្នាំ។ ចាប់ផ្តើមពីឆ្នាំទី ១ ហើយបញ្ចប់នៅឆ្នាំទី ៩ បន្ទាប់មកចាប់ផ្តើមវដ្តថ្មីជាមួយនឹងលំដាប់លំដោយដូចគ្នា។
ដោយផ្អែកលើច្បាប់នេះ យើងនឹងយល់ផ្នែកខាងក្រោមមានដូចតទៅ៖
。ចំណុចដែលត្រូវខំប្រឹងអនុវត្តក្នុងឆ្នាំ?
。តើនឹងមានអ្វីកើតឡើងក្នុងឆ្នាំនេះ?
。 មេរៀនដែលទទួលបានក្នុងឆ្នាំនេះ?
<< រូបមន្តសម្រាប់គណនាលេខឆ្នាំបុគ្គល >>
ការរួមបញ្ចូលឆ្នាំបច្ចុប្បន្នជាមួយនឹងថ្ងៃខែកំណើត ហើយគណនាតាមរូបមន្តខាងក្រោម រហូតដល់ពេលដែលទទួលបានលេខចុងក្រោយ។
ឧទាហរណ៍៖
“លេខបុគ្គលក្នុងឆ្នាំ ២០២៥ សម្រាប់អ្នកកើតនៅថ្ងៃទី ២៨ ខែតុលា”
ឆ្នាំ ២០២៥ -> ២ + ០ + ២ + ៥ = ៩
ខែតុលា ១០ -> ១ + ០ = ១
ថ្ងៃទី ២៨ -> ២ + ៨ = ១០ -> ១
Personal Year Number -> ៩ + ១ + ១ = ១១ -> ២
យោងតាមរូបមន្តនេះ លេខឆ្នាំបុគ្គលដែលយើងគណនាបានគឺលេខ ២ ។
ត្រូវចំណាំថា នៅពេលដែលគណនាបានលេខចុងក្រោយត្រូវស្ថិតក្នុងចន្លោះចាប់ពីលេខ ១ ដល់ ៩ ទើបជាលទ្ធផលត្រឹមត្រូវ។ សូមពិនិត្យមើលការគណនាឡើងវិញក្នុងករណីដែលគិតខុស។
ការណែនាំសម្រាប់លេខនីមួយៗដូចខាងក្រោម
លេខ ១
នេះជាឆ្នាំដែលល្អសម្រាប់ការចាប់ផ្តើម។
ពេលវេលាល្អសម្រាប់ការសាបព្រួស ប្រសិនបើស្ថិតក្នុងលេខឆ្នាំនេះ ចូរអ្នកទាំងអស់គ្នាសាកល្បងចាប់ផ្តើមការងារដែលខ្លួនចូលចិត្ត។ កុំប្រញាប់សង្ឃឹមថាដើមឈើឆាប់លូតលាស់ សូមរក្សាចិត្តស្ងប់ធ្វើឲ្យអស់ពីសមត្ថភាព នោះអ្នកនឹងទទួលបានលទ្ធផលល្អ។
ពណ៌នាំសំណាងក្នុងឆ្នាំគឺ ពណ៌ក្រហម។
លេខ ២
គន្លឹះសម្រាប់ទំនាក់ទំនងទាំងអស់។
ចូរយកចិត្តទុកដាក់ចំពោះទំនាក់ទំនងដែលអ្នកមាននៅជុំវិញខ្លួន ដូចជាដៃគូជីវិត គ្រួសារ ឬសូម្បីតែសត្វចិញ្ចឹម។ ថាមពលខាងវិញ្ញាណក៏នឹងកើនឡើងផងដែរ។
ពណ៌នាំសំណាងក្នុងឆ្នាំគឺ ពណ៌ខៀវស្រាល (ពណ៌ទឹកសមុទ្រ/ពណ៌ផ្ទៃមេឃ) ។
លេខ ៣
មួយឆ្នាំសម្រាប់រៀបចំផែនការ។
ចូររៀបផែនការត្រួសៗសម្រាប់រយៈពេល ៥ ឆ្នាំខាងមុខ។ មិនចាំបាច់ប្រញាប់ពេកទេ ហើយកំណត់គោលដៅថ្មី ប្រសិនបើគោលដៅដំបូងផ្លាស់ប្តូរ។
ពណ៌នាំសំណាងក្នុងឆ្នាំគឺ ពណ៌លឿង។
លេខ ៤
ស្រដៀងនឹងលេខ ៣ ដែរ ជាឆ្នាំដែលល្អសម្រាប់រៀបចំគម្រោង។
ចូររៀបចំផែនការត្រួសៗសម្រាប់រយៈពេល ៥ ឆ្នាំខាងមុខ។ កុំបារម្ភច្រើនពេក ហើយកំណត់គោលដៅថ្មី ប្រសិនបើគោលដៅដំបូងផ្លាស់ប្តូរ។
ពណ៌នាំសំណាងក្នុងឆ្នាំគឺ ពណ៌បៃតង
លេខ ៥
ពេលវេលាចាប់ផ្តើមបានមកដល់។
កុំឃុំខ្លួននៅក្នុងផ្ទះ ចូរដើរចេញទៅក្រៅស្រូបយកខ្យល់អាកាសល្អខាងក្រៅ។ ធ្វើដំណើរទៅកាន់កន្លែងជាច្រើនដើម្បីស្វែងយល់បន្ថែម ធ្វើរឿងដែលខ្លួនចង់ធ្វើក្នុងឆ្នាំនេះ។ ប្រសិនបើមិនទាន់ដឹងថាត្រូវធ្វើអ្វី អ្នកអាចចាប់ផ្តើមដោយការហាត់ប្រាណ ហ្វឹកហាត់ខ្លួនប្រាណ។
ពណ៌នាំសំណាងក្នុងឆ្នាំគឺ ពណ៌ខៀវបៃតង
លេខ ៦
ជាឆ្នាំសម្រាប់បេះដូង និងគ្រួសារ។
ចូរធ្វើការងារដែលអ្នកចូលចិត្ត និងធ្វើចេញពីបេះដូង។ ប្រសិនបើអ្នកមិនទាន់ដឹងថាខ្លួនចង់បានអ្វី កុំបង្ខំខ្លួនឯង សូមចំណាយពេលគិតឲ្យបានច្រើន។ កុំបង្ខំខ្លួនឯងធ្វើរឿងដែលអ្នកមិនចូលចិត្ត ចូរចំណាយពេលបន្ថែមសម្រាប់គ្រួសារ និងមនុស្សជាទីស្រឡាញ់។
ពណ៌នាំសំណាងក្នុងឆ្នាំគឺ ពណ៌ផ្កាឈូក
លេខ ៧
ជាឆ្នាំល្អសម្រាប់ប្រាស្រ័យទាក់ទង និងទំនាក់ទំនង។
យកចិត្តទុកដាក់ចំពោះការសន្ទនានឹងមនុស្សគ្រប់គ្នា។ ប្រសិនបើអ្នកបើកចិត្ត ហើយចែករំលែកបញ្ហាដែលអ្នកកំពុងជួបប្រទះ ការលំបាកនឹងមានឱកាសអាចដោះស្រាយ។ សូមបញ្ចេញមតិយោបល់របស់ខ្លួន។
ពណ៌នាំសំណាងក្នុងឆ្នាំគឺ ពណ៌ស្វាយ
លេខ ៨
មួយឆ្នាំដែលពោរពេញដោយថាមពល។
ថាមពលនៅឆ្នាំថ្មីគ្រប់គ្រាន់សម្រាប់អ្នកដែលមានលេខ ៨ បង្កើនការងារ ឬអាចធ្វើការងារបន្ថែម។ ជាមួយនឹងថាមពលយ៉ាងច្រើនបែបនេះ ប្រសិនបើគ្រាន់តែអង្គុយនៅស្ងៀម អ្នកងាយនឹងធ្លាក់ក្នុងស្ថានភាពអតុល្យភាព។ ដូច្នេះហើយ ចូររឹងមាំឆ្ពោះទៅរកគោលដៅរបស់ខ្លួន។
ពណ៌នាំសំណាក្នុងឆ្នាំគឺ ពណ៌ទឹកក្រូច។
លេខ ៩
ចោលអ្វីដែលមិនចាំបាច់។
លុបបំបាត់អ្វីដែលមិនចាំបាច់ ហើយចាប់ផ្តើមដំណើរការថ្មីនៅឆ្នាំថ្មី។ ការសម្អាតផ្ទះ ឬជួសជុលផ្ទះក៏ជារឿងដែលចាំបាច់ផងដែរ។ ទទួលយកឆ្នាំថ្មីតាមរយៈការបោះចោលអ្វីដែលលែងសម រួមទាំងគំនិត និងទំនាក់ទំនងដែលមិនចាំបាច់។
ពណ៌នាំសំណាងក្នុងឆ្នាំគឺ ពណ៌ក្រហមស្រស់។
តើអ្នកទាំងអស់គ្នាយល់យ៉ាងណានៅពេលដែលគណនាលេខឆ្នាំរបស់ខ្លួន និងអត្តន័យលេខទាំងនោះ?
សង្ឃឹមថាចំណុចទាំងនេះនឹងមានប្រយោជន៍សម្រាប់ជីវិតដ៏រីករាយរបស់អ្នកទាំងអស់គ្នានៅឆ្នាំថ្មី ២០២៥ ។
***
ប្រវត្តិសង្ខេបរបស់គ្រូទាយ – Masako
ជាមួយនឹងស្មារតីរឹងមាំ និងថាមពលអាថ៌កំបាំង ពួកគេហៅនាងថា ស្រ្តីនៃព្រះអាទិត្យ។
ក្រោយពេលលែងលះចំនួន ២ ដង នាងបានប្តូរពីការងារកាត់ដេរទៅធ្វើការខាងផ្នែករោងការ។ បន្ទាប់ពីប្រមូលបានបទពិសោធន៍ជាច្រើន នាងបានក្លាយជាគ្រូទាយ ហើយផ្តល់ដំបូន្មានល្អៗជួយដល់មនុស្សជាច្រើន។
Blog :
https://ameblo.jp/barcelona-masako
-
យុវជនម្នាក់យកប្រពន្ធបានដោយសារតែមានព្យុះ -
ជីវិតរបស់ Masako Katsura កំពូលស្រ្តីលេងប៊ីយ៉ានៅជប៉ុន -
បុគ្គលដែលពិបាកនឹងឡើងដំណែងនៅក្នុងក្រុមហ៊ុនជប៉ុន -
វត្ថុដែលនាំមកនូវភាពចង្រៃមិនអាចយកទៅផ្ទះទេ -
សំណួរ Yes/No ក្នុងភាសាជប៉ុនហាក់ដូចជាងាយស្រួលប៉ុន្តែក៍ពិបាកដែរ -
តើជប៉ុនកាលពីសម័យមុនគាំទ្រចំពោះការសម្លាប់មនុស្សឬ?
-
ពាក្យចចាមអារាមវិក្កយបត្រប្រាក់ ៧១១ យ៉េននៅហាង Seven-Eleven ចំថ្ងៃទី ១១ ខែកក្កដា តើនឹងមានអ្វីកើតឡើង? -
ដំណោះស្រាយល្អ និងសុវត្ថិភាពសម្រាប់ការដឹកជញ្ជូននៅពេលរើផ្ទះ -
សកម្មភាពមនុស្សធម៌ជួយសង្គ្រោះជនអនាថានៃអង្គការនានានៅក្នុងប្រទេសជប៉ុន -
របៀបទទួលទានស៊ុបដ៏ចម្លែកបំផុតក្នុងប្រវត្តិមុខម្ហូបរបស់ជប៉ុន -
តើអ្នកដឹងទេថា Idol ស្រីស្អាតមានតាំងពីសម័យអេដូមកម្ល៉េះ -
ជប៉ុនផលិតរបាំងមុខឆ្លាតវៃជោគជ័យអាចបកប្រែរហូតដល់ ៨ ភាសា