ការ​និយម​ចូល​ចិត្ត​​ចំពោះ​រឿង​គំនូរ​ជីវចល​ជប៉ុន​របស់​ប្រជាជន​ហ្វីលីពីន

ការនិយមចូលចិត្តចំពោះរឿងគំនូរជីវចលជប៉ុនរបស់ប្រជាជនហ្វីលីពីន។

ទោះបីជានិយាយថា Anime (រឿងគំនូរជីវចលជប៉ុន) និង Manga (សៀវភៅរឿងជប៉ុន) ទទួលបានការនិយមចូលចិត្ត​នៅ​លើ​ពិភព​លោក ប៉ុន្តែចំណុច​នេះ​មិន​មាន​ន័យ​ថា​គ្រប់​គ្នាសុទ្ធតែចូលចិត្តនោះទេ។

ដោយឡែក​នៅ​ប្រទេស​ហ្វីលីពីន គេនិយាយថា ៩៦% ប្រជាជននៅទីនេះអាចចងចាំ និងច្រៀងបទចម្រៀងដែលល្បី​ក្នុង​រឿង ចំណែកឯប្រជាប្រិយភាពរបស់បទចម្រៀងទាំងនោះអាចប្រៀប​ដូច​ជា​​បទ​ភ្លេង​​​​ជាតិ​​​ទីពីរ​​​របស់​​ប្រទេស​ហ្វីលីពីន។ រឿង​នោះ​មាន​ចំណង​ជើង​ថា Voltes V ជារឿង Anime ដែលមានតាំងពីយូរណាស់មកហើយ។ 

តើប្រិយមិត្តអ្នកអានទាំងអស់គ្នាធ្លាប់មើលរឿង Anime នេះដែរទេ? ដូចដែលបានរៀបរាប់មកហើយ នេះជារឿង Anime ចាស់ ដូច្នេះហើយ ទោះនៅជប៉ុនក៏អ្នកស្គាល់មិនច្រើនដែរ ភាគច្រើនជាបុគ្គលដែលមានវ័យយ៉ាងតិច ៥០ ឆ្នាំ។

ហេតុ​អ្វី​បាន​ជារឿងនេះបែរជាល្បីខ្លាំងនៅប្រទេសហ្វីលីពីន? ហើយ​ល្បី​ដល់​កម្រិត​ណា? JAPO សូមបកស្រាយចម្ងល់របស់​ប្រិយ​មិត្ត​អ្នក​អាន​ដូច​ខាង​ក្រោម។

ច្បាប់ដើមរឿងនេះជា Anime ដែលត្រូវបានផលិតនៅឆ្នាំ ១៩៧៨ ។ 

នៅពេលដែលត្រូវបានចាក់ផ្សាយក្នុងប្រទេសហ្វីលីពីន រឿងកាន់តែល្បីយ៉ាងខ្លាំង ប៉ុន្តែបន្ទាប់មករឿងត្រូវបញ្ឈប់ការ​ចាក់​ផ្សាយទាំងដែលនៅសល់តែ ៤ ភាគចុងក្រោយប៉ុណ្ណោះ។

ប្រធានបទរឿងនិយាយអំពីការប្រយុទ្ធប្រឆាំងនឹងបុគ្គលផ្តាច់ការ នៅពេលនោះរដ្ឋាភិបាលហ្វីលីពីនដែលស្ថិតនៅក្រោម​របប​ផ្តាច់​ការ​បាន​បង្ខំ​ឲ្យ​បញ្ឈប់​ការ​ចាក់​ផ្សាយ​ខ្សែ​ភាព​យន្ត​នេះ។

ខ្សែភាពយន្តត្រូវផ្អាកការចាក់ផ្សាយខណៈពេលដែលកំពុងល្បីខ្លាំង ខ្លឹមសារប្រយុទ្ធប្រឆាំងនឹងបុគ្គលផ្តាច់ការបានឆ្លុះបញ្ចាំងពីស្ថានភាពបច្ចុប្បន្ននៅពេលនោះ ហើយត្រូវបានចាត់ទុក​ជា​តំណាង​នៃលទ្ធិប្រជាធិបតេយ្យក្នុងប្រទេស​ហ្វីលីពីន។

ក្នុងប្រទេសហ្វីលីពីនអត្រាទទួលស្គាល់ដល់ទៅ ៩៦% ដែលភាគច្រើនគ្រប់គ្នាសុទ្ធតែអាចច្រៀងបទចម្រៀងក្នុងរឿង។ ម្យ៉ាងវិញទៀត មានប្រជាប្រិយភាពខ្លាំងរហូតដល់ថ្នាក់ត្រូវបានចាត់ទុកជាភ្លេងជាតិទីពីររបស់ប្រទេសនេះ។

យើងមិនអាចបដិសេធបានទេថា ឥទ្ធិពលនៃខ្សែភាពយន្តនេះលើសពីវិសាលភាពផលិត និងការផលិត Anime នៅ​លើ​ទីផ្សារ។

ការចាប់អារម្មណ៍យ៉ាងខ្លាំងរបស់ប្រជាជនហ្វីលីពីន

ក្រោមស្ថានភាពនៅពេលនោះ ប្រភេទរឿង live – action ដែលមានខ្លឹមសារដូចគ្នាត្រូវបានផលិតក្នុងប្រទេស​ហ្វីលីពីន។

មិនមែនត្រូវបានផលិតដោយអ្នកគាំទ្រភាពយន្ត​នោះទេ​ ប៉ុន្តែត្រូវបានផលិតដោយស្ថានីយ​ទូរទស្សន៍​ធំ​បំផុត​​របស់​ហ្វីលីពីន។

នៅពេលដែលនិយាយពីទម្រង់ live – action ដែលមានស្រាប់របស់ Anime ដូចជា Spiderman ចំណុចមួយចំនួនត្រូវបានកែសម្រួលដើម្បីឲ្យមើលទៅសមស្របជាងមុន ប៉ុន្តែដោយសារក្តីស្រលាញ់យ៉ាងខ្លាំងចំពោះច្បាប់ដើម ទម្រង់ live – action ត្រូវបានផលិតធ្វើយ៉ាងណាឲ្យដូចច្បាប់ដើមបំផុត។ នេះជាមូលហេតុដែលសម្លៀកបំពាក់យោធារបស់តួអង្គឯកក្នុង​រឿង​មើលទៅ​​មិន​ស្អាត​។

កាលពី ៤៥ ឆ្នាំមុន សម្លៀកបំពាក់ទាំងនេះមើលទៅធម្មតាណាស់ ប៉ុន្តែឥឡូវនេះមើលទៅដូចជាមិនសមរម្យប៉ុន្មានឡើយ មែនទេ?

ហើយអារម្មណ៍មិនពេញចិត្តរបស់អ្នកដែលមិនចូលចិត្តរឿងនេះប្រហែលជាមិនបាត់បង់នោះទេ។

យ៉ាងណាមិញ អ្វីដែលគួរកត់សម្អាល់ត្រង់ថា ឈុតឆាកដែលមនុស្សយន្តបង្ហាញខ្លួនមានគុណភាពខ្ពស់។

ម្យ៉ាងវិញទៀត បទចម្រៀងជប៉ុនដែលផ្សាយត្រង់ឈុតឆាកសំខាន់ក្នុងរឿងក៏បង្ហាញពីការនិយមចូលចិត្តយ៉ាងខ្លាំង​របស់​អ្នក​ផលិត​ចំពោះ​ច្បាប់​ដើម​ផង​ដែរ។

សម្រាប់អ្នកដែលកើតក្នុងឆ្នាំ ៧៣ (តាម​ការ​គណនា​ឆ្នាំ​នៅ​ជប៉ុន) ប្រាកដជាអាចច្រៀងបទនេះ។ ខ្ញុំគិតក្នុងចិត្ត​ថា ប្រហែល​ជា​ដោយ​សារ​មូល​ហេតុ​នេះ នៅពេលដែលទៅដល់ប្រទេសហ្វីលីពីន អ្នកស្រុកទីនោះនឹងមានអារម្មណ៍​​ស្និទ្ធ​ស្នាល​នឹង​ខ្ញុំ ហើយ​ចូល​ចិត្ត​ខ្ញុំ​ជាង​មុន​ក៏​ថា​បាន។

ទន្ទឹមនឹងនេះ ក្រុមហ៊ុនផលិតរបស់ជប៉ុនបានប្រកាសថា BANDAI ដែលជាក្រុមហ៊ុនល្បីខាងផ្នែកគំរូម៉ូដែល GUNDAM នឹង​ចាប់​ផ្តើម​លក់​ផលិត​ផល​ដែល​ពាក់​ព័ន្ធ។

ហើយខ្ញុំក៏ជាបុគ្គលម្នាក់ក្នុងចំណោមអ្នកដែលចូលចិត្តផលិតផលផងដែរ។

រឿងគំនូរជីវចលជាច្រើនដូចជា Doraemon, Gundam, One Piece ។ល។ មានប្រជាប្រិយភាពយ៉ាងខ្លាំងនៅជុំវិញពិភពលោក ប៉ុន្តែខ្ញុំគិតថា អារម្មណ៍​ស្រលាញ់​ចូល​ចិត្ត​ចំពោះ​រឿង Voltes V របស់​ប្រជាជន​ហ្វីលីពីន​មិន​ប្រែ​ប្រួលនោះ​​ទេ។

Abe Kengo