រថយន្តក្រុងល្បឿន​លឿន​​មាន​បរិក្ខា​គ្រប់​គ្រាន់ និង​ផាសុកភាព​ប្រៀប​ដូច​ជា​សណ្ឋាគារ

រថយន្តក្រុងល្បឿនលឿនដែលផ្តល់ភាពងាយស្រួលជាច្រើន មានផាសុកភាពមិនចាញ់សណ្ឋាគារនោះទេ។

នៅជប៉ុនការអភិវឌ្ឍមធ្យោបាយដឹកជញ្ជូនមានច្រើនប្រភេទ ក្នុងចំណោមនោះអាចរំលឹកដល់វិស័យអាកាសចរណ៍ និង​រថភ្លើង​ល្បឿន​លឿន។

កាលពីមុន ប្រសិនបើទ្រាំអង្គុយលើឡានក្រុងដើម្បីធ្វើដំណើរផ្លូវឆ្ងាយពេលយប់ អ្នកដំណើរអាចសន្សំសំចៃប្រាក់ព្រោះ​សំបុត្រ​ឡាន​ក្រុង​មាន​តម្លៃ​ថោក ប៉ុន្តែ​សម័យ​សព្វ​ថ្ងៃ​គ្រប់​យ៉ាង​បាន​ប្រែ​ប្រួល។

ផ្តល់ភាពងាយស្រួលដូចកំពុងនៅសណ្ឋគារ គ្រាន់តែបិទភ្នែកគេងបន្តិចព្រឹកឡើងនឹងទៅដល់កន្លែង ទាំងនេះជាគុណ​សម្បតិ្ត​ដែល​ធ្វើ​ឲ្យ​រថយន្ត​ក្រុង​ល្បឿន​លឿន​ពេញ​និយម​ជាជាង​យន្ត​ហោះ និង​រថភ្លើង។

ចូរយើងក្រឡេកមើលរូបភាពដ៏គួរឲ្យចាប់អារម្មណ៍ខាងក្រោម។

មើលទៅដូចជាឡានក្រុងធម្មតាផ្សេងទៀត។

ប៉ុន្តែផ្នែកខាងក្នុងឡានក្រុង DREAM SLEEPER នេះបែរជាមានគ្រឿងបរិក្ខាយ៉ាងពិសេស។

ជាដំបូងសូមក្រឡេកមើលផ្លូវដើរចូល។

តាមរយៈផ្លូវដើរចូល យើងមើលឃើញបន្ទប់ដោយឡែក។

ហើយនេះជារូបភាពដ៏ប្រណិតនៅខាងក្នុងបន្ទប់។

កៅអីអង្គុយអាច​បត់​ទៅ​ក្រោយ ចំណែកឯកន្លែងដាក់ជើងក៏អាចដំឡើងខ្ពស់ផងដែរ។

ទ្វារបន្ទប់អាចចាក់សោបាន ដោយជួយធានាសុវត្ថិភាពចំពោះអីវ៉ាន់ក្នុងករណីអ្នកដំណើរចង់ទៅបន្ទប់ទឹក។

បន្ទប់រង់ចាំសម្រាប់អ្នកដំណើរមុនពេលឡើងឡានក៏ពិសេសណាស់ដែរ។

អ្វីដែលពិសេសជាងនេះគឺ ប្រសិនបើមាននរណាម្នាក់ធ្វើឲ្យមានសំឡេងរំខាន ឬរំខានអ្នកដទៃនៅ​លើឡានក្រុង អ្នក​ដំណើរ​អាច​រាយ​ការណ៍​តាម​រយៈ​ទូរសព្ទ​​ស្មាត​ហ្វូន​របស់​ឡាន​ក្រុង ​អ្នក​គ្រប់​គ្រង​នឹង​ឆ្លើយ​តប​ភ្លាមៗ ហើយ​ផ្តល់​ដំណោះ​​ស្រាយ​​យ៉ាង​​ឆាប់​​រហ័ស ដើម្បី​រក្សា​ស្ថិរភាព​សុវត្ថិភាព​រួម​សម្រាប់​ការ​ធ្វើ​ដំណើរ។

ម្យ៉ាងវិញទៀត សម្លៀកបំពាក់ដែលបុគ្គលិកសន្តិសុខរបស់ក្រុមហ៊ុនស្លៀកមើលទៅថ្លៃថ្នូរ និងមានតម្លៃ ២០០.០០០ យ៉េន ដែល​ត្រូវ​បាន​រចនា និង​ផលិត​ជា​ពិសេស​តាម​តម្រូវ​ការ​របស់​ក្រុម​ហ៊ុន។

នៅលើឡានក្រុងខ្វះតែទុយោងូតទឹកប៉ុណ្ណោះ ចំណែកឯចំណុចផ្សេងទៀតនៅលើឡានក្រុងមិនខុសពីសណ្ឋាគារនោះទេ។

ចេញដំណើរពីទីក្រុង Tokyo ពេលយប់ជ្រៅ ហើយទៅដល់ Osaka ពេលព្រឹកព្រលឹម ផ្តល់ភាពងាយស្រួលជាជាងជិះរថ​ភ្លើង មធ្យោបាយ​ធ្វើ​ដំណើរ​មួយ​នេះ​ទទួល​បាន​ការ​ចាប់​អារម្មណ៍​យ៉ាង​ខ្លាំង ហើយ​បាន​ក្លាយ​ជា​ប្រធាន​បទ​ដែល​ល្បី។

ឡានក្រុងនីមួយៗមានចំនួន ១១ បន្ទប់ ដូច្នេះអ្នកដំណើរត្រូវតែកក់មុន។

តម្លៃសំបុត្រខុសគ្នាអាស្រ័យលើពេលវេលា ប៉ុន្តែជាមធ្យមប្រហែល ១៨.០០០ យ៉េនសម្រាប់សំបុត្រពេលល្ងាច ដែលមាន​តម្លៃ​ថ្លៃ​ជាង​រថភ្លើង​បន្តិច។

នៅជប៉ុនមនុស្សជាច្រើនធ្វើដំណើរទៅមករវាង Tokyo និង Osaka ហើយជម្រើសដែលថោកបំផុតគឺហោះហើរ ដែលមាន​តម្លៃប្រហែល ១៣.០០០ យ៉េន​សម្រាប់​សំបុត្រ​ធ្វើ​ដំណើរ​ទៅ​មក។

ការហោះហើរតែងតែបង្កការរំខានមួយចំនួនដូចជាត្រូវទៅកាន់អាកាសយានដ្ឋាន ត្រូវ​ទៅ​ដល់​កន្លែង​មុនម៉ោង បំពេញ​បែប​បទ check in ផ្ញើអីវ៉ាន់ ពេលខ្លះ​ត្រូវ​ពន្យារ​ជើង​ហោះ​ហើរ​ថែម​ទៀត ។ល។ ដូច្នេះហើយ ប្រសិនបើមិនចាប់​អារម្មណ៍​លើ​តម្លៃ ខ្ញុំ​គិត​ថា អ្នក​ប្រាកដ​ជា​ចង់​ធ្វើ​ដំណើរ​តាម​រយៈ​រថយន្ត​ក្រុង​ល្បឿន​លឿន​នេះ​ជា​ជាង​ជិះ​យន្ត​ហោះ។ 

ប្រហែលជាជប៉ុនជាកន្លែងតែមួយគត់នៅលើពិភពលោកដែលដំណើរការប្រភេទរថយន្តក្រុងដ៏ប្រណិតបែបនេះហើយ។

ភ្ញៀវទេសចរណ៍ដែលទៅលេងជប៉ុនតែងតែជិះរថភ្លើងក្រោមដី ដែលប្រៀបដូចជាអនុស្សាវរីយ៍ពេលទៅលេងជប៉ុន។ យ៉ាងណាមិញ យើងអាចពិចារណាចំពោះការជិះរថភ្លើងមើលទេសភាពពេលចេញដំណើរ ហើយត្រឡប់មកវិញដោយ​ជិះ​រថយន្ត​ក្រុង​ល្បឿន​លឿន។ ដូច្នេះ​យើង​អាច​ទទួល​យក​បទ​ពិសោធន៍​ទាំង​ពីរ ពិត​ជា​គួរ​ឲ្យ​ចាប់​អារម្មណ៍​ណាស់​មែន​ទេ?

Abe Kengo