អាថ៌កំបាំង​​ដែល​​មិន​ទាន់​អាច​បក​ស្រាយ៖ តើ​បិសាច​ជប៉ុន​កំពុង​តែ​បង្ហាញ​ខ្លួន?

ទោះបីជាមនុស្សតែងតែគិតថា បិសាចប្រៀបដូចជាពពួកសត្វក្នុងរឿងព្រេងនិទាន យ៉ាងណាមិញ នៅជប៉ុនដូច​ជា​កំពុង​មាន​ពាក្យ​ចចាម​អារ៉ាម​ទាក់​ទង​នឹង​ពពួក​បិសាច​អាថ៌កំបាំង​ទាំង​នេះ។

នៅសម័យកាលដែលសង្គមអភិវឌ្ឍ​ដូចសព្វថ្ងៃនេះ ប្រហែលជានឹងមានរូបភាពបិសាចត្រូវបានបង្ហោះឡើង​។

Acrobatic Silky

នៅពេលយប់ ស្រមោលពាក់ឈុតពណ៌ក្រហមសក់វែងហោះហើរតាមខ្យល់បង្ហាញខ្លួន។

នោះគឺជា Acrobatic Silky ជាប្រភេទបិសាច​អាថ៌កំបាំង ដែលរួមបញ្ចូលទាំងភាពទាន់សម័យ និងបុរាណព្រោះតែឈ្មោះ​ជា​ភាសា​អង់​គ្លេស​យ៉ាង​អាថ៌កំបាំង។

ចាប់តាំងពីឆ្នាំ ២០២២ រឿងរ៉ាវនិយាយពីវាចាប់ផ្តើមផ្សព្វផ្សាយគ្រប់ទីកន្លែង។

ជាទូទៅពួកវាតែងតែបង្ហាញខ្លួននៅទីខ្ពស់ដូចជាដំបូលផ្ទះ ឬអគារ ជាកន្លែងដែលពួកវា​អាច​បង្ហាញ​ពី​សមត្ថភាព​លោត​ផ្លោះ​យ៉ាង​ជំនាញ។

ចូរចាំថាកុំសម្លឹងមើលភ្នែករបស់ពួកវា ព្រោះនោះអាចជារឿងចុងក្រោយដែលអ្នកធ្វើ។

នៅ Fukushima របាយការណ៍និយាយពីករណីមើលឃើញ Acrobatic Silky កាន់តែច្រើនឡើង។

តើនោះជាបិសាចដូចក្នុងរឿងព្រេងនិទាន ឬគ្រាន់តែជាមនុស្សដែលមានសមត្ថភាពធ្វើចលនាអស្ចារ្យ? ទាំងនេះជា​សំណួរ​ដែល​មិន​ទាន់​រក​ឃើញ​ចម្លើយ។

Kunekune

ក្នុងស្រមោលងងឹងនៃអុីនធឺណេត បិសាចចម្លែកដែលមានឈ្មោះគួរឲ្យស្រលាញ់មួយប្រភេទចាប់ផ្តើមល្បី។

ជាមួយនឹងរូបរាងដូចមនុស្ស ប៉ុន្តែចលនាបត់បែនរបស់វាដូចជាស្រមោលខ្មោច វាបានទាក់ទាញការចង់ដឹងចង់ឃើញ​របស់​មនុស្ស​ជា​ច្រើន។

ជាទូទៅពួកវាតែងតែបង្ហាញខ្លួននៅតាមវាលស្រែខៀវស្រងាត់។

មានបុរសម្នាក់បានព្យាយាមស្វែងរក​អាថ៌កំបាំងរបស់វា ប៉ុន្តែបែរជាត្រូវបក់ចូលខ្យល់គួចដ៏ចម្លែកមួយ។

ភាគច្រើនរបាយការណ៍ទាក់ទងនឹងករណីមើលឃើញ KuneKune សុទ្ធតែកើតឡើងនៅរដូវក្តៅ ជាពិសេសក្នុងថ្ងៃដែល​ក្តៅ​ខ្លាំង។

ដូច្នេះហើយ មនុស្សមួយចំនួនគិតថា នោះគ្រាន់តែជាការបំភាន់ដែលបណ្តាលមកពីសីតុណ្ហភាពខ្ពស់ប៉ុណ្ណោះ។

យ៉ាងណាមិញ រហូតមកដល់ពេលនេះ ធាតុពិតរបស់វានៅតែមិនទាន់អាចកំណត់ ហើយរបាយការណ៍នៅតែបន្ត​កើន​​ឡើង។

Yamanoke

នៅពេលយប់ ស្រមោលចម្លែកមួយបានបង្ហាញខ្លួន មិនមានក្បាល ប៉ុន្តែបែរជាមានមុខនៅត្រង់ដើមទ្រូង។

នោះគជា Yamanoke ជាប្រភេទបិសាចអាថ៌កំបាំងដែលបង្ហាញខ្លួននៅ Miyagi និង Yamagata តាំងពីឆ្នាំ ២០០០ មក​ម្ល៉េះ។

អ្វី​ដែល​ពិសេស​ត្រង់ថា Yamanoke លងតែមនុស្សស្រីប៉ុណ្ណោះ ដែលធ្វើឲ្យជនរងគ្រោះ​និយាយ​ពាក្យ​ឥត​ន័យ​ដូចជា “ចូល​ហើយ ចូល​ហើយ” ជា​ដើម។

ដើម្បីជួយសង្គ្រោះជនរងគ្រោះ គេត្រូវធ្វើពិធីបណ្តេញក្នុងរយៈពេល ៤៩ ថ្ងៃ។

អាថ៌កំបាំងទាក់ទងនឹង Yamanoke នៅតែមិនអាចបកស្រាយបានឡើយ ដែលធ្វើឲ្យវាក្លាយជាពពួកបិសាច​ចម្លែក​គួរ​ឲ្យភ័យខ្លាចបំផុតនៅក្នុងប្រទេសជប៉ុន។

តើពពួកបិសាចអាថ៌កំបាំងទាំងនេះគ្រាន់តែជាការស្រមើស្រមៃ ឬពិតជាមានពិតមែន?

ទាំងនេះជាសំណួរដែលមិនទាន់រកឃើញចម្លើយ ហើយកំពុងរង់ចាំអ្នកដែលមានភាពក្លាហានមកស្វែងយល់។

ប្រហែលជានៅកន្លែងណាមួយ ក្នុងស្រមោលព្រៃចាស់ងងឹត ឬក្រោមបាតសមុទ្រជ្រៅ ពួកវាកំពុងតែលាក់ខ្លួន រង់ចាំ​ឳកាស​បង្ហាញ​ខ្លួន។

តើអ្នកជឿលើវត្តមានរបស់ពួកវាដែរទេ? សូមចែករំលែកប្រាប់ JAPO ។

Abe Kengo