សម្រង់​​ពាក្យ​​សម្តី​​​នៃ​កំពូល​​អ្នក​ចំ​បាប់​​ស្រី​ Yoshida Saori ដែលនៅ​ចិន​​គេ​ដាក់​មាន​​រហស្សនាម​នាង​​ថា “គ្មាន​​សង្ឃឹម”

Yoshida Saori គឺជាអ្នកចំបាប់ស្រីដ៏អស្ចារ្យមួយរូប នាងធ្លាប់យកឈ្នះការប្រកួតចំនួន ២០៦ ដងជាប់ៗគ្នា ហើយបាន​ក្លាយ​ជា​និមិត្ត​រូប​នៃ​កម្លាំង និង​ឆន្ទៈ​មោះ​មុត។

កម្លាំងដ៏អស្ចារ្យរបស់នាងបានធ្វើឲ្យគូប្រកួតគ្មានសង្ឃឹម ហើយប្រជាជនចិនថែមទាំងបានដាក់រហស្សនាមឲ្យនាង​ថា “គ្មាន​សង្ឃឹម” ទៀត​ផង។

ទោះបីជាកម្លាំងរបស់នាងធ្វើឲ្យគូប្រកួតគ្មានសង្ឃឹម ប៉ុន្តែទន្ទឹមនឹងនេះក៏បានជម្រុញទឹកចិត្តដល់មនុស្សជាច្រើនផង​ដែរ។

ចូរយើងស្វែងយល់រឿងរ៉ាវនៃ “កំពូលអ្នកចំបាប់ស្រី Yoshida Saori” តាមរយៈអត្តបទខាងក្រោម។

** យកឈ្នះជើងឯកខណៈពេលដែលកំពុងបាក់ឆ្អឹង

កាលនៅរៀនវិទ្យាល័យ Saori បានចូលរួមការ​ប្រកួត​ចំបាប់​ទាំងដែលដៃ​ឆ្វេងបាក់។

ថ្វីត្បិតតែ មិនអាចប្រើដៃឆ្វេងបាន​ក៏​ដោយ នាងនៅតែអាចយកឈ្នះការប្រកួតដោយដណ្តើមចំណាត់ថ្នាក់ជើង​ឯក។

** ស្នេហា និងចំបាប់

Saori បានចាប់អារម្មណ៍បុរសមាឌធំម្នាក់ក្នុងក្រុមកីឡាបេស្បល។

មានម្តងពេលកំពុងប្រឡែងលេង នាងបាន “ផ្តួល” បុរសម្នាក់នេះក្នុងការប្រកួត Sumo ។

ទោះជាយ៉ាងនេះក្តី បេះដូងរបស់បុរសម្នាក់នោះនៅតែមិនទាន់រំភើបចំពោះនារីដ៏ក្លាហានរូបនេះឡើយ ទាំងដែលនាងបាន​សារភាព​ស្នេហ៍​ចំនួន ៦ ដងមកហើយ។

** “ហេតុអ្វីបានជាអាចយកឈ្នះជាបន្តបន្ទាប់ដូច្នេះ?”

“តើអាថ៌កំបាំងនៃការយកឈ្នះជាអ្វី?” គ្មានអាថ៌កំបាំងនោះទេ។ គ្រាន់តែគូប្រកួតរបស់ខ្ញុំមិនមែនជា Yoshida Saori ប៉ុណ្ណោះ។ – Yoshida Saori បានឆ្លើយតបយ៉ាងគួរឲ្យអស់សំណើចនៅពេលដែលត្រូវបានគេសួរទាក់ទងនឹងអាថ៌កំបាំង​នៃ​ការ​យក​ឈ្នះ​ជា​បន្ត​បន្ទាប់​របស់ខ្លួន។

** នៅពេលដែលជួបគូប្រកួតស្រស់ស្អាត។

នៅពេលដែលទទួលបានសំណួរទាក់ទងនឹងអារម្មណ៍ពេលប្រឈមមុខនឹងអត្តពលិកស្រីបរទេសដ៏ស្រស់ស្អាតម្នាក់ អ្នក​ចំបាប់ Yoshida Saori បាននិយាយបែបកំប្លែងថា “ខ្ញុំស្ទើរតែមិនជឿនៅពេលដែលមើលឃើញនាង” ។ ហេតុ​អ្វីបាន​ជា​ស្អាត​ដូច្នេះ? ប៉ុន្តែនៅលើសង្វៀនប្រកួត ខ្ញុំនៅតែត្រូវផ្តោតអារម្មណ៍ខ្ពស់ ហើយ​បញ្ចប់​ការ​ប្រកួតយ៉ាង​លឿន” ។

** ចំនួនមេដាយមាស?

នៅពេលដែលទទួលបានសំណួរទាក់ទងនឹងមេដាយមាសដែលដណ្តើមបាន Yoshida Saori បានឆ្លើយយ៉ាងសាមញ្ញថា “ចំនួនមេដាយមាសឬ? ខ្ញុំភ្លេចទៅហើយ” ។

ដូចជាលឺថាមានចំនួន ១៧ មេដាយ ទទួលបានមេដាយច្រើនដូច្នេះ មិនចាំពីចំនួនក៏ជារឿងធម្មតាដែរ។

ព្រោះតែសមិទ្ធិផលដ៏អស្ចារ្យទាំងនេះហើយ ទើបពាក្យសម្តីទាំងនេះគួរឲ្យទុកចិត្ត ពិតជាឡូយណាស់។

ថ្វីត្បិតតែ នាងមានទេពកោសល្យពីកំណើត ប៉ុន្តែដោយសារការខិតខំប្រឹងប្រែងដោយមិនចេះនឿយហត់បានធ្វើឲ្យនាង​មាន​ភាព​ជឿ​ទុក​ចិត្ត​និយាយ​ចេញ​ពាក្យ​សម្តី​ទាំង​នេះ។

ទាំងនៅក្នុងកីឡា និងការងារ អ្នកដែលតែងតែតស៊ូ ព្យាយាមឥតឈប់ឈរ និងមានស្មារតីប្រកួតប្រជែងខ្ពស់ទើបជា​អ្នក​ដែល​ឈាន​ដល់​កម្រិត​កំពូល។

ទេពកោសល្យមិនមែនជាអ្វីៗគ្រប់យ៉ាងនោះទេ ការខិតខំប្រឹងប្រែងទើបជាកត្តាកំណត់ភាពជោគជ័យ។

ខ្ញុំពិតជាសរសើរមនុស្សបែបនេះណាស់ ហើយសង្ឃឹមថាខ្លួនអាចក្លាយជាមនុស្សម្នាក់បែបនេះ។

Abe Kengo