ជក់​កញ្ចក់ – ត្រូវ​បាន​ផលិត​ឡើង​យ៉ាង​ពិសេស​ដោយ​ស្នា​ដៃ​ដ៏​មាន​ទេព​កោសល្យ

តើអ្នកធ្លាប់ឮអំពីជក់កញ្ចក់ – ជាប្រភេទប៊ិចដែលខុសពីស្លាបប៉ាកាបូមដែរទេ?

ប៊ិចកញ្ចក់ត្រូវបានបង្កើតឡើងនៅឆ្នាំ ១៩០២ ដោយស្នាដៃដ៏ប៉ិនប្រសប់របស់សិប្បករជប៉ុន ប៊ិចកញ្ចក់បានក្លាយទៅ​ជា​និមិត្ត​សញ្ញា​ពិសេស​នៅ​ប្រទេស​ជប៉ុន។

ចូរយើងក្រឡេកមើលលក្ខណៈពិសេសនៃប្រភេទប៊ិចនេះ និងអារម្មណ៍ពិសេសប្លែកដែលវានាំមកសម្រាប់កន្លែងធ្វើការ​​របស់​​អ្នក។

ជាមួយនឹងជក់កញ្ចក់ដែលនាំមកនូវអារម្មណ៍ពេលសរសេរអក្សរផ្ចង់ល្អអស្ចារ្យណាស់។

អារម្មណ៍ត្រជាក់នៅពេលដែលកាន់ប៊ិចក្នុងដៃ ជាមួយនឹងសំឡេងទឹកថ្នាំពេលប៉ះក្រដាស ដែលបង្កើតបានជាការសម្រាក​បន្ធូរ​អារម្មណ៍​យ៉ាង​ពិសេស។

នៅពេលដែលយើងជ្រលក់ជក់ចូលដបទឹកថ្នាំ ជាឳកាសដែលយើងអាចរីករាយនឹងតួអក្សរនីមួយៗ ហើយ​ជា​ពេលវេលាច្នៃប្រឌិត។

អត្ថប្រយោជន៍នៃជក់មួយដើមនេះនឹងធ្វើឲ្យអ្នកភ្ញាក់ផ្អើល ព្រោះថាគ្រាន់តែជ្រលក់ទឹកថ្នាំម្តង អ្នកអាចសរសេរលើ​កាត​ប៉ូស្ដាល់​មួយ​សន្លឹក​សម្រាប់​ផ្ញើ​ជូន​មនុស្ស​ជា​ទី​ស្រលាញ់ និង​មិត្ត​ភក្តិ។

អារម្មណ៍ពេលដែលប្រើជក់ឃើញថារឹងមាំល្អ ស្ទើរតែដូចជាពេលដែលប្រើស្លាបប៉ាកាបូមដែរ។

ចំពោះការថែរក្សាជក់មានភាពសាមញ្ញ មិនស្មុគស្មាញដូចជាស្លាបប៉ាកាបូមនោះទេ។

ជាមួយនឹងការរចនាបែបកញ្ចក់ដូចនេះ អ្នកគ្រាន់តែលាងសម្អាតជក់នឹងទឹកជាការស្រេច។

ចំពោះការផ្លាស់ប្តូរប្រភេទទឹកថ្នាំក៏មានភាពងាយស្រួលណាស់ដែរ អ្នកអាចជ្រើសរើសម៉ាកទឹកថ្នាំ និងពណ៌ដែលអ្នកចូល​ចិត្ត។

ចំណុចពិសេសមួយទៀតត្រង់ថា មានតម្លៃសមរម្យណាស់។

ជាទូទៅស្លាបប៉ាកាបូមមានតម្លៃចាប់ពីប៉ុន្មានម៉ឺនយ៉េនរហូតដល់រាប់រយរាប់ពាន់យ៉េន ស្លាបប៉ាកាបូមខ្លះមានតម្លៃ​ជាង ១ លាន​យ៉េន ចំណែក​ឯ​ជក់​កញ្ចក់​មាន​តម្លៃ​ចាប់​ពី​ពីរ​បី​ពាន់​យ៉េន​រហូត​ដល់​ប្រហែល ២០ ពាន់​យ៉េន។

កណ្តឹងខ្យល់ (風鈴 – Furin) គ្រាប់បាល់កញ្ចក់តូចៗយោលទៅមកតាមខ្យល់ ដែលនាំមកនូវសំឡេងច្បាស់ល្អគឺជានិមិត្ត​សញ្ញា​នៃ​វប្បធម៌​ជប៉ុន។

ដោយសារតែបច្ចេកទេសផលិតកញ្ចក់យ៉ាងពិសេសនេះ សិប្បករបានប្រើបច្ចេកទេសនេះដើម្បីផលិតជក់កញ្ចក់ដ៏ស្រស់​ស្អាត។

ទិញជក់កញ្ចក់ជប៉ុនអាចជាអំណោយដ៏មានអត្ថន័យ រាល់ពេលដែលអ្នកឃើញជក់ អ្នកនឹងចងចាំពេលវេលាសប្បាយៗ​ពេល​ធ្វើ​ដំណើរ​កម្សាន្ត។

Abe Kengo