ទឹក​ដី​ជប៉ុន​ដែល​ស្ថិត​នៅ​ប្រទេស​អូស្ត្រាលី៖ ចំណង​មិត្ត​ភាព​រវាង​​ប្រទេស​​ទាំង​​ពីរ

ក្នុងកំឡុងសង្គ្រាមលោកលើកទី ២ ជប៉ុនបានទៅដល់ប្រទេសជាច្រើន ហើយពង្រីកទឹកដីរបស់ខ្លួន។

លទ្ធផលជប៉ុនបានបរាជ័យ ហើយបាត់បង់ទឹកដីទាំងអស់ដែលនៅក្រៅប្រទេស។

យ៉ាងណាមិញ តើអ្នកដឹងទេថាសព្វថ្ងៃនៅ​ប្រទេសអូស្ត្រាលីមានកន្លែងមួយជាកម្មសិទ្ធិរបស់ជប៉ុនដែរទេ? 

មិនមែនជាស្ថានទូត ឬស្ថានកុងស៊ុលនោះទេ។

ចូរយើងស្វែងយល់អំពីទឹកដីជប៉ុននៅប្រទេសអូស្ត្រាលី ជាកន្លែងដែលអ្នកអាចនឹងទទួលបានអារម្មណ៍ដ៏កក់ក្តៅរបស់​ប្រជាជន​អូស្ត្រាលី។

ទឹកដីជប៉ុនសព្វថ្ងៃនៅ​អូស្ត្រាលី

ទីកន្លែងមួយចំនួនដែលនៅក្នុងប្រទេសអូស្ត្រាលីត្រូវបានចាត់ទុកជាទឹកដីរបស់ជប៉ុន។

ដែលនោះជាកន្លែងបញ្ចុះសពទាហានជប៉ុននៅ Cowra (Cowra Japanese War Cemetery) និងសួន Cowra ជប៉ុន (Cowra Japanese Garden) ។

ថ្វីត្បិតតែ កន្លែងទាំងពីរនេះមិនស្ថិតក្រោមអធិបតេយ្យភាពរបស់ជប៉ុន ប៉ុន្តែរដ្ឋាភិបាលអូស្ត្រាលីបានកំណត់ថា “នេះ​ជា​ទឹក​ដី​អចិន្ត្រៃយ៍​របស់​ជប៉ុន” ។

ផ្តើមដោយសង្គ្រាមលោកលើកទីពីរ

នៅពេលនោះ ទំនាក់ទំនងរវាងជប៉ុន និងអូស្ត្រាលីប្រៀបដូចជាសត្រូវនឹងគ្នា។

នៅ​អូស្ត្រាលី​ក៏មានកន្លែងឃុំខ្លួនអ្នកទោសជនជាតិជប៉ុនផងដែរ ជាកន្លែងដែលមានមនុស្សជាង ២០០ នាក់​បាន​ស្លាប់។

ក្រោយ​សង្គ្រាម រដ្ឋាភិបាល​អូស្ត្រាលី​បាន​សាងសង់កន្លែងរំលឹកវិញ្ញាណក្ខន្ធ និងកន្លែងបញ្ចុះសពទាហាន​ជប៉ុន​ដែល​បាន​លះបង់ជីវិត ដែលនោះជាកន្លែងបញ្ចុះសពទាហានជប៉ុននៅ Cowra ។

ទោះ​ជា​យ៉ាង​ណា ព្រលឹងវិញ្ញាណរបស់ជនជាតិជប៉ុនដែលបានបាត់បង់ជីវិតមិន​អាច​ត្រឡប់​ទៅ​ស្រុក​កំណើត​វិញ​។

ដូច្នេះហើយ បានជាសួន Cowra ជប៉ុនត្រូវបានសាង់សង់ឡើង។

យ៉ាងណាមិញ ការផ្លាស់ប្តូរកន្លែងបញ្ចុះសពមិនមែនជារឿងងាយស្រួលនោះទេ ដូច្នេះតាមរយៈការចាត់ទុកកន្លែងនេះ​ជាទឹកដីរបស់ជប៉ុន ពួកគេបានបង្កើតកន្លែង “ត្រឡប់ទៅស្រុកកំណើត​ជប៉ុន” សម្រាប់អ្នកដែលបាន​បាត់​បង់​ជីវិត។

ទាំងនេះជាការបង្ហាញពីទឹកចិត្តរបស់រដ្ឋាភិបាលអូស្ត្រាលី ដោយពួកគេចង់ចាំគ្រប់បញ្ហាប្រវត្តិសាស្ត្រ ថែមទាំងខិតខំប្រឹងប្រែងកែលម្អ និងអភិវឌ្ឍទំនាក់ទំនងទ្វេភាគីរវាងប្រទេសទាំងពីរ។

សូមថ្លែងអំណរគុណយ៉ាងជ្រាលជ្រៅចំពោះប្រជាជនអូស្ត្រាលីទាំងអស់។

ជា​មួយ​នឹងផ្ទៃដីរហូតដល់ទៅ ៥ ហិចតា សួននេះពិតជាមានទំហំធំទូលាយ ដែលស្មើនឹងទីលានកីឡាបេស្បល។

ថ្វីត្បិតតែ ត្រូវបានចាត់ទុកជាទឹកដីរបស់ប្រទេសជប៉ុនក៏ដោយ ប៉ុន្តែកន្លែងនេះមិនមានស្វ័យភាពនោះទេ ដូច្នេះនៅ​ពេល​ដែល​ទៅ​ដល់​ទី​នេះ សូម​គោរព​តាម​ច្បាប់​របស់​ប្រទេស​អូស្ត្រាលី។

សង្គ្រាម​ជា​រឿង​ដែល​មិន​គួរ​កើត​ឡើង។

យ៉ាងណាមិញ ខ្ញុំគិតថា ពិតជាល្អណាស់ដែលប្រទេសទាំងពីរគោរពគ្នាទៅវិញទៅមកដូច្នេះ។

ខ្ញុំសង្ឃឹមថា ទំនាក់ទំនងរវាងជប៉ុន និងអូស្ត្រាលីនឹងបន្តរីកចម្រើន ហើយខ្ញុំក៏ចង់ថ្លែងអំណរគុណចំពោះទាហានជប៉ុន​ដែល​បាន​បាត់​បង់​ជីវិត​ក្នុង​សង្គ្រាម​ផង​ដែរ។

Abe Kengo