នាំ​គ្នា​សម្អាត​សំរាម​បាន​ក្លាយ​ទៅ​ជា​ទម្រង់​បាតុកម្មថ្មី និង​មាន​អត្តន័យ

តើអ្នកធ្លាប់ឮពី​ទម្រង់បាតុកម្មយ៉ាងពិសេសតាមរយៈការរើសសំរាមរបស់ប្រជាជនជប៉ុនដែរទេ?

ជំនួសដោយការបាតុកម្មដែលមានសំឡេងរំខាន ពួកគេជ្រើសយកសកម្មភាពជាក់ស្តែង និងមានអត្ថន័យ។

តើអ្នកគិតទេថាវិធីសាស្ត្រនេះមិនត្រឹម​តែបង្ហាញពីភាពមិនចុះ​សម្រុងគ្នាប៉ុណ្ណោះទេ ថែមទាំងរួមចំណែក​ធ្វើ​ឲ្យ​បរិស្ថាន​រស់​នៅ​​កាន់​ស្អាត​ជាង​មុន​ដែរ​ទេ? 

ចូរយើងស្វែងយល់ពីទម្រង់បាតុកម្មយ៉ាងពិសេសនេះទាំងអស់គ្នា។

ស្ថានីយ៍ទូរទស្សន៍ Fuji Television

គេតែងតែនិយាយថា Fuji Television មានទំនោរផ្សព្វផ្សាយព័ត៌មានដែលមានប្រយោជន៍ចំពោះកូរ៉េខាងត្បូង ចំណុច​នេះ​ធ្វើ​ឲ្យ​មនុស្ស​មួយចំនួនមិនសប្បាយចិត្តជាខ្លាំង។

ដោយសារស្ថានីយ៍ទូរទស្សន៍ប្រើប៉ុស្តិ៍សាធារណៈ ដូច្នេះគួរតែផ្សព្វផ្សាយព័ត៌មានដោយភាពយុត្តិធម៌។ ទោះជាយ៉ាង​ណា មូល​ហេតុ​ចម្បងដែលបង្កឲ្យកើតមានស្ថានភាពនេះដោយសារការផ្សព្វផ្សាយរបស់ស្ថានីយ៍ទូរទស្សន៍ទាក់​ទងនឹង​ព័ត៌មាន World Cup ឆ្នាំ ២០០២ នៅ​ពេល​ដែល​ជប៉ុន និងកូរ៉េខាងត្បូងធ្វើជាម្ចាស់ផ្ទះរួមគ្នា។

ក្នុងអត្តបទមិននិយាយលម្អិតចំណុចនេះនោះទេ ព្រោះមិនទាក់ទងនឹងប្រធានបទ​ ប៉ុន្តែនិយាយឱ្យខ្លីការដែលស្ថានីយ៍ទូរទស្សន៍ផ្តោតលើក្រុមកូរ៉េពេកបានធ្វើឱ្យអ្នកទស្សនាមួយចំនួនមានការខឹងសម្បារ និង​មាន​អារម្មណ៍​អាក្រក់ចំពោះ Fuji Television ។

ការដែលមិនបានចាក់ផ្សាយបទសម្ភាសន៍ជាមួយក្រុមទួរគីបន្ទាប់ពីពួក​គេយកឈ្នះក្រុមកូរ៉េក៏ជាមូលហេតុ​នៃការបាតុកម្ម​ផង​ដែរ។

ប្រធានបទនេះត្រូវបានផ្សព្វផ្សាយលើបណ្តាញសង្គមយ៉ាងឆាប់រហ័ស

នៅពេលនោះជាង ២ វេទិកាអនឡាញរបស់ជប៉ុនអនុញ្ញាតឱ្យបង្ហោះអត្តបទអនាមិក ដែលបានផ្ទុះការជជែក​វែក​ញែក​និយាយ​ពី​ការ​បដិសេធចំពោះ Fuji Television ។ ចាប់ពីពេលនោះ​មក​​ក៏​បាន​បង្កើត​គំនិតរៀបចំបាតុកម្មប្រឆាំង​នឹង​ស្ថានីយ​​ទូរទស្សន៍​នេះ។

យ៉ាងណាមិញ នៅពេលនោះស្ថានីយ៍ទូរទស្សន៍នៅតែមានឥទ្ធិពលខ្លាំងជាងអុីនធឺណេត ដូច្នេះមិនថាបង្កការរំខានខ្លាំង​យ៉ាង​ណា​ក៏​ពិបាក​នឹង​ផ្លាស់​ប្តូរ​ស្ថានីយ៍​ទូរទស្សន៍។

ដូច្នេះហើយ គ្រប់គ្នាបានរកឃើញវិធីមួយសម្រាប់ដាក់​សម្ពាធ​លើ Fuji Television គឺថា​អនុវត្ត​​សកម្មភាព​​បំផ្លិច​បំផ្លាញ។

រួមចំណែកដល់សង្គមផង បង្កការរំខានផង

ប្រសិនបើធ្វើសកម្មភាពបំផ្លិចបំផ្លាញតាមរបៀបធម្មតា យើងអាចនឹងត្រូវគេចាត់ទុកថាបំពាន​ច្បាប់។ ដូច្នេះហើយ គ្រប់​គ្នា​បាន​គិត​ឃើញ​គម្រោង​ពិសេស​ជាង​នេះ។

នៅសម័យនោះ Fuji Television មានកម្មវិធីប្រចាំឆ្នាំធំមួយដែលធ្វើឡើងក្នុងរដូវក្តៅហៅថា “២៧ ម៉ោងនៃទូរ​ទស្សន៍” ។ ក្នុង​កម្មវិធី​នេះ​មានចំណុចមួយនិយាយពីគ្រប់គ្នាចេញទៅឆ្នេរសមុទ្ររើសសំរាមសម្អាត​បរិស្ថាន។

ដូច្នេះហើយ ទើបបណ្តាញសង្គមគិតឃើញគំនិតដែលថា៖ “ហេតុ​អ្វីបានជាយើងមិន​ទៅកាន់ឆ្នេរសមុទ្រនោះមុន ហើយ​រើស​​សំរាម​​ទាំង​​អស់? ដូច្នេះ​កម្មវិធី​នឹងមិន​អាច​ធ្វើ​ទៅ​បាន” ។

គំនិតនេះចាប់ផ្តើមរីកផ្សព្វផ្សាយទូលំទូលាយ។

គោលដៅ៖ ប្រមូលមនុស្សចំនួន ១ ម៉ឺននាក់ – រួមគ្នាការពារសមុទ្រ Shonan!

ទីតាំងថតរបស់ Fuji Television គឺនៅសមុទ្រ Shonan, Kanagawa ។

គ្រប់គ្នារំភើបយ៉ាងខ្លាំងចំពោះគំនិតប្រមូលមនុស្សចំនួន ១ ម៉ឺននាក់ទៅសម្អាតសមុទ្រ ដើម្បីបំផ្លាញគម្រោងរបស់ Fuji Television ។

តម្រូវការសម្រាប់អ្នកដែលចូលរួមមានដូចជា

១. មិនអាចនិយាយអាក្រក់ ឬបង្ខូចកេរ្តិ៍ឈ្មោះរបស់អ្នកដទៃ

២. អាចយកតាមបដាប្រឆាំងតវ៉ា

៣. ស្វាគមន៍ចំពោះអ្នកដែលពាក់ឯកសណ្ឋានរបស់ក្រុមទួរគីដើម្បីអបអរសាទរជ័យជម្នះរបស់ពួកគេមុនកូរ៉េ ហើយ​ដណ្តើម​ចំណាត់​ថ្នាក់​លេខ ៣ ។

និងការ​អំពាវនាវ​ដើម្បីសន្តិភាពជាច្រើនផ្សេងទៀត​ត្រូវ​បាន​ផ្សព្វផ្សាយ​យ៉ាង​ទូលំទូលាយ។

ថ្វីត្បិតតែ មិនអាចប្រមូលបានមនុស្សចំនួន ១ ម៉ឺននាក់ដូចជាគោលដៅដំបូង ប៉ុន្តែនៅតែមានមនុស្សប្រហែល ១០០ នាក់​ចូល​រួម។

យោងតាមគម្រោងរបស់ Fuji Television ពួកគេនឹងចាប់ផ្តើមថតទិដ្ឋភាពសម្អាតសំរាមនៅម៉ោង ១០ ព្រឹក។ ទោះ​ជា​​យ៉ាង​​ណា អ្នក​ដែល​ចូល​រួម​បាន​ប្រមូល​ផ្តុំ​គ្នា​តាំង​ពី​ម៉ោង ៤ ទៀប​​ភ្លឺ ហើយ​​សម្អាត​​សំរាម​​ទាំង​​អស់។

បុគ្គលិករបស់ស្ថានីយ៍ទូរទស្សន៍ក៏បានមក ហើយស្នើឲ្យពួកគេសហការ ប៉ុន្តែគ្រប់គ្នាមិនអើពើ។

ទាំងដែលបានលើកយកបញ្ហាប្រាក់មកនិយាយ ប៉ុន្តែពួកគេនៅតែមិនអើពើ ហើយ​បន្ត​សម្អាត​សំរាម។

នៅទីបំផុត Fuji Television ត្រូវបង្ខំចិត្តផ្លាស់ប្តូរគម្រោងរបស់ខ្លួន ហើយប្រើប្រាស់រូបភាពផ្សេងដើម្បីចាក់ផ្សាយកម្មវិធី។

ការដែលគ្រប់គ្នាទៅរើសសំរាមមិនបានបង្កការរំខានដល់នរណាទាំងអស់។

ដោយសារមូលហេតុ​នេះ ទើប Fuji Television មិនអាចនិយាយថា “កុំរើសសំរាម” នោះទេ។

ជា​ការ​ពិត​ណាស់ ប៉ូលិស និង​អាជ្ញាធរ​មូលដ្ឋានក៏មិនអាច​សហការ​ជាមួយ​ស្ថានីយ​ទូរទស្សន៍​ក្នុង​ករណី​នេះ​បានដែរ។

គម្រោងបាតុកម្មស្ងាត់ៗដោយការសម្អាតសមុទ្ររួមគ្នា និងមិនបង្កការរំខានដល់នរណាទាំងអស់ ទោះបីគ្រាន់​តែ​ចែក​រំលែកលើបណ្តាញសង្គម ប៉ុន្តែលទ្ធផលបានបង្ហាញឱ្យឃើញពីភាពជោគជ័យដែលមិននឹកស្មានដល់។

វិធីសាស្រ្តបាតុកម្មយ៉ាងពិសេស ដែលបង្កប់ដោយស្មារតីរបស់ប្រជាជនជប៉ុន បានបង្ហាញប្រសិទ្ធភាពរបស់ខ្លួន។

វិធីសាស្រ្តនេះមិនត្រឹមតែជាទម្រង់នៃការតវ៉ាប៉ុណ្ណោះទេ ថែមទាំងជាដំណោះស្រាយជាក់ស្តែង រួមចំណែកក្នុងការ​ដោះ​ស្រាយ​បញ្ហា​ដោយ​សន្តិវិធី និង​ប្រកប​ដោយ​ប្រសិទ្ធភាព។

តើអ្នកយល់យ៉ាងណាចំពោះវិធីសាស្រ្តនេះ? សូមកុំភ្លេចចែករំលែកប្រាប់ JAPO ។

Abe Kengo