Bushido ៧៖ ខ្លឹម​សារ​នៃក្បាច់​គុន​សាមូរ៉ៃ – មេ​រៀន​ដ៏​មាន​តម្លៃ​សម្រាប់​ជីវិត​សព្វ​ថ្ងៃ

Bushido ៧៖ ខ្លឹមសារនៃក្បាច់គុនសាមូរ៉ៃ – មេរៀនដ៏មានតម្លៃសម្រាប់ជីវិតសព្វថ្ងៃ។

តើអ្នកដឹងទេថាមេរៀនតាំងពីសម័យសាមូរ៉ៃនៅតែមានតម្លៃរហូតមកដល់សព្វថ្ងៃនេះដែរទេ?

Bushido ដែលជាបទប្បញ្ញត្តិជីវិតរបស់អ្នកក្បាច់គុន ហើយបង្កប់ទស្សនវិជ្ជា​ជ្រៅ​ជ្រះ​ដែល​អាចអនុវត្ត​បាន​ក្នុង​ជីវិតសព្វ​ថ្ងៃ។

ចូរយើងស្វែងយល់ពីគោលការណ៍ទាំង ៣ ក្នុង Bushido ដែលអាចជួយឱ្យ​អ្នករស់នៅក្នុងជីវិតកាន់តែមានន័យ។

១. តែងតែដឹងចំពោះសេចក្តីបញ្ចប់ ឆ្ពោះទៅរកគោលដៅ
រំលឹកយើងអំពីស្មារតីរបស់អ្នកក្បាច់គុន ជាពិសេសទស្សនៈចំពោះសេចក្តីស្លាប់។

សាមូរ៉ៃមិនខ្លាចសេចក្តីស្លាប់នោះទេ ប៉ុន្តែពួកគេចាត់ទុកសេចក្តីស្លាប់ជាផ្នែកមួយដែលមិនអាចជៀសផុតនៃជីវិត។ ដូច្នេះ​ហើយ ពួក​គេ​រស់​នៅ​ដោយ​ការ​ពេញ​ចិត្ត​ជា​រៀង​រាល់​ថ្ងៃ តែង​តែ​ឆ្ពោះ​ទៅ​រក​គោល​ដៅ​របស់​ខ្លួន។

មនុស្សជាច្រើនតែងតែយកលេសថាគ្មានពេលវេលា ប៉ុន្តែតើចំណុចនេះពិតដែរទេ? មិនថាអ្នកមាន ឬក្រ ក្មេង ឬចាស់ មនុស្ស​គ្រប់​គ្នា​មាន​ពេល ២៤ ម៉ោង​សម្រាប់​ទទួល​ទាន​អាហារ សម្រាក​បន្ធូរ​អារម្មណ៍។ 

ទោះបីជាស្ថានភាពការងារ ឬសុខភាពធ្វើឱ្យពេលវេលាមានភាពខុសគ្នា ប៉ុន្តែជាមូលដ្ឋានពេលវេលាក្នុងមួយថ្ងៃ មួយ​សប្តាហ៍ ឬមួយឆ្នាំសុទ្ធតែស្មើគ្នា​សម្រាប់​មនុស្ស​គ្រប់​គ្នា។ របៀប​ដែល​អ្នកប្រើប្រាស់ពេលវេលាទើបជាចំណុចដែលធ្វើ​ឱ្យ​មាន​ភាព​ខុស​គ្នា។

ទោះជាយ៉ាងណា គ្មាននរណាម្នាក់អាចទាយដឹងមុនពីវាសនារបស់ខ្លួននោះទេ។ គ្រោះថ្នាក់ដោយចៃដន្យ ឬ​ជំងឺ​ធ្ងន់​ធ្ងរ​អាច​​នឹង​​កើត​ឡើង​​គ្រប់​​ពេល។

អ្នកដែលតែងតែពន្យារពេលព្រោះតែមូលហេតុគ្មានពេលវេលាអាចប្រឈមនឹងភាពសោក​ស្តាយយ៉ាង​ខ្លាំង​នៅ​ពេល​​​ដែល​​ដឹង​​​ថា ជីវិត​មិន​រង់​ចាំ​នរណា​ម្នាក់​ឡើយ។

ជាការពិតណាស់ អ្នកកំពុងតែមានអារម្មណ៍ពោរពេញ​ទៅដោយថាមពល និងកម្លាំងនៅពេលនេះ។

សូមប្រើប្រាស់ពេលវេលាដ៏មានតម្លៃបំផុតដែលអ្នកមាននៅពេលនេះ ប្រឈមនឹងអារម្មណ៍របស់ខ្លួនដោយភាពស្មោះ​ត្រង់ និង​ម៉ឺង​ម៉ាត់​បំផុត។

ព្រោះនៅពេលដែលឳកាសកន្លងផុតទៅ ភាពសោកស្ដាយ​ក៏មិនអាចផ្លាស់ប្តូរអ្វីបានឡើយ។

២. រស់នៅដោយភាពម្ចាស់ការ និងមានទំនួលខុសត្រូវដូចជាសាមូរ៉ៃមួយរូប។
នៅក្នុងអង្គភាពធំៗពេលខ្លះយើងមិនសូវជាសកម្មប៉ុន្មានទេ ដោយគិតថានឹងមានអ្នកធ្វើជំនួសខ្លួន។

ទោះជាយ៉ាងណា ចូរចាំថា ភាពជោគជ័យសម្រាប់តែមនុស្សសកម្ម និងមានទំនួលខុសត្រូវប៉ុណ្ណោះ។

អ្នកដែលតែងតែទម្លាក់កំហុសទៅលើកាលៈទេសៈ​នៅពេលដែលជួបនឹងការលំបាកក៏គួរតែពិចារណាខ្លួនឯងឡើងវិញផងដែរ។

អ្វីដែលសំខាន់យើងត្រូវខំប្រឹងបញ្ចេញឱ្យអស់ពីសមត្ថភាពរបស់ខ្លួន បន្តរៀនសូត្រ និងអនុវត្តជានិច្ច។ 

អ្នកដែលអាចធ្វើបានចំណុចនេះនឹងក្លាយទៅជាបុគ្គលដែលសំខាន់ក្នុងអង្គភាព ហើយទោះបីជាក្រុមហ៊ុនក្ស័យ​ធន​ក៏​ដោយ ពួក​គេ​នៅ​តែ​អាច​បន្ត​ការ​ងារ និង​រីក​ចម្រើន។

អ្វី​ដែល​សំខាន់​បំផុត​គឺ​ត្រូវ​ប្រឹងប្រែង​ឱ្យ​អស់​ពី​សមត្ថភាព​ដើម្បី​អភិវឌ្ឍ​ខ្លួន​ឯង និង​បំពេញ​កិច្ចការ​ដែលត្រូវបានប្រគល់​​ឱ្យ​​ល្អ។

បរាជ័យគឺជារឿងដែលមិនអាចជៀសផុត ជាពិសេសនៅពេលដែលយើងខ្វះបទពិសោធន៍។ យ៉ាងណាមិញ កុំបារម្ភខ្លាំង​ពេក ចំណេះ​ដឹង និង​ជំនាញ​ដែល​ចាំ​បាច់​នឹង​ច្រើន​ឡើង​តាម​រយៈ​ដំណើរ​ការ​ការ​ងារ។ 

៣. រៀនសូត្រធ្វើតាមបុគ្គលដែលជោគជ័យ
ពាក្យថា “កុំចុះចាញ់បរាជ័យបង្រៀនឱ្យជោគជ័យ” ប្រហែលជាយើងទាំងអស់គ្នាយល់។ 

ចំណុចនេះត្រូវ ប៉ុន្តែអ្វីដែលសំខាន់គឺមិនត្រូវយល់ខុសពីអត្តន័យរបស់វានោះទេ។

កុំបណ្តោយ​ឱ្យ​បរាជ័យ​ម្តង​ហើយ​ម្តង​ទៀត យើង​ត្រូវ​រៀន​ពី​ភាព​បរាជ័យ​របស់​ខ្លួន​ឯង និង​អ្នក​ដ៏ទៃ ហើយស្វែងរកផ្លូវ​ដែល​​ល្អ​​ជាង​​មុន​​ដើម្បី​រីក​ចម្រើន។

ដូច្នេះហើយ យើងគួរតែរៀនសូត្រពីបុគ្គលដែលជោគជ័យ។

មិនថាអាជីព ឬសម័យកាលខុសគ្នាក៏ដោយ យ៉ាងណាមិញ ផ្លូវឆ្ពោះទៅរកភាពជោគជ័យបែរជាមានលក្ខណៈស្រដៀង​គ្នា។

ចំណុចនេះមិនត្រឹម​តែអនុវត្តក្នុងអាជីវកម្មប៉ុណ្ណោះទេ ថែមទាំងអាចប្រើបានក្នុងប្រវត្តិសាស្ត្រផងដែរ ដែលមានមេរៀន​រាប់​មិន​អស់​និយាយ​ពី​បរាជ័យ និង​ភាព​ជោគ​ជ័យ​របស់​មនុស្ស​ជាតិ។

គ្រប់​វិស័យទាំងអស់ ដូចជាអាជីវកម្ម នយោបាយ ឬកីឡាសុទ្ធតែមានបុគ្គលដែលឆ្នើម។

ដោយមិនត្រឹម​តែកោតសរសើរប៉ុណ្ណោះទេ យើងគួរតែដកយកមេរៀនតាមរយៈបរាជ័យរបស់ពួកគេ ហើយរៀនពី​របៀប​ដែល​ពួក​គេ​យក​ឈ្នះ​ដើម្បី​ទទួល​បាន​ភាព​ជោគ​ជ័យ។

សូមរៀន​ឱ្យ​ដូចជានេះជាផ្លូវឆ្ពោះទៅរកភាពជោគជ័យដែលល្បឿនបំផុតសម្រាប់អ្នក។

ខ្ញុំក៏កំពុងរៀនសូត្រ និងខំប្រឹងឥតឈប់ឈរ។

ចូរយើងខំប្រឹងទាំងអស់គ្នា ហើយសម្រេចបានជោគជ័យថ្មី។

គ្រូបង្រៀនក្បាច់ដាវ Shiden Hiryu

សាលាបង្រៀនក្បាច់ដាវ Shidenryu