រឿង​រ៉ាវ​នៃ​កំពូល​អ្នក​ប្រើ​ដាវ តើ Miyamoto Musashi ពិត​ជាអ្នក​​​ឈ្នះ​​មិន​ចេះ​ចាញ់​មែន​ទេ?

លោក Miyamoto Musashi មានកេរ្តិ៍ឈ្មោះល្បីនៅទូទាំងពិភពលោកប្រៀបដូចជាសាមូរ៉ៃដែលខ្លាំងបំផុត។

លោកបានយកឈ្នះជាង ៦០ ការប្រយុទ្ធក្នុងជីវិតរបស់ខ្លួន ដើម្បីដណ្តើមយកតំណែងជាសាមូរ៉ៃលេខមួយនៅជប៉ុន ដែល​អាច​និយាយ​បាន​ថា ជាជើងឯកនៅសម័យនោះ។

រូបរាងកាយរបស់លោកពេញទៅដោយសាច់ដុំ ដៃកាន់ដាវពីរបានក្លាយទៅជានិមិត្តរូបនៃកម្លាំងដែលមិនអាចយកឈ្នះ​បាន។

ទោះជាយ៉ាងណា តើរឿងរ៉ាវទាំងនេះពិតដែរទេ?

យើងតែងតែមើលឃើញប្រលោមលោក និងភាពយន្តជាច្រើនបង្ហាញពីកម្លាំងដ៏អស្ចារ្យរបស់ Musashi ។ យ៉ាង​ណា​មិញ នៅ​ថ្ងៃ​នេះ ចូរយើងពិភាក្សាចំពោះទស្សនៈដែលផ្ទុយមកវិញ “តើលោកជាមនុស្សទន់ខ្សោយដែរឬទេ?”

ការប្រយុទ្ធជាមួយនឹងត្រកូល Yoshioka

នៅពេលដែលនិយាយពីទ្រឹស្តី “Musashi ខ្លាំងអស្ចារ្យ​បំផុត” រឿងនេះតែងតែត្រូវបានរំលឹកឡើងវិញ។ រឿងនោះនិយាយ​ថា លោកបានយកឈ្នះបុរសរាប់សិបនាក់នៃត្រកូល Yoshioka ជាគ្រួសារដែលល្បីខាងជំនាញដាវ។ ឮ​ដូច្នេះគេនឹងគិត​ភ្លាម​ថា “ពិត​ជា​ខ្លាំង​មែន” ប៉ុន្តែ​តាម​ពិត​ទៅ​បែរ​ជា​ផ្ទុយ​ទៅ​វិញ។

ជាដំបូង បើក្រឡេកទៅមើលបរិបទប្រវត្តិសាស្ត្រ នៅសម័យនោះគេមិនសូវឲ្យតម្លៃលើកម្លាំងរបស់សាមូរ៉ៃទៀតឡើយ។ 

ដូច្នេះហើយ ទោះបីជាគ្រួសារ Yoshioka ល្បីឈ្មោះក៏ដោយ ប៉ុន្តែជាក់ស្តែងពួកគេបានប្តូរទៅធ្វើអាជីវកម្មសំខាន់​គឺ​ជួញ​ដូរ kimono ។

ថ្វីត្បិតតែ នៅតែបន្តសាលាបង្រៀនក្បាច់គុនព្រោះតែកេរ្តិ៍ឈ្មោះកាលពីមុន ប៉ុន្តែអ្នកគ្រប់សាលាបង្រៀនក្បាច់គុនមិន​​មែន​​ជា​សមាជិក​ផ្លូវ​ការ​នោះ​ទេ ប៉ុន្តែ​គ្រាន់​តែ​ជា​សាច់​ញាតិ​ប៉ុណ្ណោះ។

អាច​និយាយ​បាន​ថា ពួកគេកំពុងរស់នៅដោយផ្អែកលើកេរ្តិ៍ឈ្មោះកាល​ពី​អតីតកាល ហើយតាមពិតទៅ សាលាបង្រៀន​ក្បាច់​គុន​នេះ​​លែង​​ខ្លាំង​​ដូច​​មុន​​ទៀត​​ហើយ។

បន្ទាប់ពីអ្នកនាំមុខចាញ់ ត្រកូល Yoshioka បានបបួល Musashi ប្រកួត។ នៅសម័យនោះ ការប្រកួតមួយ​ទល់​នឹង​មួយ​បែប​នេះ​ត្រូវ​បាន​អនុញ្ញាត​នៅ​ជប៉ុន។

យ៉ាងណាមិញ អ្នកដែលចេញប្រកួតគឺជាអ្នកស្នងតំណែងបន្ទាប់របស់ត្រកូល Yoshioka គឺ Yoshioka Matashichiro ហើយ​អ្វី​ដែល​គួរ​ឲ្យ​កត់​សម្គាល់​គឺ​ថា ក្មេង​ប្រុស​ម្នាក់​នេះ​នៅ​ក្មេង​ណាស់។

បើនិយាយពីទម្រង់ការប្រកួតគឺថា Matashichiro បបួល Musashi ប្រកួត ដែល​មាន​ន័យ​ថា Musashi គោរពតាមច្បាប់។

ទោះជាយ៉ាងណា ដើម្បីរួចផុតពីស្ថានភាពគ្រោះថ្នាក់ Musashi បានធ្វើសកម្មភាពមួយដែលផ្ទុយនឹងធម្មតា គឺថាកាប់​កុមារ​ម្នាក់​នោះ។

ប្រឈមមុខនឹង Sasaki Kojiro

ការប្រកួតដែលទាក់ទាញការចាប់អារម្មណ៍បំផុតរបស់ Musashi គឺជាការប្រកួតជាមួយនឹងកំពូលអ្នកប្រើដាវ Sasaki Kojiro ។ ក្នុង​ការ​ប្រកួត​នេះ Sasaki Kojiro បាន​បរាជ័យ ហើយ​ទទួល​មរណៈ​ភាព។

យ៉ាងណាមិញ ជាក់ស្តែងលោកមានអាយុច្រើនណាស់ទៅហើយ។ ប្រហែលជាតាមពិតទៅ “បុរសអាយុ ២៩ ឆ្នាំម្នាក់បាន​យក​ឈ្នះ​កំពូលអ្នកប្រើដាវល្បីឈ្មោះ” ។

គួរឲ្យស្តាយ យើងមិនដឹងច្រើនអំពី Sasaki Kojiro នោះទេ សូម្បីតែឆ្នាំកំណើតរបស់លោកក៏មិនដឹងដែរ។ ដូច្នេះមិនអាច​កំណត់​ច្បាស់​ថា លោក​មាន​អាយុ​ប៉ុន្មាន​ពេល​ប្រឈម​មុខ​នឹង Musashi នោះ​ទេ។

ទោះ​ជា​យ៉ាង​ណា នៅពេលនោះ Musashi ទើបតែអាយុ ២៩ ឆ្នាំ ជាអាយុដែលមានរូបរាងកាយ និងកម្លាំងខ្លាំងក្លា។

ការប្រើដាវដោយដៃទាំងពីរ – តើពិតជាអស្ចារ្យមែនដែរទេ?

ដាវជប៉ុនត្រូវបានរចនាឡើងសម្រាប់ប្រើដោយដៃទាំងពីរ ដោយសារទម្ងន់របស់ដាវ ដូច្នេះលើកដាវដោយដៃម្ខាងពិត​ជា​ពិបាក​ណាស់ ហើយ​ល្បឿន​ក៏​មាន​កម្រិត​ផង​ដែរ។

ទោះជាយ៉ាងណា មានផ្ទាំងគំនូរជាច្រើនបង្ហាញថា Musashi កាន់ដាវដោយដៃទាំងពីរ ដោយផ្អែកលើរូបរាងកាយរឹង​មាំ​របស់​ខ្លួន។

ថ្វីត្បិតតែ មនុស្សនៅសម័យនោះសុទ្ធតែមានអារម្មណ៍ថា លោកមានកម្លាំងខ្លាំងអស្ចារ្យ ប៉ុន្តែជាក់ស្តែងបែរជាមិនឃើញ​កំណត់​ត្រា​ទាក់​ទង​នឹង Musashi ប្រើ​ដាវ​ពីរ​ក្នុង​ពេល​តែ​មួយ​ក្នុង​ការ​ប្រយុទ្ធ​នោះ​ទេ។

ម្យ៉ាងវិញទៀត ប៉ុន្មានឆ្នាំចុងក្រោយរបស់ខ្លួន លោក Musashi ថែមទាំងបញ្ជាក់ថា “ការប្រើដាវដោយដៃទាំងពីរមិន​ស័ក្ត​សម​សម្រាប់​ការ​ប្រយុទ្ធ​ជាក់​ស្តែង” ឡើយ។

អាចនិយាយបានថា ការប្រើដាវដោយដៃទាំងពីរត្រូវបានចាត់ទុកដូចជាឧបករណ៍ផ្សព្វផ្សាយយ៉ាងមានប្រសិទ្ធភាពបំផុត។

ទោះបីជាឆ្លងកាត់ការការសាកល្បងជាច្រើន ប៉ុន្តែលោកនៅតែមិនចាញ់ ចំណុចនេះបង្ហាញថា លោកពិតជាខ្លាំងខ្លា​ពិត​ប្រាកដ​មែន។

យ៉ាងណាមិញ ប្រហែលជាអ្វីដែលធ្វើឱ្យគាត់លេចធ្លោជាជាងជំនាញដាវរបស់ខ្លួនគឺ សមត្ថភាពផ្សព្វផ្សាយអំពីខ្លួន​ឯង។

យកឈ្នះត្រកូលល្បីដូចជា Yoshioka និង Sasaki Kojiro ខណៈពេលដែលពួកគេកំពុងខ្សោយ ទន្ទឹមនឹងនោះ ស្តារកេរ្តិ៍​ឈ្មោះ​ប្រើ​ដាវ​ដោយ​ដៃ​ទាំង​ពីរ ដើម្បីបំផុសអារម្មណ៍ភ័យខ្លាច។

ត្រង់​ចំណុច​នេះ ខ្ញុំ​គិត​ថា Musashi ជាមនុស្សដែលមានទេពកោសល្យម្នាក់។ ដោយសារចំណុចទាំងនោះ ទើបខ្ញុំចូលចិត្ត​រឿង​រ៉ាវ​ទាក់​ទង​នឹង Miyamoto Musashi ។

Abe Kengo