ស្វែងយល់អំពីបទបញ្ញប្បត្តិសម្ងាត់ពេលបើកបរនៅជប៉ុន

ថ្ងៃព្រហស្បតិ៍ 29/08/2024 | 16:50 ល្ងាច

នៅជប៉ុនបើកបរមិនត្រឹមតែត្រូវគោរពច្បាប់ចរាចរណ៍ប៉ុណ្ណោះទេ ថែមទាំងមានច្បាប់សម្ងាត់ជាច្រើន ដែលលម្អិតជាងនេះទៅទៀត។

ប្រសិនបើអ្នកមានបំណងចង់បើកបរនៅជប៉ុន យល់ច្បាស់អំពីបទបញ្ញប្បត្តិពិសេសរបស់ជប៉ុនអាចនឹងជួយឱ្យអ្នកជៀសផុតពីបញ្ហាជាច្រើន។

សូមចងចាំចំណុចទាំងអស់នេះ។

ប៊ូតុងប្រកាសគ្រោះថ្នាក់

ប៊ូតុងប្រកាសគ្រោះថ្នាក់ (hazard) គឺជាប៊ូតុងដែលនៅពេលបើកនឹងបញ្ចេញពន្លឺទាំងសុីយ៉ូខាងឆ្វេង និងស្តាំ។

ប៊ូតុងប្រកាសគ្រោះថ្នាក់នេះប្រើក្នុងករណីមានអាសន្ន។ យ៉ាងណាមិញ នៅជប៉ុនមានមនុស្សជាច្រើនបើកប៊ូតុង hazard ពេលកំពុងបើកបរធម្មតា។

សូមកុំភ្ញាក់ផ្អើលពេក នៅពេលដែលឃើញរឿងនេះកើតឡើង នោះមិនមែនជាសញ្ញាប្រកាសប្រាប់ពីបញ្ហាណាមួយឡើយ។

មានច្រើនករណី សកម្មភាពបើកប៊ូតុងប្រកាសគ្រោះថ្នាក់នេះមានន័យថា “អរគុណ” ។

នៅពេលដែលនរណាម្នាក់បើកបរផ្តល់អាទិភាពផ្លូវដល់អ្នក ឬកាត់បន្ថយល្បឿនដើម្បីអ្នក អ្នកអាចបង្ហាញការដឹងគុណដោយចុចប៊ូតុងប្រកាសគ្រោះថ្នាក់ចំនួន ២ ទៅ ៣ ដងទៅកាន់ភាគីរថយន្តនោះ។

ដំបូងឡើយ វិធីនេះភាគច្រើនត្រូវបានប្រើដោយអ្នកបើកបរឡានដឹកទំនិញផ្លូវឆ្ងាយ។ ទោះជាយ៉ាងណា សព្វថ្ងៃនេះការចុចប៊ូតុងប្រកាសគ្រោះថ្នាក់កាន់តែពេញនិយម។

អ្នកអាចសាកល្បងចុចប៊ូតុងសុីយ៉ូដើម្បីអរគុណចំពោះរថយន្តដែលបើកពីក្រោយ។

ទោះជាយ៉ាងណា ប្រសិនបើប៊ូតុងប្រកាសគ្រោះថ្នាក់ (hazard) ភ្លឹបភ្លែតភ្លើងរយៈពេលយូរ ទាំងនេះមានន័យថា យើងកំពុងប្រើប៊ូតុងប្រកាសគ្រោះថ្នាក់ ដូចជាដើម្បីប្រកាសប្រាប់ពីស្ថានភាពកកស្ទះចរាចរណ៍នៅខាងមុខ។

តាមពិតទៅ នៅពេលដែលអ្នកមើលឃើញរថយន្តបើកតាមទិសដៅម្ខាងទៀតចុចប៊ូតុងប្រកាសគ្រោះថ្នាក់ ចំណុចនោះមានន័យថា “នៅខាងមុខមានរឿងអ្វីមួយ” ។

ឧទាហរណ៍ដូចជាប្រកាសប្រាប់ថា មានប៉ូលីសកំពុងត្រួតពិនិត្យល្បឿនជាដើម។ មានអារម្មណ៍ថាដូចជាប្រទេសដែលតែងតែជួយគ្នាទៅវិញទៅមក។

ភ្លើងមុខភ្លឹបភ្លែត

នៅពេលដែលទាញបញ្ជាភ្លើងមុខទៅមុខបន្តិចរួចលែងដៃ ភ្លើងមុខនឹងភ្លឹបភ្លែត។

នៅប្រទេសជាច្រើន សកម្មភាពនេះប្រៀបដូចជាចង់និយាយថា “សូមទុកឱ្យខ្ញុំទៅមុន” ប៉ុន្តែនៅប្រទេសជប៉ុនបែរជាមានន័យថា “សូមអញ្ជើញទៅមុន” ។

ចំណុចនេះហាក់បីដូចជាខុសគ្នាទាំងស្រុង ដូច្នេះអ្នកគួរតែចងចាំ។

តាមពិតទៅ នៅពេលដែលអ្នកចេញពីផ្លូវរូងក្រោមដី ហើយរថយន្តនៅផ្លូវទល់មុខបើកភ្លើងមុខដាក់អ្នក ចំណុចនេះមានន័យថា ពួកគេកំពុងចង់រំលឹកថាអ្នកភ្លេចបិទភ្លើងមុខ។

ទោះជាយ៉ាងណា ព្រោះតែសព្វថ្ងៃនេះ ភាគច្រើនរថយន្តមានប្រព័ន្ធបើក/បិទភ្លើងមុខដោយស្វ័យប្រវត្តិ ដូច្នេះទើបវិធីនេះលែងនិយមដូចមុន។

អាយ៉ែឡានចូលចំណត

នៅបណ្តាប្រទេសជាច្រើន អាយ៉ែរថយន្តចូលចំណតគឺជាមូលដ្ឋាន។ យ៉ាងណាមិញ នៅជប៉ុនបើករថយន្តអាយ៉ែចូលចំណតប្រៀបដូចជារឿងធម្មតា។

ទោះបីជាមានចំណតមួយចំនួនអនុញ្ញាតឱ្យជិះទៅមុខហើយចត ប៉ុន្តែភាគច្រើនសុទ្ធតែតម្រូវឱ្យថយឡានហើយចត។

អាយ៉ែថយក្រោយហើយចតរថយន្តជួយឱ្យពេលចេញពីចំណតមានភាពងាយស្រួល ប៉ុន្តែជនបរទេសជាច្រើនយល់ថា អាយ៉ែរថយន្តថយក្រោយហើយចតតម្រូវឱ្យមានជំនាញខ្ពស់។

យានជំនិះដែលមានស្លាកសញ្ញាពិសេសត្រូវយកចិត្តទុកដាក់

យានជំនិះដែលមានស្ទីគ័រស្លឹកបៃតង (សម្រាប់អ្នកបើកបរថ្មី) ស្ទីគ័រស្លឹកចម្រុះពណ៌ (សម្រាប់មនុស្សចាស់) ឬស្ទីគ័រកៅអីរុញពណ៌បៃតង (សម្រាប់ជនពិការ) គឺជាយានជំនិះពិសេសដែលត្រូវយកចិត្តទុកដាក់។

ប្រសិនបើអ្នកជែង ឬបង្កបញ្ហាដល់យានជំនិះទាំងនេះ ផលប៉ះពាល់អាចនឹងធ្ងន់ធ្ងរជាងបើប្រៀបនឹងយានជំនិះធម្មតាផ្សេងទៀត។

យ៉ាងណាមិញ ចំណុចនេះទាក់ទងនឹងច្បាប់ចរាចរណ៍ ដោយមិនត្រឹមតែជាការគួរសមប៉ុណ្ណោះទេ ដូច្នេះអ្នកទាំងអស់គ្នាគួរតែយកចិត្តទុកដាក់ចំពោះបញ្ហានេះ។

ជាក់ស្តែង ការយកចិត្តទុកដាក់ចំពោះមនុស្សគ្រប់គ្នាពេលកំពុងធ្វើដំណើរគឺជាការគួរ។

ថ្វីត្បិតតែ ប្រជាជនជប៉ុនត្រូវបានគេស្គាល់ថា បើកបរប្រកបដោយសុវត្ថិភាព និងមានសុជីវធម៌ ប៉ុន្តែនៅតែមានមនុស្សមួយចំនួនមិនគោរពច្បាប់ចរាចរណ៍។

ដូច្នេះហើយ នៅពេលដែលបើកបរ អ្នកត្រូវប្រុងប្រយ័ត្នជានិច្ច។

Abe Kengo