ហេតុអ្វីបានជាឆ័ត្រតែងតែបាត់នៅប្រទេសដែលគេចាត់ទុកថាមានសុវត្ថិភាពជាងគេលើពិភពលោក?
ជប៉ុនជាប្រទេសដែលអ្នកអាចទុកកាបូបនៅហាងកាហ្វេ ហើយទៅបន្ទប់ទឹកដោយមិនខ្លាចបាត់។ ទោះបីជាអ្នកធ្វើបាត់កាបូបដែលមានប្រាក់ច្រើនក៏ដោយ អ្នកដែលរើសបាននឹងយកទៅកាន់ប៉ុស្តិ៍ប៉ូលីស។
ថ្វីត្បិតតែ មិនអាចបញ្ជាក់ថាមានសុវត្ថិភាព ១០០% ហើយយើងក៏មិនគួរសាកល្បងនោះដែរ។ ប៉ុន្តែបើនិយាយពីចំណុចនេះ ជប៉ុនមានមោទនភាពដែលខ្លួនជាប្រទេសមួយក្នុងចំណោមប្រទេសដែលមានសុវត្ថិភាពបំផុតលើពិភពលោក។
យ៉ាងណាមិញ តើអ្នកដឹងទេថានៅជប៉ុនមានរបស់មួយតែងតែបាត់ច្រើនជាងគេដែរទេ? នោះគឺជាឆ័ត្រ។
ជាពិសេស ឆ័ត្រជ័រ vinyl ដែលមានលក់នៅហាងលក់ទំនិញ ហើយតែងតែត្រូវគេលួចច្រើន។ ចូរយើងស្វែងយល់ពីមូលហេតុដែលធ្វើឱ្យប្រជាជនជប៉ុនតែងតែលួចឆ័ត្រដូច្នេះ។
ឆ័ត្រ vinyl អាចរកទិញបានគ្រប់ទីកន្លែង
ភ្លៀងធ្លាក់មួយរំពេចពិតជារំខានខ្លាំងណាស់!
ប៉ុន្តែសូមកុំបារម្ភ ឆ័ត្រថ្លានេះនឹងដោះស្រាយគ្រប់បញ្ហាទាំងអស់។
ជប៉ុនមានប្រព័ន្ធហាងលក់ទំនិញជាង ៥៥.០០០ ហាង ដែលមានន័យថា អ្នកអាចទិញឆ័ត្របានយ៉ាងងាយនៅពេលដែលមានតម្រូវការ ដោយមិនចាំបាច់យកតាមគ្រប់ពេលនោះទេ។
ជាមួយនឹងតម្លៃប្រហែល ៧០០ យ៉េន ឆ័ត្រត្រូវបានកំណត់ដោយតម្លៃសមរម្យ មិនខ្ពស់ហើយក៏មិនទាបពេកដែរ។
បញ្ហាត្រង់ថា ភាគច្រើនគ្រប់គ្នាប្រើឆ័ត្រថ្លាដែលមានការរចនាស្រដៀងគ្នា។
ទូដាក់ឆ័ត្រនៅហាងលក់ទំនិញក៏ជាបញ្ហាដែរ
ដើម្បីរក្សាឱ្យហាងបានស្អាត ភ្ញៀវតែងតែមានទម្លាប់ដាក់ឆ័ត្រនៅកន្លែងទុកឆ័ត្រមុខទ្វារមុនពេលចូលហាង។
នៅពេលដែលចេញពីហាងត្រូវយកឆ័ត្រតាម គេតែងតែជួបប្រទះស្ថានភាពដែលមិនដឹងថាត្រូវធ្វើយ៉ាងណា។ ព្រោះតែការរចនាឆ័ត្រមានលក្ខណៈស្រដៀងគ្នា ដូច្នេះងាយនឹងច្រឡំណាស់ ដែលធ្វើឱ្យរកឆ័ត្ររបស់ខ្លួនមិនបាន។
រហូតដល់ថ្នាក់មានមនុស្សអាក្រក់មួយចំនួនឆ្លៀតយកឱកាសនេះ ធ្វើពុតច្រឡំ ហើយយកឆ័ត្ររបស់អ្នកដទៃ។
ជប៉ុនជាប្រទេសដែលគេចាត់ទុកថាមានសន្តិភាព។
យ៉ាងណាមិញ ដើម្បីបញ្ឈប់ស្ថានភាព “ឆ័ត្របាត់” ដោយមិនដឹងពីមូលហេតុ យើងគួរតែកំណត់ឱ្យបានច្បាស់លាស់។ ឧទាហរណ៍ដូចជាបិទផ្លាក ឬប្រើឆ័ត្រដែលមានការរចនាដោយឡែក ដូច្នេះយើងអាចនឹងសម្គាល់ឆ័ត្ររបស់ខ្លួន។
យើងមិនគួរទុកចិត្តលើជប៉ុនពេកនោះទេ ប៉ុន្តែត្រូវរៀបចំទុកដាក់ដោយខ្លួនឯង។
Abe Kengo
-
ផ្តល់ភាពងាយស្រួល ឬគួរឱ្យខ្លាច??? “ឆ័ត្រស្រមោលខ្មោចក្រោមមេឃភ្លៀង” -
ក្បាច់ប្លែកៗរក្សាឆ័ត្រកុំអោយគេយករបស់ជនជាតិជប៉ុន -
Danshari – របៀបរស់នៅតាមបែបជប៉ុនជួយអ្នកកាត់បន្ថយការចំណាយ -
មូលហេតុដែលប្រជាជនជប៉ុនចូលចិត្តអាហារសមុទ្រ -
តើជនជាតិជប៉ុនទទួលយកឬបដិសេធវត្តមានក្រុម Yakuza -
ហេតុអ្វីបានជាប្រជាជនជប៉ុនយកចិត្តទុកដាក់ចំពោះច្បាប់ទម្លាប់ និងអាកប្បកិរិយា?
-
ផ្សារទំនើប Tokyu Shibuya បិទទ្វារបន្ទាប់ពីបើកបាន ៥៥ ឆ្នាំ -
ដុំមាសធំជាងគេលើពិភពលោកនៅជប៉ុនឡើងថ្លៃ ២,២ ពាន់លានយ៉េន ជាង ៥ ដងក្នុងបរិបទវិបត្តិរវាងរុស្ស៊ី និងអ៊ុយក្រែន -
ទីក្រុងជប៉ុនដែលទទួលបានការពារដោយរបាំង Hexagram អស់រយៈពេល ៤០០ ឆ្នាំ -
ជប៉ុននៅតែបង្អែបង្អង់ការបន្ធូរបន្ថយព្រំដែនដោយបារម្ភស្មារតីរបស់ភ្ញៀវបរទេស -
ពិធីបុណ្យ Hina Matsuri ប្រារព្ធឡើងសម្រាប់កុមារីនៅជប៉ុន -
កម្រងរូបភាពបង្ហាញពីសម្រស់របស់ព្រះនាង Kako តាំងពីព្រះជន្ម ៤ ឆ្នាំរហូតដល់ពេលនេះ