រលក​វិនិយោគ​យ៉ាងខ្លាំង​​​របស់​វៀត​ណាម​ទៅ​កាន់​បរទេស តើ​ជប៉ុន​នឹង​ទៅ​​ជា​យ៉ាង​ណា?

នៅឆ្នាំ ២០២៤ នេះ ប្រទេសវៀតណាមបានធ្វើការផ្លាស់ប្តូរទំនាក់ទំនងការទូតរបស់ខ្លួន។

ដូចដែលបានលើកឡើងពីមុនមក ចិន រុស្ស៊ី និងអាមេរិកកំពុងខិតខំប្រឹងប្រែងទាក់ទាញភាគីវៀតណាម ហើយកូរ៉េ​ក៏​កំពុង​បង្កើន​វត្តមាន​របស់​ខ្លួន​នៅ​វៀត​ណាម​ផង​ដែរ។ ក្រៅពីនេះ ប្រទេសវៀតណាមក៏កំពុងបង្កើនសកម្មភាព​ការ​ទូត​ជា​មួយ​ប្រទេស​ជិត​ខាង​ផង​ដែរ។

ជប៉ុនកំពុងតែដើរថយក្រោយបើប្រៀបនឹងបណ្តាប្រទេសផ្សេងទៀតក្រោមដំណើរ​ការ​អន្តរជាតិ​ភាវូបនីយកម្ម។

ហេតុ​អ្វីបានជាយើងមិនធ្វើសកម្មភាពនៅពេលនេះ?

ជម្រុញឧស្សាហកម្មរថយន្តវៀតណាមតាមគំនិតផ្តួចផ្តើមរបស់រដ្ឋាភិបាល

ប្រទេសឡាវដែលជាប្រទេសជិតខាងរបស់វៀតណាម។ ទោះបីជាប្រទេសឡាវត្រូវបានគេស្គាល់ថាជាប្រទេសដែលគ្មានអ្វីពិសេសក៏ដោយ ប៉ុន្តែ​សក្ដានុពល​សេដ្ឋកិច្ច​កំពុងត្រូវបានរកឃើញដោយសារការ​វិនិយោគ​ដ៏​ខ្លាំង​ក្លា​របស់​អាជីវកម្ម​វៀត​ណាម។

សេវាកម្មតាក់ស៊ីរបស់ Vingroup ដែលជាសាជីវកម្មហិរញ្ញវត្ថុធំជាងគេនៅវៀតណាម មានវត្តមានជាផ្លូវការនៅប្រទេស​ឡាវ។

ជា​ការ​ពិត​ណាស់ រថយន្ត​តាក់ស៊ី​ដែលគេប្រើគឺជា​រថយន្ត​របស់ VinFast ដែល​ជាសាជីវកម្មផលិតរថយន្តតែមួយ។

ម្យ៉ាងវិញទៀត នៅថ្ងៃទី ១១ ប្រធានាធិបតីវៀតណាមលោក To Lam បានរើសយកឡាវ​ជា​គោលដៅ​សម្រាប់​ដំណើរ​ទស្សន​កិច្ច​​បរទេស​​ដំបូង​​របស់​​លោក​​បន្ទាប់​ពី​​ឡើង​​កាន់​​តំណែង ហើយលោកបាននាំយករថយន្តអគ្គិសនី VinFast ចំនួន ២០ គ្រឿង​ជា​អំណោយ។

អាច​និយាយ​បាន​ថា រដ្ឋាភិបាល​វៀតណាម​កំពុងខិតខំប្រឹងប្រែងគ្រប់យ៉ាងដើម្បីជួយ​ដល់​ការ​អភិវឌ្ឍ​របស់ VinFast ។ VinFast អាច​ត្រូវ​បានគេចាត់ទុកថាជាសហគ្រាស​គោល​នយោបាយ​ជាតិ។

កាលពីមុន អាមេរិកចាត់ទុកអាជីវកម្មដែលដំណើរការក្នុងឧស្សាហកម្មរថយន្តជាសហគ្រាសគោលនយោបាយជាតិ ប៉ុន្តែឥឡូវនេះជា​សហគ្រាស​ដែល​ដំណើរការ​ក្នុង​​ឧស្សាហកម្ម​​បច្ចេកវិទ្យា​ព័ត៌មាន។

ប្រទេសកូរ៉េក៏បានជម្រុញដល់ការអភិវឌ្ឍដ៏ខ្លាំងក្លារបស់ Samsung និងឧស្សាហកម្មកម្សាន្តតាមរយៈការចាត់ទុក​សហគ្រាស​ទាំង​នេះ​ជា​សហគ្រាស​គោល​នយោបាយ​ជាតិ។

ជប៉ុន​ជា​ប្រទេស​ដែល​មិន​ពូកែប្រមូលផ្តុំបណ្តាប្រទេសដើម្បី​អភិវឌ្ឍ​ឧស្សាហកម្ម។

ទោះបីជាគំនិតសមភាពគឺល្អក៏ដោយ ប៉ុន្តែគំនិតនេះពិបាកនឹងយកឈ្នះប្រទេសផ្សេងទៀត។

ថ្វីត្បិតតែ Toyota ដំណើរការយ៉ាងមានប្រសិទ្ធភាពក្នុងបរិយាកាសនេះ ប៉ុន្តែក៏មានដែនកំណត់មួយចំនួនដែរ។

ជាងនេះទៅទៀត ធនាគារវៀតណាមមួយបានសម្រេចចិត្តផ្តល់ហិរញ្ញប្បទានដល់ការសាងសង់រោងចក្ររបស់ VinFast នៅប្រទេសឥណ្ឌូនេស៊ី ហើយមើលទៅវាអាចក្លាយជាឧស្សាហកម្មដ៏ធំមួយនៅប្រទេសវៀតណាម។

ក្លាយជាប្រទេសដែលមានចំណូលមធ្យមកម្រិតខ្ពស់

អត្រាកំណើន GDP នៃប្រទេសវៀតណាមកំពុងតែកើនឡើងគួរឲ្យចាប់អារម្មណ៍។ បច្ចុប្បន្នប្រទេសវៀតណាមកំពុងត្រូវបានរាប់ចូលជាប្រទេសដែលមានចំណូលមធ្យមកម្រិតទាប (GDP សម្រាប់មនុស្សម្នាក់ចាប់ពី ១.១៣៦ ដល់ ៤.៤៥៤ ដុល្លារ) ។

យ៉ាងណាមិញ តាមការរំពឹងទុកនៅឆ្នាំ ២០២៤ វៀតណាមនឹងចូលរួមប្រទេសដែលមានចំណូលមធ្យមកម្រិតខ្ពស់ (GDP សម្រាប់​មនុស្ស​ម្នាក់​មាន​ចាប់​ពី ៤.៤៦៦ ដល់ ១៣.៨៤៥ ដុល្លារ) ។

ប្រទេសវៀតណាមមានអត្រាកំណើន GDP ឈានដល់ ៦,៥% ។

ទោះជាយ៉ាងណា ដោយសារកំណើនប្រជាជនកើនឡើងឆាប់រហ័ស ដូច្នេះនៅពេលដែលគណនាលើមូលដ្ឋានមនុស្សម្នាក់ៗ​លទ្ធផល​មិន​អំណោយ​ផលទេ ប៉ុន្តែ​ហាក់​បី​ដូច​ជា​អត្រា​កំណើន​អាច​ប៉ះ​ប៉ូវ​ដល់​បញ្ហា​នេះ​បាន។

អត្រាកំណើនប្រជាជនកើនឡើងមានន័យថា កម្លាំងពលកម្មកើនឡើងយ៉ាងខ្លាំងនាពេលអនាគត នេះជាទំនោរវិជ្ជមាន។

ចំពោះបញ្ហានេះ ចូរយើងពិនិត្យមើលតួលេខ GDP នៃប្រទេសជប៉ុន។

ទោះ​បី​ជា​គម្លាត​នៅ​តែ​មានទំហំធំ ប៉ុន្តែជប៉ុនកំពុងតែធ្លាក់ចុះ។

ម្យ៉ាងវិញទៀត ជាមួយនឹងចំនួនប្រជាជនវ័យចំណាស់ ជំនាន់អ្នករកប្រាក់ចំណូលនឹងកាន់តែធ្លាក់ចុះ ដែលធ្វើឲ្យអនាគត​កាន់​តែ​យ៉ាប់​យ៉ឺន។

ផ្ទុយ​ទៅ​នឹង​ប្រទេស​ជប៉ុន វៀតណាម​ជា​ប្រទេស​ដែល​មាន​វិសមភាព​ក្នុង​តំបន់ខ្ពស់។

ថ្វីត្បិតតែ ចំនួនសរុបដូចដែលបានរៀបរាប់ខាងលើ ប៉ុន្តែប្រសិនបើគណនាតាមតំបន់ទីក្រុងនីមួយៗអាចមើលឃើញ​ថា ទីក្រុង​​ហូជីមិញ​​នឹង​ឈានដល់ចំនួន​ខ្ពស់​គួរ​សម។

ទោះបីជា ១០ ឆ្នាំទៀតមិនអាចទៅរួចក៏ដោយ ប៉ុន្តែវៀតណាមអាចនឹងវ៉ាដាច់ជប៉ុន។

ម្យ៉ាងវិញទៀត ឆ្លងកាត់ការជាប់គាំងសេដ្ឋកិច្ចរយៈពេល ៣០ ឆ្នាំ ជប៉ុនប្រហែលជាមិនមានការផ្លាស់ប្តូរច្រើននោះ​ទេ ប៉ុន្តែបន្ទាប់ពីជំងឺរាតត្បាតកូវីដ ១៩ បានបញ្ចប់ បណ្តាប្រទេសផ្សេងទៀតចាប់ផ្តើមដំណើរការខ្លាំងក្លាជាងពេល​ណាៗ​ទាំង​អស់។

ប្រសិនបើនៅទ្រឹងក្នុងប្រទេសជប៉ុន អាចនឹងរំលងរលកនេះ ហើយ​ប្រហែល​ជា​នៅ​ពេល​ដែល​ដឹងខ្លួនបានក្លាយទៅ​ជា​ប្រទេស​ដែល​លែង​មាន​ទៅហើយ។

នៅពេលនោះគឺយឺតពេលហើយ។

ជប៉ុនសំខាន់ខ្លាំងណាស់ ប៉ុន្តែខ្ញុំគិតថា យើងត្រូវចងចាំថា យើងនឹងមិនអាចធ្វើអ្វីបានឡើយ នៅពេលដែលខ្លួនលែងរកប្រាក់បាន ហើយយើងត្រូវតែធ្វើ​សកម្មភាព​ភ្លាមៗ។

មនុស្សមួយចំនួននិយាយអំពី “ហានិភ័យជាតិ” ចំពោះប្រទេសចិន ប៉ុន្តែដល់ពេលដែលយើងត្រូវគិតអំពី “ហានិ​ភ័យជាតិ” របស់​ជប៉ុន​ដើម្បី​រស់​រាន។

តើអ្នកយល់យ៉ាងណាចំពោះរឿងនេះ?

ជប៉ុនធ្លាប់ជាប្រទេសអភិវឌ្ឍប្រកបដោយសុវត្ថិភាព និងសន្តិភាព ប៉ុន្តែឥឡូវនេះវាហាក់បីដូចជាកំពុងធ្លាក់ចុះបន្តិច​ម្តងៗ ហើយ​ក្លាយ​ជា​​ប្រទេស​​ដែល​ថយ​​ចុះ​​យ៉ាង​​លឿន។

ពិតជាពិបាកកត់សម្គាល់ណាស់ពេលដែលអ្នករស់នៅជប៉ុន ប៉ុន្តែល្បឿន​អភិវឌ្ឍ​ខុសនឹងប្រទេសផ្សេងទៀតណាស់។

ស្រដៀងនឹង​ចក្រ​ភព​រ៉ូម និងម៉ុងហ្គោលបានធ្លាក់ចុះ ជប៉ុនក៏កំពុងធ្លាក់ចុះដូចគ្នា ហើយរឿងនេះកើតឡើងដែលប្រជាជន​ស្ទើរ​តែ​មិន​ដឹង។

យើងខ្ញុំ JAPOⓇ ជាមួយនឹងកញ្ញា Mayu Tomita ដែលជាទូតតំណាងរបស់យើងខ្ញុំ កំពុងតែជួយអ្នកក្នុងការពង្រីក​ការ​វិនិយោគ​ទៅ​កាន់​ប្រទេស​វៀត​ណាម។

សម្រាប់អ្នកអានដែលជាសមាជិកនឹងទទួលបានការប្រឹក្សាដោយឥតគិតថ្លៃចំនួន ២ ម៉ោង ដូច្នេះអ្នកអាចប្រើប្រាស់សេវាកម្ម​នេះ។

ជួបគ្នានៅអត្ថបទសប្តាហ៍ក្រោយ។

Abe Kengo