Bushido ៥ ៖ សៀវ​ភៅ Hagakure (葉隠) ទស្សនៈ​ជីវិត​របស់​សាមូរ៉ៃ

មានសៀវភៅមួយក្បាលដែលគេហៅថា “សាមូរ៉ៃបុរាណ” នោះគឺសៀវភៅ Hagakure ។

ក្នុងអត្តបទថ្ងៃនេះ យើងនឹងនិយាយអំពីការបង្រៀនក្នុងសៀវភៅ Hagakure ទាក់ទងនឹងខ្លឹមសារ និងទស្សនៈជីវិតរបស់សាមូរ៉ៃពិតប្រាកដមួយរូប។

បណ្តុះស្មារតីសាមូរ៉ៃ៖ ឆ្ពោះទៅរក Bushido

គេនិយាយថា អ្វីដែលសំខាន់ចំពោះសាមូរ៉ៃមួយរូបគឺនៅពេលដែលប្រឈមនឹងជម្រើសរវាងសេចក្តីស្លាប់ និងជីវិត ពួកគេនឹងរើសយកសេចក្តីស្លាប់។

សូមរស់នៅយ៉ាងណាឱ្យ​ដូចជាថ្ងៃចុងក្រោយនៃជីវិត ហើយផ្តោតអារម្មណ៍ទាំងមូលទៅលើអ្វីដែលអ្នកត្រូវសម្រេច។

នៅពេលដែលប្រឈមនឹងសេចក្តីស្លាប់ ហើយសញ្ជឹងគិត យើងនឹងមានឳកាសសង្កេតមើលខ្លួនឯងកាន់តែច្បាស់ និង​សុី​ជម្រៅ​ជាង​នេះ ដូច្នេះ​ទើប​យល់​កាន់​តែ​ច្បាស់​ពី​តម្លៃ និង​គោល​បំណង​រស់​នៅ​នៃ​ជីវិត​របស់​ខ្លួន។

Bushido ជាមួយនឹងស្មារតីស៊ូស្លាប់ ជម្រុញមនុស្សឱ្យ​រស់​នៅប្រកបដោយភាពក្លាហាន ហ៊ាន​​លះ​បង់​​ខ្លួន​​ឯង​​ដើម្បី​អ្វីដែល​ថ្លៃ​ថ្នូរ។

ការដែលយកឈ្នះលើសាមូរ៉ៃមួយរូប (ឬមនុស្ស) ស៊ូប្រយុទ្ធរហូតដល់ស្លាប់គឺជារឿងដែលពិបាកណាស់។

ជំនឿមុតមាំចំពោះខ្លួនឯងគឺជាគន្លឹះដ៏សំខាន់ ជីវិតរស់នៅប្រចាំថ្ងៃដដែលៗនឹងមិនអាច​ទទួល​បាន​ជោគ​ជ័យ​ធំនោះ​ទេ។

ការប្តេជ្ញាចិត្ត និងសកម្មភាពដ៏អស្ចារ្យទើបជាអាថ៌កំបាំងឆ្ពោះទៅរកភាពជោគជ័យ។ 

នៅពេលដែលប្រឈមនឹងសេចក្តីស្លាប់ មនុស្សនឹងបង្ហាញពីកម្លាំងចង់រស់រានមានជីវិត។

យ៉ាងណាមិញ ការតាំងចិត្តស្លាប់មិនមែនមានន័យថាចង់ស្លាប់នោះទេ ហើយក៏មិនមែនជាទង្វើបំពានដោយមិនគិត​ពី​អ្វី​ទាំង​អស់​ដែរ។ ការ​ផ្តោត​អារម្មណ៍​ខ្ពស់​ទៅ​លើ​ការ​រស់​រាន​មាន​ជីវិត​គឺ​ជា​រឿង​សំខាន់។ 

ដើម្បីបំពេញបេសកកម្មរបស់ខ្លួន ចូរផ្តោតសំខាន់សម្រេចចំណុចតែមួយ ដោយលុបបំបាត់គំនិតផ្សេងទៀត រួមទាំង​ជីវិត និង​សេចក្តី​ស្លាប់​របស់​ខ្លួន​ផង​ដែរ។ 

ដោយសារសេចក្តីស្លាប់តែងតែនៅជិតបង្កើយ ទើបសាមូរ៉ៃអាចរស់នៅយ៉ាងណាឱ្យល្អជារៀងរាល់ថ្ងៃ។ 

រស់នៅយ៉ាងណាឱ្យល្អគឺជាការរស់នៅដែលយល់ច្បាស់ ប្រុងប្រយ័ត្នចំពោះការគិតគូរ ពាក្យសម្តី និងសកម្មភាព។

ដូច្នេះហើយ កាយវិការ និងពាក្យសម្តីរបស់សាមូរ៉ៃតែងតែសមរម្យ និងថ្លៃថ្នូរ មិនដែលនិយាយពាក្យ​មិន​គប្បី​ឡើយ។

បច្ចុប្បន្នរស់នៅយ៉ាងណាឱ្យល្អ ផ្តោតកម្លាំងទាំងអស់់លើគ្រប់វិនាទី គ្មានអតីតកាល គ្មានអនាគត នោះហើយជាស្មារតី​របស់​សាមូរ៉ៃ។ 

អនុវត្តស្មារតីរបស់សាមូរ៉ៃក្នុងសម័យសព្វថ្ងៃ

រស់នៅក្នុងសម័យសព្វថ្ងៃ យើងទទួលបានព័ត៌មានជាច្រើនតាមរយៈអុីនធឺណេត។ ព័ត៌មានទាំងនេះអាចនឹងជះឥទ្ធិពល និង​ធ្វើ​ឱ្យ​ចិត្ត​របស់​យើង​ប្រែ​ប្រួល។

ដោយអនុវត្តស្មារតី “រស់នៅយ៉ាងណាឱ្យល្អ” របស់សាមូរ៉ៃក្នុងសម័យសព្វថ្ងៃ អ្នកអាចនឹងទទួលបានភាពជោគជ័យក្នុង​ការ​ងារ ជីវិត​ផ្ទាល់​ខ្លួន និង​គ្រប់​ទំនាក់​ទំនង។

ប្រសិនបើអ្នកមិនខ្វល់ពីអតីតកាល ដូច្នេះការឈឺចាប់ដែលបង្កឡើងដោយម្នាក់នោះក៏មិនសំខាន់ដែរ។

គ្រាន់​តែគិតដល់​អាកប្បកិរិយា​ចំពោះមនុស្សដែលកំពុងនៅជុំវិញខ្លួន យើងនឹងមិនចាំបាច់និយាយកុហក ហើយអាច​រស់​នៅ​ដោយ​ស្មោះ​ត្រង់​ចំពោះ​ខ្លួន​ឯង។

ចំណុចនេះជួយឱ្យអ្នកសម្រួលដល់ទំនាក់ទំនងទាំងអស់ ធ្វើឱ្យអ្នកកាន់តែងាយយល់ និងកាន់តែទាក់ទាញក្នុង​ក្រសែ​ភ្នែក​របស់​មនុស្ស​គ្រប់​គ្នា។

ចូររស់នៅដោយផ្តោតលើស្មារតីសាមូរ៉ៃ ចាប់ពីថ្ងៃនេះ ពេលនេះតទៅ។ ខ្ញុំជឿជាក់ថា ជីវិតរបស់អ្នកនឹងផ្លាស់ប្តូរច្រើន។

https://x.com/edge_kazuya

គ្រូបង្រៀនក្បាច់ដាវ Shiden Hiryu

សាលាបង្រៀនក្បាច់ដាវ Shidenryu

Shiden Hiryu