តើយើងគួរតែងូតទឹកក្តៅ ឬទឹកត្រជាក់? អាថ៍កំបាំងក្នុងការងូតទឹកឱ្យបានត្រឹមត្រូវ និងល្អសម្រាប់ស្បែក

ថ្ងៃព្រហស្បតិ៍ 20/06/2024 | 17:19 ល្ងាច

សួស្តីប្រិយមិត្តអ្នកអានទាំងអស់គ្នា។

នាងខ្ញុំ Mayu Tomita ដែលជាអ្នកតំណាងផ្លូវការរបស់ JAPO ។

នៅថ្ងៃនេះ ខ្ញុំនឹងសន្ទនាជាមួយអ្នកជំនាញខាងផ្នែកថែរក្សាសម្រស់កញ្ញា AYA TONDOKORO ចំពោះប្រធានបទងូតទឹកផ្កាឈូក។

ពិតជារីករាយណាស់ដែលបានជួបបងស្រី AYA ម្តងទៀត ជាអ្នកដែលតែងតែចែករំលែកព័ត៌មានដ៏គួរឱ្យចាប់អារម្មណ៍ក្នុងកម្មវិធីរបស់យើង។

MAYU

នៅជប៉ុន ការដែលងូតទឹកផ្កាឈូកជាមួយទឹកក្តៅគឺជារឿងធម្មតា។

លើកដំបូងដែលខ្ញុំទៅស្ប៉ានៅប្រទេសវៀតណាម ខ្ញុំពិតជាភ្ញាក់ផ្អើលណាស់ដែលត្រូវជ្រើសរើសរវាងទឹកក្តៅ និងទឹកត្រជាក់។ យ៉ាងណាមិញ នៅបណ្តាប្រទេសដែលក្តៅ ងូតទឹកត្រជាក់ក៏ពិសេសម្យ៉ាងដែរ។

អ្នកជំនាញខាងផ្នែកថែរក្សាសម្រស់របស់យើងបងស្រី AYA បើតាមគំនិតរបស់បង តើងូតទឹកផ្កាឈូកជាមួយទឹកក្តៅ ឬត្រជាក់មួយណាល្អជាង?

AYA

ថ្វីត្បិតតែ ងូតទឹកត្រជាក់ក៏ពិសេសម្យ៉ាងដែរ ប៉ុន្តែខ្ញុំនៅតែចង់ប្រាប់អ្នកថា អ្នកគួរតែងូតទឹកក្តៅ។

ចំណុចនេះក៏អាស្រ័យលើកម្រិតរឹងរបស់ទឹកផងដែរ។

នៅជប៉ុនភាគច្រើនទឹកម៉ាសុីនមានកម្រិតទន់ ចំណែកឯទឹកម៉ាសុីននៅវៀតណាមជាទូទៅគឺរឹង។

ចំណុចដែលខុសគ្នាបំផុតស្ថិតលើបរិមាណកាល់ស្យូម និងម៉ាញ៉េស្យូមក្នុងទឹក។ ទឹករឹងមានបរិមាណកាល់ស្យូម និងម៉ាញេស្យូមច្រើន ហើយនេះជាប្រភេទទឹកទូទៅនៅអឺរ៉ុប។

បើប្រៀបទៅនឹងទឹកទន់ ទឹករឹងធ្វើឱ្យសាប៊ូកក់សក់ សាប៊ូ និងហ្វូមលាងមុខមិនសូវជាមានពពុះ ហើយអាចនឹងប៉ះពាល់ដល់សក់ និងស្បែក។

ដើម្បីជួយឱ្យមានពពុះ ទឹកក្តៅគឺជាជម្រើសដ៏ល្អបំផុត។

ទឹកក្តៅគឺជាទឹកដែលមានសីតុណ្ហភាពពី ៣០ ទៅ ៤០ អង្សាសេ មិនក្តៅពេក ប៉ុន្តែក្តៅល្មម។

ត្រូវចំណាំថា កម្តៅក្តៅខ្លាំងក៏អាចនឹងប៉ះពាល់ដល់សក់ និងស្បែកផងដែរ។

MAYU

តាមពិតទៅ នេះជាមូលហេតុដែលខ្ញុំមានអារម្មណ៍ថា សក់របស់ខ្ញុំស្ងួតបន្ទាប់ពីកក់សក់នៅវៀតណាម។

AYA

ត្រូវហើយ។

ប្រជាជនជប៉ុនដែលធ្លាប់ប្រើទឹកទន់អាចនឹងមានអារម្មណ៍មិនល្អនៅពេលដែលប្រើទឹករឹង។

ដូច្នេះហើយ ខ្ញុំនឹងចែករំលែកប្រាប់អ្នកទាំងអស់គ្នា អំពីវិធីកក់សក់ដ៏មានប្រសិទ្ធភាពមួយចំនួនពេលប្រើទឹករឹង។

១. ធ្វើឱ្យសក់សើម
មិនគួរប្រើសាប៊ូកក់សក់ភ្លាមៗនោះទេ ជាដំបូងគួរតែធ្វើឱ្យសក់សើមដោយទឹកក្តៅឧណ្ណៗ។

២. ធ្វើឱ្យសាប៊ូកក់សក់មានពពុះ
គន្លឹះដែលជួយឱ្យការប្រើសាប៊ូកក់សក់មានប្រសិទ្ធភាពស្ថិតលើការធ្វើឱ្យឡើងពពុះ។

ធ្វើឱ្យមានពពុះ ហើយកក់នៅលើសក់ និងស្បែកក្បាលទាំងមូល។

៣. សម្អាតស្បែកក្បាល
កម្ចាត់ធូលីដី និងជាតិខ្លាញ់នៅលើស្បែកក្បាលគឺសំខាន់ខ្លាំងណាស់។

យ៉ាងណាមិញ សូមកុំកក់ស្បែកក្បាលខ្លាំងៗដោយប្រើក្រចកដៃ។

ចំណុចនេះអាចនឹងធ្វើឱ្យប៉ះពាល់ស្បែកក្បាល ចូរប្រើចុងម្រាមដៃដែលទន់ដើម្បីម៉ាស្សាស្បែកក្បាលថ្នមៗ។

ម៉ាស្សាស្បែកក្បាលថ្នមៗជួយជម្រុញចលនាចរន្តឈាម ដូច្នេះអាចជួយការពារការជ្រុះសក់។

បន្ទាប់ពីកក់សក់ដោយប្រើទឹកក្តៅឧណ្ហៗ សូមកាត់បន្ថយបរិមាណទឹកលើសក់។

ជំនួសដោយការប្រើកន្សែង អ្នកអាចពូតសក់ថ្នមៗដោយដៃដើម្បីកាត់បន្ថយទឹកលើក្បាល។

៤. ការពារសក់យ៉ាងល្អបំផុត
ការប្រើប្រាស់ក្រែមបន្ទន់សក់ពិតជាចាំបាច់ណាស់។

សាប៊ូកក់សក់ជួយសម្អាតសក់ និងស្បែកក្បាល ហើយក្រែមបន្ទន់សក់មានមុខងារការពារសក់បន្ទាប់ពីសម្អាតរួច។

សម្រាប់អ្នកដែលមានសក់វែង ចុងសក់ងាយនឹងខូច ដូច្នេះត្រូវផ្តោតសំខាន់លើចុងសក់។

ទុកឱ្យក្រែមបន្ទន់សក់ជ្រាបចូលក្នុងរយៈពេលពី ៣ ទៅ ១០ នាទី បន្ទាប់មក លាងសម្អាតជាមួយនឹងទឹកក្តៅឧណ្ហៗ រហូតដល់មានអារម្មណ៍ថាស្អាត។

សម្រាប់អ្នកដែលមានស្បែកក្បាលងាយប្រតិកម្ម ការដែលប្រើក្រែមបន្ទន់សក់យូរអាចនឹងធ្វើឱ្យស្បែកក្បាលប្រតិកម្ម ឬធ្វើឱ្យសក់ដែលលាបពណ៌ងាយនឹងហើរពណ៌។

ដូច្នេះមិនត្រូវទុកក្រែមបន្ទន់សក់យូរពេកទេ។

បន្ទាប់មកទៀត ខ្ញុំនឹងចែករំលែកបន្ថែមនិយាយអំពីវិធីថែរក្សាស្បែកបន្ទាប់ពីងូតទឹក។

បន្ទាប់ពីងូតទឹករួច ស្បែករបស់អ្នកត្រូវបានសម្អាតធូដីកខ្វក់ និងជាតិខ្លាញ់ ប៉ុន្តែក៏ងាយនឹងស្ងួតដែរ ព្រោះបាត់បង់ស្រទាប់ប្រេងធម្មជាតិ។

ក្រោយពេលជូតរាងកាយដោយប្រើកន្សែងទន់ សូមលាបឡេលាបខ្លួន ឬក្រែមផ្តល់សំណើមលើរាងកាយទាំងមូលដើម្បីផ្តល់សំណើមដល់ស្បែក។

ស្បែកក្រោយពេលងូតទឹក បើមិនថែទាំឱ្យបានត្រឹមត្រូវនោះទេ ស្បែកងាយនឹងបាត់បង់សំណើម ហើយប្រែជាស្ងួត។

មូលហេតុដោយសារស្បែកកំពុងស្ថិតក្នុងស្ថានភាព “បើកចំហ” ដែលធ្វើឱ្យសំណើមងាយនឹងបាត់បង់។

ការប្រើប្រាស់ឡេលាបខ្លួន ឬក្រែមផ្តល់សំណើម ជួយបង្កើតស្រទាប់ស្តើងនៅលើស្បែក ដែលជួយរក្សាសំណើម និងជួយឱ្យស្បែកទន់រលោង។

សូមកុំភ្លេចលាបឡេលាបខ្លួន ឬក្រែមផ្តល់សំណើមបន្ទាប់ពីងូតទឹក ដើម្បីទទួលបានលទ្ធផលដែលល្អបំផុត។

ការថែរក្សាស្បែកឱ្យបានត្រឹមត្រូវបន្ទាប់ពីងូតទឹក ស្បែករបស់អ្នកនឹងមានសុខភាពល្អ ភ្លឺថ្លា និងរស់រវើក។

MAYU

សូមអរគុណបងស្រី AYA យ៉ាងខ្លាំង។

ការថែទាំស្បែកប្រចាំថ្ងៃមានសារៈសំខាន់ខ្លាំងណាស់ ប៉ុន្តែការដែលទៅស្ប៉ាដើម្បីថែទាំស្បែកពីខាងក្នុងក៏សំខាន់ណាស់ដែរ។

ខ្ញុំនឹងទៅកាន់ហាង MAYU ESTHETIC SPA របស់បងស្រី AYA ម្តងទៀត ដើម្បីថែរក្សាស្បែករបស់ខ្លួន។

AYA

ចាស យើងនឹងទន្ទឹងរង់ចាំស្វាគមន៍ Mayu មកកាន់ហាងស្ប៉ាជានិច្ច ដើម្បីរីករាយនឹងពេលវេលាសម្រាកបន្ធូរអារម្មណ៍ និងថែរក្សាសម្រស់។ សូមកុំភ្លេចធ្វើការកក់កន្លែងទុកមុន។

Mayu Esthetic Spa

Aya Tondokoro

https://mayuspa.com

JAPO Magazine