អាថ៌កំបាំង​នៃ​កំពូល Ninja – តើ Hattori Hanzo ពិត​ជា​មនុស្ស​តែ​ម្នាក់​មែន​ទេ?

រំលឹកដល់ជប៉ុន យើងតែងតែគិតភ្លាមដល់ Ninja ។

ហើយក្នុងចំណោមនោះ ល្បីបំផុតត្រូវនិយាយពីកំពូល Ninja – Hattori Hanzo ។

នៅក្រុង Edo ច្រកទ្វារ Hanzomon ត្រូវបានដាក់តាមឈ្មោះរបស់លោក ហើយសព្វថ្ងៃនេះ ថែមទាំងមានស្ថានីយ៍រថ​ភ្លើង​ក្រោម​ដី Hanzomon ផងដែរ។

ឈ្មោះរបស់លោកនៅតែល្បីរហូតមកដល់សព្វថ្ងៃ រហូតដល់ថ្នាក់មានទាំងរថភ្លើងក្រោមដីដាក់ឈ្មោះថា Hanzomo ។

យ៉ាងណាមិញ រូបភាពដែលឃើញនៅពេលដែលរកមើលឈ្មោះ Hattori Hanzo បែរជាស្រដៀងនឹងសាមូរ៉ៃជាជាង Ninja ។

ទោះជាយ៉ាងណា យើង​យល់​ដែល​គ្រប់​គ្នា​គិត​ថា “នេះមិនមែនលោក” ព្រោះ Hattori Hanzo គឺជាឈ្មោះរបស់​សាមូរ៉ៃ​ដែល​បម្រើ​រាជ​ការ​សម័យ​នោះ។

ម្យ៉ាងវិញទៀត ឈ្មោះ Hattori Hanzo ត្រូវបានបន្តជាច្រើនជំនាន់ រហូតដល់ជំនាន់ទី ១២ ដែលមានន័យថា សរុបមនុស្ស​ចំនួន ១២ នាក់​មាន​ឈ្មោះ​នេះ ប៉ុន្តែ​មាន​តែ​មនុស្ស​ដំបូង​ទើប​ជា Ninja ។

ត្រូវហើយ រូបភាពរបស់ Hattori Hanzo តែងតែត្រូវបានគេពណ៌នាដូចជាសាមូរ៉ៃមួយរូប ហើយក៏ជាមេដឹកនាំក្រុម Ninja ផង​ដែរ។ ថ្វីត្បិតែ អ្នកស្នងតំណែងជំនាន់ដំបូងគួរឲ្យចាប់អារម្មណ៍ ប៉ុន្តែលើកនេះចូរយើងស្វែងយល់ពីជីវិតរបស់​អ្នក​ស្នង​តំណែង​ជំនាន់​ទី ២ ជា​បុគ្គល​ដ៏​អស្ចារ្យ​ម្នាក់។

Hanzo ជំនាន់ទី ២ ត្រូវជំទាស់

ដោយស្នងកេរ្តិ៍ឈ្មោះកំពូលរបស់ Ninja បែរជារៀបការជាមួយក្មួយស្រីរបស់ Tokugawa Ieyasu ដែលជាមេដឹកនាំកំពូល​របស់​ជប៉ុននាសម័យនោះ Hanzo បានក្លាយជាមនុស្សក្រអឺតក្រទម។ គាត់ថែមទាំងបានចែចង់ប្រពន្ធរបស់ Ninja ដែល​ជា​អ្នក​ក្រោម​បង្គាប់​ម្នាក់។

Hanzo ថែមទាំងលោភលន់ មិនព្រមប្រគល់ប្រាក់ឈ្នួលឲ្យអ្នកក្រោមបង្គាប់ ដែលបណ្តាលឲ្យពួកគេមិនព្រមធ្វើការ។ អ្នក​ក្រោម​បង្គាប់​ជាង ១០០០ នាក់ និងក្រុមគ្រួសាររបស់ពួកគេបានចូលរួមកូដកម្ម ប៉ុន្តែ Hanzo បែរជាខឹងសម្បារ និង​ប្រហារ​ជីវិត​អ្នក​ដឹក​នាំ​ចំនួន ១០ នាក់។

ទោះជាយ៉ាងណា មនុស្ស ២ នាក់ក្នុងចំណោមបានរត់គេចខ្លួន។ Hanzo បាន​ដេញ​តាម​ពួកគេ​ដោយ​កំហឹង ហើយកាប់​ម្នាក់​ក្នុង​ចំណោម​នោះ​ស្លាប់។

ប៉ុន្តែជាមនុស្សម្នាក់ផ្សេង ដោយសារតែភ័នច្រឡំគាត់បានកាប់សម្លាប់មនុស្សម្នាក់ផ្សេង។

លទ្ធផលនៃទង្វើនេះបានធ្វើឲ្យ Hanzo ត្រូវរាជការបណ្តេញចេញពីតំណែង។

Hanzo មិនមានការងារធ្វើ

អ្នកដែលបានធ្វើកូដកម្ម​សម្រេច​ចិត្ត​បើក​យុទ្ធនាការដើម្បីលុបលាងកំហុសឲ្យខ្លួន។ យ៉ាងណាមិញ Hanzo បានលួចរត់​ចេញ​ពី​ពួក​គេ។

ហើយក្លាយទៅជាកសិករម្នាក់។

តើ Hanzo ជំនាន់ទី ២ ចង់បានអ្វី?

ដោយពឹងលើគុណសម្បត្តិរបស់ជំនាន់ទី ១ គ្រួសារទទួលបានដីធ្លី និងកេរ្តិ៍ឈ្មោះ។ ជំនាន់ទី ២ ទទួលស្នងទ្រព្យសម្បត្តិនេះ ប៉ុន្តែ​អ្វី​ដែល​គាត់​ចង់​បាន​គឺ​សេរីភាព។

ជីវិតក្រោយមករបស់លោកមិនត្រូវបានកត់ត្រានោះទេ ប៉ុន្តែមានពាក្យចចាមអារ៉ាមគួរឲ្យចាប់អារម្មណ៍មួយចំនួននិយាយ​ពី​លោក។

តើ Matsuo Basho គឺជា Hattori Hanzo មែនទេ?

Haiku គឺជាកំណាព្យដែលមានភាពស្រស់ស្អាតបែបកំណាព្យជប៉ុន។

Haiku ជាទម្រង់កំណាព្យខ្លីពិសេសរបស់ជប៉ុន ដែលមាន ៣ បន្ទាត់ គឺ ៥ ព្យាង្គ ៧ ព្យាង្គ និង ៥ ព្យាង្គ។

តាមរយៈកំណាព្យខ្លីនេះ អ្នកនិពន្ធ Haiku បានរៀបរាប់ទិដ្ឋភាពដំណាំយ៉ាងប៉ិនប្រសប់ បង្កើតបានជាផ្ទាំងគំនូរកំណាព្យ​​ដែល​មាន​ភាព​ទាក់​ទាញ។

នៅពេលនិយាយពី haiku មិនអាចមិនរំលឹកដល់ឈ្មោះ Matsuo Basho ដែលជាកវីល្បីឈ្មោះត្រូវបានគេចាត់ទុកជា “គ្រូ haiku” នោះ​ទេ។

លោកល្បីឈ្មោះដោយសារកំណាព្យ haiku ដ៏រស់រវើក ដែលពណ៌នាយ៉ាងច្បាស់ពីសម្រស់ធម្មជាតិ និងបង្ហាញពីទស្សនៈជីវិត​យ៉ាង​ជ្រាល​ជ្រៅ។

សម្មតិកម្មមួយដែលបង្កចម្រូងចម្រាសក្នុងពិភពអ្នកស្រាវជ្រាវប្រវត្តិសាស្ត្រ និង​អក្សរ​សាស្ត្រជប៉ុន គឺជាការផ្សារភ្ជាប់គ្នារវាងតួអង្គដែលហាក់​បី​ដូច​ជា​មិន​ទាក់​ទង​គ្នា៖ Matsuo Basho និង Hattori Hanzo ។ បើតាម​ពាក្យ​ចចាម​អារ៉ាម​​មួយ​ចំនួន អ្នក​ទាំង​ពីរ​ជា​មនុស្ស​តែ​ម្នាក់។

ការធ្វើដំណើរដ៏ចម្លែករបស់ Matsuo Basho

ស្នាដៃដ៏ល្បីឈ្មោះបំផុតរបស់ Matsuo Basho គឺ “奥の細道 – Oku no Hosomichi” (ប្រែថា៖ ផ្លូវលំភាគខាងជើង) ។

នេះជាកំណត់ហេតុកត់ត្រាការធ្វើដំណើររយៈពេល ១៥០ ថ្ងៃរបស់ Basho ដែលចេញដំណើរពី Edo (សព្វថ្ងៃគឺ Tokyo) ឆ្លងកាត់តំបន់ Tohoku ទៅដល់តំបន់ Hokuriku ដោយ​និពន្ធ haiku នៅកន្លែងដែលគាត់ទៅដល់។ ការធ្វើដំណើរនោះពិតជាចម្លែកណាស់ ដែលចម្ងាយសរុបដល់ទៅ ២៤០០ គីឡូម៉ែត្រ។

កំណត់ត្រាខ្លះបានបង្ហាញថា Basho ធ្វើដំណើរឆ្ងាយបំផុតរហូតដល់ ៤៥ គីឡូម៉ែត្រក្នុងមួយថ្ងៃ។ 

នៅសម័យនោះ ប្រជាជនធ្វើដំណើរតាមផ្លូវគោក សូម្បី​តែ​ផ្លូវ​ក្រាលកៅស៊ូដូចសព្វ​ថ្ងៃ​ក៏​ល្បឿន​ជា​មធ្យម​ត្រឹម​តែ​ ៤,៨ គីឡូម៉ែត្រក្នុងមួយម៉ោងប៉ុណ្ណោះ។

ត្រូវកត់សម្គាល់ផងដែរថា នៅសម័យនោះ ការធ្វើដំណើរតាមផ្លូវគោកមិនទាន់ក្រាលកៅស៊ូទេ ហើយឆ្លងកាត់ភ្នំជាច្រើន ល្បឿនធ្វើដំណើរអាចនឹងយឺតជាងតួលេខដែលបានកត់ត្រាទុក។

ម្យ៉ាងវិញទៀត នៅពេលយប់ មិនមានភ្លើងបំភ្លឺផ្លូវនោះទេ ដូច្នេះការធ្វើដំណើរតាមផ្លូវគោកមិនអាចទៅរួចឡើយ។ ដូច្នេះតើ Basho អាចធ្វើដំណើរចម្ងាយ ៤៥ គីឡូម៉ែត្រក្នុងមួយថ្ងៃដូចដែលបានកត់ត្រាដែរទេ?

ហើយហេតុអ្វីបានជា Basho ត្រូវធ្វើដំណើរបែបនេះ? តើនរណាជាអ្នកចំណាយសម្រាប់ការធ្វើដំណើររបស់លោក?

ការធ្វើដំណើររបស់ Matsuo Basho បង្កប់ដោយអាថ៌កំបាំង ហើយសម្មតិកម្មដែលថា គាត់ជា Ninja មួយរូបដែលមានអ្នកគាំទ្រច្រើន។

សុខភាព និងល្បឿនធ្វើដំណើរមិនធម្មតារបស់ Basho ជាមួយនឹងរឿងដែលថាលោកឆ្លងកាត់កន្លែងជាច្រើន និង​កត់​ត្រា​លម្អិត​ក្នុង “Oku no Hosomichi” បានធ្វើឲ្យមនុស្សជាច្រើនបង្កើតសម្មតិកម្មថា៖ លោកគឺជា Ninja មួយរូប ដែលត្រូវបានប្រគល់បេសកកម្មឲ្យប្រមូលព័ត៌មានដល់អំណោចណាមួយ។

បើនិយាយពីពេលវេលា សម្មតិកម្មបានឲ្យដឹងថា Basho គឺជា Hattori Hanzo ជំនាន់ទី ២ នៃកំពូល Ninja របស់ជប៉ុនសមហេតុផលជាងមែនទេ?

Hattori Hanzo និង Matsuo Basho – តួអង្គពីរដែលបង្កប់នូវអាថ៌កំបាំងជាច្រើន។ តើពួកគេអាចជាមនុស្សតែម្នាក់​ដែរ​ទេ? 

ទោះបីជាមិនមានចម្លើយច្បាស់លាស់ក៏ដោយ ប៉ុន្តែមិនអាចបដិសេធទេពកោសល្យនិពន្ធកំណាព្យ Haiku ដ៏ឆ្នើមរបស់ Matsuo Basho នោះ​ទេ។

បន្ទាប់មក ចូរយើងក្រឡេកមើលកំណាព្យ Haiku របស់ Basho សម្រាប់រដូវក្តៅនេះ។

暑き日を
Atsuki hi o

海にいれたり
Umi ni iretari

最上川
Mogami gawa

ប្រែថា៖ 

Mogami ហូរចេញសមុទ្រ

បក់តាមទឹកព្រះអាទិត្យភ្លឺចែងចាំង

អត្ថន័យ៖

ទន្លេ Mogami ​បក់អាកាសធាតុក្តៅនៃរដូវក្តៅចេញទៅសមុទ្រ ដែលនាំមកនូវខ្យល់ត្រជាក់នាពេលរសៀល។

ដោយបញ្ចូលរដូវក្តៅក្នុងកំណាព្យ haiku ដ៏ខ្លីនេះ នៅពេលដែលយើងបិទភ្នែកស្តាប់ យើងអាចស្រមៃឃើញទិដ្ឋភាពដ៏​ស្រស់​ស្អាត​ដែល​កំណាព្យ​បាន​រៀប​រាប់។ នេះ​គឺ​ជា​ស្នាដៃ​សិល្បៈ​ដ៏​អស្ចារ្យ​បំផុត។

ត្រឡប់ទៅរកខ្លឹមសារខាងលើ យើងប្រហែលជាគិតថា តើបុគ្គលដែលអាចតែងកំណាព្យ haiku យ៉ាងពិរោះបែបនេះ បែរ​ជា​អាច​ប្រើ​អំណោច​លេង​សើច​នឹង​ប្រពន្ធ​របស់​អ្នក​ក្រោម​បង្គាប់​ឬ?

ឬ​មួយ​គាត់​ស្តាយ​ក្រោយ​ហើយ​ក្លាយ​ទៅជាមនុស្សល្អម្នាក់?

តើអ្នកទាំងអស់គ្នាគិតថាពួកគេទាំងពីជាមនុស្សម្នាក់ដែរទេ?

Abe Kengo