៥ ករណី​ជាក់​ស្តែង​ដែល​ត្រូវ​ចាប់​ខ្លួន​ព្រោះ​តែ “ការ​ងារ​ស្រួល​រក​ប្រាក់”

នៅពេលដែលទៅនៅជប៉ុន ជនបរទេសជាច្រើនតែងតែត្រូវបបួលឲ្យទៅ “រកប្រាក់បន្ថែម” តាមរយៈអ្នកស្គាល់ ឬបណ្តាញសង្គម។  ឧទាហរណ៍៖ “ខ្ញុំ​នឹង​ទិញ​កាត​ដកប្រាក់ ឬសៀវភៅធនាគាររបស់អ្នកក្នុងតម្លៃខ្ពស់។ អ្នកដែលត្រឡប់​​ទៅ​​ប្រទេស​​វិញ សូមលក់កាត និងសៀវភៅធនាគារ” “ប្រសិនបើអ្នកជួយខ្ញុំដកប្រាក់សុទ្ធពីម៉ាស៊ីន ATM ខ្ញុំនឹង​ឲ្យ​អ្នក ○ ម៉ឺនយ៉េន” “ខ្ញុំនឹងទិញទូរស័ព្ទដៃរបស់អ្នកក្នុងតម្លៃខ្ពស់” “អ្នកគ្រាន់តែជួយលើកអីវ៉ាន់ជំនួសខ្ញុំ ខ្ញុំនឹងឲ្យ​អ្នក ○ ម៉ឺនយ៉េន” ។ល។ ពេលក្រឡេកមើលទៅដូចជា “ការងារដែលងាយរកបានប្រាក់” ប៉ុន្តែតាមពិតទៅគ្រោះថ្នាក់​ណាស់។ ប្រសិនបើអ្នកទទួល​យក​ការ​ងារ​បែប​នេះ ចំណុចនេះជាបទល្មើសមួយដែរ។ រឿងនោះអាចជាការចូល​ដៃ​​ចូល​​ជើង​​ដល់​ឧក្រិដ្ឋកម្ម​​ធំ​ណា​មួយ។ យើងនឹងនិយាយពី​ករណីជន​បរទេស​មួយ​ចំនួនទទួលធ្វើការងារបែបនេះ ហើយ​​ពិត​​ជា​​ត្រូវ​​ចាប់​ខ្លួន។

〈មាតិកា〉

១. ត្រូវចាប់ខ្លួនព្រោះតែអនុញ្ញាតឲ្យអ្នកដទៃប្រើគណនី​របស់ខ្លួន។

២​. ត្រូវចាប់ខ្លួនព្រោះតែដកប្រាក់ពីគណនីរបស់អ្នកដទៃ។

៣. ត្រូវ​ចាប់ខ្លួនព្រោះតែទិញ​ទូរស័ព្ទ​ដៃដែលអ្នកដទៃចុះកិច្ចសន្យា។

៤. ត្រូវចាប់ខ្លួនព្រោះតែទទួល និងដឹកជញ្ជូនប្រាក់សុទ្ធ។

៥. ត្រូវចាប់ខ្លួនព្រោះតែធ្វើការថែមម៉ោង “ដឹកជញ្ជូនទំនិញដើម្បីទទួលបានប្រាក់ ២ ម៉ឺនយ៉េន” ។

៦. សរុបទៅ

១. ត្រូវចាប់ខ្លួនព្រោះតែអនុញ្ញាតឲ្យអ្នកដទៃប្រើគណនី​របស់ខ្លួន

នៅឆ្នាំ ២០២៣ ប៉ូលីសខេត្ត Saitama បានចាប់ខ្លួននិស្សិត​ជន​ជាតិ​វៀត​ណាម​អាយុ ២២ ឆ្នាំ​ម្នាក់ ដែល​រស់​នៅ​ក្នុងទី​ក្រុង Niigata ព្រោះ​សង្ស័យ​ឆបោក​បន្ទាប់​ពី​បើក​គណនី​ធនាគារ។ និស្សិតអន្តរជាតិបានបកស្រាយថា “គណនីនេះ​ប្រើ​​សម្រាប់​​ផ្ញើ និង​ដក​ប្រាក់សម្រាប់ចំណាយលើការរស់នៅ” ប៉ុន្តែជាក់ស្តែងសម្រាប់អ្នកដទៃប្រើប្រាស់។ នេះ​ជា​បទ​​ល្មើសឆ​បោកព្រោះ​និស្សិត​អន្តរជាតិបាន​បោក​ប្រាស់​ធនាគារ។

យោងទៅតាមប៉ូលីស និស្សិតអន្តរជាតិម្នាក់នេះបានបើកគណនីនៅធនាគារមួយក្នុងទីក្រុង Niigata បន្ទាប់មកបានចែករំលែកពាក្យសម្ងាត់ (Internet banking) និងព័ត៌មានរបស់ខ្លួនជាមួយអ្នកដទៃ ដោយអនុញ្ញាតឲ្យពួកគេប្រើគណនីនេះសេរី។ អំឡុងពេល ១៣ ខែក្រោយមក ប្រហែល ៦៥០ លានយ៉េនត្រូវបានផ្ទេរចូលគណនីនេះ ដែលប្រតិបត្តិ​ការ​ចំនួន ៤០០ ដងពីគណនីរបស់ជនជាតិវៀតណាមជាច្រើននាក់ (នៅជប៉ុន និងវៀតណាម) ។

ប្រាក់ដែលផ្ទេរចូលគណនីនេះគឺជាប្រាក់ឆបោកពីជនរងគ្រោះជាច្រើនរូប ហើយបន្ទាប់មកត្រូវបានផ្ទេរទៅកាន់​គណនី​ផ្សេង​ទៀត និង​ត្រូវ​អ្នកផ្សេងដកជាប្រាក់សុទ្ធ។

ការទិញ និងលក់កាត ATM ឬសៀវភៅធនាគារ គឺជាបទល្មើស។｜KOKORO

※リンク埋め込み（JP）：https://www.kokoro-vj.org/ja/post_10243

※リンク埋め込み（VN）：https://www.kokoro-vj.org/vi/post_10237

២. ត្រូវចាប់ខ្លួនព្រោះតែដកប្រាក់ពីគណនីរបស់អ្នកដទៃ

នៅឆ្នាំ ២០២៣ នាយក​ដ្ឋាន​ប៉ូលីស​ក្រុង (ប៉ូលីស​តូក្យូ) បាន​ប្រកាស​ចាប់​ខ្លួន​បុរស​ជន​ជាតិ​ចិនគ្មានការងារម្នាក់ (អាយុ ៣៣ ឆ្នាំ) ដោយ​សង្ស័យថាលួចព្រោះដកប្រាក់ពីម៉ាស៊ីន ATM ដោយប្រើកាតធនាគាររបស់អ្នកដទៃ។ អាចនិយាយ​បាន​ថា បុរស​ម្នាក់​នេះ​បានប្រើ ១៨៤ កាត់ដកប្រាក់​របស់​អ្នក​ដទៃ ដើម្បី​ដក​ប្រាក់​ជាង ៥០ លាន​យ៉េន។

បុរសនេះត្រូវចាប់ខ្លួនព្រោះដកប្រាក់សរុបចំនួន ៧៧៦.០០០ យ៉េនពីម៉ាស៊ីន ATM នៅតាមម៉ាតលក់ទំនិញចំនួន ៩ ក្នុង​ទីក្រុង​តូក្យូ ដោយប្រើកាតធនាគាររបស់ជនជាតិវៀតណាម។ ការដែលដកប្រាក់ដោយប្រើកាត ATM របស់អ្នកដទៃត្រូវចាត់ទុកជាសកម្មភាពលួច។

ជនរងគ្រោះជាច្រើនដែលបានទិញផលិតផលពីគេហទំព័រទិញទំនិញអនឡាញក្លែងបន្លំ ដែលដំណើរការដោយក្រុម​ឆបោក​​បានផ្ទេរប្រាក់ចូលគណនីនេះ។ គេហទំព័រលក់សម្លៀកបំពាក់ និងនាឡិកាក្នុងតម្លៃថោក ប៉ុន្តែនោះជាគេហទំព័រ​​ឆបោក។ គេហទំព័រ​មិនបាន​​ដឹក​ជញ្ជូន​ទំនិញ​ភ្លាមទាំងដែលអតិថិជនបានទូទាត់ការបញ្ជាទិញនោះទេ។ ក្រុមឆបោកបានដំណើរការគេហទំព័រជាច្រើន ហើយ​ត្រូវ​គេ​ជឿ​ថាបានបោកប្រាស់មនុស្សប្រហែល ៥០០០ នាក់​នៅទូទាំងប្រទេសជប៉ុន ជាមួយនឹងប្រាក់ជាង ១០០ លានយ៉េន។

អ្នកដែលលក់កាតដកប្រាក់ ឬសៀវភៅធនាគារក៏ជាជនល្មើសផងដែរ ព្រោះតែបំពានច្បាប់ស្តីពីការទប់ស្កាត់ការផ្ទេរ​ប្រាក់​ដែល​ទទួល​បាន​ពី​សកម្មភាព​ខុស​ច្បាប់។

៣. ត្រូវ​ចាប់ខ្លួនព្រោះតែទិញ​ទូរស័ព្ទ​ដែលអ្នកដទៃចុះកិច្ចសន្យា

នៅឆ្នាំ ២០២៣ ប៉ូលីសខេត្ត Saitama បានចាប់ខ្លួនបុរសជនជាតិវៀតណាមអាយុ ២៦ ឆ្នាំម្នាក់ដែលរស់នៅក្នុងខេត្ត ព្រោះសង្ស័យថាបានបំពានច្បាប់ស្តីពីការទប់ស្កាត់ការប្រើប្រាស់ទូរស័ព្ទដៃខុសច្បាប់ ដោយសារតែគាត់បាន​ទិញ​ទូរស័ព្ទ​ដៃ​ដែលអ្នកដទៃចុះកិច្ចសន្យា។ គាត់ត្រូវគេសង្ស័យថា បាន​ទិញ​ទូរស័ព្ទ​ដៃ​ចំនួន ៤ គ្រឿង និង​ស៊ីម​កាតចំនួន ៤ ដោយ​ស្រ្តី​ជន​បរទេស​អាយុ ៦០ ឆ្នាំ​ម្នាក់​ចុះ​កិច្ច​សន្យា។

ជនសមគំនិតរបស់បុរសរូបនេះបានប្រើបណ្តាញសង្គមដើម្បីស្វែងរកអ្នកលក់ទូរស័ព្ទដៃ ហើយស្ត្រីម្នាក់បានចុះឈ្មោះ​ធ្វើ​រឿងខាងលើ។ បន្ទាប់មក ស្រ្តីម្នាក់នោះត្រូវបានស្នើឲ្យទៅកាន់ហាង​លក់​ទូរស័ព្ទ​ ចុះកិច្ចសន្យា ទិញ​ទូរស័ព្ទ​ដៃមួយគ្រឿង ហើយ​លក់​ទៅ​ឲ្យ​បុរស​រូប​នោះ។

៤. ត្រូវចាប់ខ្លួនព្រោះតែទទួល និងដឹកជញ្ជូនប្រាក់សុទ្ធ

នៅឆ្នាំ ២០២៣ ស្រ្តីចំណាស់ម្នាក់នៅខេត្ត Saitama បានទទួលទូរស័ព្ទពីបុរសម្នាក់ដែលអះអាងថាជាកូនប្រុសរបស់គាត់ ហើយ​និយាយ​ថា៖ “នៅថ្ងៃនេះកូនត្រូវផ្ទេរប្រាក់ទៅឲ្យដៃគូអាជីវកម្ម ប៉ុន្តែកូនបានធ្វើបាត់កាបូបប្រាក់របស់ក្រុម​ហ៊ុន។ សូម​ម៉ាក់​ជួយ​កូន​ផង” ។ បន្ទាប់មក បុរស​ម្នាក់ដែលបន្លំខ្លួនជាអ្នកក្រោមបង្គាប់របស់បុរសជាកូន ទៅ​ដល់​ផ្ទះ​របស់​ស្រ្តី​ចំណាស់ ហើយគាត់ប្រគល់ប្រាក់ឲ្យបុរសម្នាក់នោះចំនួន ១,៣ លាន​យ៉េន។

ទោះជាយ៉ាងណា នៅថ្ងៃបន្ទាប់ ស្រ្តីចំណាស់បែរជាទទួលបានទូរស័ព្ទ​និយាយ​ថា៖ “កូន​មិន​ទាន់​គ្រប់​ប្រាក់​នោះ​ទេ។ អ្នក​ក្រោម​បង្គាប់​របស់​កូននឹងមកយកប្រាក់ម្តងទៀត” ។ ស្រ្តីចំណាស់មាន​អារម្មណ៍​សង្ស័យ ដូច្នេះបានហៅទូរស័ព្ទទៅឲ្យកូនប្រុសរបស់ខ្លួន។ នៅ​ពេល​នោះ ស្រ្តី​ចំណាស់​ដឹង​ថា អ្នកដែលហៅទូរស័ព្ទ​ពី​ម្សិលមិញ​មិន​មែន​ជា​កូន​របស់​គាត់​​នោះ​​ទេ។

ស្រ្តីចំណាស់បានហៅទូរស័ព្ទទៅកាន់ប៉ូលីស ហើយ​ពួកគេ​បាន​ពួន​​រង់ចាំ “បុរសក្រោមបង្គាប់” មក​យក​ប្រាក់​។ បុរស​ជន​ជាតិ​វៀត​ណាម​ម្នាក់ (អាយុ ២៨ ឆ្នាំ) បានបង្ហាញខ្លួននៅទីនោះ ហើយត្រូវចាប់ខ្លួន។

បុរសម្នាក់នោះធ្លាប់ជាសិក្ខាកាមបច្ចេកទេស ហើយ​បាន​រត់​គេច​ខ្លួន។ បន្ទាប់​ពី​បាន​រត់គេចខ្លួន គាត់ត្រឹមតែអាច​​​រក​​​ការ​​​ងារ​​ក្រៅ​​ម៉ោង​​រយៈ​ពេល​ខ្លីប៉ុណ្ណោះ ហើយកំពុងជួបបញ្ហាផ្នែកហិរញ្ញវត្ថុ។

នៅ​ពេល​នោះ គាត់មើលឃើញការ​បង្ហោះ​លើ​បណ្ដាញ​សង្គម​ដែល​សរសេរ​ថា “តើអ្នកកំពុងស្វែងរកការងារធ្វើ?” នៅ​ពេល​ដែលទំនាក់ទំនងទៅកាន់អ្នកបង្ហោះដំណឹងនោះ គាត់ត្រូវបានណែនាំឲ្យស្គាល់​ជនជាតិ​ជប៉ុន​ម្នាក់​ដែល​ដើរតួ​ជា​អ្នក​បង្គាប់​ការ​ងារ។ ការងារដែលត្រូវធ្វើគឺទទួលប្រាក់សុទ្ធរបស់បុគ្គលចំណាស់ យកទៅកាន់សួនច្បារ ហើយ​ប្រគល់​ឲ្យ​​ជន​​​ជាតិ​​​ជប៉ុន​​ម្នាក់។

បុរសជនជាតិវៀតណាមម្នាក់នោះបានធ្វើសកម្មភាពនេះពី ៤ ទៅ ៥ ដង​ក្នុង​រយៈពេល​ប្រហែល ២ ខែ​មុន​ពេល​ត្រូវ​ចាប់​​ខ្លួន។ សម្រាប់ “ការ​ងារ” ចុង​ក្រោយ គាត់​ទទួល​បាន ៣០.០០០ យ៉េន។

បុរសរូបនេះ​ត្រូវ​ចោទ​ប្រកាន់​ពី​បទ​សម​គំនិតប្រព្រឹត្ត​អំពើ​ឆបោក និង​ត្រូវ​កាត់​ទោសឲ្យជាប់​ពន្ធនាគារ​ចំនួន ៣ ឆ្នាំ ហើយ​​ព្យួរ​​ទោស​​ចំនួន ៤ ឆ្នាំ។

ប្រភេទអំពើឆបោកនេះគេហៅថា “ការឆបោកពិសេស” ។ នៅឆ្នាំ ២០២២ ចំនួនជនបរទេសត្រូវប៉ូលីសចាប់ខ្លួនព្រោះ​តែទាក់ទងនឹងករណីឆបោកពិសេសមានចំនួន ១៤៥ នាក់ ដែលជាចំនួនខ្ពស់មិនធ្លាប់មាន។ ប្រហែល ៥៨% ក្នុង​ចំណោម​នេះដើរតួជាអ្នកទទួលប្រាក់សុទ្ធ (Ukeko) ហើយប្រហែល ២០% ទទួលតួនាទីដកប្រាក់សុទ្ធពីម៉ាស៊ីន ATM (Deshiko) ។

៥. ត្រូវចាប់ខ្លួនព្រោះតែធ្វើការថែមម៉ោង “ដឹកជញ្ជូនទំនិញដើម្បីទទួលបានប្រាក់ ២ ម៉ឺនយ៉េន”

នៅឆ្នាំ ២០២២ បុរសជនជាតិវៀតណាមម្នាក់ (អាយុ ២៥ ឆ្នាំ) ដែលធ្លាប់ជាសិក្ខាកាមបច្ចេកទេស កំពុងកាន់កញ្ចប់ទំនិញតាមសំណើរបស់បុគ្គលម្នាក់​នៅ​ទីក្រុង Osaka ស្រាប់តែត្រូវ​ប៉ូលីស​ឡោមព័ទ្ធ និងចាប់ខ្លួន ព្រោះបំពានលើច្បាប់​​គ្រឿង​​ញៀន​​ពិសេស។ ក្នុង​កញ្ចប់​ទំនិញ​គឺ MDMA ជា​​ប្រភេទ​​គ្រឿង​​ញៀន​​ចម្រុះ។

បុរស​រូប​នេះទទួលបានការពឹងពាក់ពីបុរសម្នាក់​ដែល​មើល​ទៅ​ដូច​វៀតណាម ដែល​គាត់​បាន​ជួបនៅមជ្ឈមណ្ឌលទី​ក្រុង​​កាល​ពី​មួយ​ខែ​មុន។ “ស្ករ​គ្រាប់​ត្រូវ​បាន​ដឹកជញ្ជូនមកកាន់បន្ទប់របស់ខ្ញុំ ប៉ុន្តែខ្ញុំមិនចង់ជួបម្ចាស់ផ្ទះនោះទេ ព្រោះ​​​ខ្ញុំ​​​បង់​​ប្រាក់​​ជួល និងថ្លៃភ្លើងហ្គាសយឺត។ ខ្ញុំចង់​ឲ្យ​អ្នក​ទៅ​យក​ទំនិញ​របស់​ខ្ញុំ ហើយ​យក​មក​ឲ្យ​ខ្ញុំ” ។

បន្ទាប់ពីរត់គេចចេញពីកម្មវិធីសិក្ខាកាមបច្ចេកទេស បុរសម្នាក់នេះរកមិនបានការងារនឹងនរ និងកំពុងជួបបញ្ហា​​ខ្វះ​​ប្រាក់ ដូច្នេះទើបទទួលយក “ការងារ” ជាមួយនឹងប្រាក់កម្រៃចំនួន ២ ម៉ឺនយ៉េន។ គាត់ទៅដល់ផ្ទះដែលបាន​​កំណត់ ទទួល​កញ្ចប់​ទំនិញ​ពី​អ្នកដឹកជញ្ជូន ហើយនៅពេលដែលបើកប្រអប់នោះឃើញគ្រាប់កាហ្វេ និងប្រអប់សូកូឡា​មួយ។ ឃើញដូច្នេះ គាត់ធូរអារម្មណ៍ហើយដាក់​ទំនិញ​ចូល​កាបូប ហើយចាកចេញពីផ្ទះនោះស្រាប់តែត្រូវចាប់ខ្លួន។

កញ្ចប់ទំនិញត្រូវបានដឹកជញ្ជូនតាមផ្លូវអាកាសពីប្រទេសអាឡឺម៉ង់ ហើយអំឡុងពេលត្រួតពិនិត្យគយ MDMA ចំនួន ៩៨៥ គ្រាប់ (តម្លៃចុងក្រោយប្រហែល ៤,៩៣ លានយ៉េន) ត្រូវបានរកឃើញក្នុងកញ្ចប់កាហ្វេ។ ប៉ូលីសកំពុងស៊ើប​អង្កេត​ថាតើផ្នែកខាងក្នុងត្រូវបានជំនួសដោយអ្វីមួយផ្សេងដែរទេ ហើយ​កញ្ចប់​ទំនិញ​ត្រូវ​បាន​បញ្ជូន​ទៅ​ណា?

បុរស​រូប​នេះត្រូវកាត់ទោសឲ្យជាប់​ពន្ធនាគារ ១ ឆ្នាំ ៦ ខែ និង​ព្យួរទោសចំនួន ៣ ឆ្នាំ។

៦. សរុបទៅ

ប្រសិនបើអ្នកលក់កាតធនាគារ ឬទូរស័ព្ទដៃរបស់អ្នកទៅឲ្យអ្នកផ្សេង ឬជួយនរណាម្នាក់កាន់អីវ៉ាន់ក្នុងគោល​បំណង “រក​​ប្រាក់​​ចាយ​វាយ” នោះជាបទល្មើសទៅហើយ។ រឿងនេះក៏ក្លាយទៅជាការចូលដៃចូលជើង​ឧក្រិដ្ឋកម្ម​មួយ​ចំនួន​​ផង​ដែរ។

ប្រសិនបើអ្នកជឿ និងទទួលយកការងារដោយគិតថា “អាចរកប្រាក់បានតាមរយៈការងារងាយៗ” អ្នកអាចនឹងត្រូវប៉ូលីសចាប់ខ្លួនដូចជាជនល្មើសម្នាក់ ឬក្នុងករណីខ្លះ អ្នកត្រូវបណ្តេញទៅប្រទេសវិញ។ សូមប្រយ័ត្នចំពោះ “ការ​ងារ​ងាយៗ” និង “រឿងដែលគួរឲ្យសង្ស័យ” – អាចរកប្រាក់បានជាមួយនឹងការងារងាយស្រួល។

① ទិញលក់គណនីធនាគារ

・ការដែលលក់លកាតដកប្រាក់ ឬសៀវភៅធនាគាររបស់អ្នកទៅឲ្យអ្នកផ្សេងគឺជាបទល្មើស (ការបំពានច្បាប់ស្តីពីការការពារការផ្ទេរប្រាក់ដែលទទួលបានពីអំពើខុសច្បាប់) ។ គណនី​នោះប្រើសម្រាប់ចាប់បង្ខំជនរងគ្រោះឲ្យផ្ទេរប្រាក់ចូល ។ល។

・ការបើកគណនីផ្ទាល់ខ្លួនក្នុងគោលបំណងឲ្យអ្នកដទៃប្រើប្រាស់ក៏ជាបទល្មើស (ឆបោក) ផងដែរ។

② ដកប្រាក់ដោយប្រើគណនីរបស់ខ្លួន

ការដកប្រាក់ដែលបានផ្ទេរចូលគណនីធនាគាររបស់អ្នក ហើយផ្ញើទៅឲ្យគណនីផ្សេង ឬប្រគល់ទៅឲ្យអ្នកផ្សេងគឺ​ជា​បទ​ល្មើស (ការបំពានច្បាប់ស្តីពីការទប់ស្កាត់ការផ្ទេរប្រាក់ដែលទទួលបានពីសកម្មភាពខុសច្បាប់) ។ ចំនួនទឹកប្រាក់​​នោះ​​ទាក់​ទង​នឹង​ការ​ឆបោក និង​ផ្ទេរ​ប្រាក់​ខុសច្បាប់។

③ ដកប្រាក់សុទ្ធពីធនាគាររបស់នរណាម្នាក់

ការដកប្រាក់ពីម៉ាស៊ីន ATM ដោយប្រើកាតរបស់អ្នកដទៃ គឺជាបទល្មើស (បទល្មើសលួច) ។

④ ទិញលក់ទូរស័ព្ទដៃ

ការលក់ទូរស័ព្ទដៃទៅឲ្យអ្នកផ្សេងគឺជាបទល្មើស (បំពានច្បាប់ស្តីពីការទប់ស្កាត់ការប្រើប្រាស់ទូរស័ព្ទដៃដោយខុស​ច្បាប់) ។ ទូរស័ព្ទ​នោះប្រើសម្រាប់បទល្មើសដូចជាឆបោកជាដើម។

⑤ ទទួលប្រាក់ពីបុគ្គលប្លែកមុខ

ការទទួលយកប្រាក់ពីអ្នកផ្សេងតាមសំណើរបស់នរណាម្នាក់មានន័យថា អ្នកកំពុងចូលដៃចូលជើងជាមួយជនល្មើស (ដូច​​ជា​​អំពើ​ឆបោក​ជាដើម) ។

⑥ ទទួល ប្រគល់ ដឹកជញ្ជូនទំនិញ និងអីវ៉ាន់

ការទទួលទំនិញ ដឹកជញ្ជូន ផ្ញើអីវ៉ាន់ទៅកន្លែងណាមួយក៏អាចនឹងក្លាយជាបទល្មើសផងដែរ (ឆបោក បំពានច្បាប់ស្តីពី​ការ​ត្រួត​ពិនិត្យ​សារ​ធាតុ​ញៀន​ជាដើម) ។

អត្ថបទសង្ខេប – ស្ថាប័នប្រឹក្សាសម្រាប់ជនជាតិវៀតណាម

https://www.kokoro-vj.org/vi/post_12008

求人詐欺、多発中！

សូមប្រយ័ត្នចំពោះការឆបោកក្នុងការជ្រើសរើសបុគ្គលិក។

https://www.kokoro-vj.org/vi/post_17227