មកស្គាល់វិចិត្រការនី​ជប៉ុន​ដែល​មាន​ទេព​កោសល្យ​ និង​​ជីវិត​ដែល​ពេញ​ទៅ​ដោយ​ឧបសគ្គ

តើអ្នកទាំងអស់គ្នាធ្លាប់មើលឃើញផ្ទាំងគំនូរនេះដែរទេ?

នេះជាស្នាដៃដែលតំណាងឲ្យគំនូរជប៉ុន ដូច្នេះមនុស្សជាច្រើនប្រហែលជាធ្លាប់មើលឃើញរូបគំនូរនេះ។

ជាផ្ទាំងគំនូរមួយក្នុងចំណោមផ្ទាំងគំនូរទាំង ៤៦ ផ្ទាំងដែលពណ៌នាអំពីភ្នំហ្វូជីក្នុងកម្រងគំនូរ “Thirty-six Views of Mount Fuji” (Fugaku Sanjurokkei) ។

(富嶽 – Fugaku) គឺជាឈ្មោះមួយផ្សេងទៀតនៃភ្នំហ្វូជី។

ថ្វីត្បិតតែ ឈ្មោះហៅថា “Thirty-six Views of Mount Fuji” ដែលមានន័យថា ទេសភាពទាំងសាមសិបប្រាំមួយនៃ​ភ្នំហ្វូជី ប៉ុន្តែ​​ដោយ​​សារ​​លក់​ដាច់ ដូច្នេះ​ចំនួនគំនូរត្រូវបានបន្ថែមទៅជាសែសិបប្រាំមួយ។

វិចិត្រករដ៏ទេពកោសល្យនៃផ្ទាំងគំនូរនេះគឺលោក Katsushika Hokusai ។

ប្រហែលជាមនុស្សជាច្រើនស្គាល់លោកតាមរយៈផ្ទាំងគំនូរល្បីនេះ ប៉ុន្តែមនុស្សតិចណាស់ដែលដឹងថា កូនស្រីរបស់លោក​​ក៏​​ជា​​មនុស្ស​​ដែល​​មាន​​ទេព​កោ​សល្យ​​ម្នាក់​​ផង​​ដែរ។

ខ្ញុំបែរជាចាប់អារម្មណ៍យ៉ាងខ្លាំងចំពោះស្នាដៃ និងជីវិតដែលពោរពេញទៅដោយការផ្លាស់ប្តូររបស់ស្រ្តីម្នាក់នេះ។

ចូរយើងស្វែងយល់អាថ៌កំបាំងទាក់ទងនឹងស្រ្តីម្នាក់នេះតាមរយៈអត្ថបទខាងក្រោម។

Katsushika Oui – កូនស្រីរបស់វិចិត្រករដ៏ល្បី Hokusai

លោក Hokusai មានកូនប្រុសពីរនាក់ និងកូនស្រីបីនាក់ ហើយអ្នកស្រីជាកូនស្រីពៅរបស់លោក។ អ្នកស្រីមានឈ្មោះ​​ថា Oui ជា​ឈ្មោះ​ដែលកម្រមាននៅជប៉ុន។ គេនិយាយថា លោក Hokusai តែងតែហៅអ្នកស្រីថា “Oi” ដូច្នេះទើប​អ្នក​ស្រី​បាន​ប្តូរ​ទៅ​ជា​ឈ្មោះ​នេះ។

ចាប់ពីពេលនោះមក អ្នកស្រីខុសពីក្មេងដទៃទៀត។

គេនិយាយថា ចង្ការបស់អ្នកស្រីរាងវែងបន្តិច ដូច្នេះហើយ លោក Hokusai ក៏ហៅអ្នកស្រីថា “Ago” ផងដែរ។

ពិតជាឪពុកដ៏ចម្លែកមួយរូបមែន។

អ្នកស្រីបានបន្សល់ទុកនូវស្នាដៃដ៏ស្រស់ស្អាតជាច្រើន ក្នុងនោះមានស្នាដៃជាច្រើនទទួលឥទ្ធិពលពីរចនាប័ទ្មគំនូរប្រទេស​លោក​ខាង​លិច។

អ្នកស្រីជាវិចិត្រការនីដែលមានស្ទីលគូរគំនូរស្អាតប្លែកទាំងស្រុងពីឪពុករបស់ខ្លួន។

គេនិយាយថា អ្នកស្រីបានជួយឳពុករបស់ខ្លួនធ្វើការតាំងពីក្មេង ដូច្នេះអ្នកស្រីទទួលបានការបង្រៀនយ៉ាងល្អ។

ជីវិតដែលពោរពេញទៅដោយបញ្ហា

អ្នកស្រី Oi បានរៀបការជាមួយវិចិត្រករជនជាតិជប៉ុនម្នាក់ ប៉ុន្តែដោយសារតែអ្នកស្រីប្រៀបធៀបប្តី និងឪពុកដ៏មានទេពកោសល្យរបស់ខ្លួន ដូច្នេះអ្នកស្រីតែងតែចំអកប្តីរបស់គាត់។

លទ្ធផលពួកគាត់លែងលះគ្នា ហើយអ្នកស្រីត្រឡប់ទៅផ្ទះឪពុកម្តាយវិញ។

យ៉ាងណាមិញ ចាប់តាំងពីពេលនោះ ជីវិតដ៏អាក្រក់រវាងឪពុក និងកូនទើបតែចាប់ផ្តើមប៉ុណ្ណោះ។

ទាំងឪពុក និងកូនសុទ្ធតែមិនអាចសម្អាតផ្ទះបាន។

ផ្ទះរបស់ពួកគាត់ពេញ​ទៅ​ដោយ​សំរាម យ៉ាងណាពួកគេមិនខ្វល់ទាល់តែ​សោះ។ 

នៅពេលដែលផ្ទះកាន់តែកខ្វក់ទៅៗ ពួកគេគ្រាន់តែប្តូរទៅកន្លែងមួយថ្មី។ ឪពុករបស់អ្នកស្រី Oi លោក Hokusai បាន​រើ​ផ្ទះ​ដល់​ទៅ ៩៣ ដងដោយ​សារ​មូល​ហេតុ​​នេះ។

ប៉ុន្មានឆ្នាំចុងក្រោយនៃជីវិតរបស់អ្នកស្រី Oi ព្រោះតែខ្លាចសេចក្តីស្លាប់ អ្នកស្រីបាន​ជ្រក​កោនក្រោមម្លប់ព្រះ អ្នកស្រី​រាំ​ផង សូត្រ​ធម៌​ផង (រាំ Nembutsu) ។

អ្នកស្រីថែមទាំងហូបផ្សិតប៉ារ៉ាស៊ីត​លើ​ឫស​ដើមឈើក្រោមដីដែលប្រៀបដូចជាប្រភេទថ្នាំប៉ូវកំលាំង និងធ្វើតុក្កតាតូចៗ

គេនិយាយថា តុក្កតាទាំងនោះស្អាតណាស់ ហើយជួយឲ្យអ្នកស្រីរកប្រាក់បានច្រើនដែរ។

ពិតជាមនុស្សដែលមានទេពកោសល្យម្នាក់មែន។

ពាក្យសម្តីដែលគួរឲ្យចងចាំរបស់អ្នកស្រី Oi

Oi កូន​ស្រី​របស់​លោកឪពុកដ៏មាន​ទេពកោសល្យ​មួយរូប ហើយក៏ជាមនុស្សមានកោសល្យ​អស្ចារ្យម្នាក់ដែរ។ ខាងក្រោមនេះគឺជាសម្រង់សម្តីរបស់អ្នកស្រី៖

“ឪពុករបស់ខ្ញុំ Hokusai គូរគំនូរជារៀងរាល់ថ្ងៃតាំងពីគាត់នៅតូចរហូតដល់អាយុ ៨០ ឆ្នាំ។ ទោះជាយ៉ាងណា គាត់នៅ​តែ​ត្អូញត្អែរ និងស្រក់ទឹកភ្នែក ព្រោះតែមិនអាចគូររូបឆ្មាពីរក្បាលបានល្អឥតខ្ចោះ។ ចំណុចនេះក៏ត្រូវណាស់ដែរ នៅ​ពេល​ដែល​គ្រប់​យ៉ាង​ដូច​ការ​រំពឹង​ទុក នោះ​ជា​ឱកាសដ៏ល្អសម្រាប់អ្នករីកចម្រើន” ។

សូម្បីតែអ្នកដែលមានកោសល្យពេលខ្លះក៏ពិបាកដែរ។

ការដែលយើងជាមនុស្សធម្មតាជួបបញ្ហាលំបាកក៏ជារឿងធម្មតាដែរ។ ហើយយកឈ្នះលើការលំបាកទាំងនោះជាគន្លឹះ​ឆ្ពោះ​​ទៅ​​រក​​ដំណាក់​​កាល​​បន្ទាប់​​ក្នុង​​ជីវិត។

Abe Kengo