លក្ខណៈ​ពិសេស​នៃ​ហាង​លក់​ទំនិញ​ជប៉ុន​ដែលបាន​ទាក់​ទាញ​ភ្ញៀវ​ទេស​ចរណ៍​អន្តរ​ជាតិ

ម៉ាតលក់ទំនិញ – ជាគំរូអាជីវកម្មដែលពេញនិយមនៅទូទាំងពិភពលោក ហើយប្រជាជនជប៉ុនហៅកាត់ថា “Combini” ។

ហេតុ​អ្វីបានជាម៉ាតលក់ទំនិញរបស់ជប៉ុនទទួលបានការសរសើរយ៉ាងខ្លាំង ខណៈដែលគំរូអាជីវកម្ម​បែបនេះមាន​នៅ​គ្រប់ទីកន្លែង​ជុំវិញ​ពិភព​លោក។

ចូរយើងក្រឡេកមើលចំណុចដែលគួរឲ្យភ្ញាក់ផ្អើលមួយចំនួនទាក់ទងនឹងម៉ាតលក់ទំនិញរបស់ជប៉ុនតាម​រយៈ​អត្ថបទ​​នេះ។

ប្រអប់បាយ Bento ស្អាតហើយឆ្ងាញ់!

តាមគំនិតរបស់ខ្ញុំ មនុស្សជាច្រើនចូលចិត្តម៉ាតលក់ទំនិញព្រោះនៅទីនោះមានប្រអប់បាយស្អាតហើយឆ្ងាញ់។

តើអ្នកយល់យ៉ាងណាចំពោះប្រអប់បាយទាំងនេះ?

ប្រអប់បាយនៅទីនោះមើលទៅស្អាត រសជាតិក៏ឆ្ងាញ់ណាស់ដែរ ហើយអ្វីដែលសំខាន់បំផុតគឺតម្លៃថោកបើប្រៀបនឹង​បរិភោគ​នៅ​ភោជនីយដ្ឋាន។

ចំណុចពិសេសនៃ combini គឺម៉ឺនុយ bento ផ្លាស់ប្តូរ 24/24 ដោយបំពេញតាមចំណង់ចំណូលចិត្តរបស់អតិថិជន។

អ្នកអាចបរិភោគមី soba ដ៏ឈ្ងុយឆ្ងាញ់នៅម៉ាតលក់ទំនិញដោយផ្ទាល់។

ចំណុចពិសេសត្រង់ថា ស៊ុប និងមីត្រូវបានខ្ចប់ដោយឡែក ដែលជួយឲ្យមីមិនត្រាំក្នុងទឹកស៊ុប ហើយនៅតែអាចរក្សាបាន​នូវ​ភាព​ឈ្ងុយ​ឆ្ងាញ់។ ការប្រើប្រាស់ការវេច​ខ្ចប់​សាមញ្ញ ប៉ុន្តែ​មាន​ប្រសិទ្ធ​ភាព​បង្ហាញ​ពី​ភាព​ច្នៃ​ប្រឌិតនៃ​បច្ចេក​វិទ្យា JAPAN Otaku Technology របស់​ជប៉ុន។

ឋានសួគ៌នៃនំ បង្អែម

នំ និងបង្អែមក្នុងម៉ាតលក់ទំនិញមានច្រើនណាស់ ដែលអាចនឹងធ្វើឲ្យអ្នកឆ្ងល់ថាតើគួរតែទៅទិញក្នុងហាងនំដែរទេ?

ការ​ដែល​អាច​ទិញ​នំ​មាន​គុណភាព​ឆ្ងាញ់បែបនេះទាំងយប់ប្រៀបដូចជាសត្រូវពេលកំពុងសម្រកទម្ងន់អញ្ចឹង។

បន្ទប់ទឹក

ថ្វីត្បិតតែ មិនមែនម៉ាតលក់ទំនិញទាំងអស់នៅតំបន់ទីក្រុងសុទ្ធតែមានបន្ទប់ទឹកនោះទេ ប៉ុន្តែម៉ាតលក់ទំនិញជាច្រើន​នៅ​តែ​អនុញ្ញាត​ឲ្យអតិថិជនប្រើ។

ដែលប្រៀបដូចជាជំនួយសម្រាប់អ្នកដែលឈឺពោះ។

ឧបករណ៍មានមុខងារច្រើន

ម៉ាតលក់ទំនិញសព្វថ្ងៃមិនត្រឹម​តែផ្តល់សេវាកម្មបោះពុម្ពងាយៗប៉ុណ្ណោះទេ ថែមទាំងពង្រីកសេវាកម្មខាងផ្នែកផ្សេង ដែល​បំពេញ​តម្រូវ​ជា​ច្រើន​របស់​អតិថិជន។

ក្រៅពី photocopy និង fax ឥឡូវនេះអ្នកអាចទិញសំបុត្រព្រឹត្តិការណ៍ សំបុត្រឆ្នោតបាល់ទាត់ ចូលរួមធានារ៉ាប់រង និង​ថែម​ទាំង​អាច​ទទួល​ឯកសារ​ទាក់​ទង​នឹងសេវាកម្មរដ្ឋបាលនៅហាងលក់ទំនិញផងដែរ។

មិនត្រឹម​តែប៉ុណ្ណឹង អ្នកអាច upload ឯកសារដែលចង់បោះពុម្ពទៅលើអុីនធឺណេត ហើយរើសយកឯកសារនៅហាងលក់​ទំនិញ​ដើម្បី​បោះ​ពុម្ព ដោយមិនចាំបាច់យកឯកសារតាមនោះទេ។

មុខងារចម្រុះ និងទំនើបរបស់ហាងលក់ទំនិញបានធ្វើឲ្យខ្ញុំដែលមិននៅជប៉ុនមួយរយៈពេល អាចនឹងអាចមានអារម្មណ៍​ច្របូក​ច្របល់ និង​ពិបាក​ប្រើ។

ការខិតខំប្រឹងប្រែងនាំមកនូវភាពងាយស្រួលលើសពីហាងដទៃទៀត បានធ្វើឲ្យហាងលក់ទំនិញជប៉ុនកាន់តែស្មុគស្មាញ​ជា​មួយ​នឹង​មុខ​ងារ និងសេវាកម្មចម្រុះបើប្រៀបនឹងហាងលក់ទំនិញនៅបណ្តាប្រទេសផ្សេងទៀត។

នេះហើយជប៉ុន

ពិតជាងាយស្រួលមែន ប៉ុន្តែតើមានមនុស្សប៉ុន្មាននាក់ដែលអាចប្រើម៉ាស៊ីនទាំងនេះបានយ៉ាងស្ទាត់ជំនាញ?

ចំណុចពិសេសមួយទៀតនៃហាងលក់ទំនិញជប៉ុនគឺក្រុមបុគ្គលិកចម្រុះជាតិសាសន៍។

បុគ្គលិកជនបរទេសជាច្រើនដែលធ្វើការនៅទីនេះ ពួកគេស្ទាត់ជំនាញក្នុងការប្រើប្រាស់ប្រព័ន្ធទូទាត់ និងម៉ាសុីនចម្រុះ​មុខ​ងារ​​របស់​​ហាង​​លក់​​ទំនិញ ជា​​មួយ​​នឹង​​មុខ​​ទំនិញ​​ជា​​ច្រើន​​ដូច​​ជា​​បារី និង​នំ​។

សមត្ថភាពសម្របខ្លួន និងរៀនបានយ៉ាងឆាប់រហ័សរបស់បុគ្គលិកទាំងនេះពិតជាគួរឲ្យសរសើរណាស់។

ប្រហែលជារឿងដែលពិសេសបំផុតនៃហាងលក់ទំនិញជប៉ុនគឺជាបុគ្គលិកបរទេស។

Abe Kengo