អាថ៌កំបាំងនៃទឹកជ្រលក់​ដែល​ភោជនីយដ្ឋាន​ល្បី​ប្រើ​សម្រាប់​មុខ​ម្ហូប​អាំង​ដូច​ជា Yakitori និង​អន្ទង់​ជប៉ុន

អាថ៌កំបាំងនៃទឹកជ្រលក់គឺគ្រឿងបន្ថែមដែលមិនអាចខ្វះបានសម្រាប់មុខម្ហូបអាំងដូចជា yakitori និងអន្ទង់របស់ជប៉ុន។ 

ភោជនីយដ្ឋានជាច្រើនថែមទាំងមានមោទនភាពចំពោះប្រភេទទឹកជ្រលក់ដែលបន្តច្រើនជំនាន់ អាចនឹងមានអាយុ​កាល​ដល់​ទៅ ១០០ ឆ្នាំ។

យ៉ាងណាមិញ អ្វីដែលធ្វើឲ្យមនុស្សជាច្រើនភ្ញាក់ផ្អើលនោះគឺថា ទឹកជ្រលក់មានជាតិស្ករ និងគ្រឿងផ្សំផ្សេងទៀតងាយ​នឹង​​ខូច។ បើ​តាម​គំនិត​ទូទៅ មួយ​រយៈ​ពេល​គ្រឿង​ទេស​នេះ​នឹង​ខូច។

ប៉ុន្តែមិនអាចទៅរួចនោះទេ ព្រោះទឹកជ្រលក់ត្រូវបានគេប្រើតាំងពី ១០០ ឆ្នាំមុនមកម្ល៉េះ ដែលយើងគិតថាពួក​គេ​បាន​ប្រើ​សារធាតុ​រក្សា​ទុក។

ដូច្នេះ​តើ​ពាក្យ​ថា “ភោជនីយដ្ឋាន​កាន់តែ​ល្បីទឹកជ្រលក់​កាន់តែមិនងាយខូច” មានន័យ​ដូចម្តេច​?

ហេតុអ្វី​បាន​ជាអាថ៍កំបាំងនៃ​ទឹកជ្រលក់ត្រូវបានរក្សាទុកនៅតាមភោជនីយដ្ឋានដែលមិនមែននៅផ្ទះ?

លើកនេះយើងនឹងបកស្រាយបញ្ហាទាំងនេះតាមរយៈការពន្យល់បែបវិទ្យាសាស្ត្រ។

ការសម្លាប់មេរោគដោយសីតុណ្ហភាពទាប

ការកម្តៅសម្លាប់មេរោគគឺជាវិធីសាស្ត្រសម្លាប់មេរោគដែលប្រើសីតុណ្ហភាពពី ៦៣°C ~ ៦៨°C ។

វិធីសាស្រ្តសម្លាប់មេរោគធម្មតាប្រើសីតុណ្ហភាពខ្ពស់ ប៉ុន្តែវិធីនេះអាចនឹងបំផ្លាញប្រូតេអុីន ទឹកជ្រលក់ឡើងខាប់ និង​ផ្លាស់​ប្តូរ​រស​ជាតិ។

ដើម្បីរក្សារសជាតិ វិធីសាស្រ្តសម្លាប់មេរោគដោយសីតុណ្ហភាពទាបពិតជាចាំបាច់ ប៉ុន្តែវិធីសាស្រ្តនេះចំណាយពេលច្រើន​ជាង​វិធីសាស្រ្ត​ធម្មតា។ ដូច្នេះតើភោជនីយដ្ឋានធ្វើដូចម្តេច? អាថ៌កំបាំងស្ថិតនៅលើវិធីសាស្រ្តយ៉ាងសាមញ្ញ។

ដោយជ្រលក់សាច់មាន់អាំង ឬអន្ទង់ចូលទឹកជ្រលក់។ ធម្មតាសាច់អាំងមានសីតុណ្ហភាពខ្ពស់ ហើយនៅពេលដែលជ្រលក់​ទៅ​ក្នុងទឹកជ្រលក់​ធ្វើ​ឲ្យ​សីតុណ្ហភាព​ទឹក​ជ្រលក់កើនឡើង។

ការដែលកូរទឹកជ្រលក់ពេលប្រើជួយឲ្យទឹកជ្រលក់ទាំងមូលឈានដល់កម្រិតសីតុណ្ហភាពសមស្របសម្រាប់ដំណើរការសម្លាប់​មេរោគ​នៅសីតុណ្ហភាពទាប។

ភោជនីយដ្ឋានល្បីតែងតែមានចំនួនភ្ញៀវច្រើន ពួកគេអនុវត្តវិធីសាស្រ្តនេះជាច្រើនដងក្នុងមួយថ្ងៃ ដែលជួយដល់ដំណើរ​ការ​សម្លាប់មេរោគនៅសីតុណ្ហភាពទាបទទួលបានលទ្ធផលល្អបំផុត។

នោះហើយជាមូលហេតុដែល “ទឹកជ្រលក់របស់ភោជនីយដ្ឋានល្បីមិនសូវខូច” ។

អាថ៍កំបាំងស្ថិតលើ “អំបិល និងស្ករ” ឬ?

ទឹកជ្រលក់សាច់មាន់អាំង និងអន្ទង់មានរសជាតិដិត។ ចំណុចនេះមានន័យថា មានកម្រិតជាតិប្រៃ និង​ស្ករ​ខ្ពស់ ដែល​ធ្វើ​ឲ្យ​ទឹក​ជ្រលក់​មិន​ងាយ​ខូច។

ទោះជាយ៉ាងណា ចំណុចនេះមិនមានន័យថា ទឹកជ្រលក់មិនខូចនោះ​ទេ។ ហាង​ដែល​មាន​ភ្ញៀវ​តិច ទឹកជ្រលក់ងាយនឹង​ខូច​ជាង។ ម្យ៉ាង​វិញ​ទៀត អ្នកមិនអាចអាំង yakitori ១០០ ចង្កាក់នៅផ្ទះរាល់ថ្ងៃនោះទេ ដូច្នេះអ្នកមិនត្រូវ​ពឹង​លើ​​​​អំបិល និង​​ស្ករ​​ច្រើន​​ពេក​​ទេ។

តើពិតជាបានលាយនឹងទឹកជ្រលក់តាំងពី ១០០ ឆ្នាំមុនដែរទេ?

ទឹកជ្រលក់អាថ៌កំបាំងត្រូវបានចម្រាញ់ និងបន្ថែមជាបន្តបន្ទាប់អស់រយៈពេលជាង ១០០ ឆ្នាំមកហើយ។ ដូច្នេះតើ​មាន​ន័យ​ថា​ត្រូវបានធ្វើតាំងពី ១០០ ឆ្នាំមុនមែនទេ? ស្តាប់ទៅដូចជាគ្មានអនាម័យសោះ មិនថានោះជាភោជនីយ​ដ្ឋាន​​ល្បី​​ក៏​​ដោយ។ ប៉ុន្តែ​​សូម​​កុំ​បារម្ភ។

នៅភោជនីយដ្ឋានល្បីទឹកជ្រលក់ត្រូវបានប្រើជាបន្តបន្ទាប់។ នៅពេលដែលបរិមាណទឹកជ្រលក់ថយចុះ ពួកគេនឹងបន្ថែម ហើយធ្វើបែបនេះប្រហែលរយៈពេល ១ ខែ ទឹកជ្រលក់ស្ទើរតែទាំងអស់ត្រូវបានជំនួសដោយគ្រឿងផ្សំថ្មី។

កុំអស់សង្ឃឹមប្រសិនបើអ្នកគិតថាទឹកជ្រលក់មិនមែនពី ១០០ ឆ្នាំមុន។ ការចម្រាញ់ និងបន្ថែមជា​បន្តបន្ទាប់ពិត​ជា​​មាន​​គុណ​សម្បត្តិ​ ជួយ​រក្សា​រសជាតិ​ជា​ជាង​ធ្វើថ្មីទាំងស្រុង។

ដូច្នេះអ្វីដែលសំខាន់មិនមែនប្រើទឹកជ្រលក់សុទ្ធកាលពី ១០០ ឆ្នាំមុននោះទេ ប៉ុន្តែប្រើរសជាតិដែលពេញនិយមក្នុង​រយៈ​ពេល ១០០ ឆ្នាំកន្លងមក។ នៅ​ពេល​ដែល​អ្នក​យល់ពីចំណុចនេះ អ្នក​នឹង​មាន​អារម្មណ៍​កាន់​តែ​ពេញ​ចិត្ត​មែន​​ទេ?

រសជាតិអាថ៌កំបាំងមិនងាយធ្វើបាននៅផ្ទះនោះទេ។

សូមមកកាន់ភោជនីយដ្ឋានល្បីនៅជប៉ុនដើម្បីភ្លក់រសជាតិអាថ៌កំបាំងដែលមិនអាចចម្លងបាន និងទទួល​យក​បទ​ពិសោធ​នៃ​វប្បធម៌​មុខ​ម្ហូប​របស់​ជប៉ុន។

Abe Kengo