ផ្កាសាគូរ៉ា និង​ទស្សនៈ​របស់​ប្រជាជន​ជប៉ុន​ចំពោះ​ជីវិត និង​សេចក្តី​ស្លាប់

ផ្កាសាគូរ៉ាជប៉ុនរីកស្រស់ស្អាតចាប់ពីចុងខែមីនាដល់ខែមេសា និងតំបន់ដែលត្រជាក់ជាងប្រហែលខែឧសភា។ 

ផ្កាប្រភេទនេះមិនត្រឹម​តែប្រជាជនជប៉ុនចូលចិត្តប៉ុណ្ណោះទេ ថែមទាំងទាក់ទាញភ្ញៀវទេសចរណ៍ដែលមកពីជុំវិញពិភពលោកផងដែរ។

ផ្កាសាគូរ៉ា – និមិត្តរូបនៃប្រទេសជប៉ុន

ផ្កាសាគូរ៉ា Somei-Yoshino ដែលគេចាត់ទុកដូចជានិមិត្តរូបនៃផ្កាសាគូរ៉ាជប៉ុន គឺជាលទ្ធផលនៃដំណើរបង្កាត់ពូជដែល​ត្រូវ​បាន​ជ្រើស​រើស មិនមែនដោយធម្មជាតិនោះទេ។ ជាពិសេស ពូជផ្កានេះមិនអាចបង្កកំណើតដោយខ្លួនឯងនោះ​ទេ ប៉ុន្តែបង្ក​កំណើត​ដោយ​គ្រាប់​ពូជ និង​វិធី​សាស្រ្ត​ញែក​មែក​ឈើ​ប៉ុណ្ណោះ។

ដូច្នេះហើយ បានជាពូជផ្កាសាគូរ៉ា Somei-Yoshino ទាំងអស់ដែលនៅទូទាំងប្រទេសជប៉ុនសុទ្ធតែមាន DNA ដូចគ្នា។ នៅ​ទូទាំង​ប្រទេស​មាន​ដើម Somei-Yoshino ប្រហែលប៉ុន្មានលានដើម។ 

ហេតុអ្វី​បាន​ជា​ប្រជាជន​ជប៉ុនចូលចិត្តផ្កាសាគូរ៉ា Somei Yoshino ដូច្នេះ?

អត្តបទថ្ងៃនេះនឹងស្វែងយល់អំពី “ភាពស្រស់ស្អាតនៃសេចក្តីស្លាប់” ក្នុងវប្បធម៌ជប៉ុន ដែលរួមចំណែកពន្យល់ពីចំណូល​ចិត្ត​របស់​ប្រជាជន​ជប៉ុន​ចំពោះ​ផ្កាសាគូរ៉ា Somei Yoshino ។

លក្ខណៈពិសេសរបស់ Somei-Yoshino​

ថ្វីត្បិតតែ ជប៉ុនមានប្រភេទផ្កាសាគូរ៉ាច្រើន ប៉ុន្តែផ្កា Somei Yoshino នៅតែលេចធ្លោព្រោះតែលក្ខណៈពិសេស បើប្រៀបទៅនឹងពូជដទៃទៀត។

១. ផ្ការីកមុនពេលដែលចេញស្លឹក
ផ្កា Somei Yoshino រីកមុនពេលដែលចេញស្លឹក។ ដូច្នេះផ្ការីកស្រស់ស្អាតមិនត្រូវបាំងដោយស្លឹកពណ៌បៃតង។

ខុសនឹងប្រភេទផ្កាសាគូរ៉ាផ្សេងទៀតរីកបន្តិចម្តងៗ ផ្កា Somei Yoshino មានលក្ខណៈពិសេសត្រង់ថា រីកក្នុងពេលដំណាល​គ្នា​នៅ​លើ​ដើម។ ដែលធ្វើឲ្យទិដ្ឋភាពផ្កាសាគូរ៉ាកាន់តែស្រស់ស្អាត និងលេចធ្លោ។

២. ពណ៌ស្រស់ស្អាត
មិនដូចជាពូជផ្កាសាគូរ៉ាដទៃទៀតនោះទេ។

នៅពេលមើលជិត ផ្កាសាគូរ៉ា Somei Yoshino ហាក់ដូចជាមានពណ៌ស។ មើលពីចម្ងាយ ផ្កាដូចជាមានពណ៌ផ្កាឈូកស្រាល។

ដោយសារការប្តូរពណ៌ដ៏អស្ចារ្យនេះ ទើបបង្កើតបានជាភាពទាក់ទាញ់នៃផ្កា Somei Yoshino ។

៣. ត្របកផ្ការីកស្រស់ស្អាត
សម្រាប់ពូជផ្កាផ្សេង ផ្ការីកជាចង្កោម បង្កើតជារាងមូល អាចមើលឃើញចង្កោមនីមួយៗយ៉ាងច្បាស់។

ទោះជាយ៉ាងណា ចំពោះពូជផ្កាសាគូរ៉ា Somei-Yoshino ផ្ការីករាយប៉ាយនៅលើដើម បង្កើតបានជាភាពស្រស់ស្អាតរួម ស្រទន់ ដែលធ្វើឲ្យដើមឈើទាំងមូលដូចជាគ្របដណ្តប់ដោយស្រទាប់ពណ៌ផ្កាឈូកស្រាល។

ប្រភេទផ្កាដែលតំណាងឲ្យភាពបែកបាក់ និងសេចក្តីស្លាប់ដ៏អស្ចារ្យ

ថ្វីត្បិតតែ ផ្កាមានភាពស្រស់ស្អាត ប៉ុន្តែប្រជាជនជប៉ុនបែរជាផ្សារភ្ជាប់ផ្កាសាគូរ៉ានឹងអត្តន័យ “បែកបាក់” និង “សេចក្តីស្លាប់” ។

តើអ្នកធ្លាប់ប្រទះឃើញរូបភាពខាងក្រោមក្នុងរឿងជប៉ុនដែរទេ?

• ឈុតឆាកតួអង្គឯកស្លាប់៖

នៅខាងក្រៅមានទិដ្ឋភាពផ្កាសាគូរ៉ា​រីកស្គុះស្គាយ។

ផ្កាសាគូរ៉ាតំណាងឲ្យការបញ្ចប់ជីវិត។

• ទិដ្ឋភាពសាមូរ៉ៃអនុវត្តពិធី seppuku ៖

ផ្កាសាគូរ៉ាធ្លាក់នៅជុំវិញ។

ភាពស្រស់ស្អាតដ៏ផុយស្រួយរបស់ផ្កាសាគូរ៉ាបង្ហាញពីសោកនាដកម្មនៃការលះបង់។

• ឈុតឆាកចែកផ្លូវគ្នារបស់គូស្នេហ៍៖

ផ្ទៃ​ខាង​ក្រោយ​គឺ​ជា​ទិដ្ឋភាព​ផ្កាសាគូរ៉ារីកស្គុះស្គាយ។

សម្រស់​ដ៏​រ៉ូមែនទិក​របស់ផ្កាសាគូរ៉ាបន្ថែម​អារម្មណ៍​ដល់ឈុតឆាកបែកបាក់។

សោភ័ណភាពចំពោះសេចក្តីស្លាប់របស់ជប៉ុន

ទស្សនៈរបស់ប្រជាជនជប៉ុនចំពោះសោភ័ណភាពនៃសេចក្តីវិនាស ដែលគេហៅថា “Shishokan” (ទស្សនៈចំពោះជីវិត និងសេចក្តីស្លាប់) ។

នេះជាទស្សនៈសោភ័ណភាពចំពោះរបៀបដែលមនុស្សគួរតែស្លាប់។

ទស្សនៈនេះប្រកាន់ភ្ជាប់ថា មនុស្សគ្រប់គ្នាសុទ្ធតែត្រូវស្លាប់ ហើយអ្វីដែលសំខាន់គឺថា យើងត្រូវរស់នៅយ៉ាងណាដើម្បីឲ្យពេលស្លាប់ទៅ យើង​អាច​ចាក​ចេញ​តាម​របៀប​ដ៏​ស្រស់​ស្អាត​បំផុត។

គោលបំណងនៃជីវិតមិនមែនចង់រស់ដោយលះបង់គ្រប់យ៉ាងណានោះទេ ប៉ុន្តែរស់នៅយ៉ាងណាឲ្យល្អ ហើយស្លាប់ក្នុងនាម​ជាមនុស្សម្នាក់។

នេះទស្សនៈចំពោះជីវិត និងសេចក្តីស្លាប់របស់ប្រជាជនជប៉ុន។

ផ្កាសាគូរ៉ារីកស្គុះស្គាយត្រឹម​រយៈពេលខ្លី ដោយបង្ហាញពីសម្រស់ដ៏ស្អាតបំផុតរបស់ខ្លួន ហើយបន្ទាប់មកក៏បាត់ទៅ​តាម​ខ្យល់។

ប្រភេទផ្កាផ្សេង ឧទាហរណ៍ដូចជាផ្កាកុលាប បន្ទាប់ពីបញ្ចប់ដំណាក់កាលដែលស្អាតបំផុតនឹងប្រែទៅជាពណ៌ត្នោត ហើយ​នៅ​ជាប់​នៅ​លើ​ដើម។

ផ្កាសាគូរ៉ារីកស្គុះស្គាយត្រឹម​រយៈពេលប៉ុន្មានថ្ងៃប៉ុណ្ណោះ បន្ទាប់មកត្របក់ផ្កាជ្រុះស្ទើរតែទាំងអស់។ យើងមិនអាចមើល​ឃើញ​ទិដ្ឋភាព​​ផ្កា​សាគូរ៉ា​ប្រែ​ទៅជាពណ៌ត្នោតនៅ​លើ​ដើមដូចប្រភេទផ្កាផ្សេងទៀតឡើយ។

ចាប់តាំងពីពេលនោះមក ប្រជាជនជប៉ុនដឹងពី “ភាពស្រស់ស្អាត” នៃផ្កាសាគូរ៉ា ហើយសង្ឃឹមថា “នៅពេលដែលខ្លួន​ស្លាប់​ក៏​មានភាពស្រស់ស្អាតដូចជាផ្កាសាគូរ៉ា” ផងដែរ។

ចំណុចនេះបង្ហាញពីទំនាក់ទំនងរវាងផ្កាសាគូរ៉ា និងទស្សនៈចំពោះជីវិត និងសេចក្តីស្លាប់របស់ប្រជាជនជប៉ុន។

បំណងចង់ជួបជុំនៅក្រោមដើមផ្កាសាគូរ៉ាស្រុកកំណើត

ជប៉ុនបាត់បង់ទាហានរាប់មិនអស់អំឡុងសង្គ្រាមលោកលើកទី ២ ។ ជាពិសេសនៅដំណាក់កាលក្រោយ អ្នកបើកយន្តហោះដែលស្ម័គ្រស្លាប់សុទ្ធតែគិតថា “សេចក្តីស្លាប់គឺជារឿងធម្មតា” ។ ពាក្យសន្យារបស់ពួកគេនៅពេលនោះគឺ “ជួបគ្នាក្រោមដើមផ្កាសាគូរ៉ា Yasukuni” ។

Yasukuni គឺជាទីសក្ការៈបូជានៅទីក្រុងតូក្យូ ដែលជាកន្លែងឧទ្ទិសដល់អ្នកដែលបានលះបង់ដើម្បីជប៉ុន។

Yasukuni គឺជាកន្លែងដែលអ្នកប្រយុទ្ធ និងលះបង់យ៉ាងក្លាហ៊ានដើម្បីប្រទេសជប៉ុនជួបជុំ។

ផ្កាសាគូរ៉ានៅ Yasukuni រីកស្គុះស្គាយ ស្រស់ស្អាតខ្លាំងណាស់។ អ្នកខ្លះនិយាយថា ដោយសារទីនេះប្រមូលផ្តុំព្រលឹងវិញ្ញាណ​របស់អ្នកដែលបានពលីដើម្បីប្រទេសជប៉ុនទើបផ្កាស្អាតដូច្នេះ។

មានអារម្មណ៍ថា ទិដ្ឋភាពព្រលឹងរបស់ពួកគេប្រមូលផ្តុំនៅ Yasukuni ផឹកស្រារួមគ្នាក្រោមដើមផ្កាសាគូរ៉ារីកស្គុះស្គាយ នោះហើយជាអត្តន័យនៃទីសក្ការៈ Yasukuni ដែលជាកន្លែងដឹងគុណចំពោះអ្នកដែលលះបង់ដើម្បីការពារប្រទេស​ជប៉ុន។

ប្រហែលជាមានតែពេលដែលក្រឡេកមើលផ្កាសាគូរ៉ាដោយអារម្មណ៍ទាំងមូល មិនត្រឹម​តែភាពស្រស់ស្អាត ថែមទាំងមាន​ភាព​ឯកកោ និង​ភាព​អាប់​អួរ ទើប​យើង​យល់អំពីទស្សនៈចំពោះជីវិត និងសេចក្តីស្លាប់របស់ប្រជាជនជប៉ុន។

ដោយទស្សនៈគំនិតនោះ ចូរយើងរីករាយនឹងស្រា sake ជប៉ុនក្រោមដើមផ្កាសាគូរ៉ាយ៉ាងស្រស់ស្អាត។

Abe Kengo