“Yubikiri” ថ្ពក់ដៃសន្យាផ្តើមដោយស្នេហាឈ្លក់វង្វេងនៅសម័យមុន

ថ្ងៃសុក្រ 29/03/2024 | 17:09 ល្ងាច

នៅពេលដែលសន្យានឹងគ្នា ក្មេងៗតែងតែថ្ពក់ម្រាមដៃកូនជាមួយគ្នា ហើយច្រៀងចម្រៀងដូចខាងក្រោម៖

ゆびきりげんまん、嘘ついたら針１０００本飲ます！
(Yubikiri genman, uso tsuitara hari sen pon nomimasu)
ថ្ពក់ដៃសន្យាណា បើមិនរក្សាពាក្យសម្តីត្រូវលាបម្ជុលចំនួន ១០០០ ដើម។

គ្រាន់តែអានទំនុកច្រៀងក៏គួរឲ្យញញើតណាស់ទៅហើយ ប៉ុន្តែប្រវត្តិរបស់វារឹតតែគួរឲ្យខ្លាច។ បទចម្រៀងផ្អែកលើរឿងរ៉ាវ “ស្នេហាវីវក់” របស់ជប៉ុន។

Yubikiri (ゆびきり) – តើថ្ពក់ដៃជាអ្វី?

ដូចជាឈ្មោះដែលបានបង្ហាញ នេះជាសកម្មភាពដែលមនុស្សពីរនាក់ថ្ពក់ម្រាមដៃកូននឹងគ្នាដើម្បីសន្យារឿងអ្វីមួយ។

តួអង្គឯកក្នុងរឿងគឺជានារីម្នាក់ដែលធ្វើការនៅតំបន់ភ្លើងក្រហម ដែលជាកន្លែងរកស៊ីពេស្យាចារនៅសម័យនោះ។

នារីៗដែលធ្វើការនៅតំបន់ភ្លើងក្រហមហៅថាស្រីពេស្យា។

ភាគច្រើនក្នុងចំណោមពួកគេមកពីគ្រួសារជនបទក្រីក្រ។

គេនិយាយថា កុមារជាច្រើនត្រូវគេយកទៅលក់ព្រោះគ្រួសារគ្មានលទ្ធភាពសងបំណុល។

លទ្ធផលពួកគេមិនអាចចាកចេញពីតំបន់ភ្លើងក្រហមរហូតដល់សងអស់បំណុល ហើយមនុស្សជាច្រើនត្រូវស្លាប់ទាំងវ័យក្មេងដោយសារជំងឺកាមរោគ និងមនុស្សជាច្រើនក៏បានបញ្ចប់ជីវិតទាំងមិនទាន់ចាកចេញពីតំបន់ភ្លើងក្រហម។

បុរសដែលពួកគេបានជួបគឺភ្ញៀវនៅក្នុងហាង។

គេតំណាលថា ស្ត្រីពេស្យាជាច្រើននាក់បានលង់ស្រលាញ់ភ្ញៀវរបស់ខ្លួន។

ការដែលកាត់ថ្នាំងខាងលើម្រាមដៃកូន Yubikiri (Yubi គឺជាម្រាមដៃ រីឯ Kiri គឺកាត់) ប្រៀបបីដូចជាអ្វីម្យ៉ាងដែលស្រដៀងនឹងបណ្តាសា ឬអាចនិយាយបានជាបំណងប្រាថ្នារបស់នារីនោះ។

គេនិយាយថា ការដែលផ្ញើសក់ទៅឲ្យមនុស្សដែលខ្លួនស្រលាញ់គឺជាសកម្មភាពដែលនិយមនៅសម័យនោះ។

បន្ទាប់មក ស្នេហាដែលឈ្លក់វង្វេងជាងនេះបានផ្លាស់ប្តូរ ហើយមនុស្សមួយចំនួនចាប់ផ្តើមផ្ញើម្រាមដៃ។

មិនមែនក្រចកដែលបានកាត់នោះទេ ប៉ុន្តែជាក្រចកដែលត្រូវដកចេញ។

ត្រឹមតែប៉ុណ្ណឹងក៏មានអារម្មណ៍ដូចក្នុងខ្សែភាពយន្តភ័យរន្ធត់ទៅហើយ។

ហើយបើតាមន័យត្រង់គឺកាត់ម្រាមដៃ។

កាត់កូនដៃរបស់ខ្លួន ហើយផ្ញើទៅឲ្យគូស្នេហ៍គឺជាការចាប់ផ្តើមនៃទម្លាប់កាត់ម្រាមដៃ។

ប្រហែលជាអ្នកទទួលអាចនឹងខ្លាចចំពោះក្តីស្រលាញ់ដ៏វីវក់នេះ?

ខ្លឹមសារបទចម្រៀង

ចូរយើងវិភាគទំនុកច្រៀងនីមួយៗក្នុងបទចម្រៀង។

បើតាមន័យត្រង់ Yubikiri មានន័យថាកាត់ម្រាមដៃ។ អាចនិយាយម្យ៉ាងទៀតថា គឺជាពាក្យសន្យា។

Genman គឺ ១ ម៉ឺនកណ្តាប់ដៃ មានន័យថាត្រូវវាយចំនួន ១ ម៉ឺនដង។

ថ្វីត្បិតតែ ត្រូវវាយឈឺចាប់ តែមិនអាចបិទបាំងកំហុសនោះទេ ដូច្នេះទើបមានឃ្លាក្រោយគឺលាបចំនួន ១០០០ ម្ជុល។

អ្វីដែលគួរឲ្យខ្លាចជាងនេះគឺកុមារប្រើវាទាំងមិនដឹងពីអត្តន័យ។

អ្នកទាំងអស់គ្នា យើងគួរតែបញ្ឈប់ទម្លាប់នេះរបស់ក្មេងៗមែនទេ?

ករណីដ៏គួរឲ្យខ្លាចជាច្រើនទៀតបានកើតឡើង

ស្ត្រីពេស្យាមួយចំនួនថែមទាំងផ្ញើម្រាមដៃរបស់អ្នកដទៃជំនួសម្រាមដៃរបស់ខ្លួន ព្រោះកាត់ម្រាមដៃរបស់ខ្លួននឹងឈឺខ្លាំង ហើយពួកគេក៏មិនមានច្រើនសម្រាប់ផ្ញើឲ្យភ្ញៀវដូចនេះដែរ។

ប្រហែលម្រាមដៃនោះជារបស់មនុស្សស្លាប់ដែលត្រូវគេទិញ ឬម្រាមដៃរបស់អ្នកដែលបង្កបញ្ហាក្នុងចំណោមស្រីពេស្យាជាដើម។

ឃើញថានេះជាពិភពមួយដែលឆ្កួតលីលា។

ហេតុអ្វីបានជាពួកគេធ្វើដូច្នេះ?

ស្ត្រីពេស្យាមិនមានសេរីភាពរហូតដល់សងអស់បំណុល។

ហើយមនុស្សជាច្រើនស្លាប់មុនអាយុដោយសារជំងឺឆ្លងតាមរយៈការរួមភេទ ឬជំងឺផ្លូវចិត្ត។ គេនិយាយថា អាយុជាមធ្យមរបស់នារីទាំងនោះប្រហែល ២២ ឆ្នាំ។

មានតែផ្លូវមួយគត់ដែលពួកគេអាចចាកចេញពីទីនោះ។

គឺមានភ្ញៀវអ្នកមានលោះខ្លួនឲ្យ។

គ្រាន់តែសងប្រាក់ដែលបានខ្ចីនោះ បូកនឹងប្រាក់ដែលនាងអាចរកបាននាពេលអនាគត គឺភ្ញៀវទាំងនោះអាចលោះខ្លួនពួកគេចេញពីនរកបាន។

នោះជាមូលហេតុដែលនារីទាំងនោះតែងតែខំប្រឹងចាប់យកបេះដូងរបស់ភ្ញៀវ។

បទចម្រៀងនេះដូចជាបណ្តាសាយ៉ាងខ្លាំងមួយ មិនស័ក្តិសមសម្រាប់កុមារឡើយ។

អ្នកទាំងអស់គ្នាក៏គួរតែប្រុងប្រយ័ត្នកុំងាយសន្យាជាមួយនរណាម្នាក់។

បើមិនដូច្នោះទេត្រូវលាបម្ជុលរាប់ពាន់?