Chonmage – អាថ៌កំបាំង​នៃ​ម៉ូដ​សក់​បែប​បុរាណ​របស់​សាមូរ៉ៃ​ជប៉ុន

នៅពេលដែលនិយាយពីសាមូរ៉ៃ យើងតែងតែស្រមៃគិតដល់ទិដ្ឋភាពអ្នកចម្បាំងដ៏អស្ចារ្យដៃកាន់ដាវ katana មុតស្រួច និង​គ្រឿង​សឹក​លេច​ធ្លោ។ យ៉ាង​ណា​មិញ នៅ​ពី​ក្រោយ​រូបរាង​ដ៏​ក្លាហាន​នោះ មានចំណុចមួយដែលគ្រប់មានអារម្មណ៍​ថា​ប្លែក​ពី​គេ​គឺ​ម៉ូដ​​សក់ Chonmage ។

យើងម្នាក់ៗនៅពេលដែលបានជ្រួតជ្រាបរឿងរ៉ាវដ៏អស្ចារ្យរបស់សាមូរ៉ៃ យ៉ាងហោចណាស់ក៏ធ្លាប់ស្រមៃចង់ក្លាយទៅ​ជា​អ្នកចម្បាំង​ដ៏​ក្លាហាន​ទាំង​នោះ​ម្តង​ដែរ។ ទោះជាយ៉ាងណា មានចំណុចដែលហាក់ដូចជាតូចមួយបានធ្វើឲ្យមនុស្សជាច្រើន​ស្ទាក់​ស្ទើរនោះ​គឺម៉ូដសក់ Chonmage ។

សូម្បីតែខ្ញុំផ្ទាល់ក៏មិនចូលចិត្តម៉ូដ​សក់​នេះ​ដែរ។ ដូច្នេះហេតុអ្វីបានជាសាមូរ៉ៃទុកម៉ូតសក់បែបនេះ?

Chonmage គឺជាម៉ូដសក់ពិសេសរបស់សាមូរ៉ៃ ដែលគេតែងតែចាត់ទុកថាចម្លែក និង “ពិបាកទ្រាំ” ។ ទោះជាយ៉ាង​ណា អាថ៌កំបាំង​នៅ​ពី​ក្រោយ​រូប​រាង​ដ៏​ពិសេស​នោះ​គឺ ម៉ូដសក់ Chonmage មានមុខងារមានប្រយោជន៍ណាស់។

ចូរយើងស្វែងយល់អំពីមុខងារមានប្រយោជន៍នៃម៉ូដសក់ Chonmage តាមរយៈអត្ថបទនេះ។

តើ Chonmage ជាអ្វី?

នេះជាម៉ូដសក់ដែលតម្រូវឲ្យកោរសក់ផ្នែកខាងមុខថ្ងាស បន្ទាប់មកប្រើខ្សែចងសក់ដែលនៅសល់។ បួង​សក់​នៅ​​លើ​ក្បាល បាន​ក្លាយទៅជាលក្ខណៈពិសេសនៃម៉ូដសក់ Chonmage ។

សក់ផ្នែកខាងមុខត្រូវកោរជាប្រចាំដើម្បីរក្សាម៉ូដសក់។ ប្រសិនបើមិនកោរសក់ជាប្រចាំនោះទេ សក់នឹងដុះ​វែង ហើយ​​មើល​​ទៅ​​កន្លែង​ខ្លះ​​វែង​​កន្លែង​ខ្លះ​ខ្លី ដែលធ្វើឲ្យម៉ូដសក់ Chonmage លែងស្អាត។

“ពន្លឺផ្កាយ” ដែលមានឈ្មោះហៅថា Chonmage

នៅសម័យរដ្ឋសង្រ្គាម ជាកន្លែងដែលកើតមានការប្រយុទ្ធបង្ហូរឈាមជាបន្តបន្ទាប់ ហើយក៏ជាអំឡុងពេល​កត់​សម្គាល់​ប្រវត្តិសាស្ត្រ​របស់​សាមូរ៉ៃ។

ដើម្បីយកឈ្នះគ្រោះថ្នាក់នៅសមរភូមិ ពួកគេពាក់ពាសដែកធ្ងន់ ធ្វើចលនាជាបន្តបន្ទាប់ ហើយបែកញើស។ អារម្មណ៍​​ក្តៅ​​ហ៊ុំ​ព័ទ្ធ​​ជុំវិញ​ខ្លួន ជា​ពិសេស​នៅពេលដែលពាក់មួកការពារធ្ងន់។

មួកត្រូវបានគេផលិតពីដែក ហើយមិនមានខ្យល់ចេញចូលនោះទេ។

ដូច្នេះហើយ ទើបបង្កើតបានជាម៉ូដសក់ Chonmage ដើម្បីបង្កើតគម្លាតតូចរវាងក្បាល និងមួក ជួយឲ្យមានខ្យល់ចេញចូល កាត់បន្ថយញើស និងការពារកុំឲ្យមានក្លិនមិនល្អ។

ដោយផ្អែកលើមុខងារជាក់ស្តែង និងមានប្រយោជន៍នៃម៉ូដសក់ Chonmage ម៉ូដសក់នេះកាន់តែពេញនិយមទៅៗ ហើយ​បាន​ក្លាយ​ជា​ផ្នែក​មួយ​សម្រាប់បុរសសាមូរ៉ៃ។

ម៉ូដ​សក់​នេះ​តំណាងឲ្យស្មារតី​ក្លាហាន ឆន្ទៈ​រឹងមាំ និងលំដាប់ថ្នាក់របស់អ្នកចម្បាំង។

ចុះបើសក់ខ្លីត្រូវធ្វើយ៉ាងណា?

ស្ទីលម៉ូដសក់បែបនេះតម្រូវឲ្យសាមូរ៉ៃត្រូវមានសក់វែងសម្រាប់បួង។ ប្រសិនបើសក់ខ្លី មិនអាចទុកម៉ូដសក់បែបនេះ​នោះ​ទេ។

ចំណុចនេះហាក់​ដូច​ជាពិបាកសម្រាប់សាមូរៃ ដូច្នេះមនុស្សមួយចំនួនពាក់​សក់ក្លែងក្លាយ។

សាមូរ៉ៃដែលបង្ហាញខ្លួនក្នុង manga

តួអង្គសាមូរ៉ៃសំខាន់ៗជាច្រើនក្នុង manga មានសក់បួង ប៉ុន្តែមិនកោរទំពែកនោះទេ បង្កើត​បាន​ជា​លក្ខណៈពិសេស និង​មានអត្ថន័យដោយឡែក។

យ៉ាងណាមិញ ចំពោះសាមូរ៉ៃដែលកំពុងបម្រើការ ត្រូវទុកម៉ូដសក់ Chonmage នេះ។ សាមូរ៉ៃដែលមិនទុកសក់ Chonmage អាច​នឹង​ត្រូវ​គេ​ចាត់​ទុក​ថាជាមនុស្សដែលមិនមានការងារត្រឹម​ត្រូវ។

សក់ Chonmage មើលទៅជាម៉ូដសក់ពិសេសប្លែក មនុស្សក្នុងសង្គមសព្វថ្ងៃពិបាកនឹងទទួលយក។ ដូច្នេះ​ម៉ូដ​សក់​នេះ​​ត្រូវ​​បាន​​កែ​​តម្រូវ​ឲ្យ​សម​​នឹង​​សម័យ​​កាល។

Chonmage – សម្រស់នៃភាពក្លាហានរបស់សាមូរ៉ៃ

នេះជាម៉ូដសក់ដ៏​ទាន់​សម័យ​មួយ​ចំនួននៃ Chonmage មានដូចខាងក្រោម។

ប្រហែលជាអ្នកមិនមែនជាមនុស្សតែម្នាក់ទេដែលពិបាកបែងចែកម៉ូដសក់ Chonmage ។

សក់ Chonmage មិនត្រឹមតែជាម៉ូដសក់បែបបុរាណរបស់សាមូរ៉ៃប៉ុណ្ណោះទេ ថែមទាំងស័ក្តិសមសម្រាប់អ្នកដែលឧស្សាហ៍​ពាក់​មួក​សុវត្ថិភាព​ដូច​ជា​អ្នក​ជិះ​ម៉ូតូ កម្មករ​សំណង់ និងទាហានជាដើម។

តើអ្នកចង់សាកទុកម៉ូដសក់ Chonmage នេះដែរទេ?

ខ្ញុំផ្ទាល់មិនចង់នោះទេ ប៉ុន្តែខ្ញុំចូលចិត្តអ្នកដែល​ចង់​សាកល្បង​ម៉ូដ​សក់​នេះ។

Abe Kengo