ប្រភេទ​សត្វ​កម្រ​មួយ​ចំនួន​ដែល​អ្នក​អាច​រក​មើល​ពេល​ទៅ​លេង​ជប៉ុន

ជប៉ុនជាប្រទេសដែលហ៊ុំព័ទ្ធទៅដោយសមុទ្រ ប្រៀបដូចជាជម្រកសម្រាប់សត្វពិសេសជាច្រើនប្រភេទ។ សត្វទាំងនេះ​ត្រូវ​បាន​រក​ឃើញ​នៅ​ជប៉ុន ហើយពួកវាជាផ្នែកមួយដ៏សំខាន់ក្នុងប្រព័ន្ធអេកូឡូស៊ី និងវប្បធម៌នៃប្រទេសនេះ។

នៅពេលដែលទៅលេងតាមតំបន់ទីក្រុងប្រទេសជប៉ុន អ្នកអាចចំណាយពេលស្វែងយល់ និងថតរូបសត្វទុកជាអនុស្សាវរីយ៍​សម្រាប់ដំណើរកម្សាន្តរបស់ខ្លួន ហើយចែករំលែកប្រាប់គ្រប់គ្នាពីភាពស្រស់ស្អាតនៃធម្មជាតិជប៉ុន។

ដូច្នេះហើយ ចូរយើងស្វែងយល់អំពីប្រភេទសត្វពិសេសមួយចំនួនតាមរយៈអត្តបទខាងក្រោមនេះ។

ទន្សាយព្រៃជប៉ុន

ប្រភេទ​ទន្សាយ​នេះមានពី Hokkaido ដល់ Shikoku និង Kyushu ។ ភាគច្រើនពួកវារស់នៅតំបន់មានវាលស្មៅ និង​ព្រៃ ដែល​មាន​ទំហំ​ប្រហែល ៥០ សង់ទីម៉ែត្រ និងលក្ខណៈពិសេសត្រង់ថាគឺក្បាលពោះពណ៌ស។

កំប្រុកហោះជប៉ុន

ប្រភេទសត្វកំប្រុកនេះមាននៅ Honshu, Shikoku និង Kyushu ដែលមានលក្ខណៈពិសេស​ដូចជាកន្ទុយវែង និងសមត្ថភាពលាតត្រដាងស្បែកដើម្បីហោះពីដើមឈើមួយទៅដើមឈើមួយទៀត។ ពួកវាមើលទៅគួរឲ្យស្រលាញ់ខ្លាំងដូច​ជា​តុក្កតា។

ក្រៅពីជម្រកធម្មជាតិ ពួកវាក៏រស់នៅប្រាសាទ និង​វត្ត​អារាមនៅ​តំបន់​ទំនាប​ជាកន្លែងដែលមាន​ដើម​ឈើ​ច្រើន។

សត្វកែះជប៉ុន

ប្រភេទសត្វកែះជប៉ុនមាននៅកន្លែងជាច្រើនលើកលែងតែ Hokkaido ដែលជាទូទៅរស់នៅរយៈកម្ពស់ពី ១.៥០០ ដល់ ២.០០០ ម៉ែត្រ។ ពួក​វាពូកែឡើងភ្នំ មិនថាច្រាំងថ្មចោទ ឬសណ្ឋានដីពិបាកនោះទេ។

ស្វាជប៉ុន

នៅពេលដែលនិយាយពីស្វាជប៉ុន ពួកវាមានចំណុចពិសេសត្រង់ថាមានទម្លាប់ងូតជ្រោះទឹកក្តៅ។

រូបថតនេះពិតជាគួរឲ្យចាប់អារម្មណ៍ណាស់មែនទេ? សត្វស្វាកំពុងត្រាំទឹកក្តៅ និងប្រើ iPhone ពេលក្រឡេកមើល​ទៅ​ដូច​ជា​មនុស្ស​​ម្នាក់។

បក្សី Gallirallus okinawae

ប្រភេទបក្សី Gallirallus okinawae ជាប្រភេទបក្សីពិសេសរស់នៅលើកោះ Okinawa ប្រទេសជប៉ុន។ ពួកវាហាក់បី​ដូច​ជា​គ្មាន​សមត្ថភាពហោះនោះទេ ហើយជាទូទៅរកសំណីក្នុងព្រៃដូចជាជន្លេន ខ្យង និងសត្វល្អិតផ្សេងទៀត។

យ៉ាងណាមិញ ដោយសារទម្លាប់ផ្លាស់ទីនៅលើដី បក្សី Gallirallus okinawae តែងតែជួបគ្រោះថ្នាក់ព្រោះដើរវង្វេងនៅ​តាម​ផ្លូវ ហើយត្រូវរថយន្តបើកបុក។ ដូច្នេះ​ហើយ បក្សី​ប្រភេទនេះត្រូវបានបញ្ចូលក្នុងបញ្ជីសត្វជិតផុតពូជ។

ពស់កណ្តុរជប៉ុន (Elaphe climacophora)

ប្រភេទពស់កណ្តុរជប៉ុន (Elaphe climacophora) មានលក្ខណៈពិសេសពណ៌បៃតងខ្ចី និងប្រវែងរហូតដល់ទៅ ២ ម៉ែត្រ។ ម្យ៉ាងវិញទៀត ពស់ប្រភេទនេះគ្មានពិសនោះទេ វាតែងតែរស់នៅតំបន់វាលទំនាប វាលស្មៅ និងមាត់ទន្លេ ដូច្នេះ​អ្នក​អាចមើលឃើញពួកវាបានយ៉ាងងាយ។

ឪពុករបស់​ខ្ញុំ​បាន​និយាយ​ថា កាលពី​គាត់​នៅតូច រាល់​ពេល​ដែល​គាត់​ឃើញ​ពស់​កណ្ដុរ គាត់​នឹងចាប់​កន្ទុយ​វា​ហើយ​យោល​វាទៅមក។ ទោះជាយ៉ាងណា គាត់តែងតែបង្រៀនពួកយើងឲ្យចេះស្រលាញ់ និងការពារសត្វតូចៗទាំងនោះ មិន​ត្រូវ​ធ្វើ​បាប​ពួក​វា​នោះ​ទេ។

ទាំងនេះជាការណែនាំចំពោះប្រភេទសត្វដែលមាននៅជប៉ុនតែប៉ុណ្ណោះ ហើយ​មាន​ប្រភេទ​ជា​ច្រើន​ទៀត​កំពុង​រង់ចាំ​អ្នក។

តើអ្នកគិតថារូបថតទាំងនេះអាចនាំមកនូវអនុស្សាវរីយ៍ដែលមិនអាចបំភ្លេចបានដែរទេ? ដូច្នេះអ្នកអាចមកកាន់​តំបន់​ខេត្ត​ក្រុង រីក​រាយ​នឹង​ធម្មជាតិ និងស្វែងរកភាពអស្ចារ្យមាននៅទីនេះ។

អ្នកប្រាកដជាទទួលបានបទពិសោធន៍ដែលមិនអាចបំភ្លេចបាន នៅពេលដែលអ្នកមើលឃើញប្រភេទសត្វកម្រទាំង​នេះ​រស់​នៅ​ក្នុងជម្រកធម្មជាតិរបស់ពួកវា។

តោះចូររៀបគម្រោងដំណើរកម្សាន្តនៅថ្ងៃនេះ ហើយស្វែងយល់ពីពិភពសត្វចម្រុះពណ៌នៃប្រទេសជប៉ុន។

Abe Kengo