ស្វែងយល់អំពីវប្បធម៌ងូតទឹក Ofuro ពិសេសប្លែករបស់ជប៉ុន

នៅជប៉ុនមានកន្លែងជ្រោះទឹកក្តៅតិចណាស់ដែលគេហៅថា “konyoku” ជាកន្លែងដែលបុរស និងស្រ្តីងូតទឹកជាមួយ​គ្នា​ដោយមិនស្លៀក​សម្លៀក​បំពាក់អ្វីទាំងអស់។ ទោះជាយ៉ាងណា នៅកន្លែងមួយចំនួនគ្រប់គ្នាអាចពាក់កន្សែង ឬឈុតហែលទឹក។ ចំណុចនេះមិនពាក់ព័ន្ធនឹង​សកម្មភាព​ផ្លូវ​ភេទ​ឡើយ គ្រាន់​តែ​ជា​រឿងធម្មតានៃ​វប្បធម៌​ងូត​ទឹក​​របស់​ជប៉ុន​ប៉ុណ្ណោះ។

ទម្រង់ងូតទឹក Konyoku នេះមានប្រភពតាំងពីសម័យមុន នៅពេលដែលរឿង​ងូតទឹកបានក្លាយជារឿងធម្មតាក្នុងវប្បធម៌ងូតទឹករបស់ជប៉ុន។ តើអ្នកធ្លាប់ឆ្ងល់ចំពោះវប្បធម៌ងូតទឹករបស់ជប៉ុនដែរទេ?

ចូរយើងស្វែងយល់ពីចំណុចដែលគួរឲ្យចាប់អារម្មណ៍ និងបទពិសោធន៍ដែលភ្ញៀវទេសចរណ៍បរទេសទទួលបានពេល​ងូត​ទឹក Konyoku របស់​ជប៉ុន​នៅ​សម័យ​នោះ។

ប្រវត្តិនៃទំនៀមទម្លាប់ងូត Ofuro

ដោយសារភូមិសាស្រ្តជប៉ុនមានភ្នំភ្លើងច្រើន ដូច្នេះមានប្រភេទជ្រោះទឹកក្តៅធម្មជាតិច្រើនរាប់មិនអស់។

ចាប់តាំងពីសតវត្សទី ៦ ប្រជាជនជប៉ុនបានបង្កើតទម្លាប់ត្រាំទឹក ហើយចាត់ទុកជាសកម្មភាពល្អចំពោះសុខភាព និង​ភាព​រីក​រាយ។

ក្រៅពីត្រាំអាងទឹកនៅផ្ទះ ប្រជាជនជប៉ុនថែមទាំងទៅវត្តដើម្បីលាងជម្រះរូបកាយ និងចិត្ត។ នៅទីនោះ គេប្រើ​អាង​ទឹក​សម្រាប់​លាង​សម្អាត​ភាព​កខ្វក់ និងកង្វល់ ឆ្ពោះទៅរកភាពស្ងប់ស្ងាត់ និងសន្តិភាពក្នុងចិត្ត។

ភាពស្រស់ស្អាតនៃវប្បធម៌ងូតទឹក – Furofurumai

នៅពេលនោះ គ្រួសារនីមួយៗមានបន្ទប់ទឹកកាន់តែច្រើនឡើង ជាពិសេសគ្រួសារដែលមានជីវភាពធូរធា។

ក្រៅពីប្រើ​អាងទឹក​សម្រាប់​តម្រូវ​ការ​អនាម័យ​ផ្ទាល់​ខ្លួន វប្បធម៌ពិសេសដែលមានឈ្មោះថា “Furofurumai” បាន​លេច​​ឡើង។ “Furofurumai” គឺជាសកម្មភាពអញ្ជើញភ្ញៀវចូលងូតអាងទឹកនៅផ្ទះ ហើយបន្ទាប់មកទទួលពួកគេដោយ​ពិធី​តែ និង​ជប់​លៀង។

សម័យ Edo ៖ អាងងូតទឹកពាក់កណ្តាលខ្លួន – Todanaburo 

នៅសម័យ Edo (១៦០៣ – ១៨៦៨) គឺជាសម័យកាលចុងក្រោយនៃសម័យសាមូរ៉ៃ ដែលសម្គាល់ដោយសន្តិភាព និង​រុង​រឿង។

ក្នុងបរិបទនោះ វប្បធម៌ងូតទឹករបស់ជប៉ុនក៏បានអភិវឌ្ឍយ៉ាងខ្លាំងដោយទម្រង់អាងងូតទឹកប្លែកៗជាច្រើន ដែល​មួយ​ក្នុង​ចំណោម​នោះ​គឺ Todanaburo – អាងងូតទឹកពាក់កណ្តាលខ្លួន។

អ្នកងូតអង្គុយក្នុងអាង ដោយរាងកាយផ្នែកខាងក្រោមត្រាំក្នុងទឹកក្តៅ ចំណែករាងកាយផ្នែកលើហាក់ដូចជា​កំពុង​ស្ទីមសូណា។

ដើម្បីរក្សាកម្តៅ គេប្រើប្រអប់ព័ទ្ធជុំវិញរាងកាយផ្នែកខាងលើ ហើយដោយសារតែប្រអប់នេះមើលទៅដូចជាទូដាក់​ចាន (戸棚 – Todana) ដូច្នេះ​គេ​ហៅ​ថា Todanaburo ។

នៅជប៉ុនក៏មានកន្លែងងូតទឹកសាធារណៈមួយចំនួនហៅថា “yunaburo” ដែលនៅពេលខ្លះគេប្រើដូចជាកន្លែងសម្រាប់​សកម្មភាព​ពេស្យា​ចារ។

នៅពេលថ្ងៃ បុគ្គលិកមានតួនាទីលាងសម្អាតខ្នងរបស់អតិថិជននៅបន្ទប់ទឹក ហើយចាប់ពីរសៀលទៅ មានពាក្យ​ចចាម​អារ៉ាម​ថា ពួក​គេធ្វើសកម្មភាពពេស្យាចារ។

ប្រហែលនៅពេលដែល​អាក្រាតកាយរឿងនោះកើតឡើងគ្រាន់តែជារឿង​ចៃដន្យ​ប៉ុណ្ណោះមែនទេ?

នៅជាន់ទីពីរបន្ទប់ទឹកសាធារណៈ…

ឮគេថា នៅទីនោះមានកន្លែងសម្រាកបន្ធូរអារម្មណ៍ ហើយត្រូវគេចាត់ទុកជាកន្លែងគូស្នេហ៍ប្រុសស្រីជួបគ្នា និងធ្វើរឿង​ជា​ច្រើន​ខុសៗ​គ្នា។

ប្រហែល​មក​ពី​ក្រោយ​ពេល​លាងសម្អាតរាងកាយហើយមើលទៅ។

នៅដើមសម័យ Edo បុរសជាច្រើនបានទៅដល់ Edo (សព្វថ្ងៃគឺ Tokyo) ដើម្បីធ្វើការ ដែលបណ្តាលឲ្យអតុល្យភាព​យេន​ឌ័រ​ធ្ងន់​ធ្ងរ។

ដូច្នេះ ជារឿងធម្មតាទៅហើយ ដែលស្ត្រីបោកប្រាស់ និងផិតក្បត់ ដោយធ្វើឲ្យរដ្ឋាភិបាលចេញច្បាប់រឹតបន្តឹងការគ្រប់គ្រង ក្នុងនោះបានប្រកាសថា អំពើផិតក្បត់អាចកាត់ទោសប្រហារជីវិត។

ទោះជាយ៉ាងណា ហាក់បីដូចជាស្រ្តីតិចណាស់ដែលត្រូវកាត់ទោសប្រហារជីវិត។

សូម្បីតែអ្នកដែល​អនុវត្ត​ច្បាប់​ក៏​យល់​ថា ការ​អនុវត្ត​ទោស​ប្រហារ​ជីវិត​ចំពោះទង្វើ​ផិត​ក្បត់ធ្ងន់ធ្ងរខ្លាំង។

ដោយធ្លាប់ជាលក្ខណៈពិសេសនៃវប្បធម៌ងូតទឹក Onsen ជប៉ុន ឥឡូវនេះបញ្ហាបុរស និងស្រ្តីងូតទឹកជាមួយគ្នាបានក្លាយជារឿងកម្រ ជំនួស​ដោយ​បទ​ប្បញ្ញត្តិ​ងូត​ទឹក​ដាច់​ដោយ​ឡែក។ យ៉ាងណាមិញ នៅតែមានកន្លែងងូតទឹកក្តៅមួយចំនួនរក្សាប្រពៃណីនេះ ដូចជាកត់ចំណាំពីអតីតកាល។

មិត្តរបស់ខ្ញុំរំភើបចិត្តជាខ្លាំងនៅពេលដែលគាត់បានចូលកន្លែងងូតទឹករួម ប៉ុន្តែនៅទីនោះមានសុទ្ធតែស្រ្តីចំណាស់ ហើយ​នៅ​ទី​បំផុត​គាត់​ថែម​ទាំង​ត្រូវ​គេ​ចំអក​ព្រោះ​តែភាពអៀនខ្មាស់របស់ខ្លួន។

សព្វថ្ងៃនេះ នារីវ័យក្មេងមានទស្សនៈ និងរបៀបរស់នៅថ្មី ច្រើនតែលែងចាប់អារម្មណ៍នឹងទម្រង់ងូតទឹករួមទៀតហើយ។ អ្នក​ទាំង​អស់​គ្នា​កុំ​រំពឹង​ទុក​ច្រើន​នៅ​ពេល​ដែល​ទទួលយកបទពិសោធន៍ស្រដៀងគ្នា។

Abe Kengo