ហេតុអ្វីបានជាសម័យកាលសាមូរ៉ៃត្រូវបញ្ចប់?

ថ្ងៃព្រហស្បតិ៍ 08/02/2024 | 17:11 ល្ងាច

នៅសម័យ Edo ជាសម័យកាលមានសន្តិភាព និងស្ថិរភាព ដែលគ្រប់គ្រងដោយ Tokugawa Shogunate នៃវណ្ណៈសាមូរ៉ៃដឹកនាំ។

យ៉ាងណាមិញ ក្រោយអំឡុងពេលជាង ២៦៥ ឆ្នាំ សម័យកាល Edo បានឈានដល់ទីបញ្ចប់ក្នុងឆ្នាំ ១៨៦៨ ។ ព្រឹត្តិការណ៍សំខាន់នេះហៅថា Meiji Restoration ដែលកត់សម្គាល់ការផ្ទេរអំណាចពីមេដឹកនាំសាមូរ៉ៃ Yoshinobu Tokugawa ទៅព្រះចៅអធិរាជ។

បន្ទាប់មក ជប៉ុនឈានចូលសម័យកាលទំនើបកម្មយ៉ាងឆាប់រហ័ស។

ពិតជាគួរឲ្យសោកស្តាយដែល Samurai និង Ninja លែងមានទៀត។

ដូច្នេះហេតុអ្វីបានជាសម័យកាលសាមូរ៉ៃឈានដល់ទីបញ្ចប់?

ចូរយើងក្រឡេកមើលប្រវត្តិនៃចុងសម័យ Edo ដើម្បីដឹងពីមូលហេតុ។

ជប៉ុនជាប្រទេសដែលធ្លាប់បិទច្រក

ជប៉ុនអនុវត្តគោលនយោបាយបិទប្រទេស ដោយកាត់ផ្តាច់សកម្មភាពពាណិជ្ជកម្មជាមួយបរទេស (លើកលែងតែតំបន់មួយចំនួន) ។

លទ្ធផលជប៉ុនបានអភិវឌ្ឍវប្បធម៌ពិសេសដោយឡែករបស់ខ្លួន ប៉ុន្តែមូលហេតុដែលជប៉ុនផ្តាច់ខ្លួនចេញពីពិភពលោក ដោយសារប្រទេសនេះមានការប្រុងប្រយ័ត្នចំពោះការត្រួតត្រាអាណានិគម។

អ្នកផ្សព្វផ្សាយគ្រិស្តសាសនាបានទៅកាន់បណ្តាប្រទេសអាស៊ី ចូលទៅជិតប្រជាជន ហើយធ្វើឲ្យប្រទេសទាំងនេះក្លាយជាអាណានិគម។

ដោយយល់ពីស្ថានភាពនេះ ជប៉ុនបានសម្រេចចិត្តបិទច្រក ហើយគៀបសង្កត់គ្រីស្ទបរិស័ទក្នុងប្រទេស។

មានមនុស្សជាច្រើនស្លាប់ ដូច្នេះយើងមិនអាចវិនិច្ឆ័យថាសកម្មភាពនេះល្អ ឬអាក្រក់នោះទេ។ យ៉ាងណាមិញ ប្រសិនបើចំនួនអ្នកជឿនៅតែបន្តកើនឡើង ជប៉ុននឹងក្លាយជាប្រទេសក្រោមអាណានិគម។

ជប៉ុនបើកប្រទេសបន្តិចម្តងៗ

ប្រទេសជាច្រើនរកមធ្យោបាយទាក់ទងនឹងជប៉ុន ដែលជាប្រទេសកំពុងបិទច្រក។ សូម្បីតែអាមេរិកក៏បញ្ជូននាវាចម្បាំងមកដើម្បីបង្ខំឲ្យជប៉ុនបើកទ្វារផងដែរ។

ដោយភ្ញាក់ផ្អើលនឹងកប៉ាល់ដែកធំដែលពួកគេមិនធ្លាប់ឃើញពីមុនមក ដូច្នេះការជជែកដេញដោលបានផ្ទុះឡើងនៅជប៉ុន តើគួរតែបើកប្រទេសដែរទេ?

នៅទីបំផុត ដោយសារភាពខុសគ្នានៃកម្លាំងយោធា ជប៉ុនត្រូវបង្ខំចិត្តបើកទ្វារ។

សង្គ្រាមស៊ីវិលកាន់តែខ្លាំងឡើងនៅជប៉ុន

នៅតំបន់ភាគខាងលិចខេត្ត Kagoshima នាពេលសព្វថ្ងៃ តំបន់ដែលមានឥទ្ធិពលមានឈ្មោះថា Satsuma ។

នៅទីនេះល្បីយកឈ្នះកងទ័ពអង់គ្លេស ដែលធ្វើឲ្យពួកគេលាន់មាត់និយាយថា “អ្នកចម្បាំងទាំងនេះក្លាហានជាងការគិតទៅទៀត ពិតជាគួរឲ្យសរសើរណាស់!” ហើយនៅទីបំផុតភាគីទាំងពីរបានក្លាយជាមិត្ត។

ក្រោយមក Satsuma និង Choshu ដែលស្ថិតនៅខេត្ត Yamaguchi សព្វថ្ងៃ បានលើកឡើងចលនាផ្ដួលរំលំ Shogunate (រដ្ឋាភិបាលនៅពេលនោះ) ហើយបង្កើតយុគសម័យថ្មី។

ថ្វីត្បិតតែ នេះជាសង្រ្គាមរវាងប្រជាជនជប៉ុនក៏ដោយ ប៉ុន្តែតាមពិតទៅ នៅពីក្រោយ Satsuma និង Choshu មានការគាំទ្រពីអង់គ្លេស ខណៈដែលភាគី Shogunate មានការគាំទ្រពីបារាំង បានធ្វើឲ្យសង្រ្គាមស៊ីវិលនេះក្លាយទៅជាសង្រ្គាមប្រូកស៊ីរវាងអង់គ្លេស និងបារាំង។ សង្គ្រាមកាន់តែតានតឹង បង្ខំឲ្យភាគីទាំងពីរត្រូវនាំចូលសព្វាវុធ បណ្តាលឲ្យមានការខ្ចីប្រាក់ពីអង់គ្លេស និងបារាំងកាន់តែច្រើនឡើង។

ថ្វីត្បិតតែ Shogunate នៅមានសមត្ថភាពប្រយុទ្ធ ប៉ុន្តែព្រួយបារម្ភថា សង្គ្រាមធ្វើឲ្យជប៉ុនជំពាក់បំណុល ហើយក្លាយជាអាណានិគម មិនថាភាគីណាឈ្នះក៏ពួកគេសម្រេចចិត្តប្រគល់អំណាចឲ្យអធិរាជវិញ ដោយបើកសករាជថ្មី។

ចាប់ពីពេលនោះមក អធិរាជបានក្លាយជាចំណុចរួម ហើយអ្នកដែលមកពី Satsuma និង Choshu កាន់តំណែងសំខាន់ក្នុងរដ្ឋាភិបាល។

បើក្រឡេកមើលចំនួននាយករដ្ឋមន្ត្រីជប៉ុនភាគច្រើនមកពីខេត្ត Yamaguchi ដែលផ្សារភ្ជាប់នឹងទំនាក់ទំនងប្រវត្តិសាស្ត្រ Choshu យើងអាចមើលឃើញឥទ្ធិពលដ៏អស្ចារ្យរបស់ពួកគេក្នុងពិភពនយោបាយ។

លទ្ធផលឯករាជ្យភាពត្រូវបានរក្សា