បញ្ហាស្រលាញ់​ភេទ​ដូច​គ្នា​របស់​សាមូរ៉ៃ (Shudo) ខុស​គ្នា​យ៉ាង​ណា​​បើ​ធៀប​នឹង​ពិភព​លោក

ប្រហែលជាអ្នកទាំងអស់គ្នាយល់ថា ជប៉ុនជាប្រទេសដែលមិនច្បាស់អំពី LGBT (អ្នកស្រលាញ់ភេទដូចគ្នា) ប៉ុន្តែនោះ​គ្រាន់​តែ​ជារឿងនៅសម័យនេះប៉ុណ្ណោះ។ ជាក់ស្តែង កាលពីសម័យមុនសាមូរ៉ៃមានទំនាក់ទំនងភេទដូចគ្នា។

យ៉ាងណាមិញ នេះជាចំណុចខុសប្លែកនឹងប្រទេសផ្សេងទៀតដែលគេហៅថា “Shudo” ក្នុងវប្បធម៌ជប៉ុន។ Shudo មិន​​ត្រឹម​តែជាវិធីបំបាត់ចំណង់ផ្លូវភេទប៉ុណ្ណោះទេ ថែមទាំងបង្កប់អត្ថន័យប្រយុទ្ធជាមួយគ្នាដល់ទីបញ្ចប់ តាំង​ចិត្ត​ត្រៀម​​ខ្លួន​ប្រឈម​​មុខ​​នឹងសេចក្តីស្លាប់។

ពួកគេប្រហែលជានិយាយដាក់គ្នាថា “ខ្ញុំនឹងស្លាប់ដើម្បីអ្នក” ។ ខ្ញុំមិនខ្វល់នោះទេ ប៉ុន្តែប្រសិនបើឮពាក្យទាំងនេះ ខ្ញុំ​ប្រហែល​ជា​មាន​អារម្មណ៍​ថា មិនដឹងត្រូវធ្វើយ៉ាងណា។

អំឡុងពេលបង្ហាញពីក្តីស្រលាញ់

ហាក់បីដូចជាសាមូរ៉ៃចំណាយពេលសម្រាប់ទំនាក់ទំនងនេះច្រើនជាងអ្នកមានភេទខុសគ្នាទៅទៀត។

យោងទៅតាមសៀវភៅណែនាំដើម្បីក្លាយទៅជាសាមូរ៉ៃ ជាដំបូង ពួកគេត្រូវចាត់ទុកបុរសដែលខ្លួនចូលចិត្តដូចជាមិត្តភក្តិ​ធម្មតា​ប្រហែល ៥ ឆ្នាំ ហើយបន្ទាប់មកនៅពេលដែលពួកគេប្រាកដថា បុរសរូបនោះមិនក្បត់ ទើបពួកគេបង្ហាញ​ពី​អារម្មណ៍។

ម្យ៉ាងវិញទៀត ស្នេហាពិតទុកសម្រាប់មនុស្សម្នាក់ក្នុងមួយជីវិតប៉ុណ្ណោះ។ ពួកគេមិនដាក់ចិត្តស្រលាញ់នរណាម្នាក់ប្រសិន​បើ​ភាគី​មិន​ព្រម​រួម​ដំណើរ​នោះទេ។ ចំណុចនេះមានន័យថា ពួកគេមិនបានចាប់ផ្តើមទំនាក់​ទំនង​ដោយចៃដន្យ​ឡើយ។

របៀបបដិសេធ

ស្រលាញ់នរណាម្នាក់ ស្រាប់តែយល់ថាមិនត្រូវគ្នាជារឿងដែលអាចនឹងកើតឡើងទាំងទំនាក់ទំនងបុរស និងស្រ្តី ក៏ដូច​ជាភេទដូចគ្នា។ របៀបបដិសេធសម្រាប់ករណីនេះក៏ត្រូវបានលើកឡើងក្នុងសៀវភៅណែនាំផងដែរ។

ប្រសិនបើសម្រេចចិត្តស្រលាញ់គ្នារហូតដល់ថ្នាក់ហ៊ានប្រថុយជីវិត យល់អំពីភាគីជារឿងដែលសំខាន់ខ្លាំងណាស់។ បើ​សិន​ជា​យល់​ថា​មិនត្រូវគ្នាក្នុងដំណាក់កាលនេះ ពួកគេនឹងកាត់ផ្តាច់ស្នេហាទាំងអស់ ហើយបដិសេធទំនាក់ទំនងយ៉ាង​ច្បាស់។

កុំផ្តោតសំខាន់លើរឿងខុស ឬត្រូវ។ និយាយចេញរឿងទាំងនោះគ្រាន់តែដោះស្រាយបណ្ដោះ​អាសន្ន​ប៉ុណ្ណោះ ហើយ​មិន​អាច​​ដោះ​ស្រាយ​​បញ្ហា​​ដែល​នៅ​ពី​ក្រោយ​នោះ​ទេ។ នេះជារបៀបគិតដែលស៊ី​ជម្រៅណាស់មែនទេ?

តើសាមូរ៉ៃដែលស្រលាញ់ភេទដូចគ្នាចូលចិត្តស្រ្តីដែរទេ?

បើតាមសៀវភៅណែនាំគឺអត់នោះទេ។

សាមូរ៉ៃដែលស្រលាញ់ភេទដូចគ្នាស្មោះចំពោះមនុស្សម្នាក់អស់មួយជីវិត។ មិនសំខាន់ថា បុរស ឬស្រ្តីនោះទេ បញ្ហាស្រលាញ់មនុស្សពីរនាក់ក្នុងពេលតែមួយជារឿងដែលមិនអាចទទួលយកបានឡើយ។

ជាក់ស្តែងតើស្នេហារបស់សាមូរ៉ៃយ៉ាងណា?

ថ្វីត្បិតតែ មិនអាចស្រលាញ់មនុស្សពីរនាក់ក្នុងពេលតែមួយ យ៉ាងណាមានអ្នកស្រលាញ់ភេទដូចគ្នាមួយចំនួនខុសគ្នា ប៉ុន្តែមិនច្រើននោះទេ។

ឧទាហរណ៍៖ នៅលើសមរភូមិគ្មានស្រ្តីនោះទេ មានតែបុរសប៉ុណ្ណោះ។ សាមូរ៉ៃមួយចំនួនអាចនឹងមានអារម្មណ៍រំភើបពេលចូលរួមសមរភូមិ។

ប្រសិនបើក្នុងចំណោមនោះមានបុរសសង្ហាម្នាក់ តើអាចនឹងបង្កើនអារម្មណ៍រំភើបដែរទេ? មានករណីជាច្រើនពួក​គេ​មិនអាចគ្រប់គ្រងខ្លួនឯង ហើយក៏ចាប់ផ្តើមរួមភេទ។

ក្រៅពីនេះ ក្នុងរឿងភាគជប៉ុន មានបុរសកាន់ដាវពីរនាក់ឈរនៅពីក្រោយស្តេចក្រាញ់។ ប្រហែលពួកគេជាដៃគូអ្នកស្រលាញ់​ភេទដូចគ្នានៃស្តេចក្រាញ់។ ក្នុងរឿងទាំងនេះ ពួកគេតែងតែមានរូបរាងសង្ហា។

ហើយជាការពិតណាស់ ស្តេចក្រាញ់ត្រូវការអ្នកស្នងតំណែងម្នាក់ដែលជាកូនរបស់ខ្លួន ដូច្នេះការដែលមានប្រពន្ធច្រើន​ក៏​ជា​រឿង​ធម្មតា​ដែរ។ មិនដឹងថាត្រូវនិយាយបែបណានោះទេ សាមូរ៉ៃជប៉ុនពិតជាខ្លាំងណាស់មែនទេ។ 

បុគ្គលដែលមានឈ្មោះថា Toyotomi Hideyoshi

Toyotomi Hideyoshi ដែលជាទ័ពថ្មើរជើងកម្រិតទាបបានក្លាយទៅជាសាមូរ៉ៃឈានមុខគេនៅជប៉ុន។ ដោយល្បីថាជាមនុស្សស្រលាញ់ស្ត្រី ដូច្នេះគាត់មិនចាប់អារម្មណ៍ចំពោះទំនាក់ទំនងភេទដូចគ្នានោះទេ។

រឿងចាប់ផ្តើមដោយបុរសវ័យក្មេងម្នាក់ឈ្មោះថា Hashiba Chokichi បានរួមដំណើរជាមួយនឹង Hideyoshi ក្នុងនាម​ជា​ទ័ព​បម្រើ។ ប្រហែលជារូបរាងសង្ហារបស់ Chokichi បានក្លាយជាប្រធានបទសម្រាប់ពិភាក្សា។ នៅទីបំផុត Hideyoshi បានកោះហៅ Nagayoshi ដើម្បីពិភាក្សាជាសម្ងាត់។ តើដល់ពេលដែលគាត់ត្រូវចាប់ផ្តើមទំនាក់ទំនង​ភេទ​ដូច​គ្នា​ឬ?

ប៉ុន្តែអ្វីដែល Hideyoshi បាននិយាយទៅកាន់ Nagayoshi គឺ “តើអ្នកមិនមានបងស្រីទេឬ?” 

ដូច្នេះ Hideyoshi នៅតែស្រលាញ់ស្រ្តីប៉ុណ្ណោះ។ ប្រហែលជាដោយសារគាត់មិនកើតក្នុងគ្រួសារសាមូរ៉ៃ ដូច្នេះគាត់មិនបាន​បង្រៀន​អំពី Shudo ហើយ​ដូច​ជាមិនចាប់អារម្មណ៍លើរឿងនេះឡើយ។

Abe Kengo