កាត ISIC ផ្តល់​ជូន​ការ​បញ្ចុះ​តម្លៃ​ពិសេស​សម្រាប់​សិស្ស​និស្សិត​អន្តរ​ជាតិ​នៅ​ជប៉ុន

តើអ្នកមានគម្រោងទៅសិក្សានៅបរទេស ឬធ្វើដំណើរទៅក្រៅប្រទេសមែនទេ? បើដូច្នេះមែន សូមកុំរំលងកាតនិស្សិត​អន្តរ​ជាតិ (ISIC) នេះ។ កាតនេះមានវត្តមាននៅតាមបណ្តាប្រទេស និងដែនដីជាង ១៣០ កន្លែងជុំវិញពិភព​​លោក ដែល​នាំ​មក​នូវការបញ្ចុះតម្លៃពិសេសជាច្រើនសម្រាប់សិស្ស/និស្សិត។ 

កាត ISIC ជួយសន្សំសំចៃប្រាក់លើតម្រូវការដូចជា សណ្ឋាគារ ភោជនីយដ្ឋាន រថភ្លើង យន្តហោះ សារមន្ទីរ និងសាលសិល្បៈជាដើម។ បងប្អូនអាចទុកចិត្តបាន ព្រោះនេះ​ជា​ប័ណ្ណ​បញ្ជាក់​សិស្ស/និស្សិតអន្តរជាតិ​តែ​មួយ​គត់​ដែលត្រូវបាន​​​ណែនាំ​ដោយ​អង្គការ​យូណេស្កូ។

យើងដឹងថា ការសិក្សានៅសាលាមានសារៈសំខាន់ចំពោះការអភិវឌ្ឍរបស់សិស្ស និងនិស្សិត។ ទោះជាយ៉ាងណា យើងក៏ចង់លើកទឹកចិត្តអ្នកទាំងអស់គ្នារីករាយនឹងយុវវ័យរបស់ខ្លួនតាមរយៈការធ្វើដំណើរស្វែងយល់ពីវប្បធម៌ពិភព​លោក បទ​ពិសោធ​ន៍សិល្បៈ និង​​ចូល​រួម​សកម្មភាពកម្សាន្ត​សប្បាយ។

ចាប់យកឳកាសនេះ មិនត្រឹម​តែទទួលយកចំណេះដឹងក្នុងសៀវភៅ ថែមទាំងទទួលបានបទពិសោធន៍ដែលមិនអាច​បំភ្លេច​បាន និង​ពង្រីក​ទំនាក់​ទំនង​ជាមួយមិត្តភ័ក្តិជាច្រើនមកពីជុំវិញពិភពលោក។

ជាដំបូង ចូរយើងពិនិត្យមើលការផ្តល់ជូនពិសេសដែលកំពុងមាននៃកាត ISIC នៅជប៉ុនទាំងអស់គ្នា។

• ការបញ្ចុះតម្លៃចូលទស្សនាសារមន្ទីរសិល្បៈ SUNTORY សារមន្ទីរសិល្បៈទំនើបជាតិ Kyoto និងសារមន្ទីរជាតិ Nara ។
• ការបញ្ចុះតម្លៃសំបុត្រនៅពេលចូលរួមសកម្មភាពដូចជា Hola Onda និង Amagi Sky Adventure ជាដើម។
• ការបញ្ចុះតម្លៃសំបុត្រខារ៉ាអូខេនៅ JOYSOUND ជាទម្រង់កម្សាន្តដ៏ពេញនិយមដែលមានប្រភពមកពីប្រទេសជប៉ុន។

នៅជប៉ុន ចំនួននៃសេវាបញ្ចុះតម្លៃសម្រាប់កាត ISIC នៅមានកម្រិត ប៉ុន្តែនៅអឺរ៉ុប ដែលជាកន្លែងបង្កើតកាត ISIC មាន​សេវាបញ្ចុះ​តម្លៃ​ផ្សេងៗគ្នាជាច្រើន។

Abe Kengo