តើ​​ឧស្សាហកម្ម “Influencer” កំពុង​ឈាន​ដល់​​ទី​​បញ្ចប់​​មែន​ទេ?

ការផ្សាយពាណិជ្ជកម្មដោយ Influencer គឺជាការផ្សាយពាណិជ្ជកម្មដោយផ្អេកលើបុគ្គលដែលមានឥទ្ធិពលលើវេទិកាសង្គមដូចជា Youtube, Instagram ជាដើម។ ក្នុងរយៈពេល ៥ ឆ្នាំកន្លងមកនេះ វាបានក្លាយជាការនិយមដែល​ឈាន​មុខគេនៅក្នុងប្រទេសជប៉ុន។ ទោះជាយ៉ាងណាក៏ដោយ ឧស្សាហកម្មនេះកំពុងប្រឈមមុខនឹងការផ្លាស់ប្តូរដ៏ធំ​មួយ។

ទីផ្សារ Influencer ធ្លាប់ត្រូវគេចាត់ទុកជាមធ្យោបាយផ្សាយពាណិជ្ជកម្មដ៏មានប្រសិទ្ធភាពជាងការផ្សាយពាណិជ្ជកម្ម​តាម​ទូរទស្សន៍ ប៉ុន្តែ​ឥឡូវ​នេះ វាគ្រាន់តែជាអតីតកាលប៉ុណ្ណោះ។

បរាជ័យដ៏ធំក្នុងកិច្ចសហប្រតិបត្តិការជាមួយ Vtuber

តើអ្នកធ្លាប់ស្គាល់ពាក្យ “Vtuber” ដែរទេ?

Vtuber ឬគេហៅថា YouTuber និម្មិត សំដៅលើតួអង្គនិម្មិតល្បីនៅលើ YouTube ។ ថ្មីៗនេះ ករណីសហការរវាង Vtuber និង​ក្រុម​ហ៊ុន​ផលិត​នំ​ដែល​ល្បី​នៅ​ជប៉ុន​ប្រឈម​នឹង​បរាជ័យ​ដ៏​ធំ​មួយ។

ករណីកិច្ចសហការរវាងក្រុម Vtuber Hololive និងក្រុមហ៊ុននំ Meiji សម្រាប់ខ្សែសង្វាក់ផលិតផលថ្មី។ យ៉ាងណាមិញ ផលិត​ផល​រួម​សហការ​របស់​ពួក​គេ​បែរ​ជា​លក់មិនចេញ។

ខាងក្រោមនេះជារូបភាពផលិតផល។

ដូចដែលអ្នកបានឃើញ នៅលើផលិតផលមានស្លាកបញ្ចុះតម្លៃដល់ទៅ ៣ ដង ដូច្នេះឃើញថាការលក់គឺមិនល្អ។ ប្រឈមមុខនឹងស្ថានភាពនេះ Meiji ត្រូវបង្ខំចិត្តបញ្ចុះតម្លៃផលិតផលចំនួនពីរដង រហូតដល់ថ្នាក់ទាបជាងថ្លៃដើម ប៉ុន្តែ​ស្ថាន​ភាព​នៅ​តែ​មិន​ផ្លាស់​ប្តូរ។

នេះជាតួអង្គដែលមនុស្សជាច្រើនចូលចិត្ត ចំណែកឯវីដេអូរួមសហការក៏មានអ្នកចូលមើល ៩,៤ លាននាក់ដែរ ប៉ុន្តែ​លទ្ធផល​មិនដូចការរំពឹងទុកនោះទេ។ ចំណុចនេះបង្ហាញថា ទោះបីជាមានអ្នកចូលមើលច្រើនក៏​មិន​ប្រាកដ​ថា​ផលិតផល​នឹង​លក់​ដាច់​ដែរ។

ចំនួន Youtuber ត្រូវចាប់ខ្លួនកាន់តែច្រើន

ចំនួន Youtuber កំពុងតែកើនឡើង ដែលបង្កើតជាស្ថានភាពពួកគេត្រូវប្រកួតប្រជែងយ៉ាងស្វិតស្វាញ ដើម្បីទាក់ទាញអ្នកទស្សនា។ ចំណុចនេះបានធ្វើឲ្យ Youtuber មានទំនោរបង្កើតវីដេអូ “មិននឹកស្មានដល់” ដើម្បីទាក់​ទាញ​ការ​ចាប់​អារម្មណ៍។

ប៉ុន្មានខែកន្លងមកនេះ ចំនួន​ Youtuber ត្រូវ​ប៉ូលិស​ចាប់​ខ្លួនកើន​ឡើង​ជា​បន្តបន្ទាប់។ Youtuber ទាំងនេះមិនខ្វល់​ដល់​ការ​រំខានអ្នកដទៃ ហើយ​ជា​រឿយៗ​តែង​តែ​ធ្វើ​សកម្មភាព​មិនល្អ ដោយថ្មីៗនេះគឺសកម្មភាពខ្វះអនាម័យនៅភោជនីយដ្ឋាន និង​អាហារដ្ឋាន។

ថ្មីៗនេះ មានទំនោរថ្មីមួយគឺ Youtuber ដែលមិនមានភារកិច្ចដូចជាប៉ូលិស បែរជាប្រើកាមេរ៉ាថតសកម្មភាពដេញតាមប្រជាជន​តាម​អំពើ​ចិត្ត។ Youtuber ទាំងនេះតែងតែចាប់ខ្លួន និងចោទប្រកាន់អ្នកដទៃជាជនឆបោក ឬ​បៀត​បៀន​ផ្លូវ​ភេទ បន្ទាប់មកសួរសំណួរជាបន្តបន្ទាប់ ដែលបណ្តាលឲ្យកើតមានករណីកាន់តែធ្ងន់ធ្ងរ។

លទ្ធផលចំនួន Youtuber ត្រូវប៉ូលិសចាប់ខ្លួនទាក់ទងនឹងសកម្មភាពនេះកាន់តែច្រើនឡើង។ អ្នកផ្តល់វេទិកា Youtube ក៏កំពុងផ្តោតលើការដោះស្រាយបញ្ហាទាំងនេះផងដែរ។ ពួកគេបានចាត់វិធានការជាច្រើន ដូចជាបិទ​មុខ​ងារ​រក​ប្រាក់ ឬ​លុប​គណនី Youtuber ដែល​បំពាន។

ដូច្នេះហើយ ប្រសិនបើ Youtuber ដែលថតផ្សាយពាណិជ្ជកម្មផលិតផលសំខាន់របស់ក្រុមហ៊ុនអ្នកត្រូវចាប់ខ្លួន តើអ្នកនឹងដោះស្រាយ​ដោយ​របៀប​ណា? ដូច្នេះអាជីវកម្មជាច្រើនជ្រើសយកមធ្យោបាយកាត់បន្ថយកិច្ចសន្យាផ្សាយពាណិជ្ជកម្ម​ជាមួយ Influencer ដោយសារព្រួយបារម្ភជាប់ពាក់ព័ន្ធនឹងទង្វើប្រគល់ប្រាក់ដល់ជនល្មើស។

ជាក់ស្តែង រឿងនេះមិនមែនកើតឡើងនៅជប៉ុនប៉ុណ្ណោះទេ។ អាជីវកម្មមានទំនោរកាត់បន្ថយសហការជាមួយ Youtuber កំពុង​កើន​ឡើង​នៅ​ទូទាំង​ពិភព​លោក។

ដោយស្ថានភាព Youtuber ប្រព្រឹត្តទង្វើមិនល្អកាន់តែច្រើនឡើង រហូតបង្កគ្រោះថ្នាក់ដល់ជីវិត។ ជាការពិតណាស់ អាជីវកម្មគួរពិចារណាចំពោះទម្រង់ផ្សាយពាណិជ្ជកម្មប្រភេទនេះ។

ទន្ទឹមនឹងនេះ នៅលើបណ្តាញសង្គមក៏លេចឡើងទម្រង់អាជីវកម្មដូចជាទិញ-លក់ចំនួនអ្នកតាមដាន។ ជាមួយនឹងករណីដែលកំពុងកើតឡើង ទម្រង់ផ្សាយពាណិជ្ជកម្មដែលហៅថា Influencer Marketing កំពុងឈានទៅដល់ទីបញ្ចប់។

ខ្ញុំសង្ឃឹម​ថា ទង្វើល្ងង់ខ្លៅនេះមិនកើតឡើងនៅលើពិភពលោកនោះទេ។

Abe Kengo

មើលបន្ថែម: