តើ​ធ្វើ​យ៉ាង​ណា​ទើប​ស្បែក​មុខ​មាន​សុខ​ភាព​ល្អ ភ្លឺ​រលោង និង​ស្រស់​ស្អាត?

ខ្ញុំពិតជារីករាយណាស់ដែលបានចែករំលែកវិធីសាស្ត្រថែរក្សាស្បែកជាក់ស្តែងដល់បងប្អូនកម្ពុជាទាំងអស់គ្នា។ ឥឡូវនេះ យើង​​នឹង​បន្ត​វគ្គថែរក្សាស្បែក​បន្ទាប់​សម្រាប់​ខែនេះ។

ក្នុងអត្តបទមុន តើ​អ្នក​យល់​យ៉ាង​ណា​ចំពោះ​ទម្លាប់ថែរក្សាសម្រស់នៅពេលយប់?

ខ្ញុំប្រាកដថា មានមនុស្សជាច្រើនកំពុងឆ្លងកាត់ការងារដ៏មមាញឹកប្រចាំថ្ងៃ ដូចជាមើលថែកូន ឬថែមម៉ោងរហូតដល់​យប់​ជ្រៅ។ យ៉ាងណាមិញ ស្បែកដែលស្រស់ស្អាតក្មេងជាងវ័យផ្អែកលើទម្លាប់ថែរក្សាស្បែកប្រចាំថ្ងៃ។

ដូច្នេះហើយ មិន​ថា​រវល់​យ៉ាង​ណា​ក៏​ដោយ សូមកុំភ្លេចចំណាយពេលថែរក្សាស្បែកនៅពេលយប់។

ក្នុងរដូវប្រាំង តើអ្នកចាប់អារម្មណ៍ទេថា ស្បែករបស់ខ្លួនស្ងួត ហើយគ្រើមដែរទេ?

សូមកុំបារម្ភ ព្រោះនៅពេលដែលអាកាសធាតុប្រែប្រួល គឺជាពេលដែលល្អបំផុតសម្រាប់ថែរក្សាសុខភាពស្បែក។

តើអ្នកធ្លាប់​ឆ្ងល់​ទេ​ថាស្បែកមុខរបស់មនុស្សម្នាក់មានកម្រាស់ប៉ុន្មានដែរទេ? ពិតជាគួរឲ្យភ្ញាក់ផ្អើលព្រោះស្បែកមុខ​ស្តើង​ខ្លាំង​ណាស់ ជាមួយនឹងកម្រាស់​ត្រឹម​​តែ ០,២ មីលីម៉ែត្រ ស្រដៀងនឹងស្រទាប់ថង់រុំអាហារដែរ។

ស្រទាប់ស្បែកមានមុខងារការពារយើងពីប្រតិកម្មខាងក្រៅ ទន្ទឹមនឹងនេះ ជួយឲ្យស្បែកបញ្ចេញញើស កម្ចាត់ភាពកខ្វក់​ចេញ​ពី​រាង​កាយ​ផង​ដែរ។

ក្រៅពីនេះ ស្រទាប់ក្រពេញផលិតប្រេងជួយការពាររំហួតចំណាយទឹកក្នុងស្បែក ធ្វើឲ្យស្បែកភ្លឺរលោងទន់ល្មើយ។

ទន្ទឹមនឹងនេះ ជួយការពារការរីកលូតលាស់របស់បាក់តេរីនៅខាងក្នុងស្បែក។ ទាំងនេះពឹងលើស្រទាប់ក្រពេញផលិត​ប្រេង​ផ្ទុក “អាស៊ីតខ្សោយ” ។ តាមពិតទៅ ញើស ឬក្រពេញផលិតប្រេងរបស់យើងមានសារៈសំខាន់ខ្លាំងណាស់ ដូច្នេះ​យើង​គួរ​តែ​ប្រើតែផលិតផលដែលផ្ទុកកម្រិតអាស៊ីតខ្សោយសម្រាប់ថែរក្សាស្បែក។

អ្នកប្រហែលជាបែកញើសញឹកញាប់នៅពេលដែលអាកាសធាតុក្តៅមែនទេ? ខ្ញុំវិញបែរជាមានអារម្មណ៍ស្រស់ស្រាយណាស់។ ខ្ញុំមិនដែលប្រើប្រភេទ​ហ្វូម​លាង​មុខដែលផ្ទុកកម្រិតលាងសម្អាតខ្ពស់សម្រាប់ក្រពេញផលិតប្រេងនោះទេ។

ព្រោះប្រសិនបើអ្នកប្រើផលិតផលថែរក្សាស្បែកដែលមានកម្រិតអាល់កាឡាំងខ្ពស់ ស្រទាប់ក្រពេញផលិតប្រេង “ធម្ម​ជាតិ” ត្រូវបំផ្លាញ ហើយស្បែករបស់អ្នកក៏នឹងចុះខ្សោយផងដែរ។ នេះជាមូលហេតុ​ដែលធ្វើឲ្យស្បែកកាន់​តែ​ស្ងួតគ្រើម។

ពេលរំលឹកដល់ផលិតផលថែរក្សាស្បែកដែលមានកម្រិតអាល់កាឡាំង ច្រើនតែរកឃើញក្នុងផលិតផលដែលប្រើប្រេង​រ៉ែ។ ប្រហែលជាអ្នកគិតថា គ្រប់យ៉ាងដែលទាក់ទងនឹង “សារធាតុ​រ៉ែ” សុទ្ធតែល្អសម្រាប់សុខភាព។ ប៉ុន្តែ​ប្រសិន​បើ​​អ្នក​​មិន​ស្វែង​យល់​ឲ្យ​បាន​ល្អិត​ល្អន់ វាអាចនឹងបង្កគ្រោះថ្នាក់ដល់ស្បែករបស់អ្នក។

ដូច្នេះហើយ ខ្ញុំនឹងនិយាយលម្អិតពីប្រភេទប្រេងរ៉ែដែលមានប្រភពមកពីអណ្តូងប្រេងក្នុងអត្តបទបន្ទាប់នៅ​ខែក្រោយ។ ជាចុងក្រោយ ចូរ​ថែរក្សា​ស្បែក​របស់​អ្នក​ឲ្យ​បាន​ទៀង​ទាត់ ដើម្បីឲ្យស្បែករបស់អ្នកភ្លឺរលោងជានិច្ច។