តើ​នៅ​ទីបំផុត​ពិភព​របស់ Gundam បាន​ក្លាយ​ទៅ​ជា​ការ​ពិត​ហើយមែន​ទេ?

ជប៉ុនបានប្រកាស “គម្រោងដែលជួយឲ្យបច្ចេកវិទ្យាក្នុងពិភព Gundam នឹងក្លាយទៅជាការពិតនៅឆ្នាំ ២០២៥” ។ គម្រោង​នេះ​អាច​ហៅ​ម្យ៉ាង​ទៀត​ថា Gundam Open Innovation (GOI) ដែលបានទាក់ទាញក្រុមហ៊ុនចូលរួមជាច្រើន។

សម្រាប់សាលារៀនមានអង្គភាពដូចជា៖

・ក្លឹបរ៉ុក្កែតអវកាសនៃសាកលវិទ្យាល័យ Kanagawa / វិទ្យាស្ថានស្រាវជ្រាវរចនាសម្ព័ន្ធអវកាស

・ការិយាល័យលើកកម្ពស់ការស្រាវជ្រាវ SDG ផ្នែកសង្គមវិទ្យានៃសាកលវិទ្យាល័យ Yamato

・សាកលវិទ្យាល័យវេជ្ជសាស្ត្រ និងសុខុមាលភាពអន្តរជាតិ

・សាកលវិទ្យាល័យ Keio

ខាងផ្នែកព័ត៌មានវិទ្យា (IT) មានក្រុមហ៊ុនដូចជា៖

・Microsoft ជប៉ុន

・NTT DATA SBC Corporation

ក្រៅពីនេះ ក៏មានការចូលរួមពីសាជីវកម្មធំៗមួយចំនួនដូចជា Takasago Thermal Engineering និងឧស្សាហកម្មធុនធ្ងន់ Mitsubishi ជាសាជីវកម្មដែលមានឯកទេសខាងវិស័យផលិតយន្តហោះ រ៉ុក្កែត នាវា ។ល។ ហើយក៏ជាក្រុម​ហ៊ុន​ដែល​ផលិត​យន្ត​ហោះចម្បាំង Zero Fighter ដ៏ល្បីអំឡុងសង្គ្រាមលោកលើកទី ២ ផងដែរ។

ដូច្នេះហើយ យើងអាចមើលឃើញពីភាពម៉ឺងម៉ាត់របស់អ្នកដែលចូលរួមក្នុង​គម្រោងនេះ។ ពួកគេកំពុងព្យាយាមយ៉ាងខ្លាំង​ដើម្បី​សម្រេច​គោល​ដៅ​​នេះ​​នៅ​​ឆ្នាំ ២០២៥ ។

អនុវត្តថាមពលរបស់ Beam Saber សម្រាប់ឧស្សាហកម្មកសិកម្ម

Beam Saber ឬគេហៅថា ដាវពន្លឺ អាចនិយាយបានថាជាអាវុធសំខាន់ក្នុងពិភព Gundam។ វាបង្កើតជាពន្លឺ​រាង​ដាវ និង​បំផ្លាញ​សត្រូវ​មើល​ទៅ​ឡូយ​ណាស់។

ដូច្នេះ​ហើយ ​បាន​ជា​គំនិតអនុវត្ត​ថាមពលពន្លឺក្នុង​ឧស្សាហកម្ម​កសិកម្ម​លេចឡើង។ នោះគឺជាគំនិតប្រើប្រាស់​កាំ​រស្មីប្លាស្មា​ក្នុងទម្រង់ជាដាវ ដើម្បីលើកកម្ពស់ការលូតលាស់របស់រុក្ខជាតិ និងដោះស្រាយបញ្ហាអាហារ។

ក្នុងនាម​ជាអ្នកដែលចូលចិត្តទាំង Gundam និង Star Wars ខ្ញុំមានអារម្មណ៍ថា ពិតជាអស្ចារ្យណាស់ ដែល​បាន​ឃើញ​​ឧបករណ៍​​ធ្វើ​កសិកម្ម​មានរាងដូចជាដាវពន្លឺនៅតាមវាលស្រែ។

ចូរធ្វើឲ្យជីវិតនៅក្នុងលំហក្លាយទៅជាការពិតទាំងអស់គ្នា

នេះគឺជាពិភពរបស់ Gundam ក្នុងបរិបទដែលមនុស្សបានចាកចេញពីផែនដី បោះបង់ចោលប្រតិទិនសុរិយគតិ ហើយឈានចូលយុគសម័យថ្មីមួយហៅថា ប្រតិទិនសកលលោក។

ក្នុងពិភពរបស់ Gundam នៅពេលដែលមនុស្សចាប់ផ្តើមរស់នៅក្នុងលំហ ខួរក្បាលរបស់ពួកគេនឹងផ្លាស់ប្តូរនៅ​ពេល​ដែល​ចេញ​ពី​ទំនាញ​ផែន​ដី ហើយមនុស្ស “ជំនាន់ថ្មី” នឹងលេចឡើង។

ទោះជាយ៉ាងណា ជាក់ស្តែងរហូតមកដល់សព្វថ្ងៃនេះ មនុស្សនៅតែមិនអាចរស់នៅដោយសេរីនៅក្នុងលំហ​នោះ​ទេ។ ដូច្នេះ​គម្រោង​​មួយ​​ផ្សេង​ទៀត​ក៏​ត្រូវ​បាន​អនុវត្ត ដើម្បីធ្វើឲ្យចំណុចខាងលើក្លាយទៅជាការពិត។

យើងហៅគ្រឿងចក្រធុនធ្ងន់ចម្រុះមុខងារខ្នាតធំថា “MS”

នៅក្នុងពិភព Gundam មនុស្សយន្តមានរូបរាងមនុស្សគេហៅថា MS (mobile suit) ។ នេះជាអ្វីដែលមនុស្សយើងកំពុងព្យាយាមដើម្បីសម្រេចបាន។

នៅជប៉ុនគ្រឿងចក្រ​ធុន​ធ្ងន់​ដែល​មើល​ទៅ​ដូច​នេះ​គឺមានហើយ។

មើលទៅវាហាក់ដូចជាត្រូវបានបង្កើតឡើងដោយអ្នកស្រាវជ្រាវដែលស្រលាញ់ចូលចិត្ត Gundam ហើយគម្លាតឆ្ពោះទៅកាន់ Gundam នៅសល់តែមួយជំហានទៀតប៉ុណ្ណោះ។

ខណៈពេលដែលយន្តហោះចម្បាំង និងរថក្រោះកំពុងឆ្ពោះទៅរកការបញ្ជាពីចម្ងាយ គម្រោងនេះហាក់ដូចជាកំពុងឆ្ពោះទៅរកគំរូមនុស្សយន្តដែលដំណើរការដោយមនុស្ស។

ប្រសិនបើ Gundam ក្លាយទៅជាប្រភេទអាវុធបំផ្លិចបំផ្លាញ នោះជារឿងដែលមិនល្អសម្រាប់មនុស្ស។ ប៉ុន្តែប្រសិន​បើ​អាចប្រើសម្រាប់គោលបំណងរក្សាសន្តិភាព ពិតជាគួរឲ្យចាប់អារម្មណាស់ដែល Gundam លាបពណ៌ផ្កាឈូកមែន​ទេ?

ជាចុងក្រោយ ចូរយើងនិយាយពីគំនិតប្រើ Gundam សម្រាប់ការពារប្រទេស។ បច្ចុប្បន្ននេះ ជប៉ុនមានមនុស្សយន្ត Gundam ដែលអាចផ្លាស់ទីមួយនៅ Yokohama ប៉ុន្តែគ្រប់គ្នាចង់ធ្វើឲ្យវាធ្វើដំណើរកាន់តែងាយស្រួល។

បន្ទាប់មក ប្រើក្រាហ្វិកកុំព្យូទ័រសម្រាប់បង្កើតរូបភាពអាវុធទំនើប និងមុខងារផ្លាស់ប្តូររូបរាងមើលទៅដូចពិត។ នេះជាអ្វីដែលនាយករដ្ឋមន្ត្រី Kishida មានប្រសាសន៍នៅមុខកាមេរ៉ាទូរទស្សន៍។

“នៅទីបំផុត កងកម្លាំងស្វ័យការពារនៃប្រទេសរបស់យើងបានប្រើ Gundam ជាផ្លូវការ។ ចាប់ពីពេលនេះតទៅ អង្គភាព Gundam នឹងឈរជើងនៅតាមបណ្តោយឆ្នេរសមុទ្រជប៉ុន និងទទួលខុសត្រូវការពារប្រទេសជាតិ” ។

ប្រហែលនេះមិនមែនជារឿងដែលនិយាយលេងនោះទេ។ បើពិតជាដូច្នេះ អាចនិយាយបានថា ជប៉ុនប្រើ Gundam សម្រាប់ព្រមានសត្រូវ។ F-35 ជា​យន្តហោះ​ចម្បាំង​ជំនាន់ថ្មីបំផុតដែលជប៉ុនកំពុងចាប់ផ្តើមផលិត ហើយមួយ​គ្រឿង​មានតម្លៃដល់ទៅ ៩,៣ ពាន់លានយ៉េន។ រដ្ឋាភិបាល​ជប៉ុន​កំពុង​ព្យាយាម​យ៉ាងខ្លាំង​ដើម្បីផលិតបាន ១៤៣ គ្រឿង​។

ជាមួយនឹងចំនួនទឹកប្រាក់នោះ ប្រហែលជាពួកគេអាចបង្កើតមនុស្សយន្ត Gundam ចេះដើរ និងគំរាមកំហែងសត្រូវដោយប្រើក្រាហ្វិកកុំព្យូទ័រដើម្បីបង្កើតរូបភាពបោកបញ្ឆោតចក្ខុវិញ្ញាណរបស់មនុស្ស។ ដូច្នេះ “Gundam សន្តិ​ភាព” នឹង​លេច​ឡើង ដោយ​មិន​​បារម្ភ​ថា​នឹង​ធ្វើ​ឲ្យ​មនុស្ស​រង​គ្រោះដែរ​អត់​នោះ​ទេ។

Abe Kengo