តើមូលហេតុដែលស្ត្រីមិនអាចឡើងសោយរាជ្យព្រោះតែទស្សនៈ “ឲ្យតម្លៃបុរសមើលងាយស្រ្តី” មែនទេ?
មនុស្សជាច្រើនតែងតែនិយាយថា ជប៉ុនមិនមានអធិរាជនីនោះទេ ប៉ុន្តែតើពិតជាបែបនេះដែរទេ?
រហូតមកដល់ពេលនេះ ប្រទេសជប៉ុនបានឆ្លងកាត់ចំនួន ១២៦ ជំនាន់អធិរាជមកហើយ ដោយចាប់រាប់ពីអធិរាជ Jinmu ដំបូងឡើងគ្រងរាជ្យ។ ប្រសិនបើរាប់ទាំងសម័យកាលដែលប្រទេសត្រូវបែងចែកខាងជើង និងខាងត្បូង ហើយតំបន់នីមួយៗមានអធិរាជរៀងៗខ្លួន នោះជប៉ុនមានអធិរាជសរុបចំនួន ១២៩ អង្គ ដោយក្នុងនោះមាន ៨ អង្គជាស្ត្រីឡើងគ្រងរាជ្យ។
អធិរាជនី
អ្នកក៏អាចហៅថារាជនីបានដែរ ទោះជាយ៉ាងណា កូនរបស់អធិរាជនីមិនអាចឡើងគ្រងរាជ្យឡើយ។ ជាងនេះទៅទៀត ប្រសិនបើអ្នកដែលរៀបការជាមួយអធិរាជនីមិនមានខ្សែលោហិតរាជវង្យ នោះកូនរបស់ពួកគេមិនអាចឡើងស្នងរាជ្យបន្តនោះទេ។
ដូច្នេះហើយ ក្នុងប្រវត្តិសាស្ត្រក៏មិនធ្លាប់មានអធិរាជនីផ្ទេររាជ្យទៅឲ្យកូនរបស់ខ្លួនឡើយ។ ហេតុអ្វីបានជាមានច្បាប់យ៉ាងស្មុគស្មាញបែបនេះ? ខណៈដែលប្រទេសជាច្រើនទៀតភាគច្រើនផ្តោតសំខាន់លើភេទរបស់អ្នកស្នងតំណែងជាប្រុស ឬស្រីប៉ុណ្ណោះ។
បញ្ហាហ្សែន
កុមារចាប់កំណើតដោយការរួមបញ្ចូលហ្សែនរបស់ឪពុក និងម្តាយ ប៉ុន្តែគេគិតថា ក្រូម៉ូសូម Y ត្រូវបានរកឃើញនៅលើបុរសប៉ុណ្ណោះ ទើបអាចបន្តទៅជំនាន់ក្រោយបានល្អ។
ចំពោះក្រូម៉ូសូម X ព្រោះតែមាននៅលើទាំងបុរស និងស្រ្តី ដូច្នេះពិបាកនឹងកំណត់ថា បុគ្គលជំនាន់ក្រោយនៅតែជាប់ខ្សែស្រឡាយរាជវង្យដែរអត់ណាស់។
ដូច្នេះហើយ អធិរាជត្រូវគេចាត់ទុកថា នៅតែអាចរក្សាខ្សែលោហិតរាជវង្យតាំងពីជំនាន់រាជវង្សដំបូង។
តើចំណេះដឹងចំពោះហ្សែនមានតាំងពីពេលណា?
មនុស្សនៅសម័យនេះអាចយល់អំពីបញ្ហាដែលទាក់ទងនឹងក្រូម៉ូសូមតាមរយៈការសិក្សាស្រាវជ្រាវចំណេះដឹងជីវសាស្រ្ត។
ប៉ុន្តែព្រះចៅអធិរាជដំបូង Jinmu ឡើងសោយរាជ្យក្នុងឆ្នាំ ៦៦០ មុនគ្រឹស្តសករាជ ខណៈដែលទស្សនៈចំពោះហ្សែនត្រូវបានរកឃើញប្រហែលនៅឆ្នាំ ១៨៦០ ។ ចំណុចនេះមានន័យថា មនុស្សកាលសម័យបុរាណបានការពារខ្សែស្រឡាយរាជវង្សដោយមិនដឹងពីទស្សនៈតំណពូជឡើយ។
គំនិតដូចគ្នានេះក៏អនុវត្តចំពោះគ្រួសារធម្មតាផងដែរ។
នៅជប៉ុនគ្រប់គ្នាជឿថា ការថែរក្សាពូជពង្សត្រកូលគ្រួសារជារឿងដែលសំខាន់បំផុត។
ថ្វីត្បិតតែគំនិតនេះកំពុងបាត់បង់បន្តិចម្តងៗ ប៉ុន្តែគ្រួសារជាច្រើននៅតែរើសយកកូនប្រុសច្បងធ្វើជាអ្នកស្នងមរតកអាជីវកម្មគ្រួសារ។
ទោះបីជាអ្នកចាត់ទុកនោះជាគំនិត “ឲ្យតម្លៃបុរសមើលងាយស្ត្រី” ក៏ដោយ ខ្ញុំក៏មិនគិតថា គ្រួសាររាជវង្សបានកំណត់ការផ្ទេររាជបល្ល័ង្កទៅឲ្យមនុស្សជំនាន់ក្រោយដោយផ្អែកហ្សែនជារឿងចៃដន្យឡើយ។
ប្រាកដជានៅមានអាថ៌កំបាំងចំពោះវប្បធម៌របស់ប្រជាជនជប៉ុនបុរាណ តើអ្នកធ្លាប់គិតថានៅថ្ងៃណាមួយរឿងខាងលើនឹងត្រូវបានលាតត្រដាងដែរទេ?
Abe Kengo
-
យុទ្ធនាការ “ទទួលចិញ្ចឹមមនុស្សពេញវ័យ” នៅជប៉ុន -
តើជប៉ុនកាលពីសម័យមុនគាំទ្រចំពោះការសម្លាប់មនុស្សឬ? -
ករណីវិជ្ជមានជំងឺកូវីដ ១៩ ដំបូងគេនៃគ្រួសាររាជវង្សជប៉ុន -
ចំនួនយុវជនជប៉ុនមិនធ្លាប់មានស្នេហាកាន់តែច្រើនឡើង -
មនុស្សជាច្រើនយល់ខុសអត្តន័យនៃពាក្យ Itadakimasu និង Gochisosama -
ទំនាក់ទំនងរវាងជនសង្គមងងឹត និងសង្គមជប៉ុន – តើ Yakuza អាក្រក់ដូចដែលអ្នកគិតទេ?
-
ហេតុការណ៍ដ៏រន្ធត់ នារីម្នាក់ត្រូវគេចាក់សម្លាប់ រីឯបុរសលោតចូលផ្លូវរថភ្លើងស្លាប់ភ្លាមៗ -
ក្រុមជួយសង្គ្រោះជប៉ុនបន្តស្រង់សរុបចំនួន ៦ សាកសពក្នុងករណីធ្លាក់ឧទ្ធម្ភាគចក្រ -
តារាសម្តែង Ichikawa Ennosuke សន្លប់ក្នុងទូសម្លៀកបំពាក់ ចំណែឯឪពុកម្តាយស្លាប់បាត់បង់ជីវិត -
បារនៅ Tokyo និង Osaka បង្កើតបរិយាកាសអោយភ្ញៀវមានឳកាសនិយាយភាសាអង់គ្លេស ខុសពិន័យកាតលឿង -
ពិធីបុណ្យនារដូវក្តៅនៅប្រទេសជប៉ុន 生野区夏祭り -
ដំណោះស្រាយបញ្ហារើសកាសគ្មានខ្សែ Panasonic ផលិត “ម៉ាស៊ីនបូមធូលី”